美倫餐廳 (Closed)

上星期五到荃灣廣場看電影看彭浩翔的<<低俗喜劇>>晚上9:10pm場當時已經8:30pm, 我們又未吃飯, 很肚餓所以到對面的美倫吃快飯男友點了西式晚餐 $49跟餐的忌廉湯頗好喝很多粟米和火腿粒他的西式晚餐是洋蔥汁牛扒雙腸飯(炒底)我則點了泰式豬頸肉煎蛋飯 $42豬頸肉很爽, 點些泰式醬便很惹味煎蛋的蛋黃還是生的用筷子一篤, 蛋黃汁送飯超一流不過我衰多口的叫侍應多汁最後飯底下的豉油汁多得像湯一樣所以底下的飯都不能吃了... 最尾一人一杯凍飲作結

當初寫食評係有特別原因.是我心靈上的一場戰爭.令我每一天都有機會係最後..到今日呢場戰爭就鸁..我先認真看了不少文章.同優良的食評.學習品評食物..可能學一生都沒有其他人咁勁..在此我亦感激一間機構幫了我很多....我突然間感觸?開始入正題.大壩街街頭至街尾都係餐廳.我完全無光顧過,選了這間都係隨心的...無特別原因..呢間食店有一定的歷史.但裝修過.店員也勤打掃...環境衛生絕對無問題.....店員均是中年女人..亦十分有禮同有效率.....食物..有普通茶記食物..中式粉麵..同客飯...小菜等.....我係咪似食早餐.?白麵飽:乾乾的,冷冰冰的..當然是難吃....太陽蛋賣相不錯.我叫太陽蛋主要原因..都希望是即煎的....奇怪的是..可能是我問題.上枱時我覺得已經凍了,有一隻蛋黃隔離未熟的蛋白水狀的.是很明顯...凍華田:頗甜.糖水份量重...雖則是黑白淡奶沖的..幸好華田粉亦足夠...火腿通粉:微暖,通粉彈牙,火腿亦多..而份量足夠的....可惜湯底太鹹.....總括又唔算難食..會否回頭...看緣份吧!

突然覺得好耐冇食過沙嗲牛肉麵。咁就容易啦，是但走入一間茶記，叫個快餐茶餐特餐或常餐就是，當然好唔好食係另一回事。大壩街成條街既食肆，只有美倫是沒有吃過，今次就來這裡。既然是為沙嗲牛肉麵而來，想也不用想，常餐是也。麵條上檯時已經是浸到稔晒的，一點咬口也沒有，我最不喜歡。加之，牛肉是經梳打粉的嚴重洗禮，質感完全失真，同埋沙嗲醬絕不香濃，幾難食，吃幾口便想放下。火腿奄列，睇落都可以，不過是沒有蛋汁，亦欠蛋香。至於餐包，只是白麵包，塗上丁點的牛油，又怎會好吃。食物不濟，還好結尾的凍鴛鴦夠香濃，喝得舒服。

今朝去行山(大金鐘)...食飽飽才出發!茄蛋治 + 奶茶, $21, 麵包薄, 且不夠鬆軟, 蕃茄同煎蛋也很薄, 懷念蘭香留邊三文治!牛奶麥皮 + 奶醬包, $21, 唔包飲品, 算貴!我們的飯堂...價錢唔係特別平, 地方頗侷促, 常來...只因習慣了!

今晚終於唔叫蒸魚, 老公提議濕炒排骨河, $34, 粉絲蝦米什菜煲 (包羅宋湯 + 灼菜心 + 好立克), $49, 濕炒幾油, 排骨有點硬, 汁有點傑, 煲既粉絲好碎, 什菜煲有紅蘿蔔仔..怪怪地, 整個煲都唔係特別好食, 下次都係叫番蒸魚....想食第二樣就去別間分店了!

Oh....物價貴咗好多, 茶餐廳都加啦....老公都係叫粟米牛脷飯 + 凍奶茶, $39, 份量, 味道差不多, 但貴咗幾蚊! 我叫咗水餃米(扣底) + 灼西生菜, $27, 我既米粉就連水餃都縮咗水, 跟以前唔同....有啲後悔叫扣底添, 不過, 味道仲 keep 得住, 以前平平地....六十蚊有找, 而家六十幾七十啦!

平日既飯堂, 鹽焗雞套餐亦是常叫的晚餐, 連餐有羅宋湯, 灼菜, 兩碗白飯同連飲品, 二人再加多一碟灼菜, $13, 就足夠了!物價上升, 套餐加了兩蚊, $49, 津白麻麻地, 菜心就好啲, 以前叫襯碟雞都有雞骴, 而家唔覺唔覺無咗, 連雞味都淡咗, 所有餐廳, 酒樓既白飯都差咗, 個湯就要睇佢幾時煲, 當日煲既當然係淡咗啲, 而家如果晚飯想食西式都會轉移咗目標去珊瑚堡, 因為地方舒服啲, 食物又平啲! 唯一可以既係杯好立克, 味濃, 呢度既奶茶都唔錯嫁!

上次介紹蒸魚, 今晚老公叫了粟米牛婣 飯, $29, 我既係水餃米, 例牌我會"痴"食少少牛舌, 因為除左雞, 魚, 牛舌都好好食, 好腍, 好有牛味, 比高級餐廳(Terrace)仲好食!

呢間餐廳印象中已經好多年la，我前幾年都有幫"趁"，之後因為搬左就少食左law...近排有次去開果頭睇完戲，同個朋友入去回味下！入到去人面全非ar，除左老闆同老闆娘之外，就只有買麵既呀姐無換人。果晚我叫左霸王雞飯﹔朋友叫左個扒餐~霸王雞飯餐有中湯、白飯、霸王雞一碟、餐飲一杯~霸王雞好滑好味，重點係煮得o岩o岩好，唔會太生(曾經有食太生白雞既經歷，食到一口血...)，加上D薑蔥好香，送熱辣辣白飯一流(如果多D仲好，我覺得略為少左D)~至於中湯餐飲一般水準LA，OK朋友的扒餐選左蒜汁，好香！朋友話塊扒好"林"，我無試到，反而偷左佢D薯條黎食，用塊鐵板烘到焦焦地，加埋D汁，好味最後埋單係$100之內，其間仲有驚人發現-- 老闆個樣同方中信至少有八成似>O<

兩公婆既飯堂, 每次例牌叫蒸魚套餐/鹽焗雞餐, 是晚選了蒸魚套餐, $47, 可選羅宋湯/中湯, 羅宋湯足料但有時湯底唔夠濃, 灼芥蘭, 亦要睇當唔當造, 時好時差, 清蒸鯇魚腩走油, 要求佢落甜豉油(另類食法), 魚夠滑, 好好味, 最後茶走少甜, 茶味濃, 加埋兩碗白飯! 這就是無飯夫婦平日的飯堂!

係呢條大壩街黎講...見盡茶餐廳又開又關, 唯獨係佢...多年黎仍然生存, 而我地兩公婆幫襯得最多既都係佢!晚飯...霸王雞餐, 蒸魚餐都唔錯, 今日唔係太餓, 只想飲杯凍奶茶, 老公叫左個雲耳蒸雞飯, $30, 但無餐包, 亞姐建議叫個豬仔包, $6, 今日主要講個呢個包, 我諗佢係for 茶餐既豬扒包, 唔錯, 烘熱左, 外皮小脆, 內部似軟豬仔包, 好滿足!

上個月到呢到食晚飯,見呢間門口放晒d煲仔飯而且又凍凍地於是就決定入呢間食飯,嘩! 好正喎! 中式同西式都有,任君選擇,我地叫左一個田雞煲仔飯和一份西餐T骨扒餐,田雞煲仔飯: 田雞唔夠大陸食嗰d咁滑但係都唔算鞋,而且碗豉油加入飯後撈勻味道剛剛好唔會太咸,平時出面食嗰d會咸左少少;西餐T骨扒餐: 好滑喎!但好多肥膏係側面,,切左嗰d成件扒得番好細塊luu..但呢到嗰扒的份量係大嗰出面嗰d, 可以遮到成塊面呀! 而嗰d配菜粟米和薯條就吸晒d油,同埋d黑椒汁,但都照食啦!因為實在太好食啦! 唔算平喎! 個T骨扒餐要成70幾元! 呢到只不過係茶餐廳咋!

好耐無黎....二人食飯...愈叫愈少...! 今晚只叫了個清蒸鯇魚腩既套餐....有魚, 有兩碗飯, 有湯, 有灼菜, 有野飲....條魚蒸得岩岩好...好滑, 今日仲特別大舊! 不過個飯硬左少少...章魚節瓜湯就無咩特別, 灼津白...幾淋...! 成餐飯就係$45 + $2! 夠哂飽!

呢間不嬲都係我地既食堂....如果無出外搵正野食就睇下呢度既環境...如果無人食煙就多數會入去, 皆因老公鍾意食呢度既鹽焗雞飯...佢話啲雞新鮮...以前幫襯開...$50個套餐...連一牒雞, 白飯, 湯, 油菜同餐飲...可能街坊覺得貴...所以佢地改左兩種...一種係鹽焗雞飯...只有飯, 湯同飲品, $34, 另一種有埋菜就貴少少, $45, 昨天老公叫左前者...雞比以前少啲啲...但有隻雞脾wor...而且都幾新鮮! 我就叫左墨魚丸+水餃米+紫菜($3)連油菜就total $28! 一般水準...清清地岩我!期待緊所有酒樓茶餐廳全面禁煙...到時大把選擇!