海灣餐廳及海灣咖啡室

Open Now

Now Closed

端午節，一家四口一起去食lunch buffet, 順便幫小朋友慶祝，訂位時已經說明幫小朋友慶祝生日，餐廳職員 confirm我booking 時有講明會預留一個生日cup cake和生日牌給小朋友，但到餐廳時完全沒有這回事，餐廳staff完全當冇事發生。講真我都俾左幾百元一位的buffet 價錢，我當然唔會同你計較一個cup cake，但身為一家5星酒店的餐廳，是不是要對你承諾給客人的事情負責尼？這點真的有點失望。再者，餐廳裡的廚師態度也不是很好，特別是負責壽師和煮刺沙的兩位，只是我多問幾句，已經用很不耐煩和很 ‘寸’的語氣來回答我的問題，講真我知就唔使問你喇，大哥！如果你對公司有咩意見，你應該找你公司，不是發洩在客人身上。侍應清理桌上的空碟也很慢，過來加水，就真的來加水，唔會收埋d空碟，果然係 ’專業‘。最後，海鮮桌食物refill的速度好慢，長腳蠏几乎是長期懸 ‘空’ 。期他食物質素也沒有什麼特別。

鍾意食自助餐嘅我 今次要試吓海洋公園嘅萬豪酒店自助晚餐 酒店環境好靚而且好寧靜 餐廳對住酒店游泳池個靚境 未食就已經興奮自助餐6:30開始 餐廳嘅門口個識轉嘅大雪櫃已經十分吸睛呢間自助餐其中一個賣點就係蒸龍蝦其他酒店自助餐絕對少有嘅蒸龍蝦 每人每次只限攞半邊 非常新鮮 龍蝦肉很彈牙 肉汁也非常鮮甜 仲可以加芝士汁 此外 必食嘅仲有鵝肝漢堡鵝肝煎得非常之juicy 仲有必食嘅脆皮燒豬脆卜卜十分好味道除此之外 是日燉湯係松茸菇響螺竹絲雞燉湯🤤仲有和牛同蝦子撈麵 仲有好靚嘅燒味區冰鎮海鮮都有好多款到甜品有雪糕: Haagen dazs, I scream, 同movenpick食到眼睛也發亮了仲有脆卜卜嘅雞蛋仔 同好多種味道嘅macaron壓軸嘅係抹茶紅豆心太軟 賣相十分掂完全食唔晒想食嘅嘢就已經飽了 嗚真係好唔捨得走~

因為某網上平台做promo, 折完$4xx位, 所以造就左呢次開心之旅未食之前已經知道呢度有清蒸龍蝦了, 一直好期待, buffet 6:30on 準時開始, 第一時間當然去拎龍蝦啦龍蝦: 因為新鮮, 唔怕清蒸無味,一食爽口 鮮甜, 龍蝦肉配上蝦膏同食 羊架: 看似好生, 本身都有d卻步, 但食落 味道一流, 熟度岩岩好鴨肝和牛漢堡: 好正, 味道同出面專門店無 分別, 前後食左2個美國和牛: 個人都係覺得日本和牛好味d大大隻嘅赤蝦同大大粒帶子, 新鮮味美, 最開心竟然有三文魚子壽司, so happy, 第一次食buffet 有呢款壽司任食咋, 好開心, 可惜當晚太多好野食, 太飽只食到一件咁多舞茸竹絲雞"鄧"湯, 好香好味, 點都要飲一盅呢間萬豪buffet 真係好正, 試過真係好難返轉頭但原價真係唔捨得成日食, 如果要有super promo一定再食!

三天的假期，全家到這邊玩。入海洋公園前，要先食飽飽。提前向酒店職員了解，自助早餐的繁忙時段，就在8AM開始，所以全家早在7:30AM入座，實行＜早起的鳥兒有蟲吃＞。就因為時間尚早，客人不多，環境尚算寧靜。而客人大都是同聲同氣的香港人，看來酒店的推廣不錯呢！　先繞場一週，看看有什麼好東西。水果：火龍果，藍莓，青紅蘋果，橙，菠蘿，蜜瓜，西瓜，奇異果　凍肉盤：很多粉紅色的肉類，還有煙三文魚。　芝士盤：六款芝士　　有常見的Brie cheese和Cream cheese, 也有少接獨的羊奶芝士Goat cheese，Edam cheese艾文芝士Emmenthal cheese埃文達芝士。最特別是Herb & Garlic Boursin波爾斯因芝士（香草及蒜蓉）配梳打餅一流。沙律：不同的沙律菜和Salad dressing。個人比較喜歡把煙三文魚和巴馬火腿夾著苜蓿芽，一拼享用。　奶製品：有小杯乳酪和多款香港本地品牌的奶製品。　　蛋類專櫃：炒蛋／烚蛋／煎蛋／蒸蛋／奄列　就趁没有人排隊時，特地點了芝士蘑菇洋蔥奄列，餡料超多。其實更想把所有配料都加到奄列！包點：十多款的包點，款式超多，真係食包包食

今年首季公司業績理想，所以公司領導人拿錢出來請吃飯。投票決定一行十二人去了海洋公園旁邊新開的酒店吃自助餐。雖然閒日標價每位 $638 似乎有點貴，幸好，有同事利用網上預定可享七折優惠，那麼個價錢就化算好多了。傍晚六點左右，我們大軍已殺到，餐廳說，六時廿分便可讓我們入座。我們在餐廳外邊的泳池傍影下相，打下卡，好快便到入座時間了。餐廳很大，分了幾個區，又新又靚，不過空調不太夠。識食的必是先食新鮮龍蝦，每人每次限取半隻。我們心想，吃夠一隻已經可以回一半本了，所以，一開波，我已吃了一隻龍蝦，再加多一個鵝肝和牛漢堡。龍蝦非常爽口鮮美，鵝肝和和牛都很出色。中式部有燒味、燉湯、湯粉麵和蝦子麵類。西式那邊烤三文魚值得試，而西班牙燒豬就是必吃的，因為非常脆皮。日式代表有刺身、壽司，但是不算太吸引，只是幫襯少量刺身。另一日式代表是鐵板燒和牛 (來自美國的)，味道、口感沒有預期般好，食力較少的朋友可以留肚吃其他。其他cold cut、沙律、冷盤熟海鮮質素一般般。甜品、糕點、雪糕選擇非常多，小朋友來的話必會喜歡。今餐本來可以比80分的，不過，到尾聲時，職員拿出幾個綠茶蛋糕出來，向客人推介。我們都要了三個來試。

見新海洋公園酒店新開，襯家人生日，就黎呢到食！不過就無咩驚喜，熟食款式種類相對較少，味道ok，中規中矩。試一次就夠了。冷盆有呢幾款排隊就有好野食😐 呢個清蒸龍蝦🦞都幾鮮甜👍🏻 不過佢一batch 咁出，排一排隊先有得食刺身款式算多，新鮮， 但味道就一般呢度係其仔熟食，排隊的和牛都係好味😋 都係要排隊先有得食😐另外燉湯都值得一讚👍🏻 足料好味今晚special 係每位一份花膠鮑片，花膠係幾大，但係我果份就唔夠淋啦。最滿意就係甜品，款式真係好多，細細件可以試多d , 好味的，唔會甜到唔想食👍🏻見到個雪糕櫃好開心，款式好多👍🏻

趁著復活節期間，公司同事提議一同到海洋公園聚餐，對上一次已經是聖誕節的時期了。由於復活節期間，餐廳準備了不同的甜點應節，就先從甜品開始介紹。各式各樣的曲奇佈置成復活兔的樂園。餐廳的甜品區域佔最大空間，最特別的是連雞蛋仔都有供應，喜歡吃甜品的一定要來試試。刺身非常新鮮，赤蝦及帶子必點。冷盤的海鮮亦新鮮鮮甜，煙三文魚味道可口。中菜區域提供的菜式質素相當高，當日沒有中式點心，反而供應蒸扇貝，而炒蝦仁及鮮魷都爽脆鮮甜。燒味部的叉燒及燒鴨，味道一流，必試。餐廳內有西式的燒烤區，午餐時有羊架、烤豬腿肉、雞扒、各式腸類及烤蔬果類。午市時分有廚師為客人親自烹調龍蝦伊麵，雖然只是龍蝦鉗的部位，但龍蝦肉新鮮，還是挺好吃的。伊麵的味道會較淡，建議可自行加芝士作配搭，成為芝士龍蝦伊麵。最讓人興奮的是這個會旋轉的雪糕櫃，櫃內放有三款牌子，六款味道的杯裝雪糕，是午市回本的取餐一大位置，謹記留肚吃雪糕喔！

今次被老闆派遣到黃竹坑做野，黃竹坑我真係一啲都唔熟路囉，仲要放成差不多3個鐘break，勁想喊！正當好頭痕諗緊去邊到打法時間時，同事話不如過對面酒店食啦！即刻打電話去問有無位，又好好彩，有位喎，正，於是急急腳行過去食好西了！我地一過地鐵站，就由天橋到真落酒店，其實真心好方便！人唔算太多，坐住好闊，可以坐得好舒服，野食選擇都好多，個旋轉雪糕櫃，真係好吸精！個有沙律櫃超多選擇，好多新鮮食材，涷盤無生蠔，不過青口好大隻好鮮甜，都已經好滿足了！仲有日冲式魚生，師傅厚切大大塊，好爽呀！仲有特飲任飲！

放假+優惠=自助餐見到klook做自助餐優惠，就book左「海洋公園萬豪酒店」試試，果然不負所望。先講環境，坐在大落地玻璃窗旁，光綫十分充足。服務當然唔會差啦，始終酒店嘛！重點係食物，一心諗住lunch buffet唔會有太多嘢食，都唔會期望太高，點知喜出望外！一入門口就見到一排糖果櫃，加一個圓形雪糕櫃（幾特別）雪糕竟然有3個牌子和多款味道。再行就會見到冷盤區和壽司區，刺身好新鮮，甜蝦好大隻，帶子仲原粒上，好大粒繼續就會見到熱食，燒味，粉麵。連龍蝦依麵，蝦子撈麵都有得食喎最後就是甜品區，除cake,布甸，生果這些外，pancake,雞蛋仔都有最後每人還包一杯飲品食物嘅種類真的很多，我根本有好多都未試，肚已經full左今次簡直物有所值

今次是用了klook訂位優惠，Dinner buffet 每人平均每人只是四百二十元 .這間酒店餐廳的晚餐buffet質素非常高,食物種類很多,而且非常精緻.海鮮種類很多,我最喜歡的是清蒸龍蝦 ,而且源源不絕供應,絕不欺場 .另外, 湯品的種類都很多,有中有西,而且還有燉湯.有時候酒店buffet的甜品都是好睇唔好食,但這裏的各款甜品樣樣都好睇又好食 ,令人目不暇給.酒店員工服務態度非常好,又親切 .最貼心的是他們會主動問顧客要不要剛出爐的梳乎厘.期待有下一次的promotion

上個月和太太到黃竹坑Marriot Hotel的 Marina Kitchen食自助餐慶祝生日，地點很方便港鐵黃竹坑站步行十分鐘便可到達。環境也不錯位置空間感亦夠大不會有侷促嘅感覺。食物選擇方面亦都好多例如有西班牙燒乳豬、和牛漢堡、蒸龍蝦等每樣都不錯，而甜品方面亦都有即製的造嘅班cake、各式各樣的糕點還有一個巨型嘅雪糕櫃提供不同種類嘅雪糕。咸點中以燉湯以及蒸龍蝦最吸引性價比高值得一試再試，下次有機會都會再去的。😋😋

話說余媽媽到左Marriott海洋公園酒店餐廳Marina Kitchen & Cafe食Lunch buffet~ 係門口附近已經見到部好過癮嘅自轉雪糕機~有余小b大愛嘅Häagen-Dazs雪糕呀! 隔離仲放左一大座糖果機, 真係好大嘅誘惑呀! (余媽媽用盡九牛二虎之力才帶到余小b番埋位!!!) 以Lunch buffet嚟講, 呢度食物款式都算幾多, 無論係冷盤定熱盤都有好多選擇~ 而最吸引我當然就係刺身和海鮮啦! 吞拿魚和帶子特別美味, 要食多啲呀! 呢啲日本直送嘅魚生刺身都係屬於可持續海鮮, 大家可以放心食用啦! 仲有好多款好吸引嘅甜品, 賣相靚到唔捨得食呀! (絕對係好睇又好食) 聽聞dinner buffet仲會有麪包蟹, 波士頓龍蝦和鱈場蟹腳等, 諗起都流晒口水, 海鮮迷又要出動喇! 咁有質素嘅buffet, 價位預左一定唔會太低, 平日Lunch buffet成人三百幾蚊起, dinner buffet成人六百幾蚊起, 另收加一服務費~

每逢幾個月總會有一餐自助餐令到自己十分驚喜，繼上次在金鐘的JW萬豪吃過一餐令人難以忘懷的自助餐後，今晚又再有同樣令人吃得滿足又幸福的一餐。 無獨有偶，同樣是萬豪的出品，而且係呢幾個月最火紅最多人關注的海洋公園萬豪酒店。 新開了一段短時間的海灣餐廳及海灣咖啡室，在萬豪酒店剛剛開幕的時候，我曾經看過一下這裏的自助餐，因為當時公司有優惠，所以看看會唔會好抵食才買那時的優惠套票，可惜當時的陣容並未留下深刻印象。 今天來吃過這裏的自助餐的時候後，方發覺回頭已是百年身，當時如果買了那個優惠，我一定會食完再食，買兩次都唔夠，同不同的親戚朋友分享過後，他們都不約而同有興趣來吃，因為這裏的自助餐實在太吸引！ 感覺就像點解唔一百蚊買騰訊一樣，我而家好後悔當時無把握公司的優惠。 不過而家遇上喜歡的自助餐，不如想想及時行樂再食多次好過，就而家推薦一下當晚吃過的東西。 第一樣我會大讚的一定係即叫即整嘅龍蝦counter，我相信你去食自助餐食龍蝦一定食過，但係活生生嘅龍蝦新鮮原整蒸原隻切原隻食你又試過未？甜度新鮮度不用多說，淨係看到長長人龍你已經知道不能錯過，成本之高昂你吃兩件都可以翻本。 第二個好shar