美心烘焙所 (中華總商會大廈)

Open Now

Now Closed

下晝食飽飯之後，順道黎公司對面買咗兩個法式麵包布甸試吓，呢個法式麵包布甸可以❄️凍熱🔥兩食，就咁大大啖咬落去，或者用匙羹黎食中間嘅布甸都得，同食🥚蛋撻有異曲同工之妙。個人就更加推介凍食，特別適合熱辣辣嘅夏天，而且口感好滑溜。～～～同行嘅同事就買咗個啱啱新鮮整出嚟嘅沙翁，撕開少少試吓，滿佈糖粒嘅表面邪惡非常，一咬落去鬆軟口感遍佈口腔。～～～除此之外佢哋仲有好多款經典嘅包裝蛋糕仔🥧有優惠，幾適合同一班同事一齊作為下午茶分享。～～～另外值得推介嘅仲有佢地最近新出嘅冰🍠番薯麵包，裡面嘅番薯好香甜，加埋鬆軟嘅外層，買黎做個簡單quick lunch都係唔錯嘅選擇。