麵屋丸京

Open Now

Now Closed

星期六中午黎左食拉麵，入面好少位，所以都等左陣，叫左丸京拉麵濃湯，有3塊叉燒同3塊真叉燒， 加七蚊有一粒炸雞，不可另上，走蛋減咗10蚊， 轉黑蒜油湯底加12蚊。炸雞浸咗落湯唔好食， 純粹可以一粒粒咁叫，7蚊吾過份，一份係35蚊，都係7蚊粒，都好大舊~味道一般， 落咗好多七味粉刺好辣。拉麵份量足夠，我細食所以食唔曬， 擺碗好靚，但係我都唔識睇邊啲係真叉燒邊啲係普通叉燒，食落都分吾到😂😂😂 黑蒜湯個湯底唔係好黑，ok la~另外叫咗份吉列炸蝦，一份5條， 呢個好食，推薦

難得有清湯揀既拉麵店😍岩哂怕肥又想過拉麵癮既女仔！本身對清湯無乜期待，但原來清湯都好好味，吸咗d叉燒味，拉麵亦掛到湯叉燒更加唔使講，好嫩好好味推薦一定要叫真叉燒拉麵！食過普通叉燒就無乜特別另外都叫咗餃子&炸蠔，不過不失正常發揮。

為左可以反映到最真實既食評比大家，平時鮮有評價都特登打段文去反映我既失望口味大家都唔同，對我黎講，e碗絕對係一碗唔好食既拉麵。湯底可以選濃同淡，濃湯底上到枱仲係暖既同其他餐廳唔同，喱到冇得選麵既軟硬程度，但麵底算有咬口，都正正常常。但配料真係麻麻（1）筍咬落唔爽過淋（2）糖心蛋就仲有蛋白係未凝固（3）叉燒係冇咩味…（4）雞球第一二啖食落去都係粉😂Overall 黎講，人均110幾可以係其他地區食好更好食既拉麵，除左賣相靚，冇咩過人之處。

不想常在商場打轉，便到葵涌廣場後面街的麪屋丸京。本來打算等五分鐘就離開，但看見後面排隊的人龍漸長，排到旁邊的蔬菜店了，就多等了十分鐘。🌸🍜點了真・叉燒拉麵，那其他的是假・叉燒嗎？介紹說是真空低溫烹煮的櫻色叉燒，能鎖住肉味。沒錯是油香比較重，甚至還有一點點像薄牛肉的感覺。我自己是覺得櫻色叉燒的說法比較浪漫啦。🥚看它的ig，不時會有特別湯底，這次碰不上，說不定下次再試試看。另外，拉麪附有一整隻溏心蛋，立刻覺得店家很慷慨，畢竟也有吃過其他有名拉麵店，會與原圖不符地只給半隻蛋，拉麵好像立刻黯淡下來。

✅麵屋丸京呢間拉麵店bookmark左好耐見到每碗都佈滿唒叉燒真係好正😆但一直未有機會去食今次終於黎到啦💛🔆丸京拉麵 $95拉麵黎講 佢既價錢真係唔貴！95蚊仲要有咁多塊叉燒 真係好抵食😜呢個拉麵係有兩款唔同叉燒有普通叉燒 同 真.叉燒😋 各3塊普通叉燒就好似平時出面食既豚肉咁 仲有炙燒既效果而 真. 叉燒 就係用真空低溫烹煮技術而製的顏色上粉粉嫩嫩🐷 但絕對可以放心食用👍🏻因為佢係低温殺菌慢煮 所以即使顏色粉嫩都可以食用💛食落真係比起普通叉燒好嫩滑 入口即融既感覺😋唔講都唔知自己食緊豬肉😂麵質係我鐘意既爽口彈牙👍🏻 份量都幾大份湯底有濃湯 清湯選擇 我就揀左濃湯真係好濃豬骨味 仲見到一粒粒蒜蓉碎添🤣味道: 4/5賣相: 3.9/5🔆極上拉麵 $88呢款拉麵就係全部都係炙燒叉燒 有6片~ 價錢同丸京拉麵相差10蚊都冇但丸京有 真. 叉燒 口感真係好好多💛湯底 麵質等都係咁好食個分別就真係個叉燒！所以如果係叉燒豚肉愛好者 真係要試丸京拉麵啊😋🔆吉列炸蠔 $4040蚊5件吉列炸蠔 真係超級良心價💛炸蠔仲要大大件 而且脆漿唔厚！熱辣辣 新鮮即炸🥰 仲要味道啱啱好啲蠔都唔會係有腥味！味

今日終於嚟食咗， 葵芳開業 多年嘅 麵屋京丸。今日點了丸京拉麵 (三叉燒，三真.叉燒， 蛋，蔥，荀)可能由於臨近關門前先至嚟，所以濃湯已經賣曬， 咁唯試清湯， 拉麵偏向夾身硬口， 本人非常喜歡, 燻蛋軟硬適中口感一流, 不得不提真.叉燒，其實就係慢煮豬肉叉燒,， 雖然 叉燒和真.叉燒肉眼難以分別，但一入口其實好容易分到， 可能因為慢煮嘅關係，肉質鮮嫩甜美，帶有濃烈肉香， 至於普通叉燒其實亦非常好吃，分別只在於嫩口和極嫩口的分別， 至於湯底口感清爽可能因為清湯嘅關係 再配以生蒜的辛辣味配合得剛剛好， 絕對值得跨區過來品嚐

湯底有得選擇濃湯/清湯或者加錢轉黑蒜油濃湯/清湯，重口味淡口味人士都照顧到👍🏻拉麵冇得揀軟硬度，我哋兩碗嘅麵都比一般拉麵店硬好多，有咬口，如果只愛軟身麵質嘅就未必啱食。每張枱都有一樽蒜蓉同一樽辣椒醬，我哋勁推蒜蓉，新鮮又香口，加入2款湯底即時錦上添花！個辣椒醬就唔太推介，味道似豆瓣醬，唔太夾！⭐ 豚骨拉麵 轉 黑蒜油濃湯 $73+12⭐味道：8/10👧🏿👦🏻:呢碗本身配3塊叉燒、荀同溏心蛋一整隻，好足料！叉燒簿身大塊，半肥瘦好嫩口，外皮有啲燒焦味，都幾出色🥰溏心蛋生熟度剛好，醃得好入味，甜甜咸咸。黑蒜油濃湯香而不油，推介！⭐丸京拉麵 配 濃湯$95⭐味道：7/10👧🏿👦🏻:呢款拉麵比上一碗麵多三塊「真叉燒」，我哋食落去感覺就係比較瘦，有普通叉燒咁重油脂味。濃湯湯底豚骨味濃郁又唔會過咸，近期最驚喜嘅湯底🥰🥰🥰⭐七味炸雞 （5件）$35⭐味道：7/10👧🏿👦🏻:不得不就外表有啲似韓或炸雞🤣不過個調味真係超日式，咬開係海量七味粉，香口唔太辣，仲要滿滿雞油，唔柴唔老！每件都好大舊，建議一人叫兩舊就夠啦😉

「麵屋丸京」——————————————————-店舖地址：位於葵芳興芳路188號地舖——————————————————今日嚟到葵芳呢間小店, 食碗拉麵🍜拉麵湯底非常好味 有濃郁嘅豬骨味🥰有隻糖心蛋 不過嫌佢有少少熟得滯😞😞呢碗拉麵有好多塊叉燒 肥瘦適中非常好食😋個麵底軟硬適中唔會太硬又唔會太軟！不俗!對得住個價錢!!! 🥰🥰經過有興趣可以嚟試一下😍🥰

好好食,呢區最好食沒有之一,即使加上荃灣區都係最好的麵質正,湯底又好味惟一缺點係起魚檔隔離,有其他客人入門而無關好門口塊簾的話就好大魚腥味,呢樣真係幾可惜,只能夠講選址唔太好,但瑕不掩瑜

▪️濃湯極上拉麵▪️濃湯豚骨拉麵食拉麵既第一步要試下個湯底先 我飲左一啖 真係好好味🤩👍🏻我揀左濃湯 真係飲到豚骨既味道 亦好濃郁 但又唔會過份重口味 絕對係高質既湯底🤤跟住就試叉燒 講真呢到既叉燒就真係相對薄啲 所以味道都唔太突出 普普通通🙊之後就試拉麵 拉麵又係食左一啖之後 好好食呀😍 麵條屬於幼麵🍜口感彈牙 唔會太淋 我食野好慢 但食到最後個啖啲麵仲好彈牙😚 半熟蛋既質感亦都不錯 配料方面 荀同蔥都幾好食🙆🏻‍♀️*枱嘅旁邊放有一盅蒜蓉🧄食完原味嘅拉麵 可以試下加一匙嘅蒜蓉落個拉麵 湯嘅味道會再昇華👍🏻-呢間拉麵店既選擇其實唔多 湯底有濃湯 清湯 黑蒜油湯(+$12) 叉燒可以揀普通叉燒同真叉燒 每個麵基本都有叉燒 半熟蛋 蔥同荀 走半熟蛋仲可以減$10 所以價錢唔貴 其他配料需要可以加錢 另外仲有三款自家製小食 同唔同既飲品-整體而言: 雖然叉燒同半熟蛋冇十分出色 但湯底 麵質同呢個價錢絕對搭救😋 呢間拉麵鋪頭細細 位置亦稱不上好就腳 但都值得大家行多一兩步去幫襯下🙌🏻

一貫小店格局座位較窄 不過只要拉麵好吃都不是問題😏招牌叉燒拉麵鋪上六大塊日式叉燒 由於慢煮原故 叉燒呈粉紅而且肉質軟腍嫩滑🍜.濃厚的豬骨湯喝起來黏黏的 拉麵很掛湯 特濃豚骨湯底吃到一半可能會有點偏鹹 幸好店內有冰水提供💁🏻‍♀️葵芳其實有不少隱世小店 值得好好發掘一下😎

葵芳有間好受歡迎既IG SHOP, 佢地最出名既係🍪曲奇, 不過我今次買既係🥧PIE(佢地既曲奇餅底真係做得好好), 今日去取貨, 為左多謝老公湊仔湊左成日, 夜晚仲要專登出去幫我拎甜品(佢唔好甜品, 所以每次買親拎親食親甜品都係為左我), 所以晚飯就由佢話事。舖頭空間好細, 放3張4人枱真係好迫夾, 建議大家避過繁忙時候前來。好彩我地下午6點前到達, 當時只有我們兩個客人。我地都同樣嗌左濃湯丸京拉麵另外再加一支白葡萄梳打。濃湯丸京拉麵 - 豚骨湯底味道香濃, 感覺真材實料帶濃稠口感。但比較之下, 熊拉麵的湯底還是略勝一籌 - 鮮味十足更具層次感。最要讚既就係麵屋丸京既叉燒份量真係眾多拉麵店當中少有既慷慨, 而叉燒既質素亦沒有因為份量多而降低。真叉燒即係慢煮叉燒, 麵屋丸京既慢煮叉燒好好味呀, 唸返起之前食過立体派拉麵既慢煮叉燒有不太良好既經驗 - 肉質普通仲要有陣肉騷味。相反麵屋丸京既慢煮叉燒完全發揮出慢煮料理既優點 - 肉質柔軟嫩滑, 味道新鮮無怪味, 直頭有種食緊刺身既感覺, 所以嗌丸京拉麵就好好喇, 可以食一塊傳統叉燒然後食一塊真叉燒, 傳統叉燒肉味較濃又可以減低慢煮叉燒既膩感

這間拉麵店是一間街坊食店，它就是其中一間餐廳，放工想搵個地方吃好吃的晚餐，而選擇會去吃。但如果你咁啱嚟到葵芳又想試吓搵嘢食，咁佢都可以係你嘅好選擇。又或者你係一個好鍾意食拉麵，咁特登過嚟食拉麵都係可以，但係如果你唔係特別鍾意食拉麵，而唔係住喺附近，咁就唔使特登山長水遠嚟食。講返個拉麵先:個麵口感ok彈牙，如果大食嘅人可以加面底。叉燒有兩款：真叉燒>好嫩肉，似怕嗎火腿咁，而普通叉燒就正常肉味，唔會乾。配料：筍丶紫菜丶粟米丶蔥，全部夾埋都幾好食。蛋是好味，喜歡吃流心蛋嘅我覺得不錯。湯底：我平時會揀清湯因為冇咁油膩，如果鍾意食濃味嘅可以叫濃湯底或者加黑蒜油，每個都有特色。小吃：炸雞都唔錯,新鮮炸，脆香；炸蝦就嫌粉多咗少少，冇特別要求都合格。以拉麵店來講，佢係味道是不錯。

因為去葵青劇院睇drama順道search下附近有咩小店全部餐廳都以新都會同葵廣為主但由於想避開人潮 搵到呢間有小小距離嘅拉麵 亦深深被佢相中片叉燒吸引由於座位有限 等左20分鐘左右先有得入座主要係1種拉麵3種湯底加自己想加邊種叉燒為左試哂2種叉燒我叫左濃湯丸京拉麵($95)再加5件七味炸雞拉麵係唔錯嘅 軟硬度剛好濃湯黎講就唔算好濃 但好1在唔太油(如果同豚王比教)朋友叫話佢嘅黑蒜油湯都係偏淡 就算加左生蒜都係差dd肉方面....我就覺得睇相"好食"d 2種叉燒都肥瘦適中 但可能因為較薄嘅關係 肉味都幾淡 個人就比較喜歡普通叉燒多過佢signature嘅"真叉燒"而七味炸雞就....建議可以skip (唔記得影相)因為佢個炸漿太厚 吸哂d油油到我一口咬落去會滴出油果種我食左第1件已經停手😅可能學生哥年輕人會鍾意嘅....單以拉麵黎講都ok嘅不過$100係葵廣應該更多選擇🤭

lunch成日要排隊，今次見咁岩無人排就入左去食，好快整好，平日lunch會送多筍/紫菜/粟米，自己揀其中一樣。湯可以揀濃/清，咁我揀左濃湯半熟卵拉麵。見到有油脂浮湯面，濃湯但濃得來唔似某d店咁有豬臭味，佢話用日本+歐洲豬骨，都ok。麵略硬，普通。叉燒極薄，但又好淋好滑，整得幾好。半熟蛋都整得幾好，好靚。枱面有磨到極碎既蒜蓉，但唔會好生蒜個隻辣，枱前有冰水自助。飲埋個湯都有字係低，滿足。不過一路食一路覺得稍欠特色，味道上平穩而未見突出，可能要試下其他味。