基哥火鍋小廚 (Closed)

近排都興起粉絲蟹煲,雞煲嘅熱潮，就聽講土瓜灣開左一間。於是就約埋班朋友去試下。我地叫左2個煲，一個係招牌XO金沙粉絲蟹煲，另一個係XO醬爆鴛鴦雞煲火鍋。等依2個煲黎嘅時候都唔係等好耐，叫住野飲同朋友吹下水，大約10分鐘個煲就上得枱。一打開個煲，好香，已經知會好好味，落足料。鐘意食蟹嘅朋友，千萬唔好錯過，蟹夠哂大隻，啖啖蟹肉，好鮮甜。蟹膏又多，粉絲撈個湯汁食，超好食，個煲真係落足料！正！鴛鴦雞煲火鍋就唔洗講，雞件大，雞肉多，啖啖肉，唔會比雞骨你，鐘意食辣雞煲嘅食家，可以試下e個煲！雞肉入味，雞汁夠濃！煮耐啲食入面嘅材料，洋蔥已經吸哂d汁，再加上有辣味，超好食！依2個煲值得推介比大家，愈食d味愈出，肉多，汁濃，食得出廚師落足料比客人！煮到咁上下，放d肥牛，白蘿蔔，生菜，滾下滾下，好快已經入哂味！好食！咁多朋友都夠食！個個都夠飽！間鋪雖然睇落舊d但衛生幾好，d員工都好nice ，可以再去😁

同班舊同學返土瓜灣間中學探老師,見到基哥火鍋新開張，新張期內有$1湯底! 一行6人入去試試佢! 店內企企理理,都適合大伙兒食飯聚下傾下計咁我地叫左個招牌XO金沙粉絲蟹煲，一個字!“正” 黎到一定要食! 個個都忍唔住係咁夾!本身想ENCORE，不過我地仲叫左好多其他野試所以最後無叫多個!蕃茄薯仔牛腩鍋，薯仔林，牛腩唔韌，湯底又入味!值得推介! 打邊爐我地叫左肥牛又新鮮，仲有自家製墨魚丸，沾埋佢地既秘製XO醬...不得了~~個個都停唔到口!食得好開心!一定要再去!好好味

朋友推介我去新開既基哥火鍋小廚試吓基哥招牌菜，果日去到舖頭門口，冇咩特別裝修，係地道港式小店鋪設，但勝在地方乾乾淨淨，店員服務殷勤，在推介下，點咗基哥招牌菜：XO金沙粉絲蟹煲同蒜子乳香爆白鱔煲，而在點XO金沙粉絲蟹煲個陣，店員更展示由菲律賓空運泥香港既特大蟹，原來特大蟹一隻係1斤半以上，因為哩個size特別鮮味。等咗約15分鐘蟹煲香噴噴、喳喳聲搬到上枱 ，嘩打開煲蓋隻蟹真係好大隻，由其係個蟹鉗, 好似拳頭咁大, 蟹肉鮮甜彈牙,而蟹膏同蟹汁再加埋蝦米仔、肉碎滲入粉絲裡面，食落口口感豐富, 辣辣地甘, 好野味另外，同樣都係喳喳聲、香噴噴咁搬到上枱 嘅蒜子乳香爆白鱔煲同樣甘正，一打開煲蓋個種名符其實嘅乳香，真係好香，諗唔到腐乳可以煮鱔，同我以前食鱔煲嘅感覺完全唔同，以前食鱔好容易漏，但係哩個煮法就完全唔會，值得再食!雖然配菜就少左d, 但個招牌煲就真係好好味! 下次再試下其他菜式!