麵屋丸京

Open Now

Now Closed

聽講E間拉麵🍜一直係網上熱店🔥，個個食過都大推好味又還原到日本🇯🇵的味道，今日就同大家一齊入去試下佢幾款口味邊隻最好味啦💁🏻‍♀️普通的日式拉麵店🍜，店鋪的位置唔算大，坐bar枱反而比門口四人枱更闊更舒服😂👉🏻蝦湯🦐粟米紫菜拉麵🍜 ($95)~粟米🌽+紫菜+蛋🥚+筍<重口味必選> 先同大家讚下拉麵靈魂—湯底🍲︰濃郁鮮香的蝦湯🦐香滲透在每一啖的麵條上，湯底用上大量的鮮蝦及肉類🥩燉製本來已經好鮮甜，再加上上枱前的一圈蝦油令蝦香更為突出❤️，加上較素淡的combination反而會冇咁膩，可以吸收曬d精華，特別係個幾片脆卜卜的紫菜半脆半軟真係好好味😋👉🏻清湯丸京拉麵🍜 ($100)~叉燒3枚🐽+真叉燒3枚+蛋🥚+筍上枱個下真心嚇親🤣，大大片手掌咁大的粉紅色慢煮叉燒🐽佈滿碗邊，成碗拉麵只係見到肉同肉😱，一條麵都見唔到認真誇張。主角「真叉燒」嫩滑而且唔會好似平時的日式叉燒咁滿滿都係肥膏🤤，全片都係勁實在的肉來架，最適合食肉獸/唔好肥膏的你👍🏻~ 雖然話係清湯，但琥珀色的湯底本來已經好夠肉鮮味🥩，對比起濃湯反而少左油脂感，大家可以按照自己的需求選擇湯底😉👉🏻濃湯豚骨拉麵🍜 ($78)~

湯底：清香而優雅不肥也不膩微微胡椒香玩淡淡柚香會忍唔著完食。拉麵：唔係最幼身掛汁既而係中身最有口感既配上大量香蔥白蔥麵長而口感IN韌。配餸：日式叉燒：有6塊，大大塊，兩種叉燒，夠足料但食落唔算好大分別。食落普通，但勝在完全唔會痴牙，肉份量滿分。筍：有幾粒，粗條狀切，有口感，普通野。流心蛋：100分，個型態岩岩好，蛋白都入哂味。同個柚子鹽湯底勁夾。蔥：香蔥配白蔥，香味一絕，100分絕對做得比預期好，值得推薦及支持（杯冰水飲落, 完全無水喉水味, 極冰涼, 已睇得出間鋪既細節位都做得好足！抵讚）

Bookmark 左好耐的一間拉麵店終於有機會潮聖🥹平日1️⃣2️⃣點幾黎到已經有人排緊隊，結果等左超過半個鐘先可以入座，好彩天氣唔係太熱😥排隊時要諗定食咩，不過最想食的真叉燒拉麵已經冇，蝦湯又係冇🤥連餃子🥟都冇，一開舖冇耐就好多野都冇令我第一印象扣左分🥲原來佢地逢星期一三同星期四至日提供的湯底會有唔同🥸，逢星期二休息點內裝修有日本當地拉麵店風格，有Bar 檯位置睇到師傅煮麵過程店內提供座位不多，大約2️⃣0️⃣個左右店員有基本禮貌🆗==========🔹丸京拉麵 $100 (黑蒜油湯 +$12)男朋友揀清湯，我揀黑蒜油湯🍜每碗有3️⃣片叉燒，3️⃣片真叉燒，筍，蛋少量蔥花鋪面賣相吸引，份量適中片片叉燒均為粉嫩色，厚薄均一，有啡色邊的為叉燒😉真叉燒的肉質會比叉燒更滑更嫩，食到淡淡的豚肉香，油脂感不重，叉燒沒太多脂肪😗叉燒則比較普通，肉味也不重筍有幾片，非常掛湯溏心醬油蛋煮的時間拿捏得非常好，裡面是紅紅的流心，醬油味也很明顯😋拉麵則沒太大驚喜，質地偏少少硬，未食得到蛋香，略帶微微煙韌感==========黑蒜油湯底的黑蒜油味唔算好突出，就算平日唔鍾意蒜味的朋友都會接受到，湯底味道不算太重但層次豐富鮮甜，而且不油

睇完某youtuber介紹，終於等到放假，去試一試。叫左碗丸京拉麵，有3塊普通叉燒， 3塊真叉燒，一隻溫泉蛋同埋筍。拉麵冇得揀軟硬度，麵底一般，重要好淋。真叉燒的確係比普通叉燒好食，但未去到我會再次回頭。可能太有期望，結果好失望。早去關係，唔使排隊，食完出去，已經見到有人排隊。

好耐冇去日本， 想食d 日本野重溫下行過深水埗見到有好多人排隊所以就試試佢排左大約半個鐘有得入座入座既時候店員已經話濃湯同蝦湯已經賣曬咁唯有選擇左清湯同一份炸雞清湯黎到有驚喜， 唔會好油， 叉燒好嫩， 溏心蛋都做到流心既效果。 我自己會加蒜容and 胡椒， 令湯底味道更濃。 面質偏硬， 岩我自己口味既。 炸雞即叫即炸， 撈埋沙律醬同蔥， 好香口好邪惡。 40蚊黎講有5大件都幾抵食埋單食左百幾蚊， 唔算話好抵食， 不過冇得旅行之下重溫下日本味道都不錯

唔知係咪香港人思鄉情切，而家每次去拉麵店都會大排長龍，星期日中午一點幾去到，想食嘅蝦湯同濃湯都賣哂了🥺最後加$12叫左黑蒜油湯，試一試佢地嘅人氣丸京拉麵。丸京拉麵有普通叉燒同真叉燒各三片，食落真係有分別😛一黎到已經舖滿成個碗，非常吸引😍真叉燒肉質好爽口，肉味較普通叉燒濃，麵質彈牙，湯底就正常發揮，整體嚟講都唔錯，如果唔使排隊我會再嚟食嘅😜另外仲叫左個香蔥沙律炸雞，啱啱炸好，一嚟到梗係趁熱食啦，炸得好香脆，炸粉唔會太厚，雞肉嫩滑，配埋佢個沙律醬，呢個真心推介😝👍

深水埗模型店隔離呢間麵屋丸京拉麵，長期人氣排隊，大熱天時戴晒口罩啲人都係咁喺度排，證明受歡迎程度亦都幾高，今次去試吓佢個丸京拉麵，每日限量發售，售完即止。排隊時姐姐亦都已經比單我哋圈定，入到去差唔多坐低已經可以食得，丸京拉麵一共有（叉燒3枚、真叉燒3枚、蛋、筍）女仔嚟講我覺得份量好多，但係啲叉燒唔油膩，基本上如果肚餓都可以食晒 另外仲試咗佢招牌香蔥沙律炸雞感覺上好似太油，不過可能個拉麵已經太飽，整體嚟講好好食🖐🏻

拉麵達人朋友又介紹我去食好野，一朝早11:30pm我就去到深水埗既丸京拉麵，大約有十個人排隊，大概12:00pm鋪頭就開門喇。丸京拉麵賣相相當吸引，仲有真，假叉燒之分。真叉燒以慢煮烹調方式製成，肉質軟滑。假叉燒帶有微微煙燻味，兩款都好味❤️👍🏻。仲有溏心蛋同筍，之後我仲追加多個白飯拌拉麵湯。香蔥沙律醬炸雞炸雞炸得乾身同好脆，口感一流，嚟過幾次丸京係我必點名物。整體拉麵同炸雞都好食，環境舒適，唔會有排長龍趕客走既感覺，性價比高。

呢間拉麵group都好多人推介黎到必試嘅係丸京拉麵真叉燒算係呢度嘅名物一試果然名不虛傳🥹叉燒軟硬適中 真心好食 豚骨湯底岩岩好又唔太油膩 忍唔住飲哂😝麵嘅硬度都可以揀 岩哂鍾意軟麵嘅朋友一定要再幫襯！

今日去久仰大名嘅丸京拉麵嘗試。去到已經好多人排緊隊。到我嗰陣,已經只係可以叫清湯或者黑蒜油湯底。而最後我叫咗個黑蒜油湯丸京拉麵。入到去座位唔算多,有可以直接睇住師傅煮麵既長台&四人普通台。黑蒜油湯丸京拉麵,叉燒既份量算唔少,肉質唔會太乾,會幾軟滑。但肉味唔算好濃。如果再厚身少少會更加好。原本以為黑蒜湯會好油好濃,但又無我心目中甘濃厚。可取既係,佢唔會好油。溫泉蛋不過不失。整體來講,碗麵唔錯,但又未去到話好有驚喜。

睇完YouTuber介紹即刻好想食，週末即管嚟排隊試吓～ 試完之後覺得果然係排隊名店！佢哋嘅食物仲好快賣晒，唔早啲嚟真係試唔到多幾款野食(⁎⁍̴̛ᴗ⁍̴̛⁎)🍽食物✨蝦湯丸京拉麵 $112 9/10蝦湯係每日限定，店員係客人排緊隊嘅時候已經會問定會唔會食蝦湯，未開門就已經派晒籌，我哋勁好彩食到最後一碗！蝦湯真係十分出色！面頭鋪滿櫻花蝦，湯底鮮甜又濃郁，一入口鮮味爆發好似好多隻蝦係口到游水咁！但係一啲腥味都冇，淨係留低甜甜嘅餘韻🤤 佢哋用嘅係幼麵，麵質彈牙唔會過熟，索左湯底食更加好味，食到最後係連湯都飲晒！至於叉燒係 3塊叉燒同3塊真叉燒，真叉燒係慢煮製成，入口比較軟嫩，仲有油脂香氣，普通叉燒都唔差，未夠真叉燒咁淋但都品嘗到肉香～ ✨濃湯丸京拉麵$100 8.5/10濃湯係佢哋嘅皇牌之一，濃厚嘅豬骨湯底充滿油香，但係入口都唔會覺得好重負擔，食完亦唔會好口渴，濃湯整體比蝦湯油膩少少，不過重口味人士應該會好中意！其實濃湯都好出色架，我哋食完都係飲晒啲湯🥹叉燒同麵質都係同蝦湯個款一樣配置，所以就唔重覆啦～✨七味炸雞 $38 8.5/10炸雞嘅炸衣好薄，每一件都好大舊，雞肉勁Juicy又好嫩滑，加埋七味

.📍麵屋丸京深水埗｜屯門｜葵芳｜荃灣｜牛頭角評分：7/10🔹真·叉燒拉麵 $108全店最貴既拉麵 有六塊舖頭特色招牌「真·叉燒」鋪滿碗邊 肉既份量多到瀉出黎！真·叉燒用慢煮烹調 呈粉紅色 入口鮮嫩 打破一般拉麵店少肉既傳統適合做尖需要多蛋白質既人士呀💪🔸半熟卵拉麵 $78呢個拉麵配既係普通叉燒食落口感同鎮店「真·叉燒」有明顯差別相對比較柴同瘦🔹拉麵麵底係唯一扣分點即使附有濃厚豬骨湯底仍然食到有鹼水味 🥲🔸如果第一次黎 建議食「真·叉燒拉麵」報告完畢🫡

.【深水埗】丸京 — 清湯黑蒜油極上拉麵.自從深水埗實行舊區重建後，多咗好多文青cafe進駐，吸引咗唔少年青人去chill下。不過，今次Ball就去左一間日式拉麵店搵食，回憶一下家鄉嘅味道。.今次去左位於荔枝角道嘅麵屋丸京，就喺正康瑞隔離。週末2點去到都要等30分鐘，可想而知呢間拉麵店有幾受歡迎。拉麵店以約簡日本風為主調，門面一切從簡，採用水泥牆做背景，襯托住黑色「麵屋丸京」logo。之後，店舖內亦都以灰色為主，牆身用水泥牆為主，其中一面牆就加咗充滿日式風情嘅壁畫上去，別具特色。為咗營造日式拉麵店嘅氣氛，拉麵店以木製家具配上開放式廚房，令人覺得置身日本一樣。.落單方式都同日式拉麵店大致相同，都係首先揀食邊款麵，要咩湯底，之後再揀洗唔加配料、小食同飲品。今次Ball道試咗清湯黑蒜油極上拉麵。極上拉麵主要食材有6塊叉燒、蛋同筍。雖然聽落食材好似比較少，但Ball食完之後都夠飽。黑蒜油香濃，蒜香撲鼻，但食完之後亦唔係成口蒜味，再加上彈牙拉麵，每啖都令人食到日本嘅味道。不過，略嫌叉燒嘅豚肉味比較淡，如果再濃味少少就好啲，但整體成碗拉麵都好好食，排半個鐘都值得嘅。.拉麵店除左有叉燒之外，仲有一款

系拉麵關注組都有關注既拉麵店整體質素幾平穩　開始有吾少分店系香港各區舖頭都坐得幾舒服　有冰水提供　個擺盤真系好豐富　成個食慾升吾少湯頭吾鹹吾淡　剛剛好　無種死鹹既感覺叉燒有分2種　慢煮叉燒真系有驚喜嫩滑同粉粉地好吸引食慾另外有灸燒左　其實分別吾算好大系邊位比較熟少少溏心蛋有蛋香　吾系好濃既整體拉麵有驚喜　平穩質素以前去食　個叉燒已經好吸引

人氣拉麵店，平日下午兩點幾都要排隊，本身擔心三點前入唔到去係咪食唔到，好彩職員話ok，可能係因為係三點前已經排咗喺度，所以ok，等了約半小時終於入到去，食物款式選擇唔多，濃湯蝦湯都賣晒，餃子都賣晒，叫咗佢嘅招牌拉麵丸京拉麵清湯底$100，兩款叉燒各三塊，全部都薄薄的，所以唔會好膩好滯，湯底清清哋，加咗專for拉麵嘅調味粉，立即變咗濃湯😂，一次試兩種口味，拉麵質感軟硬適中，佢隻蛋做得好出色，流心👍🏻，入味，服務ok，整體而言不錯👍🏻.#ラーメン#拉麺#叉燒#チャーシュー#igable#打卡#人氣#人気#排隊#深水埗#蛋#たまご#🥚#インスタ映え