Video
Exit D1, Nam Cheong MTR Station, Exit C1, Sham Shui Po MTR Station
continue reading
Telephone
35801728
Introduction
Established in 1998 by an experienced Chef Marco, the restaurant is famous for its authentic Italian cuisine. Steaks, oysters and seafood are offered at reasonable price.
continue reading
Opening Hours
Mon - Sun
11:00 - 22:00
Above information is for reference only. Please check details with the restaurant.
呢間位於西九3樓的餐廳，見幾好環境，經過時侍應都好有禮貌叫可以試下，咁就入去試下囉，不食過又不知好不好的嘛，因為肚餓，所以叫了個雙層安格斯漢堡連薯條試下，連加一服務費都成$100的，我先說服務員的態度是不錯的，幾好的！好了，個包來了，都真係好大個好高，用竹串住的，我就快快拿掉竹串吃一啖試下先，就只是一啖，我知中伏了，咬落去啖肉乾到柴皮咁，一丁點肉汁都冇，還好似肉碎咁散開晒，沙律醬只有少少，好像冇醬咁，都成$100個的嘛，不想浪費才食到大半，後來個侍應走來問我是否吃不晒，我照講話好難食，見佢問我了，我就問返佢，個漢堡是不是即煎的？佢話不是，一早煎定的，唉，我都估到啦，乾到咁樣，我心諗，成舊水食個煎定的漢堡，你好食都仲可以講丫，超級難食囉，麥當勞漢堡都多汁過佢好食過佢啦！
continue reading
落去黃金買電腦野，一行就行咗三個鐘，有陣時同未來老婆大人行一個鐘都覺得好攰，男人的浪漫真係好難解釋，買到一袋二袋又攰又肚餓，就要過去搵埋未來老婆大人一齊食lunch, 去到西九龍廣場，就諗起有間扒房幾好食，仲要有超平生蠔，但係未來老婆大人唔想食生蠔，我就叫咗一個開運菜俾自己，德國鹹豬手飯，外皮炸到薄脆，零脂肪，豬手肉煮到已經離骨，好容易就切得開配菜係甘筍，中和咸味，是日餐湯係忌廉蘑菇湯，蘑菇已經打到變咗蓉滑溜
continue reading
今日同老公去深水埗買電腦，等砌機期待揾食，本來想食煲仔飯，但去到網上講嘅一間餐廳門口發覺好有伏味，即刻調頭，行行下原來西九好近，好耐無去過就過去睇下，水牌發現意外驚喜，居然有間Oyster Bar & Grill，呢個地區應該唔會太貴，即管入去試下！內部裝修好有特色，枱同枱之間都唔會太迫，坐得都算舒適！勁餓之制睇到menu有幾款生蠔選擇，其中蘇格蘭生蠔有優惠叫半打送兩杯白酒都係$180，就試試佢。呢個價錢都唔會expect 太多，生蠔等咗一陣已上枱，根據本人食生蠔經驗目測已經覺得好新鮮，仲隻隻都有番咁上下肥美，食落口最正係生蠔雪得夠凍，十分鮮甜，配埋少少新鮮檸檬汁已很夠味，新鮮程度連海水都飲埋，老公平時好少食都忍唔住食咗兩隻，其餘4隻我一個人食曬！原來西九好近，好耐無去過就過去睇下，水牌發現意外驚喜，居然有間Oyster Bar & Grill，呢個地區應該唔會太貴，即管入去試下！內部裝修好有特色，枱同枱之間都唔會太迫，坐得都算舒適！勁餓之制睇到menu有幾款生蠔選擇，其中蘇格蘭生蠔有優惠叫半打送兩杯白酒都係$180，就試試佢。呢個價錢都唔會expect 太多，生蠔等咗一陣已上枱，根據本人食生蠔經驗目測已經覺得好新鮮，仲隻隻都有番咁上下肥美，食落口最正係生蠔雪得夠凍，十分鮮甜，配埋少少新鮮檸檬汁已很夠味，新鮮程度連海水都飲埋，老公平時好少食都忍唔住食咗兩隻，其餘4隻我一個人食曬！之後食完先再上主菜，叫咗牛10安士牛扒，老闆娘好細心講解，建議食到生就5成熟最好，7成可能會比較「靭」，果然5成剛剛好，不果個蒜汁如果能夠分開上更好，因為餐牌好似無寫有汁，我預計係乾燒鬼佬style d. 老闆娘另一細心之處係牛扒原另外比yellow mustards，味道同牛扒好夾，老公唔太餓就淨係食咗煙三文魚凱撒沙律，煙三文魚唔係一片的無咁靚，所以無影！唔記得左開頭仲有個磨菇湯都好香，好濃郁！so far, 都幾好味忍唔住叫埋甜品，老公食芒果布甸，我食心太軟，份量十足，成餐飯食完我勁飽，眼闊肚窄！*最回味同推薦係生蠔，認真意外驚喜！
continue reading
這餐廳的價錢不特別昂貴， 而且有一定的水準。吃的比很多港式西餐正宗， 有某部分中上環的水準。店員也有非華人籍( 這些人的笑容總是較我們香港人更甜美，香港人真的要反思)相信本身廚師或者餐牌設計人， 是有正式西餐的經驗。這次叫了忌廉汁煙三文魚天使麵(單價$40，套餐$56， 包含餐湯及飲品)由這款忌廉蘑菇湯， 是由打碎的蘑菇而成，非數片蘑菇或草菇，便知有料。忌廉汁煙三文魚天使麵已經很少見這樣價錢的西餐， 忌廉汁份量多而且不肥膩，香。條狀/塊狀的三文魚口感較片狀更加厚實，對我是另一個嘗試。 而且這樣切，更能讓每口也能吃到三文魚， 不會造成三文魚和麵先吃光的狀況。不知為何人流不夠多， 明明較旁邊的大型連鎖店更加有水準，價錢相約甚至人便宜。而且門口貼上要求商場退回關掉商場日子的租金紙條， 希望商場能考慮在這艱難日子大家一起渡過。大家也支持一下吧。晚上好像偶爾有人來演奏音樂。
continue reading
星期日同屋企人經過呢間舖見到佢貼左poster俾業主加租，見入面個場好冷清，一於入去支持下！之前都有食過幾次，味道幾好，lunch價錢又抵。我哋叫左3個餐，有嘢飲同甜品。香草汁鯛魚飯$50，魚肉有咬口，唔係廉價個種魚。依家出面好多餐廳都係用平價鯰魚柳，食落鬆散口感好差。呢間餐廳用嘅絕對唔係個種，同埋食得出係比較新鮮嘅魚肉。配埋香草汁，非常香口。泰式咖喱豬軟骨飯$56，食落有香茅同其他香料味，豬軟骨軟淋，都好多舊肉。西冷牛扒飯$62，有兩塊牛扒，有少少筋，但以呢個價錢，咁大份肉好抵午餐包餐湯或甜品，我哋揀左甜品，今日係芒果布甸。一嚟到見到實在太驚喜，咁嘅價錢仲送咁有心機嘅甜品，實在太過份！希望多啲人會支持呢間舖，佢啲嘢食真係唔差，算係有質素亦都希望業主唔好加佢租，呢派市道不景，大家都好艱難，唔好逼到人哋咁盡啦！
continue reading