緣味小聚 (LADDER Dundas)

Open Now

Now Closed

一開始個蒸海鮮係ok既，d海鮮新鮮，但個湯底非常垃圾，無味既，令到d食物都唔好食，食物種類亦唔多，雪榚直頭係冇，埋單每人3百幾，完全唔值，陰濕收費極多，飲野又位位20蚊，醬料費又位位60，得d普通醬料，環境又差，百幾蚊任食絕對好過佢，垃圾，千奇唔好去~~~~~~~~~~~~~~~~~~~~~~~~~~~~~~

餐牌寫3人同一人免費。埋單都要$1050，平均每個$350。食物太少選擇，比起其他火鍋店貴好多。食物質素一般。飲品太少又要加錢。$350打邊爐又少嘢撰我寧願俾多少少錢去酒店食自助餐

此餐廳巳外賣自取多次，每次既食物水準都冇令我失望，今日外賣深海龍躉件蒸飯，用了Openrice優惠減了$10，龍躉既質素唔太好食，冇咩肉，食了一半巳經冇食，下次都係食返蒸蝦或雞。

指示唔清晰，一張枱計時間就話一張枱計喇，book 嘅時候 & 坐落去未開始嘅時候再問有fd 會遲黎食少我地一粒鐘，係咪真係可以咁計法？個刻話「得」，最後係話唔得😡！咁book & 入座就咪話得喇！埋單每人要$5xx一位唔值，雖然話有打邊爐…無乜嘢食，指示最清晰係有職員無時無刻提你要食晒&食乾淨….大閘蟹細細隻，所以無限，10 隻入面只有1、2 隻有d d d 蟹膏，你可以話因爲隨機…. 食完蟹，職員會檢查蟹殼蟹腳，睇下客人食得乾唔乾淨，明明蟹腳無得食都要食客督爛佢先叫得… 打邊爐，order紙落嘅嘢同上嘅嘢唔同，原來佢地會就住客人嘅人數上，even無嗌嘅都會上，咁你咪整寫紙仔囉order喇，丸類上勁多，無可能會食得晒…..食物係會有機會由9樓就咁用客lift 拎落黎6樓，無蓋，部lift 乜人都會搭喔😷最後係食到一肚氣，真係可一不可再！

一星期前訂好任食大閘蟹，當日主動追問先再覆話無任食，價錢不變只比8隻你，乞衣嗎？詐騙商家，大家千祈咪去幫襯。態度又唔係好，仲要係我主動追問先講，如果我唔問咪焗我上轎？咁樣做生意真係無良心

首先，地方很逼，餐牌佈滿了油，真係唔想用手拎！其次個餐牌寫得十分差，花了很多時間才明白內容~ 是這樣的： 餐牌寫了一個價錢任食火鍋放題，奇怪的是，任食的種類很多，亦有不同級數，望了很久，再問清楚，原來係無限加$$ 無限任食，飲品亦一樣！即係話先比二百幾才可任意加$$ 叫嘢食再任意加$$ 叫嘢飲！（那麼半島酒店西餐廳都一樣係放題了） 值得一讚是，海鮮尚算新鮮！ 但汽水全部唔凍，選擇亦唔多！但用餐過程中，垃圾桶就正正放你腳邊（每張枱都係），侍應呀姐每次幫你執枱清骨，就大大力由高處倒骨，彈到你一腳都係！

價錢： 6／10 （是次約人均$370）環境：6／10 （地方較細）味道：7／10衛生：7／10服務：7／10總評：是次選了$288 ，4送2，蒸海鮮定食，送半隻雞，外加任飲任食火鍋。 呢度多種配搭可選，由貴至平都有，食既時間也可選，可就自己所需而食。一入到去，大廈新淨，但地方較細，只有十張枱左右。有專心set時間蒸海鮮同分海鮮。 質素可以，食過龍蝦，扇貝，大蜆細蜆後。開始打邊爐。我地加配的是59.8任食餐，有M5 牛，有牛味。任飲方面，有忌廉，台灣菊花茶，康師傅飲品，王老吉等等。環境方面，冷氣夠，但坐得比較迫。 4人一枱。

過嚟食大閘蟹放題，大閘蟹係自己面前個蒸爐度蒸，一次蒸十幾分鐘，每次每人2隻，不過佢蒸完一次蟹之後，會拖至少十幾分鐘先俾第2次蟹你，之後再蒸蟹十幾分鐘，再叫蟹，又係等十幾分鐘先上蟹，如是者，1個鐘頭只係每人最多食到4隻，中間我地蒸住個餐嘅海鮮先，叫佢拎大閘蟹俾我地，佢地都係咁拖。我地知食蟹需時，所以已經揀咗3個鐘套餐，店方突然埋單前1個鐘話last order, 我地都未開始打邊爐，啲蟹又上得咁慢，唯有放棄大閘蟹，轉打邊爐啦，啲和牛質素真係好麻麻，未見過咁瘦都可以叫和牛，其他料都係一般貨色啦。最後埋單嘞，點知唔俾我用openricepay同現金劵，話大閘蟹餐唔用得，咁我仲有4個朋友食蒸海鮮餐，佢話嗰張單就用得，不過用咗仲貴過唔用，用就畀1139蚊，唔用畀現金就1403蚊，佢地咁樣做生意都得？！任食已經係咁拖時間，蒸完一轉蟹要等十幾分鐘先再俾一轉蟹你蒸，催極單都係咁慢，咁孤寒就唔好做任食啦，間鋪冷氣又差，態度又差，平嘢就好快上，貴嘢就拖好耐先上，拖到你都唔夠時間食，black list!

太嬲了，星期一打嚟預約今日星期五食5小時蒸大閘蟹，接電話的工作人員話旺角full左，咁我就話收線 再打去銅鑼灣店問啦，工作人員聽到後主動問我要唔要幫我預約 ，既然有位 緊係ok啦，留晒名 電話 時間，仲好客氣咁收線。點知今日到銅鑼灣分店 同店員對資料入場時，佢地話冇紀錄，又爆晒場冇得walk in，當時同朋友一齊真係呆左 跟住就梗嬲啦， 特登山長水遠出嚟預食大閘蟹 點知冇得食，周圍又full晒，真係好激氣，如果留完資料但唔通知分店 或分店冇紀錄好既 咁就唔好主動比希望人。最後仲咁差態度 一句冇位就算。真係好過份！😡😡😡

我哋今日一行六人， 最初嚟到感覺地方細 ， 但當有餸菜嚟的時候 老闆很細心話畀我哋聽慢慢食不用急， 期間我哋不斷地點大閘蟹絕對冇say no ，食到捧住個肚走， 店舖有人情味， 相聚好地方， 絕對唔似其他餐廳食兩隻就同你慢慢嚟 大閘蟹， 絕對係我肥滔推介

入到門口，有點反左國內飯店嘅感覺，成幅牆貼滿價錢，食物非常普通。在openrice預付訂左一個長腳蟹餐，不過原來你在現場隨時有得嗌，根本唔需要提前俾錢叫，講到好似好搶手，但其實質素真係非常普通。d座位坐得唔太舒服，有點迫夾。到所謂任飲，但係d嘢飲又唔夠凍，啤酒個d牌子又什乜(但成間舖都貼藍妹),但個雪櫃一枝都無。火鍋d配料一般，M5牛朱肉任食食就唔唔係特別好味，d朱肉都好騷下，總之就麻麻地，非常一般。

一早喺openrice道訂枱和買現金卷。去到環境座位窄就算喇。打甂爐最弊環境熱。食到身水身汗，已經心情不佳。但食物還可以，但選擇偏少，食完埋單時話148特價唔用得現金巻。我真金白銀買架，又話要198正價才收，有條款就早啲出聲啊。噉我嗰200元現金點算，又唔提出解決方法，最後傾左一大輪，我提出嗰20元差價我補回，當時他同意的。但付款的時候，我使用現金券，但回家看付款記錄的時候，竟然現金券沒有使用是從我的賬戶上直接扣了200元，這樣20元的差價我白比，現現金巻還在帳上。可恨

為慶祝朋友生日，所以諗住一試呢間海鮮粥底火鍋～但間店既坐位同枱都幾窄，環境幾焗促，好在佢都開得幾大冷氣我地叫左$288套餐，假日+$20、醬油+$20，另外仲叫多個每人$39.8既點心、火鍋套餐1）$288海鮮粥底火鍋啲海鮮非常新鮮尤其隻龍蝦超新鮮、彈牙、爽口、鮮甜無得彈！勁好食！啲蜆其中有一隻有沙，其他都好好食，好新鮮！完全唔洗點任何醬料！食到咁上下啲粥未得，就可以叫$39.8套餐既野食黎淥～2）$39.8套餐牛肉球、蟲草花雞牛肉球幾好食，有酒樓質素（以為任食係麵粉團果啲），蟲草花雞就靭啲2豚1牛，中間係黑毛豬，所以係最好食當然仲有菜～都幾靚啲菜，本身$288係唔包～3）$39.8點心叫左幾樣點心，都中規中矩，算幾好食，最好味係呢2個包encore左一次！係「奶皇包同紫薯包」！奶皇包好似圖中咁，熱辣辣又流出黎！勁正總結：🌕🌕🌕🌕🌑服務都好好可能少人；但都幾有禮貌，不過多人食既話CP值先高

好多方面都好差，完全同呢度既評分相反。首先套餐價錢有好多附加費，計算方法好複雜，好似簽緊電訊合約，各種費用計落都唔平，例如有假期附加費。海鮮質素麻麻，尤其元貝overcook左，咬落好似食緊擦子膠。海蝦亦好唔新鮮，見到隻蝦有的發黑，感覺發霉。最差既係從來無侍應幫我換碟，食到後面隻碟裝滿海鮮殼都無人換碟。食食下仲聞到間餐廳有好大陣煙味，侍應又不斷chur我地加料。真係好差，後來唔夠飽番屋企食杯麵算。

-雞煲、打邊爐、韓燒有時食到悶都要轉吓花款，蒸氣鍋都係一個唔錯嘅選擇！今次試咗旺角嘅緣味小聚，係比較特別嘅蒸氣鍋放題。一開始會先嘆原盅燉湯，燉足6小時絕無味精，滋潤又開胃！🤩-之後就有豐富海鮮拼盤，包括蘇格蘭蟶子皇、紐西蘭帶子、韓國大鮑魚等多國精選海產，再加2個鐘無限量任食安格斯肥牛、田園有機蔬，同埋豐盛八寶蒸飯，夠哂滿足！韓國大鮑魚好大隻好厚肉，鮮味十足，爽口彈牙。澳洲M5和牛都好正，脂肪分佈平均，肉味濃郁。最特色係個八寶蒸飯，蒸飯飯粒粒分明，有好多款配料，夠哂飽肚。😋-依家係Togetda網上預訂 (https://bit.ly/3z96Ic5)，可以獨家以優惠價5折，$398/位起享獨家【霸氣阿拉斯加長腳蟹刁鑽海鮮蒸氣鍋放題】任食澳洲M5和牛、西班牙黑毛豬、點心等及低至＄244起嘆【豪華龍蝦海鮮蒸氣鍋半放題】任食安格斯肥牛，或只需加$48.9，無限量升級任食澳洲M5和牛、特級牛板腱及8至9款燒賣點心甜品。❗-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 緣味小聚 (LADDER Dundas) (旺角)📍 旺角彌敦道575號 L