陳師傅點心專門店 (Moved) New Location

真係嬲到震.......五一黃金周長假期，限聚令加上每枱要有1.5米距離嘅限制下，非常明白亦都預咗要等位，其實不論你幾多位等，照常理都係依次序入店㗎啦很可惜此店安排非常不善亦無視客人，感覺不被尊重，立即轉場去轉彎位間”金X冰室”，同樣係黃店，食落gur好多，店員好忙但都好nice！詳細過程如下：我地係第1 group二人喺門口等緊位，隨後有三人及四人緊接嚟到被叫”等一陣”。等一陣當然無問題，唔派飛唔mark低亦無問題，只要店主記得次序就可以。很可惜.......之後一堆人埋單走出店鋪，係有些微混亂，之後三人group自己走咗入去坐低，無人叫停，同收錢個人講話我地嚟先，佢一路做其他野一路同我講因為佢地3個人?????完全無正面回應之餘，下，點解關人數事嘅???????好！唔緊要，見入面仲有張枱諗住到我地啦，入面有個阿姐話係咪有4個人啊然後無端端又叫四人group入去，收錢個人再一次無叫停.......見佢仲懶係忙咁又入單又來回廚房騰嚟騰去，就咁拋咗句出嚟話等多陣......心諗，又等??????第一組人到門口等位變最後一組人都未入到去食.......大家評下理有無咁做生意嘅.無！下！次！

兩人又走到新浦崗覓食，今次選了久違的點心。走進小店就點了好幾款點心。先試糯米雞，非常足料，熱辣辣糯米軟綿綿，美味，足夠二人份量。北海道棉花雞，雞肉滑滑的，魚肚入味，不錯不錯蝦腸一碟兩條，份量就較少，皮薄蝦爽，不錯鵪鶉蛋燒賣是我心頭好，試過不同地方的，這裏挺不錯，燒賣肉不咸不肥，值得試試總括而言：裝修：小店格局，食客要有心理準備地方小小座位狹窄。服務：由老闆娘帶領幾位姨姨工作，直接但細心食物：點心全是熱辣辣，加分加分。

一早已經聽過陳師傅 聽聞廚師曾經係酒店做過大廚 所以點心一定有保證 地點位於Mikiki對面 也很容易就找到 要支持💛 經濟圈雖然我地得兩個人 但都叫左五樣野食😆黃金叉燒腸 $28叉燒腸幾滑 而且叉燒份量亦都幾多 百花釀魚肚 $33一般般 如果魚肚厚身啲會更有咬口金針雲耳滑雞飯$29這個滑雞飯好抵食 雞份量正常 再加上有紅棗 所以蒸出來的雞飯好食 這個飯完全足夠兩個人食流沙黃金煎堆仔 $27好流沙 正👍🏻魚子燒賣皇 $22價錢合理 而且茶位只是$4 好味👍🏻

位於新蒲崗嘅陳師傅點心專門店，就喺MIKIKI對面，都幾易搵。兩個人叫咗五個點心，全部即叫即整，所以可能有啲耐，不過都值得，仲有呢度每位茶介$4都叫平。冇蝦餃點叫食點心啊，皮薄，大大粒，啲蝦都彈牙，必試既。牛柏葉，好爽口，份量好多食極都有，數埋都有7，8舊，唔知點解仲有四五條烏冬，唔知有乜作用。流心奶黃包，呢個要小心熱，好香奶黃味，搣開中間，之後一啖一邊，正！棉花雞，唔會太熟，蒸得啱啱好，啲雞肉好嫩，魚肚爽口。芋絲卷，即叫即炸，外面好香脆，入邊啲芋頭好足料，食一粒就夠，如果唔係會好濟！總括而言，唔想去酒樓，又想食到靚點心可以考慮吓呢間，啲點心都食唔到冰鮮味，老闆都強調好多點心都係自家整，唔係來自工場，價錢又親民，不妨一試！

第一次幫襯陳師傳！陳師傳係做過怡東酒店的中式點心總廚。真係即刻製造既點心！勁熱同埋流心奶皇！唔係出面食既空氣煎堆！下次一定再食好耐無食芋角啦！見佢有手指公推介就試下！！芋頭入面包住豬瘦肉、冬菇，實卜卜，真係無偷工減料！好耐無食過咁好食既蝦餃，又大粒，又皮薄。之前食過勁好食蝦餃，但可惜係藍店，所以無得再幫襯！所以下次一定要再黎！！呢個又係手指公推介，腸粉好薄皮同埋蝦好大粒！好好味！！！陳師傳一送到黎枱，即係淋上燒汁，有鐵板既效果。食得出魚肉無混合麵粉，係真材實料以前係茶樓食叉燒包都會蒸到淋哂，但呢個係岩岩好，同埋叉燒餡好足料！網上評論都話呢間食物質素唔差！！果然真係幾出色有啲評論批評服務好差，但係我想平反。我一入到去就即係有職員：問幾多位。（唔會因為店入面80%滿，就唔想招呼我地/扮睇唔到）下次一定會再幫襯！！見到其他顧客食蒸魚好似都唔差，下次都要試試。

特别好吃非常有特色的一家yellow店，妹想到在点心店里会有小汉堡，味道相当好。还点了一个银丝肠粉忘了拍照了 好吃口感好。好吃不贵，物美价廉，老板坚持手工做，外卖的话需要等四个字左右

因為星期日嫲嫲一個人在家，所以我們決定用手機應用程式叫外賣點心，留在家中一起吃比較安全，避免去人多的地方受到感染。我中午十二點下單，要差不多要一點多才送到來，點心都不太熱了，幸好還是暖暖的，下一次還是直接去吃新鮮蒸起的點心比較好。我們叫了挺多點心，有：鵪鶉蛋燒賣、蜜汁叉燒包、百花釀魚肚、流沙奶黃包、黃金叉燒腸、鳳爪排骨飯、梅菜肉餅飯、千絲芋角。令我覺得好吃有驚喜的是流沙奶黃包、鳳爪排骨飯和千絲芋角。流沙奶黃包- 雖然點心隔了一個小時才送到家中，奶黃餡還是非常流心，而且味道很濃郁！很滿意！鳳爪排骨飯- 材料豐富，鳳爪和排骨的肉汁流落飯裏，配上醬油一起吃，好味道！排骨偏肥，所以吃的時候很滑。千絲芋角- 芋角外層酥脆，內餡調味適中，富芋頭的香味。其他點心的味道都可以，可惜因為外賣而令到温度降低了，如果即時在餐廳內進食點心，一定會更加美味可口！

蕃薯妹好鐘意飲茶，可惜附近一直冇飲茶嘅好去處。所有茶樓都普普通通，點心麻麻地。最近上網睇到有報道介紹陳師傅，佢響五星級酒店出身，以前係大廚，對食物出品有好高要求。佢哋嘅食材堅持每日朝早由家人親自去街市選購，確保食材新鮮同埋品質好。仲有陳師傅一家上上下下都好有良心💛😆當然要來支持下經濟圈💛💛💛佢哋嘅點心真係好好食，每樣都係即叫即整，新鮮熱辣。蝦餃燒賣有驚喜，佢哋嘅蝦好新鮮彈牙，而且燒賣肉入邊仲有一粒蝦，非常足料！百花釀魚肚嘅蝦滑彈牙，魚肚夠淋身，口感唔錯。全部嘢食都真係幾好味😋 繼續支持！

的確比一般點心店價錢貴咗啲，同茶樓一樣嘅價錢，不過好好味，可以食翻以前港式點心嘅味道，好耐都無食過嘅排骨味同鳳爪味，仲有以前灌湯餃嘅假翅，响喱度，你可以食翻，可惜嘅係啱啱賣曬雞包仔，我基本食暈晒全港，都食唔翻以前嘅鷄包仔味，我會再嚟試個鷄包仔，希望唔會令我失望😊*好奇地叫咗個客家餅，難食😅

響經濟圈入面嘅點心店係少之又少但係其實地瓜妹妹係好鐘意飲茶咖囉😢發現咗陳師傅響經濟圈入面 當然要嚟試吓～ 當日下午3點左右，店內唔算多人，可以即時入座～上網睇美食節目介紹，呢度點心全部即叫即整，大家要耐心等吓。超好味嘅燒賣！隻蝦好新鮮咖 而且咬到肉餡入面仲有一隻蝦！好足料。勁大粒嘅蝦餃，啖啖蝦肉！呢度竟然有我最愛嘅鵪鶉蛋燒賣😋 好好味，驚喜嘅係肉餡入面又有一大隻蝦～ 平時呢個鵪鶉蛋燒賣係唔會有粒蝦響入面咖！老闆係全店鮮蝦大贈送啊？😂北海道雲吞雞，原來北海道嘅意思係加咗日本蟹柳同獅子狗卷😅😂 灌湯餃係我朋友食嘅，佢話一般般。鮮蝦腐皮卷入面有好多芹菜，我唔食芹菜😭 食得好難受... 不過蝦係新鮮彈牙嘅，腐皮煎到好脆，如果可以走芹菜走青就好了😭臘腸卷個包皮好軟熟好味，蠟腸嘅味道普普通通。陳師傅正呀我會繼續推廣俾朋友嚟幫襯～

成日去開茶樓，今次諗住試下點心鋪，見到呢間外面排隊都幾多人下，環境當然唔係話好似酒樓咁啦，見佢d食評既點心評價都唔差，試完其實點心係唔差既，好食既。但係美中不足既係佢地服務態度超級差，知道佢地人多，忙，當然體諒，但呀姐d 態度就真係差到爆！話自己好忙，冇時間幫手落單，但轉個頭見到熟客就拿拿聲去阿諛奉承個熟客...黎得食野既都係客人...真係食過呢一次（雖然係好食）但以後都唔會再幫襯佢。因為都有好多好食既點心鋪，所以又係俾藉口搵好野

黑洞親身試過呢間 點心質素真係唔錯⭕️-🔹古法馬拉糕（$22）糕身鬆軟得黎吾似食緊空氣😉而且甜度適中 -🔹臘腸卷（$24）平時飲茶好少可食到臘腸好香玫瑰露味😍推介-🔹魚子燒賣皇（$21）大大粒燒賣👀面頭魚子脆卜卜-🔹風味蘿蔔糕（$18）利伸 黑洞唔算太好蘿蔔糕但呢碟真心吾錯☺️粉既比例調得幾好 口感吾錯😋煎完都唔太油膩-🔹流沙黃金煎堆仔（$26）必食🤤煎堆仔外皮夠脆一咬流沙奶黃餡爆發 超正💕-P.s. 茶位$4位 好抵飲

8年前我還是讀書的時候，常常到新蒲崗球場去灌籃，當時陳師傅才剛剛開業，曾經去過一次，印象不是太深刻，那時的新蒲崗還有很多工廠大廈，8年過後大不同，多了很多價錢很貴的私會住房，最近跟朋友經過那裡，看到門前面有不少人排隊等候，就想應該再嚐嚐唄。究竟陳師傅每天？天未光起床做的點心有沒有變呢？「東北棗皇糕」依然很好吃，乾身彈牙，紅棗味豐富，不愧是老闆娘親自選的紅棗材料，太skr。「精製蝦餃皇」這個都是沒變呗，大大顆的蝦，爽口彈牙，蝦餃皮煙韌可口，建議大家來到一定要試試看。「薑蔥牛柏葉」牛柏葉肉厚非常，不會幼幼得未口感。「流沙黃金煎堆仔」這個在8年前是沒有的，外面的煎堆香脆，裡面的流沙奶黃很容易就流出來了，口感獨特。「北海道綿花雞」兩個份量，我們很滿足，配料都不錯，好吃。「咸魚肉餅飯」咸魚很香，份量足有誠意，肉餅爽滑，飯粒有水份不會太乾。「炸蜆蚧鯪魚球」新鮮即製熱燙燙的，外面炸的金黃，裡面嫩嫩的，口感彈牙，旁邊的蜆蚧惹味。服務仍是沒變，一切都由老闆娘打點，招待下單送菜收錢，都由她一個人做，太強大了，建議大家大大力幫襯下。

下午茶時間，本來想住落樓下去飲杯珍珠奶茶，不過，行過見咁多人食間点心就去八卦一下。見咁多人在外面等，廢事等就買外賣。未試過有咁好味的蝦餃燒賣，一啖落去就知道是新鮮材料。叉燒腸是啖啖肉，其他酒樓一條叉燒腸有兩舊叉燒已經偷笑。lee間成條腸都是叉燒，起碼有8舊叉燒。一件桂花糕有4粒龍眼肉，其他酒樓的桂花糕有杞子就偷笑la。叉燒包一啖就咬到叉燒，叉燒仲多過包。好味足料抵食唔怪之得咁多人排隊啦！店入面有好多上了年紀的點心姐姐，辛苦老人家了。感謝願意顧用

已經幫襯過幾次，新蒲崗點心選擇都有好多但依間係區內屬於好食又平店面較細，坐得比較逼唔介意的話可以坐出面仲可以泊車係街到睇住呀姐雖然大聲D，但都盡力服務，良心餐廳推薦：脆皮銀絲腸粉、千絲芋角