陳師傅點心專門店 (Moved) New Location

中午12:30 八號風球還未除下, 就跟家人在陳師傅飲茶食晏才上班. 新蒲崗飲茶首選. 水準keep到. 叫了三式飽 (义燒, 流沙, 雞飽仔), 三式餃 (虲餃, 菜苗, 粉果) , 人少都可以試到唔同款式 最鍾意食流沙飽, 非常流沙另叫了排骨飯和脆皮腸, 脆皮跟酒店中菜做法一樣, 因陳師傅酒店出身, 味道適中, 唔肥膩

放假同屋企人食晏，屋企人想食點心，又唔想去酒樓迫，就去咗附近嘅點心店。小小嘅點心店，選擇都唔少，我哋一共叫咗五樣嘢食，當中最令我哋記得嘅就係雞札。呢度嘅雞札好足料，用新鮮嘅魚肚而唔係豬皮，雞肉好大件好滑，而腐竹亦都好香。點心來講，火候都好重要架。陳師父嘅火候控制得好好，點心蒸出嚟熱辣辣，但肉質依然有口感，冇overcook。

今日跟男朋友繼續在新蒲崗找好嘢食！ 他一直很喜歡在這間舖頭食點心的～ 因為很出名～以下是我男朋友的comment，呵～勞動節補假的黃昏在新蒲崗, 不想吃太飽, 見這小店有位就入去飲夜茶。可能香港人不太喜歡飲夜茶, 客人不多, 沖茶落單都很快手。點心選擇都不少, 店方推介的都有個"like" mark食物都是即叫即製, 要等十多分鐘, 不過肯定新鮮熱辣。等候期間正好看看電視新聞, 期間有師傅在另一台包餃子, 也有幾位客人來order外賣, 進來坐的卻不多, 似乎夜市較喜歡回家吃。兩個人叫了四個點心:鳳爪排骨飯: 鳳爪和排骨都夠林又入味, 飯軟硬適中, 吸收了豉汁和肉汁很是滋味百花釀魚肚: 魚肚吸滿上湯很鮮美, 蝦膠稍嫌太咸, 搶了魚肚的鮮鐵板煎釀涼瓜: 用鐵板上賣相很好, 但涼瓜始終水份多, 煎出來的效果沒有特別的香, 倒是中和了釀料煎香後的肥膩流沙煎堆仔: 外皮脆而內皮有糯米的軟熟, 不過流沙餡太過液態, 咬開即流, 要吃得小心奕奕, 味道是夾的能悠閒地飲杯茶食點心, 夜茶也是晚飯不錯的選擇。聽見我們談論食物感覺時, 阿姐推介我們下次來吃芋角。

夜晚未食飯，返咗母校附近行下，成個新蒲崗真喺改變好多，讀書時代成條景福街都只喺賣五金同原材料，依家餐廳已經林立，變咗成條食街咁。參觀完母校之後，喺附近搵野食！時間已經唔早，又唔想食咁多落肚，所以搵咗點心舖試下。我哋叫咗比較大路嘅點心。例如《鮑汁鮮竹卷》、《魚子燒賣皇》、《精製蝦餃皇》、《山竹牛肉球》、《流沙黃金堆仔》、《蜜汁叉燒包》、《陳皮牛肉腸》。雖然大路，但每樣點心都各有特色，口感同味道都特別出色，而且用料十足，每樣點心比一般茶樓都大件好多！聽老板娘，原來師傅以前喺酒店做過，唔怪得特別零舍不同！經老板娘拍板推薦之下，叫咗佢哋主打嘅《脆皮銀絲腸》！賣相雖然只喺一條普通嘅腸粉，但食落有兩份口感，內裏有一層好薄脆身嘅皮，而且有種清新的感覺，非常特別！依個主打嘅《脆皮銀絲腸》真喺藉得推介。問咗老板娘幾次層脆喺咩黎，不過都喺唔肯講！咁緊喺啦，主打菜色喎！下次路過新蒲崗，真喺藉得黎試一試！

今晚經過新蒲崗，和老婆不知吃什麼，見到一間吃点心舖入去試試，叫了幾樣点心吃。先吃豬骨粥幾好食，排骨都ok,跟住来流沙奶皇飽……好熱D奶皇流出來……正，蜆蚧鯪魚球……好食(新鮮炸出来)，我值得推介就是銀絲腸粉（嗰名唔知又冇錯）……超正，好滑……流沙煎堆……腐皮卷……都有水準…………最唔好就是唔夠人手

行經mikiki, 一心諗住試吓點心王，因為見到雜誌介紹該餐廳的點心有酒店級的水準，點知差差差！一入到去，首先枱椅擺放位置好迫，枱上放完兩茶壺加餐具已經冇了一半空間，於是要求調去另一位置，此時職員很悔氣表示可以轉，不過遲啲多人咪又要轉返嚟，想轉咪轉囉。轉位過程中，又有另一職員不禮貌地將我哋嘅私人物品重重摔到枱面上，不論是否做生意或平日的生活上，都不應如此，我想這是很基本的禮貌吧！ 食物水準亦只是一般，蝦餃同燒賣都有蝦殼 ，韮菜餃味送。 道一般，份量也不多，但價錢卻不便宜。牛柏葉味道算是比較好，茶水淡如水。很快吃完便匆匆離去。

周日閒逛, 安排到Mikki Starbucks悠閒過度, 但總要先醫一醫肚, 於是一個人睇睇附近有咩野食, 見到呢間點心爆晒棚, 心想可能來頭不少, 決心一人獨闖:雖然我全部野一齊點諗住快快食完走人, 點知一o黎食甜品先...紅棗糕一早蒸定, 蒸過左頭失去咬口雞扎塊腐皮理應先聲奪人, 但係有少少硬, 一開始已經扣分~雞件正正常常, 無咩特別, 反而芋頭又係太硬, 無晒水份, 難食最後食多件糯米雞, 熱熱的已經算係唔錯, 但沒有過日之處總括而言, 我覺得係唔值得要等先有得食, 可能店太新未處理好, 尚有很多改進空間

放工諗住係新蒲崗試下啲新野，知道mikki對面開左間手工點心店就儘管一試，點知......超級失望！未入鋪門時比佢地門口啲相吸引著「鐵板煎釀茄子」「流沙煎堆」重有出面寫住既臘味/鳳爪大煲飯。入到去叫左「鐵板煎釀茄子」「牛肉球」同「臘味大煲飯」。先黎個「鐵板煎釀茄子」，完全唔明同平時酒樓果啲有咩分別，只係將啲整好左既煎釀茄子放落個唔太熱既鐵板度，味道好淡，酒樓十幾蚊重好味過佢，但佢呢度就要$20。牛肉球無咩特別，唔出色，都係果句，酒樓重好味啲。到重點「臘味大煲飯」，係未食呢個飯之前隔離有兩枱客鬧緊個飯，話明明寫「大煲飯」（可能名取巧，令某啲人以為係煲仔飯）但其實佢只係用煲載着啲飯去蒸，兩枱客都嘈話你收咁既價錢$38但比蒸飯，又叫左做「煲飯」。去到呢度，本來本人並唔執着啲飯煲定蒸（覺得都係差唔多姐）但結果到我食既時候.......（無言）一. 飯無煲仔飯乾身（都預左，所以算）二. 啲飯如果唔落豉油根本一點味都無（因為啲臘味完全唔入味）三. 份量唔大四. 臘肉好軔其實間野雖然係mikki對面，價錢預左比同區同類食肆會貴啲，但估唔到質素同價錢反差咁大。其實同區附近既酒樓/點心店價錢平過呢間3分