嫲孫樂 (環翠商場) (Closed)

經過柴灣 玻璃望入去 啲坐位好似不錯 幾寬落又有卡位坐 都幾多人幫襯諗住點個米線快食點知老壇酸菜底 無酸味 無辣味手撕雞有雪味牛肉勁生米線 有啲熟有啲唔熟珍珠奶茶 個奶茶 勁水 珍珠勁爛20分鐘先出到個餐 係咁聽到廚房話做錯單

鹽酥雞黎到咬落口出面系濕濕地唔脆既，入面既肉質都比較乾最失望系個飯，肉燥味道系正常既，但啲飯會夾雜住部份應該煮得太爛既米，表面果層加埋啲肉燥汁就食落好似食緊好杰既粥咁😢

之前聽人講呢間野好難食，但我有時經過都見到有唔少人，咁啱今日又諗唔到想食咩，所以唔信邪就入左去試下，點知真係中左大伏。😂本身諗住叫個正正常常嘅紅燒麵配鹽酥雞扒應該都唔會伏得去邊。點知個麵一上到已經心知不妙，個湯一睇都知唔係咩紅燒，而係勁大一浸化學嘅辣油味。食落個湯底應該係由水加鹽加辣油組成，呢個組合真係衝擊我味蕾。😂 唔係紅燒都算，講真求奇買個幾蚊嘅康師傅杯麵，個湯底仲有誠意同有層次過佢。由於個湯底真係唔係一般嘅難食，所以個麵食左1/3已經食唔到落去。個鹽酥雞扒雖然冇咩味同得幾舊之外，對比個麵黎講都尚算正常😂。要比六十幾蚊食呢個餐真係懷疑人生，希望大家唔好身試伏。

又到下午茶時間，柴灣有個台式下午茶好地方！主角糖心蛋滷水雞翼拌麵，味道令人回味，份量又剛剛好！下午茶餐包埋個小食，今次我點了麻辣手撕雞，小辣夠惹味，肉質鮮嫩！飲品叫了個珍珠奶茶，茶味香濃，珍珠夠咬口，令人回味！這裡環境尚舒適！一個豐富既餐只係47蚊乍！

嫲孫樂地址：柴灣華廈街2號環翠商場2樓202號舖又到假期，不想自行煮早餐，隨便搵個地方食早餐。入到餐廳，都有唔同款式早餐同配搭： 有西式扒餐，輕型早餐，精選早餐，蕃茄濃湯通粉。我選了種蕃茄濃湯通粉加香茅小豬扒，腸仔煎蛋加厚牛油多士，加熱檸茶。香茅小豬扒加蕃茄濃湯嘅外貌都正常，食落去都熱的，係個番茄濃湯湯底就唔夠濃 ，依柴灣來講都算合格啦，不用期望太過高。坐嘅環境都舒適，但我坐係風口位就覺得有啲凍，依個留意下。

只不過行過見冇乜人等就排下,之前見多人就唔等！未食之前值得一讚是就算我一個人,也依先後次序入座,就算4人位也俾你入先😉今次叫左紅燒牛肉麵,肉很淋,不過湯底可以做得更入味些👌🏼

基本上我係麻酸樂 始祖 由2x蚊食到依加4x蚊柴灣分店同淘大分店 2間都食唔少但係質量差好遠下午茶 個麻辣湯底 簡中辣淘大果間 又濃又有麻辣醬柴灣就 好似清水咁 d職員仲叫我自己加辣油之後個下午茶 小食叫左個手撕雞 柴灣果間就 張塊生菜上碟 净食雞肉淘大就切絲上 撈埋d雞肉一齊食 ，正！希望管理層睇下2間分店，叫廚房互相交流經驗！ 無理由同一間公司 ，2間分店既質素差咁遠既， 連味道差天共別。 我本身住開港島都要過黎九龍食，希望柴灣分店質素可以改善

星期日的中午，同兩個女落街食個午餐。由於早餐食完無幾耐，所以只叫了兩碗麵加個小吃一齊食。套餐加$12，有2條蔬菜🥬春卷加3塊鹽酥雞。熱辣辣，酥脆惹味。 紅燒牛肉牛筋湯面$59：湯底、麵底都唔錯，牛肉牛筋炆得十分之淋，份量亦不少，CP值好高，隨餐送的凍抹香綠茶更是一絕，甜度適中，聞到好香茶味。嫲孫滿堂米線清湯底$54: 乜餸都有啲，正正常常的一碗米線，味道唔差。加了$8飲菠蘿🍍茶，但發現唔使加錢的凍抹香綠茶更好飲。平價抵食👍

食集團式下午茶， 真係食到厭。見嫲孫樂外賣有9折， 精選推介配小食送凍/熱茉香綠茶都係32蚊起，小食仲有十多款選擇，一於試下先。我揀左No.17既紅燒牛肉湯麵配古早台灣腸紅燒牛肉湯麵牛肉有3塊加1件蘿白， 牛肉肉厚軟腍，蘿白好入味，麵質不過不失，紅燒湯底不太辣。台灣古早味香腸細心切件上， 但香腸不夠香口。因為唔想加錢， 所以要左杯凍茉香綠茶，濃甜度適中，可惜忘記拎飲筒， 飲起來有點論盡。最後原來外賣加2蚊， 七除八扣後， 整體都係抵食既。

誰說 柴灣 是美食的沙漠 ⁉️台食店喺 柴灣 只此一家，咪以為獨市經營品質就必定唔好，如你咁唸就大錯特錯了 ...... 🤔嫲孫樂 喺呢區已經屹立了接近 4 個年頭，之前我多數只會喺度食早餐，但今日卻忽然心血來潮，好想試吓牛肉麵，又估唔到味道都唔錯噃 😁打開午餐 menu，原來佢哋有好多款式搭配 👏但我最終選擇嘅係 :紅燒滷香牛肉牛筋湯湯麵 + 古早台灣腸 + 凍苿香綠茶主角出場，牛肉麵湯底順喉，牛肉及牛筋煮到非常軟淋，十分入味，只係略嫌細碗佐少少 😂古早台灣腸 跟我之前喺台北夜市食到嘅一模一樣，同樣係咬感十足，略帶少少豬油及微微焦香，正 😋凍苿香綠茶，飲品正常發揮，但不太甜嘅味道正合我心意 🤩總括而言，午市套餐價 $67 真的物超所值，款式選擇亦不少，相信好快我又會再幫襯 😆

🥚自選乜乜乜 $36鮮雞柳份量都唔少 唔算嫩滑但都乾硬金銀蛋芫荽湯底味道清淡 食到食材嘅鮮味齋飲都覺得好舒服米粉幼身彈牙唔會軟爛自選乜乜乜 🌶️自選乜乜乜 $44芋頭條有4粗條 質地粉有啲啲芋香味花枝丸呈雪白色 滑捋捋又彈牙湯底裡面有啲酸菜 係重口味偏鹹偏酸令酸辣湯底更鹹酸 只帶微微辣

今日去食個晏，3-4個人係度，淨係掛住做外賣，坐低冇餐牌冇人理，唔緊要，自己搵。坐5分鐘，叫聲唔該落個單，落完坐左十幾分鐘唔對路，乜都冇上，以為叫個慢煮真係要等咁耐咁把炮。問下先知冇落過單，呀4眼哥哥仔，我坐左係成15分鐘係咁望我都唔覺得奇怪？人地個頭叫完，有單有野飲，我乜都冇，唔覺得奇怪？我話咁算啦，唔食啦，最終一句唔好意思都冇，之後仲要個樣完全唔覺得自己有問題啤實我。請問咁樣出黎做野係咪開心啲？

碰巧經過柴灣工作，隨便選一間餐廳用膳，這間嫲孫樂正就在連接新翠和青年廣場的天橋口，很容易找到。當時正值下午茶時間，看一看餐牌，這裡下午茶有不同的台式麵和肉燥飯，配小食和飲品價錢平均三十幾至四十幾，並不設加一。我點了一個士林鹽酥雞配紅燒湯麵，還有溏心蛋，十分豐富😜，連飲品埋單只需要$36。食物中規中矩，蘿蔔不夠淋亦唔夠入味，但麵質不錯，夠滑夠彈牙，鹽酥雞和溏心蛋也合格有餘。以這個價錢，可以食得如此豐富，性價比算十分高，值得一試！

嫲孫樂地址: 柴灣環翠邨環翠商場2樓202號舖突然又想去食台灣野，咁岩經過就決定行入去試下呢間野。紅燒牛肉麵 🍜 $68牛肉麵份量非常足，湯底色澤呈啡紅色但無咩牛肉味，唔夠香濃入味。牛展肉質鮮嫩，煮得好淋，好入味；但係牛筋和麵就比較硬，中規中矩，不過不失。茉莉綠茶 🍵（跟餐）好重茶味，少甜，正正常常。

難食細碗貴😑唔知佢想點差不多食遍港九新界車仔麵😑從未遇過一間好似佢咁孤寒😫就珍size嘅蘿蔔有四粒🙄用一蚊銀咁大嘅鮮冬菇嚟炆非常嘔心😖芽菜咁平都用cheap嘢哽口又腥😓用d下欄牛肉仲要嗱到冇晒味😪最重點係個所謂酸辣湯…完全唔知佢似咩味唔辣又唔酸🤮米線得果兩注😤喺柴灣區嚟講佢都算突出😏夠膽收呢個價俾咁嘅質素收呢個價錢👍🏻講真五十九蚊呢個價大把選擇😌車仔麵亦有好多出色過你🙄冇心做就返屋企抖吓啦☺️何必辛苦自己