十三少 (Closed)

放寬晚上堂食，約咗很久冇見嘅朋友食飯吹吹水，就去咗13少，環境舒適座位寬躺，入坐送上小食一碟(脆卜卜)。我哋Order 二人餐，吹水邊食小食一邊等。椒麻皮蛋橙黃色的皮蛋好晶瑩通透，顏色上和平常一般深啡黑色不同，配搭辣蒜茸夾埋一齊食最可囗。十三少酸菜魚 一黎到已經令人嘩然(碟嘅size），放低枱上一陣陣酸菜香味撲鼻流晒口水，份量非常豐富，用魚骨熬製湯底香濃，每日新鮮鱸魚，配料芝麻、菇菌、酸菜、泡椒花椒、萵筍等。魚肉起哂骨啖啖肉又嫩滑，白飯配上酸菜魚湯好開胃一流。川式口水雞小辣惹味還有麻香味，青瓜粒爽口入曬味，雞肉滑滑溜唔嚡口，雞皮冇肥油。紅糖糍粑非常喜歡這個甜品，外脆內軟、煙煙韌韌，內𥚃似糯米糍感覺，食落口暖笠笠，外層黐上黃豆粉，配有秘制黑糖隨個人囗味選擇沾上(本人太喜歡黑糖漿)，值得推介。

好多年冇黎樂富廣場，原來開咗好多餐廳，其中一間就係今日嘅美味推介～十三少~佢係主打酸菜魚，最正就係啖啖魚肉，而且其他小菜都好出色，而且價錢抵食，份量又多🔥🔥推介酸菜魚大大嚿，湯底超級正，唔係話死咸死辣。而且配料嘅份量都多，每一啖都係又爽又滑嘅魚肉，淨係嗰碗都成個頭咁大，兩個人食夠晒🤤🤤萵筍超級爽口，配埋啲酸菜送飯一流。前菜係尖椒皮蛋，麻辣汁又開胃，份量適中👍🏻👍🏻另外估唔到口水雞都幾有驚喜，雞肉煮得嫩口，唔會好鞋，分量都好大碟。另外仲點咗個糍粑，聽講炸完外脆內軟，口感煙煙韌韌，終於試到，果然幾特別，加埋啲黑糖漿，又有另一番風味🤟🏻總括呢間十三少真心唔錯，價錢均真，下次絕對會回頭再試。

突然好想食酸菜魚，就同家人去咗十三少到食，餐廳有卡位位置，坐得舒服十三少酸菜魚上菜時，店員話湯底用新鮮魚骨熬出嚟，可以先嚐湯底再食魚，酸菜魚份量好多，我揀咗少辣，少辣辣度啱啱好，唔會蓋過酸菜嘅酸味，魚肉冇骨兼且滑溜，入面仲有好多配料，有菇，萵荀，酸菜等，好豐富蒜泥青瓜青瓜爽脆，味道好清新，配辣嘢食就最啱，可以解辣川式口水雞雞件好惹味，掛曬汁，底部仲有好多青瓜粒，入曬味紅糖糍粑 即整出嚟，熱辣辣，外脆內糯，再點上黑糖醬，好味

香港第五波疫症剛過去, 趁未觸發第六波, 約咗唔少飯局。朋友推介十三少嘅酸菜魚, 店方堅持「魚、每日新鮮送到」「湯、每日新鮮熬製」為宗旨, 選用新鮮鱸魚, 保證每日新鮮熬製, 而就近樂富都有分店, 一於今晚同朋友食返餐!剛到晚市時間, 餐廳未有人影, 可以順利安排入座。但7點過後已經全場爆滿, 更需要門外等位。入座送上小吃。再點了幾款share食。 椒麻皮蛋: 金黃色皮蛋晶瑩彈滑, 個黃仲係流心! 沾上辣油+香蒜, 辣度很微, 岩返香港人口味嘅冷盤小食。十三少酸菜魚: 二人份量同樣大大碟,  湯底富有鮮魚香、酸酸辣辣, 配有芝麻、菇菌、雞髀菇、酸菜莖葉、蘿蔔、花椒、萵筍及辣椒等… 特別係酸菜莖葉索咗個湯底, 更加滋味; 酸菜魚嫩滑, 啖啖肉。咁惹味嘅湯底, 撈飯更一流!口水雞: 特別墊底嘅雞件, 表面有麻香味, 雞皮彈滑, 冇肥油層連帶紅糖糍粑: 外皮鬆脆, 內裡軟糯, 暖暖的, 點少少秘制黑糖食, 微甜好味。

經過一場疫情洗禮之後，晚市終於正常返啦!而小編作為樂富黃大仙區街坊，見到樂富廣場店開左不少新店份外興奮!今晚就黎左間酸菜魚及水煮魚的專門店「十三少」。餐廳門面簡潔裝修，卡位座位滿有舒適感，屬於一間走玩味風格，新派精品的川菜餐廳，秉承「魚、每日新鮮送到」「湯、每日新鮮熬製」的宗旨，選用新鮮鱸魚，保證每日新鮮熬製，聽完已經流哂口水。一家人來用餐最經濟實惠嘅選擇，一定係2/4人餐。二人餐 $338推介:⭐️⭐️⭐️⭐️⭐️包哂涼菜、主菜、小菜配埋每人一個白飯，+28可以加多一個甜品前菜(3選1)椒麻皮蛋/涼拌土豆絲/蒜泥青瓜蒜泥青瓜爽口脆身，青瓜吸收左蒜泥加物杜少許醋味，係非常推介的清爽開胃前菜。主菜(2選1)十三少酸菜魚 / 水煮魚 揀一款唔想食太辣的話，酸菜魚一定係首選，一上檯3陣芝麻飄香真心有份驚喜，係之前食過的酸菜魚無嘅一份誘惑，二人份量一大鍋非常足料，湯底用上魚骨熬製，除了多片的鱸魚，伴隨的配料都唔少，有齊芝麻、菇菌、雞髀菇、酸菜、蘿蔔、花椒、萵筍及辣椒等店員提醒可以先飲兩啖酸菜魚湯，再慢慢送飯，好味播~小菜(2選1)乾煸四季豆/麻婆豆腐選了麻婆豆腐，軟滑又嫩口，麻辣味十分出眾，當中材料有胡

黎到恢復晚市堂食既第二個星期，當然繼續報復式出街食。今次到樂富一間川菜餐廳。之前家姐食過另一間分店，外賣回家食，話好食，所以今日我去堂食叫幾款嘢食試吓。椒麻皮蛋首先食過涼菜，皮蛋同平時食既有D唔同，唔係黑色，蛋白位係啡透明，蛋黃好夠大，而且係橙色，好吸引，食入口麻辣味十足，刺激味蕾，不過又冇俾d麻辣搶咗皮蛋味，特別得來，好唔錯。十三少酸菜魚一上枱好震撼，好大碟，員工提我地先試再試魚湯，湯少少酸少少辣，好有魚鮮甜味，入口好開胃。配料好多，有酸菜、萵筍、蘿蔔、菇同魚塊，白雪雪魚塊片得好薄，食落新鮮嫩滑。員工話d鱸魚每日新鮮切片，湯亦都係即日熬，的確又真係好好味，食到停唔到口，非常之正，佐白飯亦都一流。川式口水雞呢個口水雞食落好滑身，冇咩骨，啖啖肉，d肉好滑，皮爽，辣油唔會太辣，d芝麻又好香，雞下低仲有啲青瓜，青瓜爽脆清新，可以解膩。紅糖糍粑男朋友第一次食，有d似糯米糍，不過係糯米造成條狀，熱辣辣，外脆內軟糯，外面外面黐咗啲花生碎及黃豆粉。另外有一碟杰身的紅糖用黎點響糍粑，微甜，男朋友話覺得好特別，因為平時食糯米糍多數都係日式糯米糍，感覺新鮮。整體上今次晚餐好滿意，味道好，而且份量大，下次帶

呢兩年，每當心思思想食酸菜魚，十三少總有一間係左近🤡個人覺得佢都整得幾似內地既太二酸菜魚，所以都值得回頭再食😆2個人食，叫左個酸菜魚，再加d小食😍十三少酸菜魚：自家製魚湯底好濃郁，酸菜煲到出晒味，酸度岩岩好，唔會太辣而且夠麻，可以飲既湯！幾岩口味，魚肉好滑而且份量都好多，好可惜唔記得左加埋寬粉😕如果唔係仲正（你哥飲左好多啖既湯，個湯味道真係唔錯）乾煸四季豆: 炒扁豆好夠鹹香同惹味👍🏻👍🏻蒜泥青瓜：好爽口同脆身，蒜泥亦好足夠，好香！紅糖糍粑：紅糖糍粑食落幾煙韌，外皮都有少少脆身，不過真係食1－2舊已經好夠😂上面有黃豆粉，點紅糖好好味👍🏻整體黎講，係無得北上既情況下，佢係最可以止止癮既一間酸菜魚！

今日同朋友去左樂富嘅十三少食酸菜魚，位置係樂富廣場雖然有少少難揾，但裝潢都幾唔錯，好舒適。🍴十三少酸菜魚一上菜比佢嘅份量嚇親，非常之大份。表面有辣椒乾同芝麻，有好多酸菜，魚片都大大舊，而且好嫩滑，啖啖肉好滿足，叫左小辣對我地就啱啱好，味道好足夠。🍴乾煸四季豆四季豆味道麻麻辣辣，可以見到有好多花椒炒成，有時都唔小心食到花椒🙈，成個餸好有鑊氣，炒出黎唔會好油。🍴椒麻皮蛋呢個皮蛋同一般黑色嘅唔同，佢係金黃色嘅，口感比黑色硬，個醬汁係香醋，加左好多蒜，好開胃。🍴紅糖糍粑呢個甜品幾特別，外面炸得好脆，糍粑好有口感，熱辣辣加上紅糖醬好好食。

收到消費卷和家人逛樂富廣場兼吃午餐，餐廳裝修新簇座位舒適。餐廳每位都奉上前菜：涼拌土豆絲 ，夠清新又爽口。我們點左，椒麻皮蛋：金黃色的皮蛋很彈牙，流沙蛋黃心很香滑美味。十三少酸菜魚：（少辣）湯底用魚骨煲成，味道香濃👍魚肉很嫩滑又啖啖肉，配料豐富有萵筍、蘿蔔片、酸菜、菇類⋯用湯撈白飯，真美味。川式口水雞：雞肉嫩滑，雞皮爽口，（另上）汁醬配原粒芝麻味更香。甜點：紅糖糍粑，外脆內軟，表面加些黃豆粉，再點些香濃紅糖漿，美味爆燈。

十三少分店越開越多 遍佈港九新界🤤舖頭裝修乾淨舒適 亦有唔少卡位 今次已經係第二次嚟食 照舊必點酸菜魚(*☻-☻*) 都係無失望啊！🤤❣️#十三少酸菜魚酸菜魚非常大盤◉‿◉ 上枱時聞到陣酸菜味已經好有食慾酸酸辣辣好開胃～ 魚質鮮嫩又滑每一片都幾大塊😋 而且啖啖肉 入面亦有泡椒、花椒、乾辣椒、酸菜、蘑菇同萵筍片其實之前已經食過 每次都keep到水準😋❣#乾扁四季豆上枱嘅時候非常香！ 夠晒鑊氣 四季豆口感爽脆 帶有少許麻辣加埋肉碎 辣得好過癮 🤤 ❣️#紅糖糍粑口感外脆內軟 外層咬落去聽到脆卜卜既聲即刻食慾大增 🤤 裏面口感煙煙韌韌 好味！🔺🔺🔺🔺🔺🔺🔺🔺🔺🔺🔺🔺🔺📍十三少 (樂富)樂富聯合道198號樂富廣場1樓1211號舖🔺🔺🔺🔺🔺🔺🔺🔺🔺🔺🔺🔺🔺

由細到大熱浪都覺得辣嘅我，好鍾意食酸菜！平時食米線都一定加酸菜～ 但酸菜魚同水煮魚呢類食物好似好辣，嗌唔辣又好似食嚟唔知做乜咁，又費事要朋友就我，所以都好少出街食.. 朋友食完十三少極力推薦我去試吓，所以去試吓個唔辣嘅酸菜魚！我哋兩個人，嗌咗個二人餐，點知成枱食物！份量好多，女仔嘅話三個人應該都夠食！唔辣嘅酸菜魚都好好味！有超級多酸菜正！有好多湯，用咗嚟做湯飯，好飽～～ 我哋兩個人完全食唔晒，要打包返屋企～ 我哋諗住係咁飽嘅情況之下，一定食唔晒甜品「紅糖糍粑」啦，見到佢仲要係炸嘅，覺得會好膩咁～ 點知…佢超級好味，我哋又成碟清晒一定要點啲紅糖！*溫馨提醒一下，本身每人會有一碟餐前開胃小食，係涼拌土豆絲～ 如果想試多啲其他嘢嘅話，套餐就可以揀另外兩樣～

突然呢幾日又熱返咁多， 搞到個人冇咩心機， 星期六同謙謙周圍去行下街散下d 屈悶， 最後我地係十三少酸菜魚到食野。呢間酸菜魚好出名，我地難得來到緊係要叫啦！除左呢樣我地仲叫左其他正野🔽🔽🔽⚛ 十三少酸菜魚（唔辣） ～ 謙謙和我口味相似都係喜歡食酸菜魚，今次呢盤絕對滿足到我地， 我地一來已經飲個魚湯先，湯底好甜，大大片無骨鱸魚夠滑溜， 將魚和酸菜放落飯到配上湯超滋味呢！⚛ 蒜泥青瓜 ～ 拍過的青瓜吸收哂蒜泥和醋味，清爽開胃。⚛ 麻辣滷豬手 ～ 我超級喜歡呢碟，估唔到都有 7至8件 每件都炆得入味軟腍，腍得來唔會散哂好欣賞， 入口先微辣，但越食個咀會越麻好過癮。⚛ 紅糖糍粑 ～ 😜見親都會叫，我地最愛，外脆內軟糯，點一點紅糖漿味道即時再提升很滋味。

首先，我必須一讚，呢度嘅員工大部份都係後生仔，而且服務態度非常良好。嚟呢度，其實一般而言，我都係食酸菜魚同埋麻婆豆腐，因為四川菜來講嘅話，呢兩款菜，都算係幾標誌性。而又咁啱，我可以叫二人套餐，來滿足我呢兩個願望。二人套餐係$338 ，價錢上來講，唔會話好平，我覺得價位算係中上，但雖然話係二人套餐，但我覺得絕對係四個人食都足夠嘅份量。前菜係一碟酸辣嘅土豆絲，細細碟，用來做開胃菜嘅話，麻油味幾重，都可以開到胃。之後就係呢碟麻婆豆腐，麻婆豆腐上面有唔同嘅香料，包括胡椒粉、黑椒粉、麻油。所以調製得非常香，加上豆腐好硬身，麻婆豆腐醬完全滲入晒喺裏面，有好香嘅麻辣味，攞嚟送飯嘅話非常一流。到最後就係呢一碟酸菜魚，非常之大，我特別好欣賞佢呢度嘅魚肉，片得非常簿身，咁樣可以令到湯汁充分融入晒喺裏面；聽到嘅店員亦都特別提醒我，飲湯都係其中一個重要嘅環節。湯味酸中帶香，微辣，亦都有少少嘅清甜味，總括而言我對呢餐感到非常滿意。

之前中招後喉嚨痛 一直不敢吃刺激食物康復一個月紀念日 是時候吃最愛辣野慶祝下逛完UNY就順道吃我心心念念的酸菜魚點了一個二人餐 可以選水煮魚/酸菜魚另外還可以自選指定前菜和小菜各一 非常豐富 份量又多椒麻皮蛋晶瑩剔透的皮蛋 加上小辣的醬汁夾點蒜茸一起吃 非常開胃十三少酸菜魚二人份量都超大盤 份量好足 滿滿一盤的魚片酸菜 蘿蔔 萵筍 雞髀菇魚片新鮮嫩滑 完全沒刺啖啖肉 大愛酸辣程度夠平衡乾煸四季豆好有鑊氣夠乾身 加入辣椒花椒夠惹味 送飯一流本身還想加28要紅糖糍粑但真的太飽吃不下了 不然也想試試唯有下次啦

因Omicron關係又怕喉嚨痛，都好少食辣嘢。路經樂富一間食川菜蒲頭，突然間好想食，唔理啦，照去食個lunch。鋪頭細細，環境乾淨企理，黑灰為主打色。我們叫咗個set lunch。一坐低，侍應放下碟涼拌土豆絲。爽口兼有辣味。前菜：蒜泥青瓜。夠清甜及爽口。主菜： 酸菜魚。都係怕喉嚨痛，叫少辣。侍應同我們講，係用魚湯嚟淆製，先飲咗湯，才吃。送上大大碗酸菜魚，魚湯好香，好重芝麻香味，有鱸魚、菇菌、酸菜、芝麻、花椒、辣椒等等。酸菜魚湯飲了，唔覺得口渴，真正用魚湯製，酸菜恰到好處，唔太鹹唔太酸，鱸魚好大件夾爽口。整體嚟講係好味嘅。小菜：乾焗四季豆（小辣）炒得夠乾身，係乾扁又唔油膩，唔太鹹唔太辛辣。好味。侍應：服務態度誠懇。我都幾喜愛食酸菜魚，這一家係唔錯嘅選擇，小菜都好掂㗎。食物質素性比高。