丸亀製麵 (淘大商場) (Closed)

餐廳的位置十分易找，也很近mtr站，而且也在大街，應該令首次吃的食客也容易找到。餐廳的環境充滿日本風，日系風格濃厚，而且十分寧靜，適合食客慢慢坐下聊天。烏東麵是餐廳手製的，良心製作，而且亦十分彈牙，口感也很好，麵的份量也很多，吃完一碗已經很飽很滿充呢！而且湯底也十分濃郁，辛辣湯也不會過辣，辣度可說是剛剛好。餐廳也設有自助調味站，讓可食客自行調味，而且也有多份小食、炸物提供，十分有心機！是我會再幫襯的店！

呢度都有唔少烏冬款式而且另外有唔同小食選擇😋我最後叫左醬油烏冬同埋小食🤤醬油烏冬收銀處對面有個自助吧俾客人自助加添蔥花同天婦羅碎等配料😆十分窩心☺️除左蔥花係必然之外落啲芝麻可以增添口感同麻香😋丸龜既烏冬一向都好煙韌有咬口配以特製醬油湯夠香濃之餘亦唔會太鹹😆小食我另外叫炸雞塊😆炸雞塊每次食親丸龜都必點！🤤炸得剛剛好唔會話太燶☺️而且肉質夠鮮嫩同醃得夠入味😋😋必食！😆😆🙌🏻

相信大家都有機會毒自食晚餐，而不幸地今晚就要自己毒食晚餐。要做到毒食friendly, 就唔係間間餐廳都做到。位於淘大商場既丸亀烏冬既舖面坐位組合係好係適合毒男毒女。餐廳較入既位置係有單人位，而且顧客唔算多，就算一個人唔使搭枱坐。咁就唔使睇住啲開心家庭或者情侶令人觸景傷情。第二就係因為餐廳係睬用自助型式，所以唔會有啲staff行黎行去比壓力你快啲走，想睇埋條片先走都無問題。丸亀廚房裡面有一部烏冬機，烏冬係即時整出黎。呢度係完全自助型式：係廚房叫完烏冬，就可以選購唔同既炸物。比埋錢，可以係調味味counter度落蔥花，薑茸，天婦羅碎同醬油。而我呢度就強烈建議大家落天婦羅碎，因為軟綿綿既烏冬，有脆口既口感係幾正。毒食唔代表係頽食，而家講下丸亀係咪頽食。我叫左個明太子溫泉蛋拌烏冬（大）$49：$49一個烏冬唔算好貴，不過見到個樣好簡單既配答。完全係有我都識整啦既感覺。首先蛋既生生地可以撈暈個烏冬，蛋味都幾濃。明太子就無咩特別，就好出面食到既味道喇。而烏冬就的確比出面煙韌。但係成個配答真係好單調。因為真係食唔到有咩層次。所以烏冬方面真係有啲頽。魷魚天婦羅$13: 因為唔係太多人要既關係，天婦羅

星期日下午茶，丸龜烏冬無得輸.好鍾意距D烏冬口感.煙韌，一直以為D係工廠制，原來距間鋪有部麵機，全部都係鋪面新鮮整.加埋過冷河，浸水，唔煙韌都唔得.今日揀左麻醬牛肉.feel唔到有辣味，但個汁好濃味.雖然牛都係邊爐肥牛.但居然比個汁提升左，好濃芝麻醬味.新嘢，居然無伏味.真係想嗌多碗淨烏冬送個汁雖然小小貴但大滿足

自從隔離間電影院執左粒之後都好耐無黎九龍灣行下，今日咁啱經過，見佢同一個位將會開大型連鎖的電影院，附近食市的配套都多左好多，間間都大排長龍。因為我真係好唔鐘意排隊等位，所以見呢間丸龜制麵人少少就揀呢間黎做晚餐。呢間餐廳係直接係出面點餐，我就點左份大份冷烏冬，點完主食，可以自己夾小食，有餃子🥟、天婦羅🍤，我就點左炸蝦餅有醬油跟個烏冬，配料（蔥花、芝麻都係自助形式），烏冬幾彈牙，但略嫌唔夠凍，個醬油就淡左啲，炸蝦餅似乎炸好左一段時間，唔算好香口，就咁醫肚黎講份量ok既，但味道就真係差啲。🤢呢份就女友點既。餃子夠脆，餃子汁反而好夾，值得推薦。👍🏻

雖然係夏天, 但熱湯食物類仍然有佢既market好多時一碗noodles 比飯都吸引好多...無咁dry   又可以速食平時喺丸亀食開都係原味湯烏冬, 最多加個腐皮~今日好想食濃味野, 第一次試下其它湯底,  意外地好味賣相絕對係好好,  有少少菜有肉,材料算係好豐富, 當然唔少得要自助加既炸天婦羅碎碎最中意啲炸碎碎加比湯面既口感講返個湯,  依個湯唔算好辣, 味道是有一點點過濃而己,   好味但唔建議經常食   之後要飲返好多水不過成個experience 仍然係好好,   一路shuuu啲udon  一路有爽YY既感覺~~

同老公專登去淘大食烏冬，之前食過算ok，今次無論如何都要寫尼間既食評。哇～越做越差，想點呀。我同老公都叫左大碗既番茄牛肉烏冬，佢另外拎左炸魚，我就拎左腐皮壽司。。。炸魚好食，我諗全場得佢最好食。腐皮壽司見仁見智。整體d湯唔熱，食落去成碗所有野都唔熱似放涼左既湯麵多d...但明明見到製作過程都是熱的。。。想知點樣整出黎既野係唔熱。。。越做越差。。。ps食完收餐盤時，要自己倒湯疊埋碗才放到（兩人份量）。。。建議請多一個人專在收餐具“窗口 ”負責整理餐具。希望下次再幫襯，d湯及其他配料係熱的。。。

很久沒吃烏東，因為好吃烏東難求，那什麼才是有質數的烏東？烏東要彈牙，不似機製的彈，用人手親身製作的自然彈，更要爽滑，有口感有嚼頭，不會死硬，你總會吃出一流的烏東，是有種滑溜感，更有黏黏QQ之柔軟感……在龜丸製麵店，叫了牛肉麻醬烏東，麻醬可再濃味些，烏東水準之上，又滑又爽，也十分彈牙，更有黏黏QQ之柔軟感，會使人shu 完一 條shu 又一條，很好味！抵贊！！另外，也叫了野菜魷魚，以串燒形式呈現，野菜配上魷魚，特別配搭，惹味，也吃出粒粒魷魚，配上日本黑醬料，更能成功引出野菜及魷魚的獨特混合味道！'

從前響太古坊果邊，周不時都會行過去apita食丸龜製麵，今次經過淘大，就入去呢間分店回味下。星期六下就兩三點去至，有客人不過入流唔多，唔洗排隊拎野食同埋唔洗等位。照舊叫左個凍既醬油烏冬，熱既個人覺得太滯，感覺好飽，凍既個感覺比較清新啲。份量方面叫中已經好夠食，因為你叫完烏冬之後，可以自己夾佢啲炸物，今次夾左件南瓜，佢啲炸物其實都唔平，隨時夾兩三件就二三十蚊加喇。拎好曬野食就可以比錢，然後比錢隔離有得拎啲醬料，我就夾左大量蔥，因為覺得配凍既醬油烏冬好出色。佢地啲烏冬十分煙韌，好好咬口，唔係好林一pat果啲cheap烏冬黎架。而塊炸南瓜呢，超級推介，熱辣辣，中間好林，必食呀！最後食完記得自己執枱呀。

丸亀製麵係我喜愛食烏東嘅其中一間食店, 通常六, 日食下午飯周圍都㚥難揾到位！！九龍灣嗰間丸亀製麵比較容易揾到位子座！！每次去到我必食腐皮湯烏冬, 我覺得超好食！！仲會加D小食同西蘭花！！呢度食嘢最好係叫左一碗麵後, 可族樣族樣嘢追加, 每次可選擇吾同嘅配搭同價錢比較便宜, 每款一件又吾會食得太多!! 嗰度嘅烏冬超彈口, 爽滑！！腐皮湯烏冬仲有海帶, 日式魚旦同葱附加, D湯底都好好味, 加埋辣粉, 真係會食到停吾到口！！但呢到有時太多人時都要搭枱, 我最吾鍾意！！而且樣樣係自助形式, 可能自己要行多幾次！！

呢間分店係影藝戲院附近，有一次睇戲之前諗唔到食咩，見呢間好近，就入咗去食~間餐廳唔算大，一眼睇哂，不過果次唔算多人，有bar枱，自己一個人去可以坐bar枱，唔使搭枱~ 揀好食咩之後就可以直接同廚師講，佢會係你面前即刻整，再擺係你個餐盤上面，之後可以係小食bar揀小食(不過小食略嫌貴)，最後再比錢~ 果次我嗌咗一個蕃茄牛肉烏冬(大) (大烏冬都係貴幾蚊咋xdxd)，個湯底好濃，牛肉份量多，食完好滿足~~

去完日本四國返黎香港, 最懷念既都係彈牙讚岐烏冬返到黎緊係要試番下連鎖讚岐烏冬店清湯牛肉烏冬, 自助式醬油吧果度我揀左落勁多炸天婦羅皮蔥&七味粉都各落dd, 帶起個湯底腐皮烏冬都係至愛之一個什菜天婦羅抵食夾大件

阿囡投訴左好耐無食蕃茄烏冬，好想食下，好彩醒起近近地有一間，而味道又唔錯，就即刻去食。去到時已過午餐時間，唔駛點等位，而且是自助形式，要自己拿餐具、揀烏冬or天婦羅、拿水、俾＄，食完仲要自己收番盤同碗。蕃茄牛肉烏冬（大）$49濃濃嘅蕃茄湯底，酸酸甜甜，絶不欺塲。清湯牛肉烏冬（大） $44牛肉有些韌，太薄身了，有些失望。幸好烏冬仍然彈牙有口感。熱醬油烏冬 $35，加了南瓜天婦羅 $7，魷魚鬚 $12和蕃薯天婦羅$7 X2如果唔like 牛肉，可以簡單叫醬油烏冬再加天婦羅。雖然D天婦羅係一小塊，但都唔會太厚粉。

試限定推出口味～麻辣雞絲泠烏冬中左一個中size,見到麻辣雞絲係一包獨立包裝今入烏冬內唔係現在店家鮮製的。由於烏冬沒有任何汁拌的，所以我加了少少醬油更容易入口無咁dry.雞絲都有麻的感覺但辣就自問唔係好辣但都有少少辣。烏冬的質感是比較硬同粗所以不是每何人都喜歡小食就夾左一件炸魚$15，魚都算厚身但炸粉好似多左d現場座位都足夠，可能今日食既時間未算peak hour.希望呢間平價的烏冬可以愈開愈多，方便唔同區既人喇

試食餐廳： 丸亀製麵（九龍灣牛頭角道77號淘大商場地下G285號舖）美味指數： $35冷烏冬【大】（8.5/10）-相信很多人都吃過「丸亀製麵」，甚至跟小女子一樣是它的粉絲！過往小女子吃過釜揚烏冬、溫泉蛋烏冬、腐皮湯烏冬等等，發現它的烏冬比一般餐廳粗身、黏韌，味道、價錢不錯，但最令我眼前一亮的還是冷烏冬，時常想念它的味道！先說烏冬，它的質地比熱烏冬更為黏韌，並非一放入口就散開的感覺，且每條烏冬都保持完整長度，只夾起一條，略沾醬油入口已有滿足感，冰涼透心，可見用料、水溫、製冷方面都十分講究，跟小女子在日本吃到的味道一致。而且，醬油是另上的，小女子偏好放大量的蔥、天婦羅碎在醬油中，再拿一口烏冬浸泡在內，一口吃下，讓每條烏冬都充分沾滿醬油，沒有配菜都不會覺得味道單調，一流！-再說野菜魷魚，平日額外追加需要$13，但於星期一至五的下午茶時間購買任何正價烏冬，都會贈送一塊野菜魷魚及一罐汽水，共節省了$21，超讚！野菜魷魚是包含了野菜粒的炸魚餅，油分適中，吃上來不油膩，店舖時常有新鮮炸起的魚餅補充，不怕魚餅會放太久而冷卻，破壞味道。-少許補充，下午茶時段所贈送的天婦羅款式會不時轉變，食客們要留意店