美心烘焙所 (中華總商會大廈)

Open Now

Now Closed

最近唔知點解特別想喺烘焙店覓食，今次就去咗位於中環嘅烘焙所搵吓有冇啲咩吸引嘅嘢食。今次係嗰度收穫豐富呀，即刻講吓我嗰日買咗啲咩食。首先想介紹吓法式布甸麵包，我覺得呢隻布甸麵包真係好正，無論係熱食叮咚食個布甸都一樣咁出色。之後想介紹嘅係沙翁，其實沙翁係港式懷舊糕點之一嚟㗎，我自己就好鍾意食沙翁啦。因為佢脆薄嘅表皮同埋入邊鬆軟嘅質感，仲有充滿蛋香又香甜嘅味道，真係得沙翁呢款充滿香港情懷嘅糕點先滿足到我。另外我都好鍾意食朱古力嘅糕點㗎，所以我今次揀咗法式朱古力撻，法式撻嘅朱古力味都好濃。另外朱古力麻薯波都有啲朱古力粒喺入邊，好有驚喜。最後就想講吓三重芝士包，呢個三重芝士包選用咗美國車打芝士拉、車打芝士碎同芝士醬，所以個芝士味真係好濃，啱晒鍾意食芝士嘅人。