Marks & Spencer 食品專門店

Open Now

Now Closed

Mark and Spencers pate is always good.The farmhouse pate is smooth with a hint of madeira.The tub is fairly big and the pate is filled to the rim.However it is difficult to spread, especially if you are using the local bread which deflates like a sponge without rigidity.There is also duck and orange pate which is nice too, it has a layer of orange jelly on top.◎ⓢⓤⓟⓔⓡⓢⓤⓟⓔⓡⓖⓘⓡⓛ◎ⓢⓤⓟⓔⓡⓢⓤⓟⓔⓡⓖⓘⓡⓛ◎Price: $3xService: OKYummy factor: OK◎ⓢⓤⓟⓔⓡⓢⓤⓟⓔⓡⓖⓘⓡⓛ◎ⓢⓤⓟⓔⓡⓢⓤⓟⓔⓡⓖⓘⓡⓛ◎

某次&某次既早餐。蝴蝶酥。一大塊，好似$1x蚊塊，食過幾次，水準都幾唔穩定，有時見一大盤，都應該出爐無耐，都係腍哂，唔多脆，亦試過水準不俗既時候，鬆化脆口。某次&某次既飯後小食。蘋果酥，係我覺得麵包部呢邊最好既一款，應該係甜品黎，因為都真係幾甜，好似糖粉咁甜，個皮鬆化，帶點甜同微焦既蘋果，依然係蘋果既爽脆，試過焗熱，效果都唔錯，試過幾次水準都幾好，飯後小吃一舊很不錯，不過好似要$16塊，唔平。某次&某次既下午茶。沙翁，這裡有冬甩，有沙翁，緊係試下外國人做沙翁，軟綿綿，沙糖落得夠多，都幾好吃。只係考慮到四圍麵包鋪都有沙翁買，都係唔洗$5蚊就有找，這裡就真係貴左d。仲有開心果曲奇，蛋批、牛肉薯片等等，每次入去都有新發現，這裡的東西幾唔錯。

曾經喝過馬莎的cream of mushroom, 覺得唔錯...今次再訪..眼見種類多了..牛尾湯, 雜菜雞粒湯, 雜菜意粉湯, 西芹薯仔湯, 蕃茄basil, cream of tomato,Minestrone....不下10數款...@$16-22 (415g)今次選了一個完全沒有材料的creamy soup...滾1-2mins 已經出煙..蔬菜味濃..因為沒有蕃茄, 所以一點酸味都沒有, 初時喝還覺得有點淡..繼續飲就覺得ok...不會像金x罐頭湯, 有陣罐頭味 & 超咸..這個喝完唔會覺得口渴..雖然沒料, 有double cream, 喝完都有點半飽如果有片多士伴吃便prefect了@100g, sodium: 280mg, sugars 1.7g, kcal 50成份:water, parsnips (8%), carrots (7%), sweet potatoes (7%),onions (3.5%), potatoes (3.5%), butternut squash (3.5%)double cream (2%), cornflour, swede (1.5%

從網上討論區得知這隻蛋糕評價不錯..所以特意買來一嚐..一條用紙盒裝270g $35 (其實有點偏貴)看成份真的很不健康, sugars per 100g 已有47.5g (一條即128g), 係一日上限既5倍多..牛油也佔了8% (相對其他口味: capuccino, coffee, lemond, chocolate 已經算少)沒辦法, 為食癮起..蛋糕呈卷蛋狀, 表面有d砂糖, 蛋糕餡是strawberry jam + buttercream... (相當飽滿)大約可切成6件..吃了一件..嘩...果然甜到無朋友..buttercream 亦很油膩, 每一口都像吃牛油粒..終於頂唔順, 投降..完全明白英國人身型為何那樣!真係每人口味唔同...怕怕....下次還是買十字包算...同埋要強烈控制自己的"為食癮"..尤其是外國的甜品,蛋糕,朱古力....對我來說實在太...太....甜了....

在天橋下總是看漏了入口在那裡…有好多麵包…看了看…有果汁應該有咖啡賣的地方，啊，原來在麵包的地方（阿呆啊我跟星巴克或Pacific差不多錢，而且沒有堂飲叫Latte，可以選全脂或脫脂…還是全脂比較有奶味…飲下去，好多泡泡（大心）最喜歡飲泡泡豐富的咖啡了，滑滑、暖暖的，好幸福～

看見馬莎有好幾款聖誕布丁, 選了一個綠色的"gluten free" (plump vine fruits, cider, rum, almonds)原價 $58, 23/12 買時特價 $48 - 最細size - 100g聖誕節當日當飯後甜品...看一看packing: 用微波爐要叮40 秒, 但用steam 方法, 要30mins?? 一個砵仔糕份量要steam 30mins...覺得有點奇怪..照理所有材料應該已經熟透: 乾果, nuts....etc上網查一查, 原來大size 那些動輒要steam 90mins tim??? 嘩....家中沒有微波爐, 好..唯有跟隨指示, steam 30mins (仲要表面舖鍚紙)由於是無麩質, 所以整體是軟軟的..酒味尚可, 提子乾, 橙皮, 蘋果茸 + 少少nuts...幸好比想像中不太甜..兩個人吃差不多....味道ok, 不過稍為貴了點, 即使用$48買...還是十字包低食d - $30 for 4pcs...馬莎的cherry 酒心朱古力最好吃.今年比往年便宜一點, $50/box...可惜份量少了...p.s. 還有其他款式

馬莎係灣仔呢一個小食部, 哥哥經常把他掛嘴邊, 我亦時常想一有時間便來這裡看看. 因為什麼, 經兄長研究, 這一個小食部, 有一樣美食是別的馬莎小食部冇得買的. 是日, 哥特地來探探BB, 亦從灣仔帶來了一樣我們久違了的英國美食. 是什麼, 就是一個勁甜, 勁Cream, 勁多custard既甜點. 極不健康的 Trifle.美食當前, 那理他健康不健康. 而且回到香港之後, 不計堂姊的自家製品, 應該是第一次食. (也有3、4年沒有吃過了). 在英國, 通常都會在超級市場, 買超市的自家品牌. 馬莎的, 因為唔就腳, 同埋超市出品已經非常之好食, 所以向來都比較少食馬莎既trifle. 食完飯, 急不及待, 我同齋妹一人一杯的打開, 懷念一下大不列顛的甜美味道. 食Trifle, 一向都係食士多啤梨味的, 面層是Cream, 第二層是Custard, 第三職是蛋糕, 最低的就是士多啤梨醬, 非常之有層次. 甜味, 由Cream開始, 到Custard, 到果醬. 一層層的美味, 一層層的甜下去. 最好是把匙羹直插到底, 一口充滿了幾個不同層次的美味, 非常甜美. 小吃一個先, 隔多一

馬莎百貨其他的東西都不很吸引我, 除了食物; 多年來馬莎的優質食品累積了一班忠心支持者, 繼開設麵包部後, 設立食品專店, 自是理所當然。乾貨方面跟附屬百貨公司出售的款式差不多, 也有預先包裝的冷凍食品賣, 例如這個 Shepherd's Pie (圖中的是小裝的 $28, 大的好像是 $52)。Shepherd's Pie 牧羊人批是英國國食, 以羊肉碎製成, 在面上鋪上薯蓉焗成。包裝是錫紙兜, 供大家放在焗爐翻熱, 我因為用微波爐翻熱所以就倒了在微波爐盒裡了。羊肉碎不算很羶, 惹味肉汁內混了點蔬菜粒, 加埋薯蓉其實都很飽足了。要吃點蔬菜的, 有這個 Vegetable Selection with Hommous Dip ($15), 內有甘筍條、青瓜條和西芹條, 也是英國人午餐和小食的熱門之選, 蘸點希臘雞心豆醬吃, 是較健康的選擇 (只是不要蘸太多醬, 很多油的)。但最大的分別是此店多了專賣牛油和芝士, 還有乳製品和凍肉的貨架!每款芝士都配備濃度指引標籤, 由淡至濃分為7個等級, 款式有幾十種, 真是花多眼亂。不懂選擇的話, 可參考店內的單張。這天當值的食品部經理 Erica

製作牛角包的材料是麵粉、水、鹽、糖、牛油、酵母等，各種材料的比例並沒有準則。但製作酥皮的工序繁複，要先將搓好的麵粉糰壓平，上面覆蓋一層牛油，然後要將包裹著牛油的麵糰摺疊，反覆對摺後，就變成32層，然後雪藏一天，再進行摺疊，最後將麵糰桿成薄薄的一層，再切割成三角形，最後捲成新月形，再進行發酵。將麵包放到焗爐裡，烤成金黃色就完成。麵糰要摺疊多少層沒有嚴格規定，但摺疊過多，會影響酥皮的層次感，加上牛油份量高，烤焗時容易烤焦，需以低溫烘焙才能做到外表酥脆的效果。好吃的牛角包，色澤金黃、皮薄酥脆、層次分明、觸手不油膩，需選用脂肪含量高的優質牛油而非人造牛油(Margarine)，入口才會酥化，並帶有濃郁的牛油香氣，有悠長的aftertaste，歷久不散。以前覺得最好的是PRET A MANGER,但當她們下少了牛油的份量後總覺差少少.有日發現這家的出品也很好,當然還未夠牛油的臭味....哪有勁牛油版？請告知.有人話當日Pret a manger 艮味幾似.

Came back for more treats, this time got prawn and pasta, cocktail sausages, porridge, cheese and cranberry.Prawn and Pasta:Tasted how it should, not the HK style sugary salads.All in all, they all tasted great and the same as the UK M&S!

知道灣仔開左新店, 雖然上一次係中環已經令會了那份"甜甜甜",因為這間分店好像種類較多...為食 + 好奇心的驅使下還是走了一趟!大大塊的曲奇做緊買2送1, 朱古力味/double 朱古力味/白朱古力味..但樣子唔吸引, 又覺得無咩特別, 可能又係一味死甜..所以沒有選!最終選了raspberry 既杏仁tart @$13 -> 中間似有杏仁既蛋糕體, 底層有d酸酸既醬, 所以唔係好甜, 可以接受!另外再一件南瓜子提子紅莓麥片餅 @$10, 四方形一小塊, 有齊果名d乾果穀物,唔錯, 食完有d飽肚...這2件可以再試!值得一提, 同中環店一樣, 食物架上有很多"蚊滋"飛來飛去, 唔係柑衛生!同埋沒有番熱服務!這店吸引之處有即焗三文治/pizza...但價錢真係好貴, at least $35 up....

14/05/2010 驟雨前身本是Super Sandwiches現在已是馬莎的食品專門店的門市, 這間馬莎主要都是賣一些食品及飲料為主, 好像有紅&白酒,餅乾,糖果,樽裝果汁,yogurt....更有冷藏的食物,例如有pizza... 店內更設一間售賣麵包,熱三文治,暖湯及coffee的小食店,真是好適合作早餐及午餐的選擇, 所以都吸引不少的寫字樓的OL來買麵包及咖啡即烘烤的麵包三文治的價錢大約是$32-$45,價錢都不是便宜, 款式大約有十幾款的選擇, 如有"煙肉包"$32,"車打芝士火腿熱飛碟"$35&意大利芝士香草蓄茄三文治$45等等......咖啡大約都是廿幾元, 選擇都是cappuccino,mocha,latte....不過這裡只是外賣不設堂食, 所以我也買了幾個不是即焗即做的麵包回到公司食,麵包方面款式不算多, 但是size都不少,曲奇要$10, 而麵包由$15起, 我後來買了三個麵包再加一杯yogurt麵包我買了楓糖漿胡桃果仁丹麥酥,法式蘋果批和杏子吉士醬丹麥酥,另外買了一杯Poppyseed Yogurt With Strawberry &Almond ,這三款麵包

今日做完gym，發現隔離間Marks & Spencer Food終於開左啦，同朋友走左入去，發現原來有咖啡同即焗麵包賣，見人地個d好似好好食又幾香，忍唔住同朋友買左兩件泥share。兩件個芝士味好濃好正，啱晒我地d鐘意食芝士既人。我就叫左杯咖啡，都幾好飲，朋友就叫左berry味既smoothie，佢話好莓喎，啱晒夏天或者做完gym飲。不過，我地唔記得影低相。宜家可能新開好多人好旺，所以都無咩睇其他野，見佢仲有新鮮焗既麵包，我諗住下次試下先，見到蝴蝶酥同cookie好正咁，價錢又唔係太貴！

So glad they opened Marks and Spencer’s at Wan Chai, a perfect location, in Causeway bay there is City super to compete with and in Admiralty it is too close to central.It is located conveniently where Oliver’s sandwiches used to be, a busy spot where international people pass by to get to the exhibition centres.I was surprised at the speed it was opened.Anyway, glad to find my local treats there, although I couldn’t find my chicken liver pate.It was hard shopping there, as with all chinese plac

替小妮子辦理護照，途中在天橋下見人頭湧湧，原來有一新店開張，還要是名店，是馬莎的首間食品專門店。我們也入內湊熱鬧，店內除了一般馬莎常見的貨品如紅、白酒，餅乾，糖果，樽裝果汁外，還加設了熱的食物，有即焗製的麵包，三文治，曲奇，甜餅，還有咖啡，但祇限外賣，不設堂吃，實行與鄰近的 Delifrance，Starbucks，Pacific Coffee，Habitu 等分庭抗禮。即製三文治賣 $35 - $45，大塊曲奇，十元一塊，咖啡二十多元，我們已吃過早餐，旨在湊熱鬧，買了一個梨撻和一個蝴蝶酥。這裏祇得外賣，不設堂吃，食物用一個很靚的膠袋載著，袋身有很多個針孔大小的透氣孔疏氣，以免熱的食物焗濕。梨撻面有多塊薄切的梨片，有些糖霜作裝飾，梨片不是罐頭貨色，因其沉實的質感是罐頭梨所欠缺的，撻底有牛油香味，整體覺得頗甜，而且賣十五元一個頗貴。蝴蝶酥，是巨型的，比手掌還大，很鬆脆，一切即散，入口味道帶點甜和黏手，沒有濃羶牛油味，用來送咖啡幾好，賣十元，不平也不算很貴。在這區的商戶來說，是多隻香爐，但是在客人來說，我們又多一個選擇。