陳師傅自製點心專門店

Open Now

Now Closed

陳師傅自製點心專門店..... 尖沙咀金馬倫道點心是我和朋友的至愛， 這裏地點方便， 自製點心質素頗高， 巧手精製， 而且是即叫即蒸， 新鮮熱騰騰的上枱， 這裏 環境舒適清雅， 正是嘆茶吃點心的 理想地方，難得的是水滾茶靚， 有多款茶葉，任君選擇 。金牌蝦餃皇 ………二粒超大隻蝦餃， 皮薄餡靚， 外皮爽口不黏牙 ，大大隻鮮蝦 ，鮮甜味美，Q彈牙好好味， 絕不能錯過啊！😋😋👍👍魚籽燒賣王…………二粒超大粒的燒賣， 魚籽咬落卜卜脆的, 外皮夠爽口 ， 餡料新鮮，有 大大隻新鮮蝦 ， 爽口又鮮甜 ，真是與別不同👍👍蠔皇鮮竹卷首先鮮竹卷的外皮很重要，這家專門店做到了， 外皮微煙煙靭靭的爽口不油膩 ，非常有質感， 餡料方面 有蝦有芫茜又有白菜， 材料新鮮， 好吃😋😋蜜汁叉燒包外皮鬆化軟熟 ， 內裡蜜汁叉燒飽滿 ， 一咬爆汁， 好好味道。陳皮 牛肉腸熱騰騰的腸粉 皮滑滑又夠薄， 餡料滿滿的鮮牛肉和香茜， 材料新鮮 香味撲鼻而來， 淋上甜醬油更加滋味 ，真是 抵吃又飽肚。蟹籽小籠包特色小籠包 ，內裡是滿滿的湯飽， 一咬爆汁， 很有滿足感， 外皮厚薄適中， 餡料新鮮，好味。👍😋

黑松露燒賣皇$29超級大粒😌都有原隻蝦🙂口感唔錯😊有淡淡嘅黑松露香味金牌蝦餃王🦐$27非常爽口😛好重蝦味香煎鮮蝦腐皮卷$37煎得好香😆有一粒粒嘅口感😇配搭腐皮啱啱好蟹籽小籠包$39一咬爆汁😆同個蟹籽幾夾😊幾特別黃金叉燒腸$34原來黃金係指粟米🌽呢個配搭都幾特別😊唔係度度有得食炸泰式花枝丸$47喺飲茶地方有得食花枝丸都幾神奇😆配搭泰式辣醬唔錯金絲黃菊+$15 茶位佢有好多個茶可以揀😆特別試咗佢個推介菊花味😂都幾香😊配搭紅棗所以越飲越香甜

近幾年愈黎愈多點心專門店，所以依家點心癮起都唔一定要去酒樓先解决到😆😆呢日同朋友行完街就黎左呢到嘆返個港式點心下午茶～呢度唔單止望落乾淨企理，座位位置亦好闊落，可以坐得舒舒服服嘆住冷氣食點心😚😚食點心當然要嗌蝦餃燒賣啦～蝦餃外皮q彈，餡料滿滿，必點之選！！呢度有三款燒賣，我哋呢日要左一份黑松露燒賣，一籠兩粒，大大粒，肥肉嘅比例唔算多，食落好有滿足感🤤🤤除咗必點嘅蝦餃燒賣我哋重點咗一啲比較有特色嘢點心試一試～特別推薦沙律明蝦角，外層金黃薄脆，內有彈牙蝦肉💕💕泰式花枝丸同黑松露鳳眼餃都很可以🥰🥰而流心奶黃煎埋仔就味道香甜作為最後既小甜點亦相當不錯😘😘

話說年輕人唔鍾意食中菜，香港而家好難搵到好食嘅點心🥲今日收工突然間好想食點心就去咗金馬倫道尾嘅陳師傅點心，每朝返工都見到有唔少人喺門口排隊。一入到去店員推薦我哋飲菊花茶，入面好足料有枸杞、紅棗、飲落非常之清甜。重頭戲嘅點心我哋叫咗鮮蝦腸粉、蝦餃、咖喱魷魚、黑椒牛仔骨、煎蛋牛肉餅飯同埋小籠包。腸粉每條入面都有大大隻鮮蝦，咬落亦都非常之爽口，可以話係皮薄餡靚。另一個推薦就係咖喱魷魚，佢同黑椒牛仔骨一樣，而家好多地方都冇得食，難得呢度咖喱濃味得來又唔會太辣，魷魚亦都非常之有咬口。牛肉餅飯嘅牛肉餅味道就似山竹牛肉，一樣係大大塊非常之足料。小籠包皮雖然唔係特別薄，不過入邊仍然有唔少嘅湯汁，以點心店出品嚟講絕對係可以一試。最後因為食得太飽好遺憾冇試到招牌嘅紅棗糕，下次可以有藉口再嚟試吓啦😆

一向都好鍾意食點心，今日同朋友仔經過尖沙嘴見到間主打「自家製」點心嘅專門店，全日供應，有多款傳統同特色菜。門面好光猛，店內環境整潔，闊落，坐落舒適，見唔少外國人幫襯。沙律明蝦角炸至金黃酥脆，內裏餡料飽滿，配上沙律醬，減低油膩感。鮮蝦上湯水餃，同樣好大粒，皮薄餡靚，性價比高。沙嗲墨魚仔，出面未見過，醬汁惹味，咬落爽口彈牙，值得試。黑椒牛仔骨即叫即整需要等20分鐘左右，牛味突出，肉質軟嫩，調味濃郁。藥膳雞腳份量十足，煮至軟身，養顏滋補。板燒煎釀茄子用鐵板上，咋咋聲，好惹味，適合配飯。

晚上可以吃點心的餐廳不多，找到尖沙咀的陳師傅自製點心，可以滿足晚上吃點心的願望。作為饞嘴的上班族，不用早上買點心，晚上再翻熱吃，有新鮮的真好。餐廳座位很多，雖然來到已是晚上八時半，但這裡人氣旺盛，非常熱鬧，有飲早茶的氣氛啊！食物價錢跟一般茶樓差不多，茶位每位$12，而特別之處是自製點心，即點即做，所以等待食物上桌要有點耐性。飲茶當然要吃蝦餃燒賣，這裏特別做了一籠兩隻的蝦餃燒賣，二人來飲茶的話，份量就剛好。其他點心的份量，在掃碼下單時也有註明的，可以好好預算份量來點餐。最喜歡魚子燒賣$27，豬肉真的很鮮甜，肉香的確比一般燒賣濃，魚子咬下卜卜作響，蝦仁又新鮮爽口，好味！金牌蝦餃皇$27，真的皮薄餡靚，蝦肉餡料多，咬下鮮甜爆汁，醮上辣椒油吃更香口。炸蜆蚧鯪魚球$47，有六隻，一口一隻的大小，手打鯪魚肉非常爽口，有芫茜香，最喜歡蜆蚧醬汁，沒有腥味還吃到蜆介的鮮甜。飲茶吃蒸飯，似是指定動作，鹹魚肉餅飯$37，用煲仔上，見到鹹魚一大塊，雙眼已經發光，而且還是梅香，拌飯吃可以不加豉油了。肉餅是正常水準，飯蒸得夠乾身，拌著鹹魚吃很滿足。素翅灌湯餃$41，真的超多素翅，伴隨濃郁的高湯，吃著貫灌湯餃的餡料

陳師傅自製點心專門店 (尖沙咀).金馬倫道大曬美食，點心係我同男朋友好鐘意食無奈係我倆都唔會早起身(除左番工所以點心鋪係我兩嘅愛好地點!.▪️ 金牌蝦餃皇•魚子燒賣皇各兩粒▪️.兩個人食點心我最鍾意呢啲兩粒裝，我蝦餃燒賣都可以食曬！蝦餃皮好薄！燒賣勁大隻蝦係上面又好味.▪️咖哩土魷 ▪️.男朋友講左成個星期話想食咖哩土魷，終於比佢食到魷魚好爽口，個底仲有芋頭粒.▪️ 薑蔥牛柏葉 ▪️.爽口嘅牛柏葉，下面竟然有烏冬做座.▪️ 瑶柱鮮蝦豆苗餃 ▪️.唔洗問自己就配上辣椒油，同樣係一咬就爆餡，好大隻蝦仲爆菜苗！.▪️ 鳳爪排骨飯 ▪️.鳳爪好入味，一客兩隻仲有好多排骨呢個配料再淋上甜豉油真係無得輸！.📌 陳師傅自製點心專門店 (尖沙咀)尖沙咀金馬倫道56號地舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

今晚放工同屋企人去了飲夜茶食點心，這間陳師傅在尖沙咀大街，很多卡位座位，坐得舒適。而且有別傳統酒樓，有多款特色茶飲，我們揀了高山蕎麥茶，茶味清香，而且翻沖幾次都味道依舊。點心全部自家製，而且即叫即蒸，新鮮熱辣。鳳眼餃餃皮有彈性，蝦肉彈牙，有些黑松路及蔬菜拌入蝦肉內。鮮蝦上湯水餃水餃有香脆的木耳及爽口蝦肉。脆皮銀絲腸腸粉皮爽滑，中間包著炸至香脆的蘿蔔絲，味道較濃。沙律明蝦角蝦角炸至金黃香脆，入口熱辣辣。百花釀魚肚魚肚吸收了蝦滑鮮味，入口充滿湯汁。鹹魚肉餅飯梅香鹹魚拌入肉餅飯內，米飯既香且爽口。

在尖沙咀的繁忙樓市中，「陳師傅自製點心專門店」提供了一個全天候享受茶點的完美去處。這裡，你可以邊品嚐一杯茶，邊享受各式各樣的點心，無論是兩個人或是一大群朋友聚會，都能找到適合的選擇。店內堅持使用傳統香港風味，即叫即蒸的方式保證了食物的新鮮和速度，讓顧客能夠隨時享受熱騰騰、新鮮出爐的美味。餐廳的裝潢簡潔明亮，現代與傳統元素的結合，創造了一個舒適的用餐環境。在茶的選擇上，店家特別推薦高山烏龍茶，聲稱其具有抗氧化、開胃健脾、保護血管、預防中風及糖尿病等功效。雖然具體效果有待驗證，但那濃郁的烏龍茶香味，確實讓人飲後感到格外舒心。今天我品嚐了以下幾款點心：- 金牌蝦餃皇（2個）HK$ 27：皮薄餡多，蝦肉鮮甜彈牙，是點心中的經典之選。- 魚子燒賣皇（2個）HK$ 27：燒賣上鋪滿了魚子，增加了口感和風味，每一口都是享受。- 奶皇包（3個）HK$ 29：外皮軟糯，奶皇餡料香甜滑順，令人難以忘懷。- 鳳眼餃（3個）HK$ 41：造型獨特，餡料豐富，是創意與美味的完美結合。- 黃金脆燒腸HK$ 34：外皮酥脆，內裡肉質鮮美，是不可多得的美味。- 沙律明蝦角（4個）HK$ 49：鮮蝦與沙律醬的組合，口感

位於尖沙咀金馬倫道的「陳師傅自製點心專門店」，係一間新開張的中式點心專門店。店內燈光明亮，感覺乾淨衛生餐廳採用電子自助點餐，點心款式眾多，每款都好吸引魚子燒賣皇勁大粒燒賣，上面仲有蟹籽及原隻鮮蝦，底下係半肥瘦豬肉，配埋辣椒油食就啱晒翡翠鮮蝦腸晶瑩剔透的腸粉，軟綿綿又滑溜～包住翠玉瓜片及原隻鮮蝦，爽口彈牙四寶滑雞扎大大件雞札，枝竹包住冬菇、魚肚、雞肉及芋頭。魚肚同冬菇吸收晒食材嘅精華，雞肉好嫩滑呢板燒煎釀尖椒新鮮翠綠嘅尖椒，釀滿魚肉，煎得香脆可口瑤柱鮮蝦豆苗餃晶瑩通透的外皮包住鮮蝦、瑤柱及豆苗，真材實料，每啖都充滿豆苗嘅香氣懷舊糯米雞糯米雞份量十足，糯米飯口感軟硬適中，當中餡料有瑤柱、鹹蛋黃、雞肉、冬菇、豬肉絲，好足料，味道同口感都好豐富

I love trying dim sum restaurants, especially the local ones. This time we came across Master Chan Dim Sum Specialist in Tsim Sha Tsui. Went there before dinner hours so we didn't need to queue to get in. Steamed Dishes◆Beef Omasum◆Rice Roll w/ Minced Beef◆Siu Mai◆Xiaolongbao Fried Dishes◆Eggplant w/ Fish Cake◆Bean Curd Skin Roll w/ ShrimpEverything was prepared by order and served steaming hot. All dishes were finely seasoned. Siu mai was a standout - exceptionally big and juicy with crunchy fr

📍 陳師傅自製點心專門店-尖沙咀去到夜晚突然之間想飲夜茶🫖之前記得經過尖沙咀有一間點心店一直我都好想去食🫠收工就係附近，食埋先返屋企🏠✨ 魚子燒賣皇鹹香鮮味、扎實口感魚子醬賦予獨特的口感和風味甘甜的草蝦仁搭配比例相當的豬肉🐷✨ 金牌蝦餃皇蝦餃份量十足，粒粒塞滿蝦肉，外皮晶凝通透，一口咬下真的超級滿足。✨ 蜜汁叉燒包叉燒包外皮髮軟，搭配肥瘦適中的叉燒內餡，蜜汁甜鹹適中。✨ 山竹牛肉球食到最尾先黎到，拳頭咁大粒又飽滿蒸得岩岩好入面有少少粉紅色咬落爽口彈牙，小小喼汁又香又有鮮味，正👍✨ 黃金叉燒腸腸粉黃金的賣相，腸粉皮帶點煙韌內裡是滿滿的叉燒層次感十足。✨ 梅菜肉餅飯本身飯店嘅豉油味道已經係偏甜再加埋梅菜都係甜，所以小編個飯都係甜🫠下次都係食鹹魚肉餅好啲！！雖然豉油顏色十足‼️✨ 鳳爪排骨飯即叫即蒸好好味😋下層是吸飽肉汁的白飯🍚最上層鋪滿豆豉排骨跟鳳爪，鳳爪有點辣辣味道是好吃的但帶有骨頭🍖排骨是比較有嚼勁的那種，但好入味😙

首先我哋就點咗幾籠點心🧆 我一定要食我最愛嘅黑椒金錢肚🤪🤪 佢地份量幾多 同埋金錢肚入味 每一舊都大大舊 好正好有口感😉 我好鍾意❤ 我哋仲喺應該嗌咗一碟蔥花煎腸粉 配上佢哋嘅甜辣醬 簡直係绝了呀！ 🌞 之後就叫咗我最鍾意食嘅奶皇包 佢哋嘅奶皇包做得好出色 包皮唔會太厚 一咬落去就係滿滿嘅奶黃沙 好鍾意！ 嗰種罪惡感出晒嚟😂😂😂 但係真係好好食 😋 我男朋友就再叫多咗個煎薄撐 佢同腸粉一樣都係超多櫻花蝦 超足料🌟 比個like 佢地 好抵食 之後我哋偷望到其他客人嗰度點左好多燒賣同埋蝦餃😂 我哋俾佢地引到 又叫多咗一籠燒賣✌🏻 佢哋啲燒賣超級大粒 豬肉味都好濃 好好食 🤤 成為咗今日嘅VIP😗😗😗

收工經過見到間點心入到去個姐姐sell我飲菊花茶咁就試下喇有紅棗杞子兩種菊花$15位其他普通茶就$12位飲落都幾舒服，唔錯落單落左3樣野，蝦餃燒賣叉燒包，即叫即蒸都要少少時間，大約12-15分鍾。蝦餃燒賣都屬於大粒，味道同酒樓完全唔同，手工制既係好食d既，叉燒包就正正常常。埋單$95，貴左少少，但整體唔錯

兩公婆都從未幫襯過點心店，咁啱晚餐時段行過見到就諗住體驗下，招呼服務係可以，我見啲手臂有公仔紙既店員都會幫客影下相咁。佢號稱即叫即蒸都係既，所以都預咗要時間等，冇問題，首先到係义燒包，賣相好差，啲餡爆哂出黎，包好痴牙。跟住鵪鶉蛋燒賣，蛋比較硬。肉餅飯，牛肚，糯米卷，牛肉球，牛肉腸，鮮竹卷，馬拉糕都係可以既，不過只係稻香貨色，唔配呢個價