Marco's Oyster Bar & Grill (Moved) New Location

呢間位於西九3樓的餐廳，見幾好環境，經過時侍應都好有禮貌叫可以試下，咁就入去試下囉，不食過又不知好不好的嘛，因為肚餓，所以叫了個雙層安格斯漢堡連薯條試下，連加一服務費都成$100的，我先說服務員的態度是不錯的，幾好的！好了，個包來了，都真係好大個好高，用竹串住的，我就快快拿掉竹串吃一啖試下先，就只是一啖，我知中伏了，咬落去啖肉乾到柴皮咁，一丁點肉汁都冇，還好似肉碎咁散開晒，沙律醬只有少少，好像冇醬咁，都成$100個的嘛，不想浪費才食到大半，後來個侍應走來問我是否吃不晒，我照講話好難食，見佢問我了，我就問返佢，個漢堡是不是即煎的？佢話不是，一早煎定的，唉，我都估到啦，乾到咁樣，我心諗，成舊水食個煎定的漢堡，你好食都仲可以講丫，超級難食囉，麥當勞漢堡都多汁過佢好食過佢啦！

落去黃金買電腦野，一行就行咗三個鐘，有陣時同未來老婆大人行一個鐘都覺得好攰，男人的浪漫真係好難解釋，買到一袋二袋又攰又肚餓，就要過去搵埋未來老婆大人一齊食lunch, 去到西九龍廣場，就諗起有間扒房幾好食，仲要有超平生蠔，但係未來老婆大人唔想食生蠔，我就叫咗一個開運菜俾自己，德國鹹豬手飯，外皮炸到薄脆，零脂肪，豬手肉煮到已經離骨，好容易就切得開配菜係甘筍，中和咸味，是日餐湯係忌廉蘑菇湯，蘑菇已經打到變咗蓉滑溜

今日同老公去深水埗買電腦，等砌機期待揾食，本來想食煲仔飯，但去到網上講嘅一間餐廳門口發覺好有伏味，即刻調頭，行行下原來西九好近，好耐無去過就過去睇下，水牌發現意外驚喜，居然有間Oyster Bar & Grill，呢個地區應該唔會太貴，即管入去試下！內部裝修好有特色，枱同枱之間都唔會太迫，坐得都算舒適！勁餓之制睇到menu有幾款生蠔選擇，其中蘇格蘭生蠔有優惠叫半打送兩杯白酒都係$180，就試試佢。呢個價錢都唔會expect 太多，生蠔等咗一陣已上枱，根據本人食生蠔經驗目測已經覺得好新鮮，仲隻隻都有番咁上下肥美，食落口最正係生蠔雪得夠凍，十分鮮甜，配埋少少新鮮檸檬汁已很夠味，新鮮程度連海水都飲埋，老公平時好少食都忍唔住食咗兩隻，其餘4隻我一個人食曬！原來西九好近，好耐無去過就過去睇下，水牌發現意外驚喜，居然有間Oyster Bar & Grill，呢個地區應該唔會太貴，即管入去試下！內部裝修好有特色，枱同枱之間都唔會太迫，坐得都算舒適！勁餓之制睇到menu有幾款生蠔選擇，其中蘇格蘭生蠔有優惠叫半打送兩杯白酒都係$180，就試試佢。呢個價錢都唔會expect 太多，生蠔等咗一陣已上枱，根據

這餐廳的價錢不特別昂貴， 而且有一定的水準。吃的比很多港式西餐正宗， 有某部分中上環的水準。店員也有非華人籍( 這些人的笑容總是較我們香港人更甜美，香港人真的要反思)相信本身廚師或者餐牌設計人， 是有正式西餐的經驗。這次叫了忌廉汁煙三文魚天使麵(單價$40，套餐$56， 包含餐湯及飲品)由這款忌廉蘑菇湯， 是由打碎的蘑菇而成，非數片蘑菇或草菇，便知有料。忌廉汁煙三文魚天使麵已經很少見這樣價錢的西餐， 忌廉汁份量多而且不肥膩，香。條狀/塊狀的三文魚口感較片狀更加厚實，對我是另一個嘗試。 而且這樣切，更能讓每口也能吃到三文魚， 不會造成三文魚和麵先吃光的狀況。不知為何人流不夠多， 明明較旁邊的大型連鎖店更加有水準，價錢相約甚至人便宜。而且門口貼上要求商場退回關掉商場日子的租金紙條， 希望商場能考慮在這艱難日子大家一起渡過。大家也支持一下吧。晚上好像偶爾有人來演奏音樂。

星期日同屋企人經過呢間舖見到佢貼左poster俾業主加租，見入面個場好冷清，一於入去支持下！之前都有食過幾次，味道幾好，lunch價錢又抵。我哋叫左3個餐，有嘢飲同甜品。香草汁鯛魚飯$50，魚肉有咬口，唔係廉價個種魚。依家出面好多餐廳都係用平價鯰魚柳，食落鬆散口感好差。呢間餐廳用嘅絕對唔係個種，同埋食得出係比較新鮮嘅魚肉。配埋香草汁，非常香口。泰式咖喱豬軟骨飯$56，食落有香茅同其他香料味，豬軟骨軟淋，都好多舊肉。西冷牛扒飯$62，有兩塊牛扒，有少少筋，但以呢個價錢，咁大份肉好抵午餐包餐湯或甜品，我哋揀左甜品，今日係芒果布甸。一嚟到見到實在太驚喜，咁嘅價錢仲送咁有心機嘅甜品，實在太過份！希望多啲人會支持呢間舖，佢啲嘢食真係唔差，算係有質素亦都希望業主唔好加佢租，呢派市道不景，大家都好艱難，唔好逼到人哋咁盡啦！

想避開人潮，早一點十二點正到西九龍中心吃午餐，這間店一個人也沒有，不過裝潢雅緻，人少就更舒適。set lunch 由五十多元到百多元都有，豐儉由人，不過午市都要加一。我點了忌廉汁三文魚千層麵配沙律，忌廉湯和凍奶茶。忌廉湯很好味，沒有像其他餐廳濃稠稠的，蘑菇味濃郁，忌廉香滑。三文魚千層面的忌廉卻顯得有點淡，如果千層面中的三文魚多一點就會更好，整體來說三文魚千層麵味道還好，搭配的沙律不是羅馬生菜，而是一般球狀的西生菜切片配上沙律醬和芝士粉，沙律有點失色。凍奶茶的奶有點過多，卻仍然掩蓋不了茶的嚡口感。整體來說，這是一間舒適、價錢合理、味道不錯的餐廳。

🍴黑松露意大利雲吞💰HK$52（另收加一服務費）·《朋友聚會》西餐廳最啱坐低慢慢食 可以傾下計大部分既食物都唔算貴套餐都係五、六十蚊包湯同飲品感覺幾抵食但今次只選擇單點一碟黑松露意大利雲吞上餐速度都算快 食物上枱熱辣辣 仲會霧熱氣餐牌上冇寫到意大利雲吞會有埋意粉所以唔知道仲以為得幾舊雲吞份量係比我想像之中多淋上白色嘅醬汁 我估係芝士白汁加咗啲黑松露係醬汁裏面醬汁嘅份量係完全夠撈成碟意粉👍🏻而且非常飽肚意粉口感非常彈牙爽口意大利雲吞先最正🥰一碟有5件都幾大塊既雲吞裡面包住鵝肝醬好有特色 而且好高級既感覺廿歲女第一次食鵝肝唔知點分係好唔好味😅唔知係醬汁嘅芝士味太重定係鵝肝醬本身就好似芝士味🤔成碟意粉俾我既感覺就係好重芝士味唔食芝士 或怕膩既人要小心真係好邪惡🤣但我鐘意份量上 相信一個普通既女仔食完都會覺得飽CP值高👍🏻 重口味嘅芝士迷值得一試·另一位朋友叫咗一個$40嘅煙三文魚沙律但係份量極少 食完得一成飽😂另外值得一讚就係佢地嘅服務態度有位女職員態度非常之好唔知係咪老闆娘因為我唔食得牛魚同埋海鮮落單之前都有問清楚雲吞裏面究竟係包住啲咩餡料佢都非常之仔細回答甚至幫我問一問大廚感覺店員態度極

西九龍中心雖然有個foodcourt，亦都有好多餐廳仔有排你食，但環境就麻麻😶，啲櫈又斜，所以成日都係買外賣算。如果想坐得舒服少少，我多數會去呢間喺3/f嘅餐廳。餐廳唔太大，都多人食，所以有時都要等下位，我呢日同個同事都等咗10分鐘到。呢到有2款menu，一款係有得揀單點定配餐，另一款就係指定5-6個set lunch。有得選單點定配餐果份要+$16先有飲品同餐飲，我覺得都幾唔抵💸，所以多數唔會加。雖然唔叫嘢飲，但餐廳都有提供水的；另外留意返餐廳lunch time都收加一的。我次次嚟食都係叫忌廉汁煙三文魚天使麵(單點$40)🐟🍝，份量唔少，三文魚唔係大大片，但都算多，面頭有啲芝士碎，另外仲有唔少菇同露筍👍🏻。個汁都ok嘅，唔會太濃或淡，不過佢轉咗隻天使麵無咁好食，較扁身。Overall都算好食。我同事就點咗香煎鯛魚扒飯配香草忌廉汁($50)，跟餐湯/甜品同飲品(凍飲又加$3)。我就無試，但佢話塊魚中間位置好似熟唔哂😰，所以食剩一半...。總括嚟講，餐廳正正常常啦，味道不錯(我碟pasta)，但價錢就性價一般，如果要set計埋加一要成$60。餐紙見到佢哋有生蠔賣😮，估唔到。店員都比較忙

今日行深水埗，經過西九龍中心，就決定入去搵野食。呢間餐廳門口寫住有即開生蠔，有美國同埋法國兩款揀，而且價錢唔貴，美國生蠔只係賣18蚊隻，而法國生蠔就賣24蚊。我地每人都叫左兩隻黎食，雖然兩款蠔就比較細隻，但係美國生蠔就好夠鮮而法國生蠔就海水味好重，呢個價錢算係咁！Main dish我地叫左一份燒豬手飯同埋忌廉三文魚意粉，不過啲豬手就真係麻麻地，啲皮好硬唔夠脆口，用刀都好難先切得開，而忌廉三文魚意粉就幾好食！

西九龍中心入面啲餐廳出名平，不過質素就一般般，呢間都唔例外😂我同朋友一行二人，叫咗兩個餐，可以揀餐湯或甜品，我就同朋友一個嗌餐湯，一個嗌甜品，試晒兩款！蘑菇湯有驚喜，飲得出係blend出嚟，入口食到一粒粒蘑菇，加上cream味濃，還不錯👌🏻主菜方面，一個係黑松露意大利雲吞，味道不錯，黑松露醬夠曬濃！另一個係豬手飯，豬骨非常大嚿，肉好少，而且外皮煎到好硬，不推薦甜品亦不推薦嗌，如圖可見，士多啤梨蛋糕只係得海綿同埋cream，非常搵笨

今日唔使返學，約咗去朋友間鋪整指甲，之前未有野做，食少少野先去整，下午3:00左右到達西九龍中心，遊蕩左好耐都搵唔到一間靜靜地又坐得舒服嘅餐廳，之後決定去shopping一下先，點知喺3樓發現到一間蠔吧，望吓原來有下午茶餐有豬手喎，仲要$48，仲要包一杯飲品，真係唔洗諗一於走入去試試，有得食啦，比想像之中精緻好多，豬手外皮脆但啲肉已經離骨，無諗過西九龍中心都有咁既質素真係好正，以後可以有多一個飯堂係整指甲之前食。

塊“肉眼扒”食得嘅地方得3分1都冇，仲要薄到沙嗲牛肉塊牛肉都厚過你，問職員仲要話<安格斯係咁嫁喎>，態度差劣，第二次再次追問先可以退餐。茶餐廳幾十蚊嘅質素都比呢問好。定係而家物價真係貴到咁，$188都不過如此

今次係西九龍呢個平民商場搵至好野食本來打算隨便入去食個午餐試下，點知有驚喜！脆皮徳國鹹豬手配蜜糖芥末醬果然係脆皮切落去有脆皮爆開既”咔咔”聲味道都唔錯，唔會太鹹，燒得都好嫩唔乾薄切西冷牛扒飯配黑椒汁肉質唔錯只有少少筋，味道都好有牛味，煎得好香略嫌真係有點薄，要切大舊啲食夏威夷式黑豚扒飯豬扒肉質唔un，不過比較起牛扒就有點遜色，唔夠香口黑松露意大利雲吞汁係類似黑松露忌廉湯既濃郁版好夠黑松露味底下有少量意粉，配呢個濃郁版既黑松露忌廉湯汁好夠味不過食到最後有點膩

帶小朋友到深水埗市政室內遊樂場的糖果屋玩完，順路去西九龍中心的餐廳吃飯，用openrice 訂座該餐廳很方便。我們點了3 個套餐，有豬扒，有魚柳，有豬手，有飯又有意粉，有飲品又有甜品，份量很足夠，味道很美味，價錢合理，侍應生態度也很好，不會因為見我們帶了2個小朋友比較麻煩同亂，唯獨欠沒有BB椅。餐湯：磨菇湯 👍🏻主菜1.香煎鲷魚扒配香草意粉👍🏻主菜2.德國鹹豬手配香草意粉👍🏻有驚喜很好味主菜3.香煎豬扒配飯👍🏻跟餐甜品：芒果布甸👌甜品：朱古力心太軟配雪糕👍🏻餐飲：涷檸茶，蘋果汁👍🏻總數：$298

大家都知西九龍係一個平民商場，一眾餐廳主打廉價，而呢一間餐廳可以係西九龍屹立不倒一定有佢嘅優勝之處。星期六去到當晚，有一個叔叔間唔中會拉住個結他企喺餐廳門口唱歌，其實咁樣清唱係相當唔簡單，所以我都俾咗少少地$20支持下佢。叫左四隻分別係$28嘅法國生蠔，海水味比較淡，個汁做得幾好，生蠔都十分新鮮，齒頰留香，係一個唔錯嘅選擇。叫咗一個鵝肝牛柳餐，$200幾蚊有湯有意粉有甜品，但係舊牛令我好失望，叫左5成熟，煎到出嚟好韌，太熟。有啲似香口膠咁好難咬。鵝肝就一啲熟，一啲位好似上面幅圖咁，煎得好食嘅鵝肝果皮係脆扑扑嘅，應該係外脆內軟，但依度就做唔到啦。蘑菇湯同龍蝦湯就正正常常啦。依個係跟牛柳餐嘅多士，法包都幾脆，三文魚他他都OK。另外叫咗一杯枊橙特飲，$24一杯，裏面有好多柑，好甜，呢個好好飲啊！另外叫咗個肉醬意粉都好好味，呢隻意粉唔會鞋口，十分之煙韌，芝士亦都好足夠，調味做得幾好，推薦大家嗌呢個。最後上埋甜品心太軟，心太遠蛋糕做到流心效果。總括黎講，牛柳同鵝肝就麻麻哋，但意粉同生蠔都好食嘅，下次嚟西九龍中心會再上嚟，因為商場都冇乜邊間餐廳好食，一咪主打平。