Video
Opening Hours
Today
11:00 - 21:30
Mon - Sun
11:00 - 21:30
*Takeaway service will be only provided after 18:00
Above information is for reference only. Please check details with the restaurant.
野食👌，但環境真係好嘈，啲侍應真係好嘈，成日丫大個口係咁講野，係咁傾私人野。真係好想靜靜地食個飯。唔係唔比講野，但都唔係係咁講係咁講大佬，把聲又尖，有時都係想安靜地食個飯啫。
continue reading
本來去附近吃飯，因為太多人，見隔離孖寶去骨海南雞冇乜人，入到去原來佢都做好多外賣！外賣套餐$49，好抵，難怪咁多單！見啲人通常嗌海南雞飯，海南雞飯好大碟，就嗌海南雞飯，呢間嘢好耐之前已經見佢派傳單排到嚟屋企附近，但係好遠，一直都冇諗過會嚟食。一開始就上咗一人一個湯，雞腳有粟米紅蘿蔔，不過睇唔到湯渣，南瓜湯好甜，諗起上次響旺角食嗰間海南雞，又係有南瓜湯，唔通海南人鍾意飲南瓜湯？因為香港出街食飯好少會飲南瓜湯。老公嗰個係加大：我就標準口水雞，上枱以為攞錯，原來口水雞啲雞係普通海南雞，只係另外上一碟辣醬：唔係好辣，因為我叫小辣，飯係標準，佢可以加辣，分大中小，我係小辣，下次可以嗌個中辣，或者大辣，個套餐其實仲抵，有埋菜$65咋嘛，我嗰個細啲45，佢嗰個55，個女就食雞扒肉燥飯：都好多飯，雞扒即炸，所以等好耐，啲肉都OK，冇雪味，不過佢見我哋食得咁滋味，佢話下次都係食返海南雞飯！
continue reading
今日係附近工作，係屯門周圍行下搵外賣，見海南雞都幾吸引。今次叫左一份例牌海南雞。部分位置有骨，雞既肉質幾滑，醬料都算味濃，職員好有禮貌，如果下次有多d quota會想幫襯海南雞飯。
continue reading
今日lunch經過孖寶去骨海南雞，之前聽人講話呢間啲雞唔錯，所以入去試下。點咗個海南雞飯套餐$65，包一碟生菜同雞腳湯，凍飲要另加$6， 即$71埋單。上菜上得幾快，幾分鐘就上晒全部嘢。個雞湯飲到有南瓜，好濃郁，隻雞腳啲腳甲未剪，睇到都唔開胃，所以冇吃。海南雞飯啲雞份量算多，佢仲俾咗隻脾我，但啲雞唔夠嫩滑，其中有幾件雞仲食到有骨，好一般。個飯好黃，但冇乜味，名過其實。啲嘢食麻麻都算，仲要越食越熱，好似冇開冷氣咁，我食到彪標晒汗，我後面檯的女士都同店員講話好熱。總括來說，試一次就夠。
continue reading
今日又去屯門練箭，練習前都搵d野食下，呢間孖寶海南雞好耐之前都試過唔錯，今日又黎食佢啦。店面細細，得幾張枱一眼望晒，人多時會比較迫d，今日中午1點左右黎都唔算好多人，但都有幾枱食客，地方細細就唔方便影個環境啦。坐底後都睇下餐牌，除左海南雞都仲有其他飯餐，價錢都係5-60蚊左右，不過都無包飲品，如加飲品就加6蚊，都合理。去骨口水雞飯（中）飯有得揀大或中，價錢差10蚊，由於不是太肚餓所以就揀個中size，黎到飯量就約1個飯碗左右，唔太肚餓當茶餐食都ok，先講講飯可揀白飯同油飯，我就揀油飯，佢地都係我鍾意既黃薑飯，黃薑味少少唔太濃，飯既質量偏硬身少少，我個人就ok，好過食濕飯，口水雞都係用返去骨海南雞，辣汁同雞係分開上，雞俾左脾位都幾滑，雞皮都爽口係差咁d啫喱，辣汁就少少酸辣同平時食開既口水雞辣汁有分別，都缺咁d花生香，我個人如果當海南雞點酸辣汁食係ok既，但如果一心想食正式既口水雞個感覺就會差d。凍檸茶跟餐加6蚊，叫左少甜但都朗偏甜dd，如果無少甜可能會更甜，要留意下，茶味輕微，凍飲水準普通無特別出色。整體黎講海南雞小店質素都叫唔錯，價錢都算合理，行開附近想食海南雞我都會再食。
continue reading