美心烘焙所 (中華總商會大廈)

Open Now

Now Closed

今日朝早6月26號, 行入美心見到有新推出嘅產品, 就諗住試吓啦。因為喺附近返工，新鮮麵包其實都冇咩選擇。眼見有兩位女士應該係美心推廣產品嘅員工，或是品質監察, 都有叫顧客嘗試新產品。呢個包嘅嘗鮮價係$16, 中環嘅價錢嚟講係正常,但返到公司食第一口，已經感覺好難食! 首先外面的pancake好甜，那種甜是死實的甜!!! 然後成個包都係凍嘅，你見到嗰塊芝士唔會融你就知道係根本上將幾層凍嘅pancake, 漢堡扒, 凍蛋, 室溫芝士隨便放埋一齊。其實咁大個集團有專人嚟做新產品推廣，咁點解唔做好產品本身嘅質素呢？ 佢哋連火腿蛋三文治都可以放喺冷氣風口吹到凍晒乾晒先賣畀客, 推新產品又唔好食,。好心出新產品都要過到自己，先再俾顧客食啦! 唔好見到人整佢又整，以為可以呃到人買! 嘥氣!

是个好日子！好就好在过节放假噜奶黄流心月饼做得非常油润💦，而里面的香浓沙糯的咸蛋黄馅还包裹着一口爆浆的流心，🥠味道和口感一层更比一层高，是咸香与甜蜜的巧妙结合，🥮小小一个吃完正好不腻还吃出了老铁爱的味道嗫

地下舖頭係美心烘焙所，剛好放工時間經過見到做緊優惠$50/4樣甜品。😙😙我揀咗兩個荔芋西米布甸同兩個芝士撻仲有其他蛋撻、牛角包或者紅豆西米布甸，組合可以自己配搭。😬荔芋西米布甸整體唔會太甜，西米係偏細粒的唔會硬，屋企人好鍾意食，已經係而家買少見少嘅懷舊甜品了，美心居然有得食！👍🏻芝士撻啱我口味 我覺得好好食😍雖然食晒成個會有少少膩同飽肚 但個餡好似食緊芝士蛋糕咁 而且又夠大個👍🏻👍🏻一定會再回購！❗️建議自己焗返熱會好食好多！

登登登登。。我終於食到麵包布甸喇，美心烘焙所登陸中環😍喺正附近，勁方便！呢款個麵包布丁，每日新鮮出爐，而且限量發售，早去先至買到！凍熱食都可以，一返屋企就放咗落雪櫃，雪凍咗，我就攞出嚟食。😍哇。。口感真係好好，夠哂滑溜，而且唔會太甜，奶味和蛋味平衡得好好，口感嫩滑綿密，外層嘅法包仲好香脆添！大啖大啖食，夠晒爽皮！🙌🏻啱晒而家熱辣辣嘅天氣。仲有新鮮整出嚟嘅沙翁，表面佈滿砂糖，咬落非常鬆軟添！都係限量，賣晒就冇。

這間美心, 真的不知所謂。朝早去買早餐, 簡單如腿蛋治，也極度難吃。三文治的麵包是硬的，感覺是隔夜的方包，還要是差品質的才會這樣 。麵包皮切到有的沒的，有皮的部份更加硬。雞蛋和火腿，在強強冷氣風口下被吹到凍了。那種好像有點在雪櫃拿出來的感覺。你買這種鮮製三文治, 就至少有微暖, 麵包新鮮軟熟,依家感覺不倫不類，感覺像吃一件隔夜已做的三文治。以前覺得美心一定有人品質監控, 真的不知道現在生意差, 連這些都不理? 難怪每朝行過，鋪面沒什麼人的，這麼好的一個鋪位，應要大大改進, 不然, 大集團出品都是白交租。

最近唔知點解特別想喺烘焙店覓食，今次就去咗位於中環嘅烘焙所搵吓有冇啲咩吸引嘅嘢食。今次係嗰度收穫豐富呀，即刻講吓我嗰日買咗啲咩食。首先想介紹吓法式布甸麵包，我覺得呢隻布甸麵包真係好正，無論係熱食叮咚食個布甸都一樣咁出色。之後想介紹嘅係沙翁，其實沙翁係港式懷舊糕點之一嚟㗎，我自己就好鍾意食沙翁啦。因為佢脆薄嘅表皮同埋入邊鬆軟嘅質感，仲有充滿蛋香又香甜嘅味道，真係得沙翁呢款充滿香港情懷嘅糕點先滿足到我。另外我都好鍾意食朱古力嘅糕點㗎，所以我今次揀咗法式朱古力撻，法式撻嘅朱古力味都好濃。另外朱古力麻薯波都有啲朱古力粒喺入邊，好有驚喜。最後就想講吓三重芝士包，呢個三重芝士包選用咗美國車打芝士拉、車打芝士碎同芝士醬，所以個芝士味真係好濃，啱晒鍾意食芝士嘅人。

今日放工經過美心烘焙所 見到有新出嘅 法式麵包布甸 即刻買兩個試下 今晚做宵夜 見到凍櫃裏面雜果撻實在太誘人 忍唔住買咗幾個 畀錢之前再夾多個沙翁 😆😆😆法式麵包布甸係每日新鮮出爐 熱辣辣應該幾好食 不過今日我收工已經晏 返到屋企放喺雪櫃 夜晚一路睇電視一路食 凍食口感都唔錯呀 保持到布甸幼滑 材料用法國淡忌廉 布甸奶味蛋香濃郁 法包煙煙靭靭 👍👍其實可以第二朝用來做早餐 噴d水係表面再放入焗爐焗幾分鐘 可以有番剛出爐流心布甸嘅效果沙翁這些懷舊港式甜品都買得到 幾有驚喜表皮脆薄內裏鬆軟 充滿蛋香最後 梗係要食埋幾個雜果撻 我最鍾意色彩繽紛嘅食物 食得好開心 兩個人宵夜一百蚊 好滿足💯

下晝食飽飯之後，順道黎公司對面買咗兩個法式麵包布甸試吓，呢個法式麵包布甸可以❄️凍熱🔥兩食，就咁大大啖咬落去，或者用匙羹黎食中間嘅布甸都得，同食🥚蛋撻有異曲同工之妙。個人就更加推介凍食，特別適合熱辣辣嘅夏天，而且口感好滑溜。～～～同行嘅同事就買咗個啱啱新鮮整出嚟嘅沙翁，撕開少少試吓，滿佈糖粒嘅表面邪惡非常，一咬落去鬆軟口感遍佈口腔。～～～除此之外佢哋仲有好多款經典嘅包裝蛋糕仔🥧有優惠，幾適合同一班同事一齊作為下午茶分享。～～～另外值得推介嘅仲有佢地最近新出嘅冰🍠番薯麵包，裡面嘅番薯好香甜，加埋鬆軟嘅外層，買黎做個簡單quick lunch都係唔錯嘅選擇。

成日見到朋友們吃法式麵包布甸，今日終於輪到我吃了😋去了美心烘焙所，他們的法式麵包布甸是每日新鮮出爐，而且是限量發售，所以拿拿聲買返兩個試!看店內的宣佈單張說，他們的麵包布甸，是用了法國淡忌廉去整，感覺較為講究！而布甸入口很嫩滑，質感綿密，奶及蛋的比例剛剛好！另外，沙翁也很好吃，外層鬆脆而內層軟，外層還撒上了香甜的沙糖，小朋友大愛！另一最愛，就是排包了，牛油味香濃，麵包鬆軟，做早餐也是不錯的選擇！

好欣賞而家無論係邊個國家嘅菜式又或者本地嘅食物都開始逐漸出現多樣化嘅情況，😆有啲仲係集合唔同口味同埋配搭，更加凸顯出食物嘅魔力，就以一日之計嘅早餐為例，而家已經唔再剩係得麵包西餅可以選擇，☺️陸陸續續都出現咗唔少又飽肚又滿足嘅選擇😝今次買咗幾款麵包，味道都唔錯。布甸包— 🍮法式布丁麵包係近年突然興起嘅一款包類產品。特別之處就係以掏空法包（即係我哋食開嘅豬仔包）盛載，以雞蛋同牛奶製成的冷凍麵團，🍮再加入法式布甸蛋漿，焗完之後新鮮出爐熱辣辣的法式布丁就誕生了🍮有時未必會即時識到如果係嘅選擇攞返去嘅話最佳食用方法:先於麵包外層噴水保持表面香脆，💦之後將布甸麵包放入焗爐或氣炸鍋烘烤，咁就keep 到原汁原味🍮沙翁— 🧡一個非常經典嘅產品，簡單嘅配搭而最大得正就係出邊包滿咗砂糖，🧡沙翁蛋香撲鼻，外皮酥脆，內裏嫩滑輕盈，食落鬆化似蜂窩，覺得回味無窮🧡皇冠包— 👑呢一個係美心嘅經典包系列，家庭裝嘅分量就啱晒一家大細共聚早餐，👑外皮就係似雞尾包，而裏面就係靭性十足嘅餐包，微微嘅甜適合一家早餐，👑配埋牛奶，更夾😚香芋肉鬆包— 💜香芋同埋肉鬆都係一個非常飽肚嘅配搭，喺麵包裏面加入軟滑嘅香芋提升奶香味，💜而喺

「美心烘焙所」第三間分店在中環9月5日星期日隆重開幕，新鮮食材製作🍞🍞每日定時出爐。特別推介幾款中環店舖限定口味麵包、蛋糕以及「特色冷麵、便當和鮮果撈撈」🍍🍓上次最欣賞可樂牛肉夾心小吐司，今次就比花生醬麻薯小吐司贏咗！呢個配搭係絕配🥰🥰鮮果撈撈還用上台式專用的蓮霧、菠蘿、沙葛等特別鮮果，加上話梅粉，感覺好像去了台灣！中環分店還有多款便當熱食，啱晒上班一族係付近買個quick lunch!

門口幾靚，不過玻璃門唔太敏感，㩒極都唔開，行入去同一般美心西餅唔同，格局美觀啲，包嘅種類都有啲唔同，價錢牌靚啲，價錢比我想像中平，我最愛嘅牛角包只需13蚊😍，我揀咗店長推介嘅芝士晨烤方吐司，包裝幾靚，半透明，分量都唔輕，大概4”x 4", 24蚊，聲稱用日本麵粉，天然海藻糖，超過12hr 低溫發酵，好嚴謹咁。今早焗返，囗感好鬆軟👍👍，不過芝士偏少。俾完錢係用紙袋入好，同一般美心西餅唔同，中環地段嚟講價錢算相宜，同區另一間美心集團麵包舖貴好多。

以前經常在美心買麵包的，以前中環有間美心是有焗爐,朝早有新鮮麵包出。相比這間所謂美心烘焙所,以前是好吃很多。現在價錢加了大概一倍半，但麵包改成不知所謂，傳統又簡單如菠蘿油也不好吃，不知為什麼。剛買了一個胡椒豬肉包,那些餡是極度難吃! (也不知為什麼有吞拿魚在裏面)🤪你只要朝早食一口，你就覺得整個早上俾佢糟蹋。看到圖片就知道一點都不好吃，如冇記錯，這個包是需要$13。好吃就不是問題，但普通麵包店的吞拿魚包也比這個好吃。

最近幫朋友買飯，經過美心快餐，發現了麵包店那一層有台灣便當賣，價錢不貴，就找次機會一試，但就冇下次了。我喜歡吃牛𦟌，就叫牛𦟌拌麵$48，份量剛好一位女士填飽肚，整個便當是挺豐富的，有半隻溏心蛋、牛𦟌、翠玉瓜、蓮藕片、蔥油汁和油麵，還有少少炸蒜和薑蔥。翠玉瓜和蓮藕片爽口，牛𦟌帶點辣味，但不多，得三四塊，但我不鍾意美心的蔥油汁，跟我之前在元朗吃那間差勁遠，當然一分錢一分貨，我寧願食元朗的小悅。

最近留意到網上報道美心開咗一間比較高級嘅烘焙所，全部麵包都係即日烘焙售賣，而最有特色嘅就係佢哋有一款日式疏乎厘，係配搭唔同嘅組合創造出一啲新嘅口味，今次咁岩經過就買咗四款口味試吓…芒芒梳乎厘蛋糕（$28）香甜嘅芒果粒同埋芒果醬，再配合梳乎厘淡淡嘅芝士味，鹹甜夾雜着，我覺得幾好食好開胃…莓莓梳乎厘蛋糕（$28）酸酸甜甜嘅草莓果醬再加上雲呢拿忌廉，令到蛋糕更加濕潤，入口好順滑…比利時朱古力脆皮梳乎厘（$28）特濃嘅朱古力脆皮令到軟綿綿嘅梳乎厘蛋糕加多咗一層新嘅口感，朱古力唔會太甜，帶少少甘苦味，係一種幾好嘅體驗…香蕉焦糖梳乎厘（$28）焦糖香蕉呢款比較甜，如果鍾意食甜品或者好甜嘅嘢實鍾意。同埋香蕉好香，啱啱好唔會太熟…