麵屋丸京

Open Now

Now Closed

呢間係一間不過不失拉麵鋪首先佢地方唔算好大 如果二人同行就要靠邊坐 環境都尚算乾淨 不過雜物很多 要走動都不是太方便當日試咗 真。叉燒拉麵 佢推廣話係用最新嘅真空低溫技術處理 令到肉質外表似半熟 但徹底加熱消滅細菌可以安心食用 作為一個不斷試新野嘅食家 見到咁嘅廣告點可以唔試食拉麵當然要試過湯頭先啦 第一啖佢嘅湯頭算係清甜 但越食個感覺越嚟越喊 個嘴唇有少少麻痹 不過佢嘅拉麵幾有口感 值得一讚另外佢呢碗麵嘅主角真叉燒 我係第一次食半熟嘅叉燒 個肉質好嫩滑 味道唔錯 鍾意食叉燒嘅朋友呢個值得推薦總體來講 6.5分 如果諗唔到食乜嘢又鍾意食叉燒嘅朋友 可以嚟呢度一試Angielababy上

葵芳拉麵選擇吾多,朋友非常推介呢間👍👍我一早就到 唔洗排隊真係好點知一試就愛上了,呢間餐廳算抵食, 個個都話必點濃湯但我仲點左個清湯佢既豚肉咬落同拉麵味道好夾😂😂👍👍湯底好飲....我會encore

食厭左葵廣/新都會，一於行出少少搵食！離葵廣五分鐘路程就有一間小小既拉麵店。午飯時間黎到，坐位不多，但不致於要等位。繁忙時間，二人需靠邊坐。唔似大型拉麵店買弄湯底/賣相，睇menu時看上去幾乎差不多，一眼睇哂有四五款。都係在於有蛋無蛋、多肉少肉😂加一款招牌主打。湯底簡單分為清湯/濃湯。「清湯」係指豬骨清湯加上醬油，而「濃湯」係清湯之上加上背脂(脂肪粒)去還原濃濁油脂。另外，丸京主打日本最先端科技真空低溫調理叉燒都十分吸引，但今次就先試個普通款先！．🔸濃湯極上拉麵 $88極上拉麵較真叉燒拉麵平少少。價錢已包括叉燒、溏心蛋同筍，相對抵吃。叉燒份量絕對係一大賣點！足足有成六大塊，氹氹轉舖滿哂拉麵上蓋！每一塊都切得好薄透光，口感柔軟。麵底一般。對於我依啲重口味人士，幾時都會揀濃湯。濃就夠濃喇，但未夠厚。不過對於拉麵黎講，都可以接受。如果係沾麵，湯就未必掛到麵。．by VIN環境分數: 6/10食物分數: 7/10

作為一個拉麵fans嘅我，得閒就會周圍搜羅下啲拉麵鋪🧐每次經過呢一間細細的鋪頭，入邊都會坐滿晒人😲於是今次就決定揀呢一間拉麵店嚟試吓佢🍜佢哋主打五款拉麵，亦有分濃湯或清湯。我就帶咗半熟卵拉麵配濃湯；而朋友就嗌咗極上拉麵，亦都係配濃湯。先講湯底，相信佢哋熬咗好耐，比較杰身，但同時亦唔算好鹹。湯底非常夠熱，能令拉麵食到最後都保持溫度。麵質係我喜歡嘅粗麵，彈牙之餘亦能掛起湯汁，每一啖食落口都係味覺嘅享受🤤相信半熟蛋係呢碗麵嘅焦點，果然冇令我失望，非常入味，口感亦都好好添！朋友嗰碗極上拉麵，唔同之處就係多叉燒。叉燒肥瘦適中，賣相亦都燒得非常之靚，肉質鮮嫩，每塊夾埋啲蔥同埋浸住幾啖湯咁食，味道真係做得非常不錯！！朋友仲話好食到飲晒碗湯添😳其實以呢個價錢可以食到一碗咁好食嘅拉麵真係會好開心！如果朋友問起我有咩好食嘅拉麵推介，呢間都會係我嘅心水之一！🤤

今次是第二次食這間拉麵，兩次都是大約7:00到，上次大排長龍，排了大約半小時有多，今次就快好多，只是等一位就到。點了半熟卵拉麵和極上拉麵，今次比上一次差了點，可能第一次食有驚喜，所以這次食就有點失望，今次麵質煮得比較硬，不及上次彈口，流心蛋較為熟不夠流心同馬虎，湯亦鹹了一點，但义燒仍然保持到水準，整體來說比上次差了一點，但還可接受。值得讚係店員有禮貌，態度好好，地方雖小，但安排入坐和落單都處理得快，下次一定要試真义燒拉麵，不過流心蛋要另加😅

今次食左叉燒拉麵（濃湯），啲面夠硬夠彈牙係我鍾意嘅類型叉燒肥瘦適中唔會太鞋太un!濃湯既味道都幾夠！重要有生蒜蓉提供比你自己調味！超正！唯一覺得美中不足既係啲湯唔夠熱！但都值得一試！

普遍食拉麵，都係比兩塊叉燒你算數，到喉唔到肺今次終於揾到間可以食叉燒食到到夠喉既拉麵啦五塊大大塊既叉燒舖係面，完全遮晒麵同湯，一黎已經比到視覺既震撼我唔知味道又點呢❓叉燒好大塊，但薄，不過唔影響口感，唔係全瘦係有小小肥，肉嫩唔嚡唔柴，係好味既麵係小粗，直身既麵，唔算彈牙，比唔到驚喜我，普通啦湯底係豚骨湯，好濃郁，岩晒鍾意重口味既人，我略嫌有少少鹹，但都忍唔住飲晒啲湯，唔錯溏心蛋係每次食拉麵我都會好期待既野，因為唔係到到都食到好味既蛋，今次既蛋就失色左，因為唔夠流心，有少少過熟總括黎講，味道係唔錯，亦比到我視覺享受如果麵同蛋再做好啲，咁就無得彈啦‼️

真•叉燒拉麵 (每日限量20碗)一開始比佢鋪滿咗叉燒外表吸引所以放咗喺to-eat-list好耐估唔到平日夜晚去都仲有 真•叉燒拉麵成餐由頭食到尾 成碗野都仲燙口叉燒用低溫烹調 呈現粉粉地顏色 我都有浸落濃湯 等佢變下色🙊感覺上d肉係腍d但整體嚟講正正常常一碗拉麵 比港式好啲啲同場加映~半熟卵拉麵($73)———————————————————————$93 +$10 半熟蛋麵屋丸京葵芳興芳路188號地舖

真空叉燒拉麵⁉️🔆🍜重口味之選😛 大愛 叉燒肉嫩❤️ 極上拉麵 都唔錯 溏心蛋😍 特濃郁豚骨湯底 食完要飲水😀但叉燒真係😍😍😍 自家製餃子都唔錯😺===============================================.麵屋丸京 (葵芳)葵芳興芳路188號地舖

拉麵湯底其實都可以多樣化，今日試這個係超濃湯拉麵，與其說濃湯，可能說成芡比較貼切。先呷一口濃湯，杰身感受是理所當然，然後......都幾鹹，豬骨味未算超級無敵濃郁，有被鹹味搶過嘅感受。拉麵亦有足夠鹹味，麵質少彈掛湯不錯。叉燒肉質軟淋口感不俗，但味道都被濃湯沾上了，都只能吃到湯的味道，叉燒整體算是做得不錯的。流心蛋做得幾好，蛋黃帶著酒香，不知甚麼近來挺喜歡帶酒味的食物成碗拉麵我喝了二杯水，一邊吃一邊喝，除了較鹹之外，整碗拉麵水準不俗，叉燒和流心蛋推介

皮薄餃子🥟驚喜之作麵屋丸京 - 清湯半熟玉子拉麵 👍🏿+ 餃子👍🏿👍🏿第一次食丸京驚喜不斷、湯麵蛋肉，都係中上水平、價錢卻6-70元、性價比極高的拉麵小店。後來牛頭角店、荃灣店相繼開作業、水準不及葵芳元祖店。一如往常去開葵芳就食丸京、水準仍然保持第一次食的感覺、雖然價格微調了、驚喜感弱化了、但依舊是一個不錯選擇！見到店內餃子🥟的餐牌、被吸引、決定試試、一上枱、看見如此薄的皮、乎合杜生的節目煎日本餃子的要求、我用筷子夾起時都要小心翼翼、第一隻餃子皮有點過焦，後面四隻沒有這個問題、微脆又薄的餃子點少少餃子汁、加上裡面菜肉比例合適、一隻接一隻、絕對不似雪藏貨（雪藏貨代表有霸嗎和一風堂的餃子）享受完畢！可算是香港數一數二好味的拉麵店餃子！推介！😋欣賞丸京每日店內製作的食物、希望不要因為分店多而令水準下降！加油！

今晚是第二次來幫親，上次試了清湯底，今次便食濃湯底。叫了半熟卵拉麵及豚骨醬油拉麵，基本上兩碗都是同一款式，只不過半熟卵多了一隻蛋，湯底味夠濃，適合重口味人士，豚骨肉焾，薄切，美味，加葱，整體配合不錯

Foodiegal我今天帶了吃貨小子到葵芳吃拉麵！其實在葵芳沒有太多拉麵店，而且還是有點日式裝潢，不過可能是夏天的關係，加上廚房是開放式，坐下良久感覺有點熱，不過亦無阻我對拉麵的熱愛～因爲我們在十二時正便到達餐廳，所以無需要等待！٩̋(๑˃́ꇴ˂̀๑)我們二人坐在Bar枱，枱下有位置放隨身物品，挺方便的！侍應放下一張Menu，亦是點單紙，客人自己用筆寫下要的食品就好了。我和吃貨小子分別點了半熟卵拉麵和極上拉麵。可能剛開舖，而且沒有其他客人的關係，我們大約等了五分鐘，拉麵就送上！吃貨小子點的極上拉麵配上濃郁的濃湯，拉麵之上鋪滿一塊塊叉燒片，還有半熟玉子！( ´▽` )ﾉ我的半熟卵拉麵也配上濃湯，其實配料跟吃貨小子的一樣，只是差了幾塊叉燒片。(⁎⁍̴̛ᴗ⁍̴̛⁎)總結：其實我覺得這個價錢吃到一碗拉麵，在香港很難找到！而且，拉麵的湯底真的做得很好，一直吃下去都是熱熱的。我本來喜歡吃少硬的拉麵，所以如果拉麵能夠不要太軟就好了！還有，叉燒片是薄薄的那種，可能跟日本厚切的比較不同，但吃下去也很有味道。由此可見，性價比很高！୧( ⁼̴̶̤̀ω⁼̴̶̤́ )૭

喺葵芳無諗過有咁高質素拉麵店。麵店主打叉燒拉麵，大碗就6片，細碗就3片。有得選擇濃湯或清湯。我今次食左濃湯大碗無加糖心蛋。無失望，好好食，下次要試埋清湯至得。坐嘅位置就唔多，但服務生有禮貌。

同朋友去左葵芳行街，聽佢講呢邊有間幾好食嘅拉麵店。本身對拉麵嘅印象麻麻，不過朋友講到咁好就去試下啦。（本身都係抱住陪太子讀書嘅心態去！）我地未開店就到左，所以就影下出面咁。呢度嘅拉麵價錢不過不失啦，最平$63，最貴就$99。本身想點朋友介紹嘅「魚介」不過今日無。由於本人鐘意食糖心蛋，所以就點了「半熟明拉麵」。（清湯）$73分量就一個正常男仔分量。麵底都幾足，叉燒真係幾有驚喜！連我呢個唔鐘意食叉燒嘅人都讚不絕好。一般麵包嘅叉燒一係就好厚，厚得黎又乾又韌；一係就薄得黎食落滿口油膩感。但呢間嘅叉燒又唔會，仲會令你食上隱，真係好好味！食嘅時間配埋店家提供嘅「辣明太子」同蒜蓉更可提升湯底嘅層次感。正！唯一美中不足嘅係拉麵無得選軟硬度，不過本身嘅軟硬度都可接受。下次黎開呢頭都會再食！👍🏻👍🏻👍🏻