麻酸樂米線專門店 (Closed)

食得多譚記米線試吓麻酸樂其實都是一個很好的選擇！第一次食麻酸樂的下午茶，點了一個下午茶米線，比中午的分量小一點，份量其實算係剛剛好，有米線餐＋1個小食和一杯飲品。點了“時菜三寶米線“，有生菜，手打肉丸，墨魚丸，韭菜，芽菜，腐竹，用上番茄味榨菜湯底配米線，加上“一口無骨鹽酥雞“。鹽酥雞的味道有驚喜，非常正宗真的很想台灣夜市買的，點了一個滷水雞翼，好味正常，番茄湯亦味道剛剛好，而且配上榨菜的微酸比我想像中夾，其中生菜及手打肉丸，令飽足感剛剛好，加上一杯凍綠茶

星期六晏左起身，同阿媽四圍搵野食，行到依間食肆有少許人流，睇張menu有下午茶餐幾吸引。價錢唔算貴，一個米線跟一個小食，仲有一杯凍或熱綠茶送添。唔知係未人多既關係，員工有少少黑面，送野食都送到亂晒。今次同媽媽食左個時蔬三寶米線，各跟左個香醋珍珠雲耳同加左三蚊轉腐皮蝦卷。個米線都幾足料，有菜，蟹柳，兩粒丸，腐竹，由於下午茶既關係，比正常size細碗，但加埋小食都夠飽。媽媽揀左個清雞湯底，稍為偏淡。雲耳味道偏淡口，份量一般。腐片蝦卷味道唔錯，好香，食落去啖啖肉

今日放假嘅第一個節目就係同男朋友去食個豐富嘅早餐, 然後去行街睇戲！！但係又吾想咁早出發, 想係屋企hea陣先, 麻酸樂嘅早餐就供應到十二點, 應該好少餐廳可以做到這點！！同埋我最掛住嗰度嘅香煎雞扒, 皮脆咁香, 肉滑嫩口！！Yummy Yummy !!香煎雞扒係我嘅至愛, 每次都係我必叫之選！！沙爹牛肉米線~牛肉淋淋的, 好入味, 米線略嫌太淋！！腸仔煎蛋牛角酥都ok好食, 牛角酥仲有淡淡嘅牛油香味！！鮮茄乳飼牛肉米線~鮮茄大大舊, 乳飼牛夠淋身入味, 湯底浸有濃濃嘅番茄香味！！凍檸檬茶好夠茶味！！熱奶茶夠哂香滑！！日日都可以放假就好啦！！

德福雖然多食肆，但全部都偏貴又多人行過黎呢邊淘大多野食好多，而且價錢夠大眾化今日試下呢間麻酸樂，見人人都係食雞煲，但想快點食完唯有試下佢地既米線先每碗五十蚊有找，算可接受既價錢，不想多選，直接叫左一碗冬蔭功海鮮米線冬蔭公湯底米線較少有，估唔到都幾驚喜，湯底唔會太辣，但冬蔭功味道絕無欺場雖然唔係真係有海鮮係入面，但$49價錢算過得去，好惹味，少有地把湯底都飲完下次黎都可以再叫但朋友叫既蕃茄湯底牛丸薯粉，無論賣相都味道都較為遜色，冇咩特別另外叫一個青瓜雲耳，$20抵食大大份酸酸甜甜好開胃，另一值得encore 之選每個餐都送一杯綠茶，如果想cheap食晚餐都係一個好選擇

麻酸樂 金銀蛋莞茜湯底鮮金菇雪場蟹棒米粉 $45次次黎親都一定嗌呢個湯底因為好香 好足料皮蛋又多 飲落去完全唔係味精湯😘😘仲有我最鐘意既芽菜同腐竹 正👧米粉既份量都唔小架 每條米粉都索哂啲湯 好正😍個蟹棒呢 就有3條而金菇份量都唔小👀食完係飽😆😆最讚既位就係個湯 所以我強烈建議大家嗌呢個湯底 好正👅👅

今日到九龍灣行街街，行街都行到攰曬就隨機找間食店醫肚。進去一看才知道原來米線店也有飯吃而且還有咖哩飯。這個搭配好想用一句怪雞去形容，但同時又覺得幾多選擇，而且餐牌照片拍得很美味感覺。最後我和朋友，一個點肉燥鹵水雞翅飯。朋友說肉燥味道普通，鹵水雞翅也沒什麼特別。不過飯量相對餸菜來講，甚多。飯量大的人一定會覺得超值。我則點了米線，雞翅、腐竹；湯底算濃郁。普通吧。總而言之，米線店但沒有什麼真的招牌吸引人的地方，而飯餐飯量大。

食米線已經成為本人每個禮拜必有嘅習慣上星期瑜珈課之後 就去到淘大商場嘅麻酸樂度試一試本人例牌叫蕃茄湯底米線 我想我已經試左唔少港九新界的番茄米線湯底🤣蕃茄湯底普普通通 可能始終係酸辣湯嘅比較出名 所以不過不失 不過手打貢丸做得出色 除咗彈牙亦都有鮮味就係咁簡簡單單又一餐嚕！

又係放學的時候，又可以去淘大食晚飯試其他野今晚選了去食麻酸樂，餐牌太多選擇了⋯⋯真係唔知點好。看到牛大哥米線幾好咁，配上麻辣肉碎湯底～麻辣正呀，降温當然要凍檬七啦。牛大哥幾好牛肉新鮮，麻辣一流，個口痹到。整體都滿意坐得舒服。會再黎～

7月31日同老婆🐷睇完姊妹肉蒲團，就記起之前行過淘大，有間食酸辣野既想試下。於是就黎左呢間麻酸樂。我地黎到果時冇乜人，要左個二人餐，轉要唔辣，老婆🐷要少辣。但問題就黎，個侍應話唔辣，我老婆🐷不嬲都鐘意食d 小小酸辣既野食，不過個米線真係辣到飛起，老婆🐷都食唔到，只好我比d 湯佢，沖淡返d 辣味。不過整體黎講，d 味道都幾差下，隻虎蝦又唔新鮮...唯一食得下既就係個小食不過都唔係好味，個三色海折又係唔知做乜咁都係唔好味，d 雞肉好鞋。d 炸野都ok...總之呢間應該唔會再食，連老婆🐷咁鐘意食酸辣野都覺得唔好味😣

下午茶時間覺得肚餓，咁啱經過麻酸樂，就決定入去試下！本身以為下午茶一碗米線$35，覺得價錢都唔貴。但睇真啲，原來係一個米線加小食再免費送綠茶先$35，仲抵我就揀左時蔬三寶米線配皮蛋豆腐。等左冇耐綠茶黎先，綠茶係茶包沖既茶，冇咩特別。然後就到冷盤小食。皮蛋凍凍地、食落幾好食。豆腐唔係百福既滑豆腐，應該係街市買既果種，佢好易散同埋有石膏粒粒既感覺，豆腐就冇皮蛋咁好食啦。而川醬既辣係後勁既辣、加少少麻既感覺，如果少左麻我會更加中意。最尾米線到左！揀左鮮茄味菜榨菜湯底，蕃茄味都唔算太濃，有啲辣辣地。下次都係揀返清湯好啲。米線份量都唔少，算中等偏多。米線煮既時間啱啱好，浸耐左都唔會覺得太軟，仲有口感。配料有好多！芽菜、榨菜、韭菜、腐皮，值得一提既係腐皮比得好大方，有兩大片，唔係超軟果隻雖然罪惡，但都有食曬而餸就有墨丸、手打肉丸、蟹柳同生菜。最有驚喜既係手打肉丸，有啲似平時食開既貢丸，入面有菇既香味，好食價錢方面，咁多野先$35算平，食完都幾飽嫁！正正常常既味道啦算係，不過佢味精應該落唔少，食完即刻好口渴

星期日 吃個早飯6:30pm入座 唔需要等位order左個"自選乜乜乜"$33包一個餸我叫左碗牛丸、牛肉米線 (鮮茄味菜榨菜湯底)湯底蕃茄味唔夠燶   吸引唔到我去飲佢個湯配菜份量OKAY米線份量都足夠老公叫左碗牛大哥米線 (酸辣湯底 - 少辣)湯底係敗筆   又唔酸又唔辣配菜份量OKAY米線份量都足夠再叫左2份小食手拍青瓜  (味夠 係入到味果隻)麻香海蜇手撕雞 (麻醬味夠香)

今晚放工都夜夜地，無謂兩頭走🏃🏽於是喺附近近地食左算了咁啱去到九龍灣食嘢就一係德福，一係就淘大架啦咁啱我又想食米線(雖然最後無叫)於是就拉左男朋友入依間醫肚了其實都唔係第一次黎食但上一次走入黎都兩年前嘅事了好似裝修過咁，無之前坐得咁逼不過亦可能因為都成九點，少人是常識吧今次我叫左一個麻辣肉碎牛丸紅薯粉男朋友就叫左個麻辣手撕雞撈拉再share一個麻辣龍崗雞先講牛丸紅薯粉本身我鐘意食辣，男朋友唔係，所以佢叫左少辣，但好明顯落錯單變左我少辣所以成個湯都係淡的，似係一個普通雞湯加幾少少辣油咁，唔係太知食緊乜粉就普普通通，唔太彈牙囉牛丸都普普通通，我唔會話你聽好有牛味咁總之成碗嘢普普通通35蚊可能走去幫襯某連鎖經營米線舖好啲至於男朋友嗰個拉麵就反而有啲驚喜味道幾好雖然最後無少辣，但唔算辣到要狂飲水料都幾豐富，勁有花生味係麵量少左少少，同雞量都少左少少正常女仔食量可能啱啱好，男仔就差啲不過47蚊都算係咁額外叫嗰個雞都唔錯其實個汁即係撈拉麵嗰個，一樣des雞都幾滑肉位都唔少，唔係啲食十舊有九舊都係骨嗰啲36蚊share黎食唔錯啱啱好填到男朋差少少嗰個胃題外話就係嗰兩個粉其實係免費送杯凍綠茶本身男朋友

［湯還湯，面還面，冇味米線］是夜諗唔到食咩，想食啲有湯嘅野，見麻酸樂晚餐價黎講都ok抵食，就入去試下，叫左7點幾，唔洗等就有位。入到去先知，原來麻酸樂有雞煲食？不過當然唔會喺度食雞煲啦！佢而家好多款米線都有n個餸，作為一個貪心嘅小朋友叫左個招牌十式米線小辣再加$3轉薯粉！點知食身一啖就知伏味好濃！佢只係個接近清水嘅湯底帶點辣味！嗰十式有幾款唔同嘅丸，最正係佢一塊有少少泡菜味嘅密集恐懼症魚片？見到都唔想食，佢一粒粒野突晒出黎真係恐懼到唔敢影！加$3嘅薯粉好似橡筋咁又冇味又硬！跟餐綠茶都係行清淡路線，不過呢個我ok不嬲唔好太甜！總結係唔會再有身二次！

服務真係垃圾中既垃圾, 味道一般,平時下午茶時段去食勁多空位都要你搭檯有次帶朋友一齊黎食野, 個朋友問佢有冇另一份餐牌(因為冇我平時食果個),個店員指住份餐牌成6秒,一句野都冇講,眼都唔眨全程落完單,都係1句野都冇講,但係佢又唔係啞架wo咁今日就再次黎到呢度食野啦,食完野咁我就想叫個店員找4個兩蚊比我,方便找返錢比我朋友點知未講得切佢就找左1 2 5蚊,咁我就好聲好氣咁同佢講,唔該可唔可以幫我唱散,4個兩蚊呀唔該你點知佢一句撻埋黎,我地唔夠散紙用,我呆左咁望住佢張檯果棟散銀,再望住佢,佢都可以理直氣壯咁唔找你唔係比我見到你檯面有成棟兩蚊我都冇咁嬲

同男友去搵食，入咗呢間，男友叫咗肉碎酸辣米線，我叫咗肉躁雞扒飯，個米線個湯底完全無味，垃圾！！！！而且服務態度差到不行！男友食緊米線，個店員上我果碟肉躁飯係夾硬對隊響我男友碗野前面，我男友講咗3次話碟野係對面嘅，都仲要繼續隊！！！個位上菜完全唔難，佢咁樣上菜法，我覺得好侮辱！！講番個肉躁飯先，個肉躁味道ok 同份量夠，雞扒無味，總結，呢間野永無下次。食麥記都無咁嬲