丸亀製麵 (康怡廣場北座)

Open Now

Now Closed

太古城有兩間分店，一間位於太古城中心二期地庫，另一間位於康怡廣場2樓。兩間食物質素差不多，但太古城二期人流較多，較難揾位。同朋友係康怡分店點左兩碗溫泉蛋烏冬$39。開放式廚房，可以見到炮製烏冬過程，三兩分鐘就搞掂。烏冬非常煙韌彈牙有口感，同平時食嘅好吾同，溫泉蛋增加香滑。完餐後記得自己餐具自己收拾呀！

星期天買左兩張MCL康怡戲院戲飛，仲未夠鐘，有d肚餓。於是係康怡間丸亀製麵買左幾隻日式餃子同天婦羅醫肚。丸亀製麵係自助式點餐，我哋揀左日式炸餃子，南瓜天婦羅，蕃薯天婦羅,茄子天婦羅同腐皮飯團之後就俾錢。開餐前，我哋係自助調味區自行調醬汁，醬調選擇都好多，有我最喜歡的香蔥同照燒汁。餃子炸到金黃色，食落香脆，口感吾錯。天婦羅就一般，有d淋淋哋。 包裹飯團嘅腐皮甜甜哋，飯團煙軔有口感。用餐後，記得自行清理檯面呀。

呢日黎到太古做野，收工係康怡行下行下，諗唔到食咩，呢期又糧尾有啲手緊，AEON實在有啲overbudget，於是就黎到丸龜製麵一試，貪佢平平地又幾足料咁。丸龜製麵出名自助點餐，我揀左個簡單既腐皮湯烏冬，即點即盛，賣相唔錯。隨此之外仲可以加點天婦羅、飯團等等，不過今日黎食晚飯已經接近佢地收鋪，剩下天婦羅唔多。腐皮索曬湯底，鮮甜味美，烏冬尚算彈牙，不過不失，略嫌湯底唔夠熱，有少少減分。 不過整體黎講，想平平地快手食日本野，丸龜確係唔錯選擇。

放假接肥髀嘅肥髀睇戲，買咗票仲好早，開嘅餐廳唔多，比肥見到商場內餐廳介紹呢間佢嘅愛店，即刻要食，去到門面幾大，日式麵店格局，已知步驟先去攞盤落單，再去出菜位取烏冬，再自選配菜，最後比錢！自助式流水作業！自己揀位置食溫泉蛋烏冬（$39/中）溫泉蛋滑溜，蛋味濃，烏冬粗身彈牙，醬油湯底濃味（因為烏冬淥好放落湯，要濃啲先可以令烏冬有味）湯底有甜味掛烏冬，我加了大量蔥花（賣飛佛）蔥蔥嫩口，每啖都有好多蔥花！好香好正！野菜魷魚🦑（$14）自己幾喜歡呢種魚板，店家用竹籤串住，應該方便客人攞同食，魚板彈牙，有魷魚粒夾雜其中，加啲蔬菜粒爽脆，外層比較油膩！肥髀食：冷烏冬（$31/中）溫泉蛋（$9）蕃薯天婦羅🍠（$7）罐裝汽水（$10）地方舒服唔迫，食完自己攞盤去洗碗區入口，自助式服務同店員接觸少，廚房廚師同收銀都好爽手！自助烏冬水準不錯

農曆新年前小女因為提早放假，和奶奶，老一起到太古行街。見到丸龜製麵有腐皮壽司$9/2 ，唔貴。小女最愛的壽司，平日去元氣必order 。另外叫了一些烏冬，無咩特別。腐皮烏冬，豚軟骨,清湯牛肉烏冬。誰知道小女3歲半，免疫力比大人差，食了呢餐（腐皮壽司，腐皮烏冬）晚上就睡不好，少少發燒，跟著腸胃炎，看了2次醫生。下次都不會再在這店食壽司。平時同阿女食元氣一月一次，都未出過問題。對比起元氣，丸龜的壽司都唔知放了多久，完全無標示。

放工 又是自己一個選擇吃甚麼的時候今天的單棍之選 選擇了丸亀製麵既日式燒豚烏冬 + 炸雞塊天婦羅丸亀製麵都係半自助形式的選擇了款式後便可以開動日式燒豚烏冬$47---------------------烏冬麵已經用了滑蛋醃製特顯左烏冬麵本身既幼滑今日主角是燒豚肉隨餐烏冬會有三塊入口竟然有驚喜豚肉有層次感 肥同瘦既比例都比較平均入口肥嘅部分會快速溶化瘦嘅部分比較爽口而配菜是選用了日式蛋（味付玉子）----------------------炸雞塊天婦羅 $13----------------------食物原本已經炸好 雖然不是熱 但入口皮同肉都可以分得清層次小食來說已經是合格之作------------------------------下次有機會試試明太子飯團！！

今日去左太古睇戲，睇完都七點啦。有啲肚餓，係商場搵嘢食，行下行下見到前邊間嘢排長龍，原來係丸龜製面。荃灣行街見過好多次，佢個名好特別，但係就未試過。今次咁有緣就試試啦！原來呢到係點一個主食面，師父即場係面前整，唔洗兩分鐘就有啦。如果想食飽啲可以另外加餸。而啲餸已經整好左係面前，可以自取，揀哂之後就可以埋單嫁啦。而我就揀左明太子溫泉蛋拌烏冬，即係撈烏冬。個醬汁係自己落嘅，師生建議我地落一至兩圈。我就貪心啲落左兩圈，發現鹹得濟。我建議食淡嘅朋友可以試落半圈，而其他朋友落一圈就好夠。整體黎講個面都唔錯，相當彈牙。即使有啲過鹹，我依然成個食哂！另外仲加左野菜魷魚同野菜天婦羅。可能因為整定嘅關係，同埋我係最後先食嘅，所以凍哂啦！但係個野菜魷魚味道都唔錯，好似魚滑咁嘅味，都相當香！我建議大家最好食左啲小食先再食主食，以防佢地凍左！如果係熱嘅相當會更好食！整體黎講今餐都唔錯，埋單75蚊。如果大家鍾情於開放式廚房都可以黎試試！

今天逛街逛到太古城去，想找個地方吃一個經濟實惠的晚餐，便來到這家烏冬店。晚上六點半，已經見到一條人龍。但餐廳店員很好，會幫忙安排座位，以確保我們能夠安坐享用晚餐。由於換了餐牌，平時常吃的牛肉牛蒡烏冬沒有供應，所以今天我試新口味：大蔥牛肉冷烏冬。店內還有炸物和飯團供應，大約每款$10-$20，如果未夠飽可以加菜。另外，店內還提供天婦羅碎、七味粉、青蔥和薑蓉等佐料，客人可以隨意調味。冷烏冬的甜醬油汁是另上的，所以烏冬口感特別彈牙。大蔥和薑蓉令整碗冷麵的香味提升，牛肉被甜醬汁和洋蔥煮過，所以很濃郁很入味。冰涼的烏冬是夏天必備的消暑食品，特別令人開胃。我點了大份，份量很足夠，而且醬汁肥牛有點肥膩，所以很飽肚，這碗烏冬的確是省錢的好選擇。

晚市時段點了一碗豬軟骨烏冬炸雞、炸南瓜、炸蕃薯叫野食的時候，店員邊整野食，邊傾計其實帶返個口罩會吾會好d呢？豬軟骨得幾粒，細粒到不能以"件"來形容湯得咸味，無乜層次烏龍都係淋，吾彈牙到炸物，淨係感覺到同室溫差吾多同埋淋淋地，估計都放左一段時間人流吾似得太古apita果邊多，所以賣得慢的原因仲有...飲水機果邊，可以自助拎蔥花又冇蓋，有兩隻蒼蠅爬來爬去；飛來飛去過分左d，明明去日本餐廳，好似去左茶餐廳之後都係去返apita果邊食算

太古有兩間丸龜製麵，一間位於康怡，一間位於太古城中心地下food court。兩間分別不大，但我鍾意坐得闊落，唔駛同人爭位，通常揀有舖位嘅康怡丸龜。今次食左醬油烏冬、咖哩牛肉烏冬同一堆天婦羅（包括：雞肉、魷魚、蕃薯、茄子、雞肉洋蔥圈）。呢間烏冬係我鍾意嘅個種有咬口得黎又唔難咬開，同一般市面自己買嘅烏冬好唔同。醬油烏冬其實係味噌湯？我覺得好鹹，不過正正因為咁，通常我用湯代替豉油蘸炸物。特別之處反而係咖哩牛肉烏冬，有很香咖哩味，但日本咖哩通常唔會好辣，好香好甜。牛肉似普通肥牛，唔算肥。入面紅蘿蔔，薯仔同有少少洋蔥。天婦羅就其實仲有好多種類，我最沉迷係舊雞😂佢啲天婦羅唔算多油，雞肉好嫩滑，而上面炸粉痴住啲黑芝麻，好香。我未食過呢舊雞之前，我最鍾意係蕃薯同茄子呢啲蔬菜。蕃薯係黃蕃薯，好香甜（唔係次次都甜）。茄子就冇咩特別，純粹覺得面頭炸過有口感🤔特別的話，我幾推薦雞肉洋蔥圈，好香口，食落陣陣香味。魷魚就比較上韌，不太推介。概括咁講，喜歡食烏冬的朋友可以試下，有多款口味烏冬選擇。再者，有多種天婦羅，唔會只食烏冬咁單調。環境方面，座位算闊落，但公眾假期搵位比較難，附近一帶屬住宅區。是次二人消費11

喺太古，星期日嘅餐廳成日都人山人海等位，想快快手食個午餐，丸龜製麵都係個唔錯嘅選擇。冷烏冬（中）$29 - 作為烏冬專門店，佢嘅烏冬都真係無令人失望。烏冬粗幼適中，好滑，有咬口，唔會好腍。👍🏻 不過份量如果再多番啲就更好。🤔同埋佢係半自助方式，可以自己加薑蓉、蔥花、同埋天婦羅炸脆。作為「薑蔥控」嘅我緊係就加咗大量薑蔥落去個冷烏冬汁。所以每一啖烏冬味道都好有層次！😯加上，涷嘅冷烏冬配埋啲 wasabi, 真係清涼得黎又帶番啲辣嘅刺激🤣如果你嫌冷烏冬太齋，亦都可以加炸物同小食。 我就加咗炒豚肉 $12。 炒豚肉都幾入味，一片一片肥瘦均勻，唔會炒得太乾。不過美中不足嘅係有大部分都唔係一片片，而係一啲炒豚肉碎，食起上黎都唔太方便。 話雖如此， 整體黎講都唔算好差，下次有機會都一定會黎。😂 因爲每張收據都可以喺星期一至五當五蚊用， 所以記得記得keep 單啦！👏🏻👏🏻

一星期內幫襯兩次了。喜歡炸物自選模式，價錢都唔貴。烏冬冷/熱都夠彈牙。自選炸物，大衆化種類：蝦，魚/蝦餅，鷄柳，南瓜，蕃薯，矮瓜同經常缺貨的炸野菜。雖然，質素唔係頂級，價錢$7起仲想點。煎釀三寶都唔平啦。至正係婦羅碎（脆粒），任添加。又有凍水供應。較失敗的是天婦羅汁好咸，又冇蘿蔔蓉。服務態度，講唔到什麼，機械式，冇交流，感覺好HEA。有待改善。 記得留單，15天內幫襯可作$5用。

行過好多次因都係每次都眼見超多人排隊又等位今日見到唔多人去食下先我幾欣賞佢地幾有秩序未到放LUNCH 時間都不算太多人出面放左一格格可以自選炸物，飯團呢次第一次食丸亀冷烏冬真係非常煙韌爽口彈牙個烏冬其實都重身,所以吃曬都已經好飽牛肉湯底幾甜,半隻蛋肉質爽口係個碗重左0的，如果老人家都未必令到叫左2碟炸野,天婦羅，我最愛吃茄子同蕃薯甘香鬆脆,每咬一口都卜卜聲去食炸物一定會必點雖然炸蝦係貴左少少但真係好好食,肉質爽口腐皮甜甜地,越食越想食細細間座位都唔算得上好多 但喜歡的都是自助型呢道都差不多 $180 

牛蒡牛肉烏冬// $39牛蒡同d牛肉都好食，而且牛肉算係咁啦，都幾多，而且有牛味。但烏冬好似煮太耐咁，唔夠煙un。講到尾，d炸脆脆最好食😍要加無限多！請俾分：7/10#烏冬 #牛肉 #牛蒡 #udon #beef #japanesefood #hk #hongkong

一個人吃晚餐茫無頭緖，經過康怡廣場的丸亀製麵頓時駐足，因為對胖嘟嘟麵條素有好感，又對蕃茄食品有一言難盡的偏愛(抗氧化煞是吸引)，發現有蕃茄湯底，雙腳如被𥔵石攝入店內。自是從多項選擇中揀了蕃茄牛肉牛蒡烏冬，要了大碗($49)。還是初次吃丸亀的烏冬，非常煙韌、彈牙又有咬口。要求多湯，㕑師樂意配合；蕃茄湯濃厚，不鹹，我的一碗有些鮮蕃茄塊，味道不俗。薄片牛肉有些微脂肪，輕易撕走。蕃茄湯似乎將牛蒡本身的辛苦味中和了，只餘甘味。麵中亦有2-3件西蘭花。加$9的温泉蛋算滑溜。加$8汽水一礶。見到有小朋友在狂吃Tempura碎，原來是免費供應的。不禁好奇一試，有味的炸粉，放進湯吃香香鬆鬆脆脆的有趣。同是免費及自助的還有蔥花，薑茸，芝麻，調味料及白開水。一時貪心，要了大碗烏冬，肚子飽滿，惟有下次再來煙韌晚餐時才一嘗炸物。