麻酸樂米線專門店 (Closed)

三月二日 (星期日)搬進九龍灣也有半年，時間真的過得飛快可是，為食的倆口子卻未曾一一試過附近的食肆因為Suyi總喜歡下班後趕回家製作晚飯，還是「在家千日好」，住家飯永遠是幸福的~昨晚從澳門回來，早上仍然帶點倦意倆口子也堅持先到Physical做運動才去吃午餐做完運動已經是一點半，Suyi餓得很，於是便走到經常路過的麻酸樂Billy選了魚蝦蟹米線配金銀蛋芫茜湯芫茜湯的湯底偏弱，聞起來反而不錯魚是魚腐，口感實在，也有魚香小小的蝦仁，算不上爽口店說是鱈場蟹柳，蟹肉質感幼嫩，略嫌咸了一點Suyi則選了香茅豬扒紅薯粉配清雞湯餐牌上表明免切的(其實是餐廳不準碎上或是另上)，何解呢？女士們吃手掌般大的豬扒是挺不方便的！豬扒送來時香氣十足，入口卻是少了一份應有的香茅味道清雞湯也一敗筆，淡如開水，只帶少許的鹹味一碗三十多元的米線不能要求太多，老實說，還是喜歡譚仔三哥米線多一點大家也去試試，我倆點的既不麻又不酸，或許未能作準~ 

成半年無黎過，無乜點變，除左加左價。雖然餐牌好多野揀，但最後都係要左米線。迷你鹹菜豬肚紅薯粉，要有清湯，真係好清湯底無乜味。豬肚好淋，又係無乜味。麻辣肉碎湯底迷你胸露肚紅薯粉，要左小辣，基本上係清湯底，再係上面加左辣汁，湯底麻麻。個名就改得好搞笑啦，但食落無驚喜，好一般。麻辣雞腎，ok入味，爽口。凍低糖綠茶，清甜，好飲。

麻酸樂 玩食字「女麻孫樂」 幾有意思兩個人入去 可以好似食拉麵咁坐法 兩個並肩咁坐 對住塊板咁坐幾好喎 好似自成一角咁叫了海洋之光鮮茄湯米線 餸就唔係好多 因為這碗不是自選茄湯夠酸 不過唔似鮮茄味 似茄膏味幾重多D 所以怪怪地色水夠紅都覺得好似好唔天然咁餸 (鮮蝦球 魚腐 蟹棒 腐皮角)正正常常 無驚喜另一款清湯的海洋之光 湯底真係好清 無咩味 中規中矩食得米線都係想快 店員服務都幾快 唔錯

時間尚早，未有人排隊，決定晚餐就在這裏解決。餐牌有西式扒餐，日式定食，又有台式小吃，真係包羅萬有。睇完一次，還是決定叫回這裏出名嘅米線。加五元可叫餐飲，凍綠茶，夠凍，淡淡嘅茶香，少少甜，好解渴。魚腐金銀蛋芫荽湯紅薯粉魚腐軟淋入味，咸蛋同皮蛋唔少，好香芫荽味，清淡湯底可以當例湯飲。有芽菜同腐皮作配料，更添口感。紅薯粉好韌，有點難咬開，而且勁大碗，食唔哂呢。墨魚丸酸辣米線（小小辣）墨丸好彈牙，米線夠韌，湯底夠酸，辣度適中，好開胃。環境較迫，侍應眼神空洞，但食物本身係幾好嘅，有下次。

今日又來到淘大商場,雖然只是上午11半,但已經急不及待想吃午餐!!決定了一嘗這間麻酸樂,看見店內坐滿了客人,心裡的期待感上升~那時還供應著早餐,價錢較平一點,但我和朋友還是嘗試他們的招牌米線我點了六寶米線($39),配料有手打肉丸,栗米雞丸,牛丸,墨魚丸,雪場蟹棒,泡菜餅,但每樣只有一件而湯底則選了酸辣湯底~先嘗了一口湯底,的確不錯,但令人失望的是,除了泡菜餅外,所有配料都只是非常普通,就像平常吃的一樣,而且質地偏硬,應該是雪藏了很久,不太新鮮~唯一的驚喜是,泡菜餅的味道酸酸辣辣,十分開胃及好食!!!可惜一碗裡也只有一件~~朋友點了中越同盟米線($37),配料有中式炸排骨和越南扎肉,並選了清雞湯底朋友說整體味道普通,只有炸排骨較好食~我們都點了熱奶茶,不用加錢,至於味道,只能說跟茶餐廳的一樣吧~整體而言,味道十分一般,餐廳環境不錯,但價錢偏貴,相信未來很少機會再嘗試了~

自從旺角無曬麻酸樂，我已經好耐都無再食過，今日經過淘大見到有分店就入去懷緬一下。本來想食清湯米線，但係時間太早，只有早餐SET，唯有揀左一個蕃茄湯牛腩米線。其實我好少喺出面食飯會叫D蕃茄湯嘅菜式，因為有時出面D蕃茄湯D味好假，不過理個試左一啖，覺得都OK，佢係有少少似羅宋湯嗰種，唔係好稀嗰種即沖湯嘅味道。最令我覺得不得不提嘅係佢杯熱咖啡，本來諗住都係一般茶餐廳貨色，但係估唔到會有少少驚喜，我覺得佢應該係用Cream沖嘅，入口好滑，好味。我唔係一個特別對咖啡有研究嘅人，只係我本身鐘意理個味道，大家如果去食飯又諗唔到飲咩就不妨一試啦~ : )

舊舖結業之後，隔左好多個月後麻酸樂終於回歸淘大。新舖比以前大，不過座位擺得有D擠迫。叫左個金銀蛋芫茜湯底米線，配料揀左雞軟骨丸同豚肉。米線份量唔少，唔需要加底都好夠食。豚肉有三大片，食落啖啖肉好鮮味。雞軟骨丸有四粒，食落卜卜脆。湯底好清甜，仲有唔少皮蛋同枝竹，好抵食。