基哥火鍋小廚 (Closed)

星期日晚一家人心血來潮想食盆菜 ，即刻上網搵野食，睇到呢間基哥火鍋 ，決定試下， 餐廳以 套餐形式order，冇得散叫，今晚試左個招牌蟹鍋佛跳牆。一家人都同意個蟹肉粉絲煲最好食，d粉絲好乾身，索曬啲蟹肉味 ，蟹肉煮到啱啱好，基哥標榜無味精 ，應該都真係冇，如果我食到味精 夜晚會瞓得唔好 。本來對個盤菜好有期望可惜 ，可惜同出面食到既分別不大 ，唯一有驚喜嘅係豬腳筋 ，食得出唔係冰鮮貨， 煮到好軟身，但仍然有咬口，唔錯。嗰個女士服務員有點兒太熱情，招架唔住 ，仲會搭住你膊頭借力上菜， 滴曬汗...

比得上那些星級飯店，而且後廚炒好立馬上桌，粵菜裏的“鍋氣”充分展現。每道菜都極具水準，分量足。服務員據說就是大廚基哥的太太，工作很賣力，和熟客打成一片。有點深夜食堂的feel吧，喜歡傳統粵菜的朋友會接受這家店的。

一直好支持呢間小店 第一 份量好足 食材新鮮 味道好第二 套餐抵吃 好岩三五知己聚會 人多更抵食第三 老闆同老闆娘都好好招呼 會出黎同客人傾計第四 Whatsapp 訂枱老闆會比曬啲餐單你選擇，回覆好快人少的話可以選擇散叫推介粉絲蟹煲、湯

話說LL什麼都好講要求，無論衣著、化妝品，什至連吃都要講究。 有一次有朋友介紹我和其他朋友去土瓜灣一間餐廳吃晚餐，他說食過一次後非常難忘，更介紹成班朋友組團去吃！但不是即訂即有枱，是要等1-2星期（如果不幸運就需要超過1個月），因為廚師得一個，就是基哥。 進餐廳時見到只得5-6張枱，每枱都超過10個人，記得朋友說愈多人組團吃愈好，我終於感受到，因為….一餐飯真是會非常非常非常飽，而且每樣餸水準非常高，所以LL希望吃每一樣餸菜呢！ 我們選的是「金裝刮穿煲套餐」（聽名字已經非常吸引和好笑），我只介紹非常出色的幾道餸︰脆皮波蘿咕嚕肉︰看似普通咕嚕肉，但餐廳職員跟我們說快些立即食，涼了味道完全不同！一吃，嘩，外脆內嫩，同之前在其他地方吃的完全不同！椒鹽焗大花蟹：下面的蝦加入椒鹽，非常滋味！我連殼也吃掉!蒜子乳香爆白膳煲：白膳當然好吃，配角蒜子亦非常出色！其實LL不太喜歡吃蒜子，但基哥做這款菜式令我非常驚喜！蒜子加上白膳非常絕配，職員說我們可以留起蒜子回家可以撈入白飯和麵吃！蟹粉絲煲： 大家以為主角是蟹，其實主角是粉絲（哈哈）!看似普通的蟹粉絲煲，但當你將粉絲放入口中，你會感受到基哥的「鑊氣」！

一班朋友生日食飯 有人提議去試下基哥嘅手勢， 訂枱嘅時候人數同套餐要選好 ，套餐裏面包括鱷魚肉燉湯， 燉到連啲南北杏都林埋 確係用心之選， 燉湯非常捉料， 如果係雞腳嘅fans， 更加會喜出望外， 龍躉球炒菜， 龍躉皮夠厚骨膠原啱曬我 生炒排骨 外皮非常之脆 籠仔排骨蒸飯 香噴噴有荷葉味 雞煲香噴噴好入味 粉絲蟹煲粉絲絕對好食乾身入味 蒜蓉乾煎蝦碌蔗蝦夠大肉夠彈牙 絕對係用心去煮 食材新鮮你睇下我影啲相就知道每一碟餸出嚟都係熱辣辣好多蒸氣 份量足夠 我哋仲要打包走㖭！！ 埋單沒有加一包茶錢仲有紅豆沙糖水水果送

係社交網站睇到話基哥比業主加租可能就嚟無得食拿拿聲約朋友一齊嚟食番餐要左個招牌蟹龍躉餐呢個雞煲一流，想叫2碗飯嚟餸椒鹽蝦夠乾身又惹味 另外再加左個黑椒帶子牛柳粒同埋另一出夠菜式乳香白鱔煲係自家制出面食唔到嘅味道

事先訂了星期五晚的檯來吃飯慶祝三叔生日由於怕5人吃力不夠不敢預訂6人套餐但其實套餐真的很划算！於是今晚散叫為主叫了以下菜色：XO金沙粉絲蟹煲（時價：大煲$468）～好有份量的一個煲仔菜肉蟹啖啖肉粉絲索汁超入味店員上菜時溫馨提示我們要從面開始吃之後粉絲便會慢慢變鍋巴一煲兩吃！正！椒鹽焗大花蝦5隻（$180）～這碟似椒鹽炒蝦蝦size有點小麻麻地薑蔥焗美國桶蠔煲（$190）～我不吃蠔但家人覺得蠔很大隻而且味道混合了蒜子香和薑蔥精華不錯時菜韮王炒龍躉球（例牌$180）～新鮮龍躉起肉炒菜心雖然是例牌份量5人都能每人吃到兩件脆皮菠蘿咕嚕肉（例牌$98）～中菜館不能缺少的菜色基哥的版本穩打穩紮味道酸甜適中咕嚕肉無骨更適合我這種懶人豉油王炒麵（$98）～結尾加點的可能之前已經吃到半飽感覺好似很大碟基哥即叫即炒好夠鑊氣飲品：羅漢果夏枯草（$30）～自家煲的下火飲料比起喝汽水健康得多來得這店就是為了吃基哥的用心所以菜色都是他一手包辦之前從now的一個電視節目看過介紹後已經好想來試下鄉道位置不算便利附近民居與車房交錯但竟然卧虎藏龍基哥！掂！

基哥火鍋坐落於不太起眼既土瓜灣街道上, 有點不就腳, 但食好嘢, 當然要去搵搵.七時入坐, 全場只有兩張大枱, 面積較細, 乾淨整潔.粉絲蟹煲蟹肉厚實, 鮮甜, 蟹鉗大隻又啖啖肉, 真材實料, 粉絲入味爽口彈牙, 無煮到一舊舊, 很乾身, 放得耐都不會變成麵餅, 而且食到煲底, 更有 “粉絲蕉” 簡直一流! 我最喜愛粉絲蕉, 飯蕉食得多, 粉絲蕉真係第一次食到咁靚!脆皮菠蘿咕嚕肉咕嚕肉炸得好脆又鬆化, 不會舊舊肥豬肉, 味道調校得剛剛好, 不會太酸, 菠蘿青椒茄汁, 散發出酸甜香, 非常開胃.又要講下兩位女侍應生, 真的有禮幫得手, 又知大家要相機食先, 好細心告訴大家, 要影快啲影, 放得耐咕嚕肉會唔脆皮啦!!蒜子白鱔煲白鱔肉質嫩滑, 魚身又切得適中, 不太厚太薄, 吃下時有啖啖肉的感覺.很多很多的蒜子, 基哥絕對唔自私 香濃的蒜子味, 但入口不覺有蒜頭的濃烈味道, 不愛吃蒜子的朋友, 也可以試一口!椒鹽焗大花蝦大大隻蝦煎成金黃色, 椒鹽入味,蝦殼超香口, 只是聞到蒜蔥辣椒都已經流口水.鮮鮑魚佛跳牆煲重頭戲出場啦! 用料豐富, 單看食材的準備功夫也不簡單, 包括有原隻鮮鮑魚, 海參,

閑日晚上去的，沒有預定也有位，店內是一般舊區小菜館格局，沒有什麼裝修由於是walk in，只能散叫，菜色選擇不多，只有十種左右，價錢98-300 (蟹煲時價)，不便宜，海鮮同肉各點了一些試一下, 打算好吃的話再點最貴的蟹煲鱔煲西蘭花帶子炒牛柳粒$140：少量的黑椒調味，鑊氣一般，西蘭花沒有過淋，牛柳粒沒有過分化學處理但沒有牛味，帶子嫩身但鮮味略遜咕佬肉$98：肉切成2x2cm左右的丁方，肉質帶嚼勁有鮮味，新鮮貨色，只是調味有點不足。脆漿薄，炸得夠脆，醬汁酸甜適中，份量偏少，肉只有9粒，五個人一人兩粒都無蒜蓉炒大蝦$180：5只蝦,蝦沒有很大4寸左右，有一點鮮甜味(只是一點），肉沒有很彈牙，最大敗筆是蒜蓉很生，辛辣味完全破壞了整道菜韭黃炒龍球$198：大概只有6-7片魚肉，有一定厚度，魚肉鮮甜有魚味，可惜炒得太老，浪費了食材，還有放在魚肉上的韭黃基本是生的，要把它堆到碟底焗一下才勉強能吃吃到這裏大家的肚子雖然還沒吃飽，但也沒興趣再試其他菜了整體評價：服務是有禮的, 但私房菜的價錢，一般菜館味道，菜色份量偏少，不推薦

朋友介紹, 星期五一行7人到此晚飯, 地點好似好吊腳, 其實響土瓜灣市政街市後面一街中間, (見到轉角間廟行入去就係架啦)呢度有幾個餐可選, 要響訂位時講埋選邊個,我地攔左"招牌蟹大蝦龍躉餐",有:－XO金沙粉絲肉蟹煲蒜子乳香爆白鱔煲椒盬焗大花蝦深海大龍躉西蘭花炒球時菜豆腐蚊深海大龍躉脆皮菠蘿咕嚕肉豉油皇炒麵（呢度免茶芥免加一）準時7:30到達，個場好似無乜人，其實訂晒枱，walk in 怕要吃閉門羹了，先上大蝦同豆腐炆龍躉，兩樣都份量十足，賣相討好，店家提醒個炆龍躉有魚皮果Ｄ肉最正，要快搶喔，哈哈。。。吃一口，茨汁味道剛好，唔會太咸同杰身，魚塊夠滑再黎粉絲肉蟹煲，嘩，大家真係俾個份量嚇親，一大煲既粉絲上配巨蟹一大隻，真係不欺場，　基哥好自豪佢能做到粉絲咁乾身，唔係油淋淋一大pat咁，所以唔怕"漏"同 "滯",呢個係真既，　粉絲乾身得黎夠煙韌，唔係乾爭爭而硬果隻，個蟹亦鮮味再黎既係鱔煲同咕嚕肉，鱔煲有大量蒜子，所以鱔塊吸收晒Ｄ蒜香，南乳汁夠惹味，（店家提醒要＂撈起＂才吃喔）　咕嚕肉既脆槳夠薄身，啖啖肉（唔係有Ｄ食店，只有骨，無咩肉）茨汁甜酸適中最後係炒麵，雖然係普通既菜式，不過基哥用心

由接聽訂座電話, 買餸, 發送菜單, 落單, 大廚, 跟客人傾談, 都由基哥一手包辦由踏進店開始, 基哥就給你親切的笑容及按人數給你推介食物第一次去, 三個人, 點了粉絲蟹煲, 鱔煲及炒菜粉絲蟹煲粉絲炒得乾身, 帶濃濃的蟹味及少少香辣蟹好足兩, 肉質鮮甜鱔煲吃一啖後,好熟悉的味道, 是腐乳!好香好香, 加上整煲都是入口即溶, 食極唔完的蒜頭所以很快就encore, 訂了半圍的燉湯餐湯足料, 夠火喉餐的煎蝦, 牛肉粒非常有鑊氣蟹煲鱔煲仍然高水準脆皮生炒骨果然脆皮最後在基哥的推介下再點了炸墨魚丸見他即打墨魚丸然後炸一手包辦這麼多東西仍然充滿笑容是對自己的食物充滿熱情才做到基哥在食物下的功夫我們感受到並希望更多人試到他汗水下不斷努力炮製的食物

又係《輝哥》推介！不過真係好食！夠獲氣！蟹肉夠新鮮，鮑魚夠淋！連個辣辣地的炒粉絲，食到我四歲的小姨甥女汗留脥背！都仲話要食！最多慢慢食，仲教我話：『慢慢食就唔會辣喇！』（勁！）而我，當然最期待我心愛的生炒排骨啦！此生炒骨又有點與別不同，外脆內香！實在好味！最後，要提個乳香鱔煲！其實，我對鱔真的麻麻地，所以唔識評。不過喜歡個蒜頭，新嫩得黎無辛辣味，我食到，覺得食左好健康！

又係《輝哥》推介！不過真係好食！夠獲氣！蟹肉夠新鮮，鮑魚夠淋！連個辣辣地的炒粉絲，食到我四歲的小姨甥女汗留脥背！都仲話要食！最多慢慢食，仲教我話：『慢慢食就唔會辣喇！』（勁！）而我，當然最期待我心愛的生炒排骨啦！此生炒骨又有點與別不同，外脆內香！實在好味！最後，要提個乳香鱔煲！其實，我對鱔真的麻麻地，所以唔識評。不過喜歡個蒜頭，新嫩得黎無辛辣味，我食到，覺得食左好健康！

由於朋友住附近, 此店算係朋友的飯堂, 但就成日都想試下蟹煲同羊腩煲, 不過唔多夠飯腳"些牙". 於是我地組團黎食.一坐低, 老闆同樓面姐姐服務真係好好, 好熱情加好有熱誠, 加水同清碟速度一流. 超讚.最後我地一行7人食左:羔蟹煲套餐(除了一個羔蟹粉絲煲外, 還有3款小菜):粉絲帶點微辣夠惹味. 唔食得辣既我都食左一碟粉絲.涼瓜煎蛋:好有自家製風味XO醬炒龍脷球:又係辣辣地, 但好夠鑊氣脆皮咕嚕肉:出乎意料之外咁好食同咁大碟羊腩煲:好有自家製的味道, 見有個羊腩煲湯底唔好嘥, 叫左幾味陣店招牌火鍋料(手打墨魚丸, 炸雞腳, 炸支竹, 不過無影相), 但本人覺得都係蟹煲比較出色避風塘炒米粉:微辣, 確是很惹味芥蘭粒雙腸炒飯:略嫌太濕, 但好足料, 超多臘腸同膶腸總括黎講, 一定有下次.事後眾人都認為老闆同廚司都好熱情, 令我地有賓至如歸既感覺.以我地食左咁多野黎計, 實在超值

有日陪朋友整車經過見到都幾多人門口d相好似好正咁就入去試試個鋪位係就係偏僻d~係d車房隔離門面都比較舊但衛生好好好企理我見到個蟹煲d相咁正更係要試下啦同埋佢話叫左個煲可以免費加多湯底打埋邊爐咁抵咪試埋囉嘩! 個蟹煲勁大!! 同門口張相個賣相一樣好好味!! 辣辣地好野味!! 果個d粉絲吸哂d蟹既鮮味d蟹好食得出係好新鮮~好大隻（老闆係俾我地睇過隻蟹架～即叫即整，所以唔會好似平時食果d死蟹咁，冇蟹味)邊爐方面叫左佢地個墨魚丸，牛脊佢地話係d墨魚丸係自己打所以好彈牙^^牛脊就有牛味～～ 但如果肥d會更好～結果我地4個人都捧住個肚走十分滿足