Marco's Oyster Bar & Grill (港灣豪庭廣場) (Closed)

好食的排長龍，唔好食的當然唔去啦！所以去港灣豪庭找食會人流較少。經過這店，感覺座位寬，睇到餐牌，選擇不算多，午餐有沙律、薄餅、扒飯或意粉等。黑椒豬扒$50，好平喎。加$10要磨菇湯。先來餐包和湯，起初見個包仔不期望，但原來很軟熟，味道不錯，似黑糖麵包。磨菇湯也非常足料，味道和稀稠得宜。主菜來了，賣相很不錯，兩大片豬扒，份量不欺。但我會寧願一塊厚切，因為口感更豐富，肉質會不像現時太薄有啲乾硬了。講完主菜，更加要講另一主菜，就是生蠔了。這店做優惠，可以$10一隻生蠔。既然主菜還可以，就試下。送來，見到蠔的色澤幾好，不過大小不一，有啲瘦削，除殼後有啲細「粒」。味道都算鮮甜，$10/隻好抵。但最非常不滿就是開殼問題。半打中，有兩隻都有碎殼，立時bad mood，影響了。餐廳位於商場入口，而餐廳本身大門常開，這樣冷氣就唔多夠，天時暑熱，不太涼。如果沒有蠔殼問題，我都會重臨和極力推介，而家就次選了。

跟朋友來晚餐。晚市套餐包括牛肝菌磨菇湯或凱撒沙律、主菜、咖啡/茶；還可以以優惠價添加甜品。看來不錯，就跟朋友選了兩份主菜一同分享。❣️ 牛肝菌磨菇湯牛肝菌磨菇湯以新鮮菇菌打造而成，菇味濃郁，⼝感豐富。加上香氣四溢的⽜肝菌，味道層次倍增。配合自家製黑糖麵包，外層帶鬆脆，內裏質感綿密，味道不甜膩，不錯。❣️ 黑松露野菌帶子天使麵黑松露香氣撲鼻。帶子富海鮮鹹香，天使麵混合黑松露野菌醬味道比想像中豐富，入口濃厚滑溜，啖啖充滿黑松露的幽香。❣️ 燒原隻德國鹹豬手大大只的燒原隻德國鹹豬手外層脆口，肉質嫩滑，鹹香味道濃厚。添上黑椒汁，鹹豬手的味道更多了一份辛香辣味。🍰 紐約芝士餅口感綿密細滑，芝士味道濃郁。  🍹 凍檸檬茶茶底清爽不澀。原來有生蠔放題，但必須先要電話預約訂座，下次來時要記得先預訂呀。

今日 11:15左右喺餐廳坐底 (早餐供應到 11:30)用 QR code 落單無耐有個高大女侍應問我可唔可以轉枱轉完枱 到 11:28 個高大女侍應好大聲同我講「 你未落單喎」我話轉咗枱 佢話我未成功落單咁我就請佢人手落單 因為驚個系統一分鐘內落唔切到送餐時 另一個侍應話餐包無曬就放底碟嘢走咗我叫返佢 問佢有無第二啲嘢比返我佢話多士要加$2 跟住入廚房問問完比咗塊包我目測有啲枱仲無同個客講 等個客問係咪少咗啲嘢同時段其他人都係默默接受無咗個餐包

餐廳選擇非常之多，🍖 威靈頓牛扒、豬手、意粉，通通都有，而且外賣相當抵食，大部分只係~$50，堂食價錢大約係兩三倍，但相信份量會差一截。不過佢哋店名寫住生蠔專門店，來依到一定要試試佢～🍝 黑松露野菌帶子天使麵 $168呢個天使麵配料幾豐富，有芝士絲同香草鋪係上面，而黑松露汁較水狀，要撈一撈先均勻， 味道都幾濃郁，菇味出晒嚟，天使麵較口感比較幼身， 連埋切碎絲嘅帶子更易入口。🦪 即開生蠔 $60食完濃味嘅薄餅之後食生蠔，清新啱啱好，Dinner set +$60 可以要多6隻生蠔都幾抵食，其中幾隻都算肥美，雖然冇寫產地係邊到，但鮮味都算夠， 仲有啲海水味添。🥗 凱撒沙律上菜時有兩個蜜糖黑麥包，香甜有咬口，沙律上面鋪滿左巴馬臣芝士，撈埋香脆嘅麵包粒幾香口，蔬菜新鮮味道唔差，但欠缺左凱撒沙律必要既醬汁同埋雞肉，加上份量唔多。🍕 四季薄餅依款適合兩個人一次過試唔同口味，有齊四種風味薄餅：煙肉、香腸、蘑菇、田園芝士，餡料鋪滿整塊餅底，每一份都各有特色，我最鍾意蘑菇芝士底， 口感煙韌味道唔會太重口味。餅皮係薄底脆脆個隻， 邊邊位燒到好似餅乾咁非常香口。Marco's Oyster Bar & Gr

在大角咀港灣豪庭商場的Marco's Oyster 餐廳，環境優雅，晚市點亮枱上的小燈，饒有情調。晚市套餐包括湯或沙律、主菜、咖啡或茶，再可以優惠價錢追加甜或雪糕。先來個「牛肝菌蘑菇湯」，非常濃郁的蘑菇香味，忌廉綿滑，加上滿滿的蘑菇粒。黑糖麵包黑糖味濃，鬆軟可口。「凱撒沙律」，蔬菜新鮮爽口。主菜：「黑松露野菌帶子天使麵」，黑松露特別香，帶子亦鮮味十足，天使麵幼滑，口感很好。「慢煮美國有骨豬鞍架」，豬鞍巨型，分量充足。經慢煮烹調，特別腍軟，嫩滑多汁。肉質甘香可口，完全展露豬肉的鮮味。配上新鮮即炸薯條，香噴噴。甜品：「自家製提拉火蘇」，奶滑和黑朱古力雙重口感，非常合配。這裏的食物有質素，加上環境舒適，真是物有所值。

放工來到大角咀揾食，最後來到Macro’s Oyster Bar &Grill。點了Set Dinner 2份，跟餐加$60蚊點了半打生蠔，除開$10一隻。生蠔新鮮即開，食到海水味，好鮮甜。早知點夠一打！餐廳仲有好多其他款生蠔，好實惠抵食。牛肝菌蘑菇湯質地濃稠，好香牛肝菌味，飲落Creamy。自家製黑糖餐包，香軟帶脆。黑松露野菌帶子天使麵份量不少，上面有兩粒肥美的香煎帶子，灑上了芝士粉，令醬汁更濃更更Creamy。慢煮美國有骨豬鞍大大隻上枱，外皮燒得卜卜脆，豬肉粉紅色帶鹹香，有啲筋位自帶肥肉，食落更有口感，單食不用點醬亦夠味。一旁的薯條亦是新鮮炸起。跟餐的凍朱古力、凍檸樂亦夠濃。意大利果凍雪糕平時西餐比較少食到，雙層雪糕冰凍口感，唔算太甜，幾好食。Tiramisu自家製出口十分不俗，夠濕潤又夠酒香，甜口帶甘，好食！餐廳出品不俗，不過下次一定要再黎食蠔!

細個嘅時候唔係好識欣賞生蠔呢樣嘢到大個咗，食過第一次，間中就會想食吓見呢間以食蠔為主打嘅餐廳，決定試試佢餐廳環境闊落，暗暗哋嘅燈光，令人好relax睇睇Menu，有晚餐套餐、包18隻蠔嘅套餐仲有啲二人或四人餐任君選擇🙆🏻‍♀️話明以生蠔作主打，餐廳亦有一個生蠔餐牌提供美國、法國、澳洲、南非等等唔同嘅生蠔一場嚟到，我哋決定散叫生蠔，試吓有咩分別🦪🦪🦪🦪🦪自選生蠔12隻🦪🦪🦪🦪🦪分別叫咗六款生蠔各兩隻，介紹返先💁🏻‍♀️上層由左至右：美國石蠔 > 法國St Vassl > 法國 Fine De Claire下層由左至右：法國Four Season > 法國Schaller > 澳洲Coffin Bay😌全部生蠔都非常新鮮，比較三個國家嘅蠔法國嘅蠔最有海水味🌊當中Four Season同Schaller係價位高少少明顯大隻同厚身啲，海水味亦都最濃個人最鐘意Schaller，蠔味最出，但唔會係腥美國同澳洲嘅雖然細隻少少，但都好鮮甜最開心嘅係自選12隻生蠔仲送紅/白酒一支😍食蠔當然配返白酒飲吓，prefect match🤲🏻食完生蠔，再叫咗一份晚餐套餐包咗一個湯/沙律

今日去大角咀做嘢，放工約左好友食飯，佢推介位處港灣豪庭嘅Marco Oyster Bar and Grill，咁就去試下啦。每個dinner set都包餐湯，餐包和熱飲。牛肝菌蘑菇湯個湯真心好正，好暖胃。濃濃嘅牛肝菌味衝擊住我嘅味蕾，越飲越滋味！蒜片活蜆炒意粉$168啲蜆好吸睛，大大隻，食落好鮮甜，一啜滑入口，唔錯。意大利粉炒得乾身又唔會油淋淋，連青椒絲一齊炒，爽口好食，最愛個蒜味，同啲蜆真係好夾，味道冇得輸。寶雲酥烤紐西蘭羊架 $338朋友愛羊架，烤得外脆內軟腍，佢話個羊羶味真係超級正，一片一片，大啖大啖咁食勁快就KO 咗，配菜喺炸薯條，加了少少辣粉調味，食落更惹味。今次冇叫生蠔，叫餐嘅話$60就可以有六隻生蠔，咁抵，下次再嚟會試吓。

呀仔今晚請食飯，知我鍾意食蠔🦪就帶我去咗大角咀一間唔起眼西餐廳食蠔，地方比想像中普通，門面自己去就唔會入去😝，當坐低就有少少會唔會中伏的感覺😅但睇完餐牌又好似好吸引，商量過後每人叫咗一份晚餐再加左半打🦪，心諗咁嘅地方試一試最基本的先。首先就上咗個生蠔先，夠冰凍夠多冰，啲蠔夠冰凍，麵包唔係普通豬仔包仲暧暖哋，個湯我覺得可以再熱啲，跟住上菜上得超快，上完牛扒上意粉，其實慢啲可以食到啲食物，熱辣辣可能更加美味。整體食物係可以的價錢合理，真心希望佢哋改進上菜時間。一定會再去。😍

話說媽媽話想食蠔🦪所以搵咗間有蠔食嘅西餐廳可能因為我哋星期一去同埋比較早食晚餐 所以佢唔係好多人 不過正正因為咁樣，而且芬圍比較暗 加上佢播歐美流行pop 👍🏼👍🏼令到未食嘢已經好期待🫣咁我同媽媽分別，叫咗個一人set佢係出咗名嘅牛魔王🐄 所以唔使講都知佢一定叫美國雪花肉眼扒 我本身鍾意食澱粉比較多 所以我就叫咗個黑松露帶子天使麵🐚前菜方面，叫咗佢個牛肝菌蘑菇湯🍄拎上枱嗰一刻已經聞到好香濃嘅鮮蘑菇味 食落口嘅時候會食到蘑菇嘅殘渣 完全感受到佢係用攪拌機將牛肝菌打碎來做湯 而唔係出邊金x湯嗰一種咁水 咁冇口感 如果想再濃的朋友 可以將半舊牛油🧈 用落啲湯度 令到味道更加昇華肉眼扒🥩一上枱嗰時我就即刻試咗佢個薯條🍟先 去非常酥脆 而且冇油益味 配上香辣嘅調味粉 簡直一流 雖然肉眼扒我哋叫咗七成熟 但係上到嚟都唔會話好韌 好老 非常有肉味 如果本身比較鍾意油香味多啲嘅朋友 一定要試呢個肉眼扒👍🏼咪睇呢碟意粉細細碟🍝 佢內籠好深 絕對夠晒飽 而且佢黑松露醬比得好足 夠晒味之餘，又令到意粉可以掛汁 十分好味🤤🤤重頭戲梗係呢一個蠔啦佢可以追加$60半打 媽媽話佢一上菜嘅時候好夠凍 而且冇腥味 值得

最近朋友介紹左我一間餐廳，話嗌set dinner 可以加$60 有半打生蠔😍即刻拉朋友去食啊 gogogo🦪生蠔控不要錯過啊！$10一隻黎講，都算ok，有海水鮮味，亦都吾會真系薄到無咩肉👍🏻而個main 我地就嗌左個燒原隻德國咸豬手 $268 大大隻豬手，仲配埋薯條😍 豬手一切開就見到滿滿的骨膠原，啖啖肉，而個皮都炸到好脆！另外仲嗌左份煙曛烤雞翼（6隻），價錢十分相宜，都只系$48😋好抵食！一路食一路都見到吾少人嗌外賣，應該都主要做街坊生意～好彩都俾我發現到呢間平民西餐廳！

平日的港式早餐，除了煎蛋或炒蛋外，其他的配料不是火腿便是腸仔，不是腸仔便是餐肉，不是餐肉便是煙肉，了無新意，這一天在這間在香港有數間分店的 Marco's Oyster Bar & Grill 吃的「醒晨早餐」（$42），總算有點新意，除了四款湯粉麵、煎蛋和較特別的蜜糖燕麥包外，還可在火腿、煙肉、餐肉、紐倫堡腸、豬扒、雞扒、吉列龍脷柳和我今次揀的煙三文魚八款配料中任揀一款，都算較為特別。這早餐的煎蛋是煎得不及格的，甜甜的蜜糖燕麥包就還好，配以通常在吃自助餐時我才偶然會吃一兩片的煙三文魚，再加上足料而且較為健康的雜菜湯通粉，這「醒晨早餐」，相比起幾近千篇一律的茶餐廳早餐，我還是覺得它挺有誠意的。

用app book 見有折，又見到咁多好評，加上見到熱門有威靈頓牛扒，就特登入大角嘴試一試呢間餐廳。當晚有live band，唱得好好聽，好有feel，當時覺得無揀錯。頭盤叫咗兩隻pacific rock生蠔都好夠鮮甜好好味之後個小食拼盤就一般，同薩莉亞差唔多倒最後個威靈頓牛扒係我食過最難食嘅牛，口感比十成熟嘅牛更韌，仲要好乾，肉質係見到一絲絲，似拎左黎煲左好多轉老火湯先可以咁柴。然後未擺入口就聞到一種奇怪嘅味道，食兩啖有種臘鴨、臘肉果種味🤢🤢🤢呢個質素賣788 🤯就算五折咗都$400⋯⋯食咗兩啖真係頂唔順⋯⋯咁難食嘅嘢都可以拎出嚟賣，仲要成$788🤯

入門口就聽到有live band，唱得好好聽，好有feel,即刻好期待呢一餐一開始叫咗兩隻最平果個生蠔 pacific rock都好夠鮮甜好好味之後個小食拼盤就一盤，大概係薩莉亞個水平⋯⋯不過都無影響我哋對威靈頓牛扒嘅期待，點知唔係失望咁簡單，係我食過最難食嘅牛威靈頓牛好韌，仲要好乾，似拎左黎煲左好多轉老火湯先可以咁柴，有種臘鴨味好顛，呢個質素賣788 好無良，個牛嘅質感差過大家樂，極唔推薦係呢間餐廳叫牛黎食

呢一間喺屋企附近嘅西餐廳出名抵食又好味，好多街坊都係常客，成日爆滿，我一想食蠔就會去！照舊叫一打自選生蠔送一支白酒，我個人比較喜歡半打半打咁叫，試咗當日有邊款好食，再encore😋基本上每一次去啲生蠔都好新鮮，就算唔係特別肥美但都鮮甜。假如怕食得多生嘢，都可以叫焗蠔，但係感覺上都係生蠔好食啲🤔之後再叫咗一個發國鵝肝拼牛柳餐前菜三文魚他他🐟佢同我嘅預期有少少唔一樣🤣唔知點解跟塊碎蛋多士，味道中規中矩龍蝦濃湯 🦞想像中嘅味道，夠香濃有龍蝦味鵝肝拼牛柳牛柳煎得啱啱好，入邊仲係粉嫩色，鵝肝亦都唔會煎得過火，連埋牛柳一齊食兩種油香喺口腔中爆發，滿足！最後叫多咗個松露朱古力雪糕，非常驚喜！之前都冇食過呢款甜品，層次豐富，朱古力非常順滑，而且唔會過甜仲帶少少朱古力微苦，自己食晒一個都唔會覺得膩，強烈推薦呢個甜品！