MARKA HOUSE

Open Now

Now Closed

牛意大利飯：好食， 南瓜湯；好飲， 豬扒：好食， 沙律：好， grapfruit orange soda:非常好， rose wine: gd, 環境衛生裝修：好好會再來，好發現， $500到，有家庭飯餐，bb椅非常好，圓table空間大， 手機落餐：方便， 泊車家庭好選擇

MARKA HOUSE平日去荃灣行街，再黎Marla house食野❤️❤️我叫左安格斯牛肉車打芝士漢堡配薯條$85，賣相好吸引，個漢堡整到好靚，每一層都好有心思咁擺👍牛肉肉汁都好夠，味道非常好🍔 之後我哋仲叫咗個煙三文魚班尼迪蛋$75，擺盆都係放得好靚👍👍我哋仲叫咗個甜品，法式焦糖燉蛋，好重蛋味，又唔會太甜$40呢間餐廳係用QR code落單，方便快捷👍整體評分：4/5味道：4/5環境：4/5地址：荃灣大河道98 號如心廣場二期1樓119號舖

MARKAHOUSE 平時經過呢間餐廳都幾多人排隊所以已bookmark左平日去試🤣 餐廳裝潢簡約落地玻璃設計感覺都幾舒服👍🏻Lunch Menu選擇唔算多但價錢都幾reasonable所有午餐都係$78加一又真係幾抵食😀澳洲安格斯牛肉車打芝士漢堡配薯條🍔識我嘅朋友都知道我係burgers lover所以食西式餐廳叫burger經常都會係我首選😝不得不讚呢度既burger😨佢嘅賣相的確相當吸引尤其是牛上面溶緊既芝士睇到真係好治療🤤😍 🍔burger嘅麵包非常有牛油香表面烤得香脆，中間既澳洲安格斯牛都算厚身有肉汁不過牛味唔算太濃郁. 配上香濃芝士同洋蔥蕃茄蓉醬汁一起吃卻是令一番風味而且減低了油膩感！sidedish既粗薯條剛炸起熱辣辣也非常香口👍🏻雖然不是我喜愛的美式漢堡不過以$78來講真係好抵食，唔錯👍🏻香脆魚柳全日早餐🍽賣相唔錯😁以呢個價錢份早餐真係幾豐富👍🏻主角魚柳都幾實淨而且無腥味，黑松露炒蛋的確炒得好滑身可惜蛋味唔濃無咩蛋香但其餘配料烤大啡菇烤蕃茄都唔錯鮮甜多汁好fresh!價錢合理餐廳又坐得舒服😄有下次

🤍MARKA HOUSE一直都聽聞荃灣有間好好味嘅玻璃屋餐廳🔎🕵🏻‍♀️雖然間鋪頭開係商場入面🙊但係裝修都係好精緻😍Partition係全透明玻璃外牆🪞真係幾靚嫁👍🏻∞ ∞ ∞ ∞ ∞ ∞ ◽️芝士烤雞全日早餐7/10 (HKD 95)全日早餐入面有芝士烤雞🐥蒜香炒蘑菇🍄黑松露炒滑蛋🥚烤蕃茄🍅煎煙肉蘆荀🥓同黑醋沙律🥗真係非常豐富！每個餸都做到熱辣辣上🔥feel到係即叫即製📞🤝誠意100分💯芝士烤雞🐥：雞肉嫩滑多汁👍🏻但芝士味唔太出🧀感覺到只食到芝士嘅卡路里而食唔到芝士本身🥲有點小失望😔蒜香炒蘑菇🍄：蒜味好香好濃🤩蘑菇彈班🥰超級惹味！大推！黑松露炒滑蛋🥚；黑松露好重手😚唔吝嗇！滑蛋夠滑🍳食落仲有濃濃奶味🥛牛奶同雞蛋水乳交融😙烤蕃茄🍅：普通煎煙肉蘆荀🥓：蘆筍好味！煙肉軟硬適中☺️黑醋沙律🥗：黑醋太酸喇🥲*:･･:*:･ﾟ･:,｡*◽️ 安格斯牛肉車打芝士漢堡配薯條8/10 (HKD 95）漢堡同薯條都新鮮整🥰好味！漢堡個味道調教得好好👍🏻超足料🤣舊牛肉漢堡厚過我隻手掌🤣而且好入味！好食過burgeroom🍔推薦☺️∞ ∞ ∞ ∞ ∞ ∞ 💭評分味道 7/10環境 8/10 ∞ ∞ ∞ ∞ ∞ ∞ 🔹

荃灣玻璃屋西餐廳未食之前已經聽過佢既大名！！見到真人之後真係覺得佢幾靚幾高級 全間餐廳以落地大玻璃為主可以睇到晒入邊嘅食客同埋餐廳嘅裝修 餐廳嘅裝修就以灰色為主 環境都幾舒服😽👍🏻食物方面都有驚喜！-香煎虎蝦忌廉芝士闊條麵 $128睇到佢嘅名係闊條麵但上到枱之後好似係意粉 頂多都係扁意粉🤨但侍應並冇講話闊條麵轉意粉 不過整體來講配搭都唔錯所以就算啦🧐香煎虎蝦有四隻可以同友人每人兩隻份量ok!!而且蝦味十足 蝦肉彈牙滿意啊😻而意粉方面都唔會特別乾而且重忌廉味！整體來講呢啲意粉很不錯呢💯-北海道帆立貝南瓜意大利飯$148首先真係要講下佢嘅意大利飯 粒粒飯有咬口絕對唔會一pat pat🤣而且汁唔會過多整到好水 應該算係正宗嘅意大利飯〰️唯獨南瓜味不重 而北海道帆立貝鮮味夠又夠淋 好味啊✨-黑醋蜜糖煙肉沙律+$25加$25嘅沙律來講佢都唔算太細碟 食唔出有蜜糖味但黑醋味係有既 算係一個正正常常嘅沙律😙-香烤南瓜湯 +$25南瓜味夠濃 飲落亦夠滑 應該係加左唔少忌廉 而且入邊都有一兩舊肉令到個南瓜湯冇咁單調👍🏻-整體來講呢間西餐NANA係會回頭的 因為環境不錯適合同友人慢慢食 慢慢傾😚當日平日食飯

我和親戚共三人中午12點左右到了Cafe門口，其實入到去感覺都冇乜嘢都幾好嘅；但係當點完賽之後......每出一道菜各人都落足心機去食，希望有預期嘅效果不會失望！結果真係有啲殘忍不如一次過講晒好過....。1，我煙三文魚班尼蛋煙肉薯仔衰蛋 ( 口感真係麻麻哋⋯)2，碟蟹餅- 造型都唔錯細細粒一口一 個（但係出嚟效果面燒燶咗咗少少 但口感算滑滑有蟹味、唔係乾到似柴條嘅蟹囉）3， 薯條吉列魚柳 薯條充滿外脆內軟的感覺一贊👍 至於啲炸魚柳呢....？好快凍唔夠趣、啲魚唔夠滑）4，南瓜湯是今次最好的給一個讚👍但裏面的魚片浸得太老（諧霎霎）嚴重注意，所以當我食到這個頁面的時候有減了分。5，Cappuccino 泡沫咖啡外觀唔錯、但係個咖啡煮over 咗有好燶味，要多注意。6，Risotto 這個意大利飯太濕，味道唔錯可以比個讚👍下次煑得可以稍為乾少少。7，紅絲絨蛋糕我哋今次幾個人嘅口味都係一致😞👎🏾👎🏾👎🏾 實在太甜、太甜冇紅莓味得個甜字，啲cream唔夠Creamy 本來見到佢個外型都幾靚，當4月1號之後心情跌到落穀底。真係唔好意思，頭一

《 CLS好味西餐》真係呢交友要謹慎，要揀啲識覓食嘅朋友，我今次就好好彩有朋友帶路食好野，介紹比你地知啦。💛🦆 法國頂級鵝肝烤法包一件 $80打頭陣整個鵝肝食下先～鵝肝煎得好香脆，入口油香四溢。鵝肝嘅油香滲曬落法包到，又香又脆，好味！🦀自家手製香烤蟹餅 $90烤過黎蟹餅嘅香味大提升，口感又夠紮實，啖啖蟹肉。最抵讚係蟹肉夠新鮮，完全無腥味。🤩🤩🍄松露野菌意大利飯 $128野菌味大爆發啊！入口滿滿都係菇同松露香，每粒飯粒都吸滿醬汁架，真係齒頰留香～🥩 澳洲M5和牛西冷配松露薯蓉$268牛扒真係重頭戲，油分充足滿滿牛油味，牛扒牛味十足又多肉汁，入口鮮嫩多汁，食唔定口。薯蓉即口感綿密，激香薯味，加埋松露香味可以話絕配。🍸青檸薄荷梳打 $40青檸薄荷梳打可以話解膩必備佳品，食完味道咁重嘅食物，飲返啖飲品準備食甜物～🍹 香橙熱情果梳打 套餐+$25哩飲就相對普通啦，整體橙味偏重，味道偏甜。但其實當甜品嘅一部分都好架，始終味道幾好。🍨法式焦糖燉蛋 $42食埋個靚甜品就完美啦。焦糖外層香脆香甜，燉蛋綿滑有蛋香，有邊個可以抗拒先？🥳🥳💛

友人話去荃灣lunch，我當然想去令我心掛掛既泰菜餐廳啦。可惜，遇著紅日，當天門外已經有一堆食客在等候，我地只好放棄…唯有睇下個收藏清單仲有乜餐廳選擇。本身好少黎如心廣場食野，一黎唔就腳，二黎覺得附近有咩好行，三黎價錢感覺唔平。當日lunch時間，每間餐廳門外都有人等候，MARKAHOUSE亦唔例外。等左大概10分鐘就有位，比想像中既快。餐廳簡約既裝修風格，淺色為主既色調，配上落地大玻璃，令人心情舒暢。我同友人幸運地被安排近窗既位置，窗外有個小草地，加上當日天氣好好，藍天白雲，感覺好寫意。餐廳用QR落單，客人唔需要掂MENU，減少細菌傳播既風險。點餐後，職員送上餐飲：菠蘿冰紅茶，無過分既甜，亦見到少許果蓉。自己中意食包，所以點左安格斯牛肉車打芝士漢堡$95餐廳聰明地選用蕃茄蓉，而非一整塊蕃茄，減少因為太多汁而令麵包變軟，食到成手汁既問題，我個人幾中意呢個設計。呢個漢堡厚度岩岩好，可以一口咬哂咁多層!! 烘過既脆麵包，熱熔芝士，Juicy有牛味既漢堡扒，呢個漢堡扒真係有驚喜，中間仲帶點粉紅，相當高質。友人點左露絲瑪利法式烤半雞$95呢款亦唔差，香草入味，脾位嫩滑，胸位差少少，不過可以接受

星期六郊遊前諗住食下野先,唔知食咩好，見到呢間未開門就要等位，試試佢咩料先今次黎食lunch set選擇都幾多，all day breakfast都係78蚊，叫左個炸魚，黎到有驚喜呢唔油唔膩，好香口好香脆，凍啡正常另外朋友就食雞扒，雞扒一般，個汁可以

約左朋友係荃灣睇電影之前，就係附近商場搵食醫肚先。見到呢間Marka House午市lunch set幾吸引，就試試先！午市時間提供一系列set連飲品，都好多選擇。叫左澳洲安格斯牛肉車打芝士漢堡配香脆薯條，牛肉juicy，唔會好乾身。新鮮蕃茄打成蕃茄醬，比起切片蕃茄吸引好多。薯條都炸得香脆，唔會油膩。套餐會跟一杯飲品，菠蘿冰紅茶會有菠蘿粒，質素唔錯。食物嚟講中規中矩，對得住價錢。餐廳環境闊落，都坐得幾舒服。

每次經過如心廣場的轉角位都有留意呢間西餐廳，星期六日行過，好多時都見到要等位。今次揀咗平日中午嚟，出乎意料外唔使等位。Lunch set選擇都幾多，有10幾種。餐廳座位闊落，每台都擺咗一大支水、鹽、黑胡椒。呢度採用左自助下單，scan QR code睇menu，好方便。香脆魚柳全日早餐（$85）呢個all day breakfast睇落普普通通，冇咩特別咁，但食落非常之有驚喜。魚柳係新鮮炸起，熱辣辣外脆內軟，唯一不足就係size偏細。炒蛋超香，非常嫩滑，比魚柳更加出色，必試。香菇都用咗蒜蓉炒，食落好惹味，蘆筍、蕃茄、沙律菜都好新鮮。菠蘿冰紅茶（跟餐附送）由於食物太出色，飲品相對地比下去。味道偏淡，只有輕微嘅菠蘿味，整體來講唔算太甜。🔸🔸🔸🔸🌟價錢 - 7/10 🌟回頭指數 - 10/10

今次已經與女朋友第二次嘗試，自己就食咗第四次，因為女友一直念念不忘它的焦糖布丁所以今天再食一次。這間餐廳的水準整體可說十分不錯，無論是空間、座位、服務、食物、性價比都中上之上。今次我們選擇了的野菌意大利飯乾濕得宜，菌香味十分出色，而且也有很香的牛油味，十分開胃！其次澳洲A5西冷牛扒也是牛香四溢，比起我們上個禮拜食的Bones & xxxx餐廳好太多倍（利申不是打手，純粹客觀評價）建議大家午餐可以黎試Burger，質素也十分有保證🥰

自從夜晚禁堂食 再加上peak season已經好耐冇陪過女朋友出去食晚飯（audit狗的悲哀難得抽到時間見面梗係要搵間靚靚西餐廳食餐好既啦內裡既裝修都叫做幾精緻簡約黑白配搭起上黎不失格調價錢算係正常西餐價格不過味道唔差叫做對得上佢既定價出去西餐廳食沙律好多時都怕佢地落黑醋落到over左咁就成兜酸到唔洗食呢到既調味算係控制得啱啱好個意大利麵好creamy再加上我地本身就想食既黑松露油封鴨髀肉質酥軟味道濃香可以好輕鬆用刀叉起到啖啖肉唯一有少少改善空間就係個電子餐牌d名太長show唔到出黎睇起上黎有d麻煩哈

平時經過如心廣場都會見到有一間透明嘅餐廳 今次終於醒起決定去試下🧡外觀真係好簡約透明 好適合靜靜地食下lunch🍔澳洲安格斯牛肉車打芝士漢堡 配香脆薯條💰78成個漢堡如果擺埋塊包上去就會勁高！所以我諗佢要擺係一邊～而佢整體好juicy😍無論係牛肉餅 芝士 定係有汁嘅蕃茄洋蔥都好有味 超鍾意🧡薯條都唔係快餐店個種 好明顯咬到薯蓉嘅口感同香氣😋🍝菠菜忌廉雞肉義大利麵💰78意粉會全面被綠油油嘅菠菜忌廉包圍🤣餐廳用嘅都係扁意粉而唔係最基本個隻 所以口感會好好多 可以一試🧡雞肉應該被醃過 所以有鹹鹹地嘅味 都唔錯～餐廳全面用電話下單 不過咁樣就冇得同waiter交代飲品走冰個D細節位☹️另外仲加左$18加左個沙律 減少邪惡感😉全部lunch set都係$78😚見到佢個班尼迪蛋都算大份 同埋有兩塊！下次應該會試下！

琴晚約左個老友食飯，佢喺尖沙咀放工，竟然約喺荃灣食，佢話荃灣好多新商場，好多餐廳未試過佢有訂位但間餐廳都冇乜人，有冇訂位都冇分別我地用電話掃QR code落單，幾方便，我原本想叫意粉但睇錯左原來係意大利飯，不過落左就算啦，試下無壞同埋朋友叫左薯條，我就覺得好普通，係熱辣辣但太多，食唔哂佢地嘅招牌蟹餅，略嫌油左啲，係有好多蟹肉，有蟹鮮味嘅但唔強主菜意大利飯，呢個菜係味偏濃，飯粒偏硬，味係好食，但食唔到多，好易濟，所以佢嘅份量都唔係好多，啱我埋單$500幾，正常價，都值嘅，但我就試一次就夠