丸亀製麵 (淘大商場) (Closed)

同朋友喺九龍灣搵咗間烏冬食lunch，可能係假日嘅關係我哋12點鐘到咗都要等一陣先至入到座，雖然人多，但入邊嘅環境都坐得幾舒服。湯牛肉烏冬（大）$44呢個價錢來講都幾抵食，份量啱啱好，都食得幾飽，烏冬彈牙夠滑，乾牛肉湯汁有啲似吉野家嘅清淡版，都係有洋蔥同牛肉，牛肉都算不錯，係碎咗少少，如果係一塊一塊牛肉上會比較好啲。豚肉湯烏冬（大） ＄47朋友食呢一個就覺得一般，豚肉偏鞋口，望落去都覺得好乾身，係勝在份量比牛肉多，烏冬都係一樣。唔使加一,埋單$91，都叫做幾抵食，外面一個拉麵都差不多呢個價錢。

💰溫泉蛋烏冬中size($38)蝦餅($15)腐皮壽司($9/2)天婦羅蝦($13)🤤高妹已經食左好多次咖嘞⋯先揀左個烏冬🍜再追加其他炸物飯團壽司😍蝦餅好味⋯吉列好味過天婦羅東東😆腐皮壽司想瘋狂encore⋯超滿足😍#揀岩先俾錢....……………

之前晏就行過淘大想搵下午茶食，行過又見到呢間嘅下午茶幾抵食，淨係麵嘅話就＄25有交易呢個係醬油湯底，有片腐皮，比較甜身，同平時食腐皮壽司冇分別，成個湯底都係比較甜，同埋比較清，冇乜油，幾健康豬骨湯比較油，好明顯地見到啲油浮左上面，呢個湯就有隻蛋，但係我唔識蛋嘅，都覺得佢啲蛋白滷得幾好食，叉燒得兩片，有肉味，比較細塊我哋另外叫咗餸，係炸蝦天婦羅同埋魷魚天婦羅，炸蝦好脆，同埋都係比較大隻，魷魚天婦羅好油同好un 總括而言，烏冬麵身普通，不太有咬口，不是我喜歡的類型。

呢排丸🐢製面好出名，並唔係因為佢野食既質素，又或者做discount,而係因為佢過億億聲既價錢收購左我地本地既食肆-譚仔三哥米線。呢個時候既廣大市民先知，原來譚仔都咁值錢架！認真係出呢單收購新聞之前我係完全唔知丸🐢係點食法架，仲以為係同個啲一般連鎖拉面店咁，坐低有waiter 行埋來幫你點野食、跟住來到就食，食完俾錢。今次行過淘大見到有間，咪入去試下。一行入去，原來係好似大家樂咁，去收銀處俾錢買野食，而佢個收銀隔離擺左好多炸物，你要一件就俾一件錢。我嗌左個豬軟骨烏冬，細細碗，48蚊，大食既女仔未必夠食，而男仔我覺得一碗面一定食唔飽，一定要夾其他小食。不過我應該唔會再來喇。

丸龜製麵想當年都是從日本來的過江龍，但是走平民路線。烏冬味道佳，價錢便宜。雖然是自助形式購買食物，但樓面姐姐會幫忙安排座位，服務不錯的。自家製的烏冬十分 Q 彈，口感很好。牛肉和麻醬的份量足夠，拌勻後我再加上蒽花，令到拌烏冬清爽點。（蔥花和炸脆的配料是免費任加的。）湯烏冬的水準也不錯，豚肉看起來很豐富。同樣自行加上蔥花等等的配料，增加烏冬的風味。除了烏冬，還可以另外選購小食。有天婦羅、竹輪、餃子等等，選擇頗多。

收工在淘大商場，自己好喜歡食烏冬，去到店內仲有好多客，先去落單，店員好爽手，再去夾餸，流水式作業，比晒錢，店員提醒我一個月內攜單幫襯，可以當$5！再去落蔥花等配料！溫泉蛋烏冬（中）（$58）落咗好多蔥，炸脆脆，濃醬油杰身，微鹹熱撈在烏冬中好味，烏冬彈牙，加上青蔥爽脆，增加香味！溫泉蛋見住店員打落烏冬上，蛋白唔多，蛋黃好大顆，蛋香濃！好味！南瓜天婦羅（$7）炸皮唔厚，但好韌，所以食落炸皮還炸皮，南瓜香甜淋身，好味野菜魷魚（$13）棒棒狀，咬落彈牙，中央夾雜彈牙魷魚碎，野菜唔多，炸過皮都彈牙！微鹹好味！一直都喜歡，保持水準！豐儉由人！可以隨心選擇！正！

下午在牛頭角淘大影藝買了戲票，還有時間，在附近找新餐廳想試食，但不是位置太遠，就是定價太高，遠超我食下午茶的預算。遠在天邊，近在眼前，發現影藝旁邊有間日本讚歧烏冬專門店，推廣優惠看似很便宜很有着數，於是入去看看。我看中的優惠就是這個。送汽水，送雞塊天婦羅，真的「咁大隻蛤乸隨街跳」？當然不是，買正價烏冬就會送的。不過下午茶價錢還可以吧，$25左右。豬肉不是我杯茶，所以我只選了「温泉蛋烏冬」。「讚歧烏冬」我聽聞已久，吃還是第一次。配菜不多，焦點落在烏冬及其湯底身上。烏冬口感尚算彈牙，反而湯底反而比烏冬有趣，是醬油湯底，味精不多，飲完沒有口渴的感覺，是不錯的。妹仔大過主人婆，大概就是這樣。

又等睇戲，一個人落左街唔知食乜，見唔使等位就黎左，本人好鬼鐘意食烏冬既，我好怕啲cheap烏冬扮貴（煮完會酸果啲呢），佢叫得烏冬專門店應唔差掛，一入去自助式⋯⋯前面無人唔知點做，眼望望師傅頭上面既menu,噢似曾相識，原來係之前德福果間黎，只係serve既方法唔同左😅仲貴左，齋冷熱烏凍右餸加左價，咁散叫好唔化算就叫左明大子溫泉蛋烏冬，加汽水$11🙄有新玉泉蘋果soda就試新啦烏冬都係咁啦好粗身既，唔係一夾就散軟軟既，但唔係彈牙果種，係有啲實果種，撈散左個明太子同蛋發現無餸😱個豉油汁好咸⋯溫泉蛋好正常，明太子唔腥，自助呢個價⋯⋯唔使等係有原因既

今日有事要搵朋友，辦完要事就搵地方食野。大家都不太肚餓，就提議食烏冬。事前朋友都話唔知洗唔洗等位，今日又星期五，好彩去到仍有幾個吉位冇人坐，我就睇下有咩野食，轉個頭已經滿晒座，仲有人要排隊等位添。衣間平時都會見過，但真係第一次食，um...其實都係一間靚少少既快餐店。響外面order左要咩烏冬之後，隔離有d炸物你可自選自己夾，夾完成set就響最左邊比錢。第一次黎食真係唔知點食物既程序係點，有d一舊雲。我叫左個豚軟骨烏冬$51（大碗），烏冬就個人認為不太睇好，可能食開稻庭烏冬質地軟身d,這個讚岐烏冬質地硬身d，反而我覺得個豚軟骨味道幾好幾濃郁。朋友的麻辣湯麵（中碗）$36本身就冇餸的，自選左隻溫泉蛋+$9，加埋忌廉$8，聞落都幾香幾麻辣味，不過朋友話唔係好辣的。本身平時我唔會一個人響餐廳裡食野，衣度感覺總叫可以一個人簡簡單單食個麵。

其實好耐之前已經係樂富食過呢間，覺得啲烏冬唔錯。淘大呢間都開左一排，呢日啱啱起完身就突然想食入到去之後左手邊就係買麵嘅地方，揀好要咩烏冬，拎左之後揀埋想要咩配料，比錢就搵位食野今次我就揀左溫泉蛋烏冬同腐皮飯團黎食，碗烏冬上面嘅 topping 全部都係自己加嘅溫泉蛋烏冬(中) ($38)佢個汁係濃口醬油，就咁食烏冬應該係冇咩味嘅，但係加左醬油就變得冇咁單調話就話濃口醬油，但係食落反而唔覺得好重醬油味，都係值得一試嘅烏冬本身就有小小彈牙，起碼食落冇黐立立嘅感覺，至於隻溫泉蛋呢，size絕對唔細，但係蛋黃好似熟左小小，因為啲蛋黃係流到出黎，但係冇流心嘅感覺雖然係咁，但係溝埋烏冬食落去都唔錯嘅腐皮飯團(2件) ($9)作為 side dish 而言，啲飯粒冇跌出黎，有正常壽司嘅 size，塊腐皮有小小甜，其實係及格嘅其實呢間正常冇翻50/60蚊都幾難落樓，你睇啲烏冬好似幾平(我嘅水平係叫合理啦)，但係佢係剩烏冬，再加炸物果啲一件都差唔多$10起，加加埋埋其實差唔多只係我今次對炸野冇興趣，唔想剩食烏冬咁悶另外夾埋飯團，所以先$50有找，就算係我係樂富食果次都食成$60多啲有樣野反而係其他舖比較

烏冬要彈牙才叫烏冬, 自問煮烏冬難做得出彈牙, 同事知道我煮食麻麻, 介紹我去食呢一間.位於淘大屬於小店, 店內坐位較迫, 座位不算多, 一入去職員請我先去找位置, 再去點選食材. 由於時間已過晚飯時間, 好快找到位置, 我再去買烏冬, 該店不設加一, 全因自助式購買服務, 先想好要那一款烏冬(有分大/小), 再想要不要額外買其他小食, 如飯團, 天婦羅炸物。我地分別點選以下 :豬軟骨烏冬(小)烏冬果然彈牙(原先期望不大), 豬軟骨就普通, 肉質較鞋, 有點兒失望雜菜天婦羅炸起來似一個波, 沾上汁咬下去時, 口感一流, 雖然雜菜(最多洋蔥)但炸得唔耐, 所以仍有洋蔥的甜味由於屬於自助形式, 所以也要自已去取水, 我覺得反而不錯. 只係坐位不多時, 相信繁忙時間定必多人, 而且坐位較迫, 有一種食完要馬上離開的感覺

我們一家人去了一間好好吃的烏冬店，品嚐最好吃的烏冬，非常有日本風味的烏冬餐廳。。那裏最好吃的是木桶烏冬，好彈牙，湯底好味！你們試試👀，真是好好吃。還有很多食物如番茄烏冬，飯糰，炸🐔！ 天婦羅脆漿不厚，好鬆脆，豉油真好味啊！

晚上收工搵食！時間已經9點幾！都怕已經截單！之前在其他分店食過！去到無乜客人！望下其他客人！發現呢度係自助式！先去櫃檯揀好麵，攞咗之後再自己夾配料！最後先比錢！店員只負責煮！手腳快但無乜交流！比咗就算，唔會理客人！比較冷漠！比錢之後係個調味吧！可以自己落蔥或七味粉！有埋免費水！可揀冷熱水！可惜兩壺熱水已經無晒！只可以飲室溫水！之後齊食物就搵位坐低食！桌面都幾污糟！不過阿姐已經好快手抹！只係其他人食得污糟！溫泉蛋烏冬：烏冬粗身彈牙，有少許咬口，溫泉蛋好滑！味道濃郁！我加了好多蔥花及炸衣！增加香味同口感！蕃薯天婦羅：炸漿太厚，可能炸好又放耐咗！所以較硬！蕃薯本身嘅甜味都有！點濃厚天婦羅醬食好味！竹輪：即魚蛋，雖然好長，但只有一半，幸好炸得唔乾！煙韌又脆！好味！梅子飯糰：見細細個，梅子又唔係好多地方有！包裝比較求其！打開賣相又唔錯！紅黑配！梅子酸味味加米飯嘅煙韌！連埋紫菜食好味！食物唔錯！不過指示唔夠清楚！對初次幫襯嘅客人（即係我）比較迷茫！一係叫員工留意下啲唔清楚規矩嘅客人！指引下都好呀！雖然佢哋服務勤快！

淘大的丸龜烏冬麵店開了多天也想試的了，偏愛稻庭烏冬多一點的我，今天終於去試吃了。站在店門外看到和日本一樣的自助形式增加想試的衝動~~~ 其實也想試吃麻辣烏冬的……但天氣太熱令我打消了這個念頭，最後選了大冷烏冬不愛炸物的我沒有加什麼配菜烏冬口感煙韌，可惜麵不夠凍，如果再凍一點點便好了，還有吃完後想放回餐盤在回收處，可惜卻見不到，最後還是麻煩清潔工人幫忙。

淘大新開了一間烏冬店，喜歡嚐新的我當然要去試一下啦。剛到時由店員安排入座，點餐則是自助形式，先點麵類，再自行夾想食的配料有很多不同種的炸物好中意食飯團，就算叫左碗麵都要夾個飯團食。冷烏冬泡過冰水，所以真的很『冷』，麵質煙un, 點加了wasabi的冷麵汁，非常相配，比熱烏冬更好食。同行友人點了温泉蛋烏冬，温泉蛋很『水漾』，友人說煮得剛剛好。炸茄子就較乾，飯團都不錯。這間烏冬店雖離公司有啲距離，但基於價格和味道都不錯，所以會再來。