孖寶去骨海南雞 (又新街)

Open Now

Now Closed

住咗元朗咁耐其實都未試過呢間野，食開果D都食到悶晒，上嚟睇人介紹呢間野點知初試我就已經愛上咗呢間D雞......係我係香港食過咁多間海南雞入面，最足料，最夠飽，雞最高質嘅食店真係冇誇大架，有一段時間我仲係咁瘋狂介紹埋俾身邊D朋友$44一個餐包雞湯飯(原來加咗價$2)，讚好佢仲送杯豆漿，堂食仲可以加湯，抵到爛難得一次同朋友嚟食，叫晒佢果度３種雞，順便影返張合照留返個食評啦３種雞為海南雞﹑口水雞﹑巴辣雞，雞件上其實同一種雞就冇太多分別，主要係口味上嘅分別值得一提每碟雞底都有大量嘅芽菜，而且芽菜有別於平時食開嘅一陣青味尤其是配巴辣雞，超級無敵入味！！餸飯冇得輸口水雞味道都錯，辣度適中，偏川香及酸香，開胃想試再香辣D特別D嘅可以揀巴辣雞，特製嘅香辣醬真係食唔停口當然重點介紹都係招牌海南雞，可以純粹地食到雞肉真正嘅鮮美海南雞愛好者都知道，除咗食佢夠晒滑嘅雞皮，雞肉要夠嫩之外，最緊要係皮脂肪層中果一層透明啫喱，呢度嘅海南雞就達晒標，層次分明，雞皮同雞肉皆滑嫩，完全冇雪藏雞味，十分好食。配飯係油飯，唔需要另加錢，軟硬適中，色澤飽滿，粒粒分明雖則唔會D米反晒油光算健康，不過我都係鍾意油香再重些少就好了

由於這店與我公司非常近，又鍾意食油飯，於是便幫襯這店外賣，以下是我三次不快的經歷：1.）外賣沒有單，只比錢後，之後亞姐就會遞出來，只憑那個亞姐記認。嗰次係比錢遲過我的，已取外賣，我仲未有，問個位亞姐，才發現她的記憶溜了，於是便立刻追，結果因沒有油飯下，便一等再等，不過他們在外賣中送了一罐汽水。2.）昨晚外賣暢順，不過我是叫口水雞套餐外賣，回家後，才發現是海南雞套餐。3.）今晚告訴個位亞姐，昨晚錯了，佢問係咪佢遞出来.嚟？我答係，佢唔出聲（個樣係無可能）。之後我又等，她就在外面架上取了一袋外賣，攞番入去，撕掉個袋出面張外賣紙就遞比我，我問佢乜一直係度？佢竟然答新鮮出嚟，個膠袋出邊仲有個被撕開膠紙嘅窿。其實我唔係介意先取別人未攞嘅外賣，但係點解你唔一早比我呢？相信係呢位亞姐唔想做我生意，我唯有成全佢！

既然以海南雞成為主打的餐廳，就當然要點海南雞吃！在雞未到以先，一下單就有伙計送上例湯！完全是足料靚湯，好好飲！橙色的湯色，證明它的南瓜與湯完全融為一體，啖啖湯水都有南瓜絲在其中，讚！海南雞（例），部份雞胸肉+雞脾肉，份量不算多，也都不太少，$55可接受。有三款醬料，足夠有餘！很少地方吃到$10油菜，還是有一棵左右的份量，非常優惠！另外，試一試口水雞，不太辣、在醬料裡又有點醋，有點特別，但不是想像中的四川口味。

店內姐姐非常友善, 不過冇比較冇傷害, 始終海南G, 暫時食過好多間, 最好味仍然係淘大花園既柏檔海南G, 元朗呢間G 肉吾夠滑, 皮肉中間冇啫喱, 元蹄幾un下, 價$算合理~😌

11:00開門，一早企定係處做佢第一個客。元朗又新街食肆林立，要打出名堂站穩陣腳每月交貴租後仲要有錢落袋就只能靠實力。又係啲今時今日係食肆普遍見到但形同虛設嘅隔板。感覺店鋪內頗混亂，東西四處放。拉開枱下櫃桶自取筷子的做法實在太不講究衛生，於是我向服務員要了一套外賣用的餐具。叫了一客冇骨海南雞飯套餐。不用怎麼等就送到臺上。賣相十分之精美可人，且看味道如何。我被分配的是一半雞胸一半雞髀肉，加一隻雞中翼，尚可啦。雞十分之嫩滑也有雞味，雖不至於很濃，以這個價錢是可以接受的。鷄皮口感偏爽脆，入口不羶也不膩。上圖上兩塊是雞髀肉下兩塊是雞胸肉。雞髀肉不用醬料也能嘗到鮮香。雞胸肉則用醬料較好。醬料中又以薑蓉最突出，最能帶出雞的鮮味。真想問店家是用了什麼秘方炮製的薑蓉，從未嘗過那麼好的。順道一提那油飯，是整個套餐中最差的一環，偏向太乾而且味道不夠香。驚歎食肆套餐的油菜會有那麼認真的一大碟，而且翠綠新鮮，令人喜出望外。這個湯有粟米、紅蘿蔔、南瓜。湯煲得很濃，沒有味精，但個人感覺有點太鹹。我離開的時候，店員仍忙著開鋪的工作。

元朗都算係多食海南雞嘅店舖，而無骨海南雞呢間算係比較出名。跟餐送例湯，唔係味精湯唔會口渴。黃薑飯，乾身煙韌，海南雞肉嫩，但皮未算爽，份量就夠哂飽。口水雞麻辣，雞就同海南雞應該係一樣嘅，鍾意食辣嘅就唔好錯過👍🏻

本身食物無乜野都算係正正常常咁但真係接受唔到個疑似老闆娘物體唔戴口罩四圍行，仲入廚房出菜又剩門口執外賣個丫姐個口罩用下巴戴廚房行出來既哥仔又係無罩食完都覺得好不安無下次，完

元朗嘅又新街個個都知道出名多嘢食又有日本餐廳又有中式餐廳又有西式餐廳今日食午餐諗住簡單食就試吓個海南雞飯喺門口見到佢放咗幾隻雞出嚟皮光肉滑望入去地方雖然不是太大，但都坐得闊落🤩餐牌選擇雖然不算太多，主要都係食海南雞，所以我就試吓個二人餐醬料係海南雞嘅精髓，三種醬都令到隻雞畫龍點睛海南雞飯雞肉夠滑，脂肪比例少的確係唔錯，唔使醬汁都好好味🤩皮又香👏🏻飯扁乾身黃又返本身已經很難香香粒粒分明食落一啲都唔油軟硬度剛好整體質素非常好海南雞飯附送南瓜雞腳湯食完海南雞同有返解膩一流👏🏻

呢日黎到元朗, 係郊遊前搵下午餐食醫左肚先, 見丁間間餐廳都開哂係呢間未開又處於個半開閘既狀態, 於是決定行下圈番黎睇下有冇緣食到佢~ 行左個圈番黎到又真係開左! 一於試試佢! 一入去坐低店員已經放低左個湯~ 個湯有雞腳又幾足料, 仲要飲唔到有味精! 讚! 我杜叫左口水雞, 海南雞, 油飯, 仲嗌左青瓜同蝦餅~ 青瓜份量勁多! 勁抵! 同埋d 醃料勁入味! 好正!同埋個底有好多芽菜用黎撈飯一流! 蝦餅夠哂彈牙同份量夠足! 點埋泰式辣醬食唔會太乾, 口感一流! 口水雞同埋海南雞個底都係有好多芽菜墊住! 食落夠哂爽口好正! 口水雞個味夠哂惹味, 可以送好多飯食都得! 而海南雞點醬食一流! 兩隻雞都夠哂滑! 好多老人家都黎食, 店員都好照顧佢地! 態度值得一讚!

「你啲海南雞係咪染咗色素嫁？」-聽到隔離枱嘅師奶咁樣問😂的確，呢間孖寶海南雞嘅雞同埋飯都係好黃既黃色㗎！但係唔使擔心，係黃姜粉既黃嚟嘅啫👏🏼黃姜粉對身體仲好好添❤️-這間位於元朗又新街的街坊小店，係快食午餐或者晚飯嘅好去處，一坐低就每人送上一碗冇味精靚湯👍🏻👍🏻要讚一個。招牌海南雞飯套餐（$64）的海南雞皮爽肉嫩，提供三式調味醬汁任點，最重要係真係冇骨～我已經食過好多次。 所以今次我試咗招牌口水雞撈麵餐（$55），我以為口水雞係麻辣嘅，但呢一碗係酸辣嘅！麵底有點湯汁，而且都幾辣，兼且勁大碗，飲埋杯送嘅豆漿，食完真係好飽好飽好飽！呢度仲有家常小菜，又有二人餐四人餐，又可以外賣，屋企要加餸來呢度買就好方便。

海南雞店香港就有好多喇，但呢間食落都幾正宗，口味選擇又多，有口水雞同正宗海南雞擇，店舖細細，老闆同食客都好close，有傾有講咁，好有人情味既小店，係香港真係買少見少，黎到元朗先有呢d清泉，係地產霸權之下，仲有些少生存空間。咁既經濟下，趁住仲頂到，好建議大家黎食下，算係支持一下真。香港個餐送左個黃油雞湯，仲有我最鐘意食既雞腳係裏面，堅係正，飲落無味精味，十足既老火湯。除左個湯，就梗係唔少得正宗油飯，米飯粒粒分別，色水都好均勻，食飯有咬口，同埋好有油香。醬料都係有三款，點黎食解下利，真係唔錯。口水雞，調味十分足，食落好香口，辣味唔算好勁，但就幾香，可帶出雞既香味。海南雞，雞皮有黃油，抵讚，食落嫩滑有雞味。

After my appointment ended at Yuen Long, i decided to have my dinner there before heading home. When i saw 新孖寶去骨海南雞, suddenly i have a craving for chicken rice. It was located several minutes walk from Yuen Long MTR.They served hainanese and chilli oil chicken rice, as well as appetizers, pig trotters, pork chop and curry rice etc. Coca cola with lemon - It was gassy and refreshing, suitable for this hot weather.Pumpkin with sweet corn soup comes with the set. It was sweet and nourishing, absorb

去咗元朗又新街買嘢，順便食個午餐，平時都係食下車仔麵，搵吓啲好嘢食，今日見到呢間海南雞好想試吓所以就同朋友入咗去食見到餐廳牆上面都貼滿晒孖寶二人餐，同四人餐既poster , 我哋今日兩個人所以就決定叫個二人餐試吓入面地方不算太大，只有六張枱，但是地方都坐得舒服，較為寬敞，枱同枱之間都有一段距離餐牌上面有好多唔同種類嘅套餐一去到坐低，職員就送了兩碗好濃郁嘅南瓜湯，熱辣辣南瓜味非常濃，兩杯豆漿夠晒凍冰冰😝豆味濃郁👍🏻飲落清涼甜甜的🤩呢碗油飯非常香嘅雞油味，入口不油，望到黃色以為非常油膩，但容易入口，仲要食到停唔到口海南雞既肉質非常滑，雞皮又夠爽口，排到非常靚起晒骨食落都非常方便下面用咗芽菜放抵，芽菜夠新鮮爽口

今日同老婆喺元朗行街，午飯時間想喺附近搵嘢食店員招呼我們坐低，看一下周圍環境地方還可以細看餐牌有很多選擇，最終我們點了一個孖寶二人餐這個海南雞食一口，雞肉嫩滑，又夠雞味，而且個飯係油飯，正！另外他配埋佢個海南雞醬汁嚟食真係一流最鍾意是這個油飯，一望落去已經很吸引，食落好入味，唔太鹹又唔會好乾，真不錯這個南瓜湯加了紅蘿蔔和雞腳煲，飲一口濃濃的南瓜味很清甜，紅蘿蔔也很好味，落足料真不錯而且飲完沒有口渴的感覺這個油菜也不錯食落口生菜爽嫩這個鹹魚煎肉餅又係一絕，師傅將表面煎到金黃色外邊卜卜脆內裏軟林，食一口有一陣淡淡的鹹魚香味，食起來十分滋味這杯豆漿也是他們自己製造的，飲一口透心涼，而且帶有陣陣的豆香味，十分濃郁

疫情維持左幾個月，好多小店都生意慘淡，趁住依家開始好轉，當然要出下門口幫襯下佢地。今日難得去又新街買野，順便幫襯下孖寶。鋪位係又新街轉角位，好易搵呢排重有醫護優惠88折，值得嘉許👍🏻👍🏻Menu選擇唔多，最主要都係食海南雞，今次我就同朋友叫左個2人餐share食首先黎到既係南瓜紅蘿蔔湯，好清甜，最鐘意係有南瓜肉湯渣🥰之後上左個飯同d醬汁比我地，個油飯真係好出色，入味得黎又唔會太咸，d醬用黎點下面果半隻海南雞，我個人就鐘意中間鼓油同右邊薑蓉，左邊隻泰式醬就好似同海南雞唔太襯隻雞就當然出色啦，夠滑，d肉又嫩，最欣賞佢去晒骨，岩晒懶人食😂2人餐重可以叫多樣餸，我地揀左煎肉餅。本身都諗住主力食雞，點知份肉餅幾令人驚喜，食落似豬扒，入面又唔會乾，好juicy，直得推介油菜就基本質素，幾爽口，如果隔一隔個底d水就重好，碟底d水溝浠左d蠔油個鋪頭格局其實唔大間，再加埋依家唔比坐滿，真係就咁睇都擔心呢d小店捱唔住，大家唯一可以做就係努力幫襯👍🏻