美心西餅 (九龍灣站)

Open Now

Now Closed

今次食咗佢嘅芒果糯米糍粒粒蛋糕 芒果粒粒其實都非常之多 而且有糯米糍係外面 整體感覺嚟講都幾得意幾有趣 係好少見嘅蛋糕 雖然價錢嚟講就比較貴 印象中好似要二百幾$300 其實呢個價錢都可以買到好多蛋糕

美心經常出新款蛋糕🍰每次都覺得好吸引，今次選擇了想買好幾次都冇貨嘅mochi芒糍蛋糕。我每次都俾佢白色碗形嘅外表吸引住，上面鋪住芒果粒，再加上台灣白玉糯米糍食落煙煙韌韌好特別外層是蛋白蛋糕碎再加雲呢拿忌廉，入邊係黃金蛋糕再配合芒果軟心醬，淡淡都食得出師傅嘅細心同埋功力。

今年父親節約左一家人一齊慶祝，提早book左餐廳，餐廳話可以免費存放cake。放工行經九龍灣地鐵站美心西餅店，見到好多人係度買蛋糕買西餅慶祝父親節，行近見到仲有好多款蛋糕可以選擇，例如朱古力流心蛋糕、芒果蛋糕、水果蛋糕等等。款款都好似好好味，徵詢屋企人意見后，大家都比較喜歡意大利芝士蛋糕。意大利芝士蛋糕，大約1.1磅，會員優惠價$178.2。呢個蛋糕切開都好靚，6件cake放係一齊，配埋餐廳d靚餐具，好似High Tea，爸爸都話蛋糕好好食

要買生日蛋糕, 上美心APP查看發現有個新產品 - 芒果糯米飯蛋糕, 好似幾有趣, 膽粗粗就訂一個來試試。實物樣子同照片很相似了, 不過size比想像中的小, 不太像2磅的蛋糕, 可能糯米本身重秤吧。滿滿的芒果擺成花, 旁邊還有一個小管裝載著椰漿可以自由滴加, 外貌令人滿意。然後開始尋找糯米, 實在非常好奇要如何在蛋糕中加入糯米。原來除了上層的椰汁奶凍裡面可見有不少的糯米存在之外, 蛋糕的最底層還有一層實實在在的糯米底。切開後還有很流心的芒果醬, 非常誘人。一口咬下去, 口感新奇又豐富, 上層奶凍冰涼, 中層蛋糕軟綿, 底層糯米煙韌, 完全沒有違和感, 好一個有趣的配搭, 不錯不錯, 值得一試。

今年2020年，中秋節前，我們一家人已經收到總數6盒月餅+1盒我買的月餅，共7盒月餅！當中，有兩款美心月餅；分別是美心奶黃雙式月餅及美心雙黃白蓮蓉月餅！收到我個好街坊送上兩盒美心雙黃白蓮蓉月餅及媽咪間中探望一位柏金遜症的多年老友，她兒子送上美心奶黃雙式月餅！美心奶黃雙式月餅包括：流心奶黃月餅及香滑奶黃月餅，各3個！流心奶黃月餅中間的奶黃呈流心狀態，奶黃帶點牛油香及鹹蛋黃香味好濃郁，香滑軟綿，而且不會太甜！香滑奶黃月餅就算用微波爐叮熱後，相對質感較扎實！美心雙黃白蓮蓉月餅白蓮蓉清甜美味，鹹蛋黃油潤，依然保持水準！

今日個文員話口痕，同我講横掂公司還有好多張餅咭，不如去攞啲餅返黎食，我當然舉腳贊成啦！到左差不多時間，就去拎餅，我地在餅店睇左好耐同計左好耐數，先可以買到啱心水，啱件數，同啱啱可以用得盡餅咭的價錢。其實都真係幾煩惱，仲有用餅咭又唔可以換優惠價錢的西餅，感覺有點呃錢！換完餅返到公司，我就第一個揀左個伯爵茶蛋糕。件伯爵茶蛋糕咬落有點硬，我懷疑唔係太新鮮，味道就都有點食到茶味，但忌廉味重，有點膩，面頭的忌廉有點厚，成件蛋糕要成廿幾蚊，講真咁既質素真係唔多值，好彩既係只係用人家的餅咭換返黎，如果要自己俾錢真係唔值！

嗰日小朋友生日，我哋去完玩之後，已經冇乜蛋糕淨底，咁岩見到有個特價嘅Tiramisu蛋糕，就即刻買咗呢一個！返到屋企食完飯，小朋友就好雀躍咁想食蛋糕，所以我哋即刻開咗個蛋糕嚟睇吓，細心咁睇，個Tiramisu蛋糕都幾精緻！我哋切左嚟食，tiramisu蛋糕個味好濃,啲cream好好味，成個蛋糕咁咪配合得非常之好！全家人食都夠食，大家都食得好開心！美心西餅成日有啲特價嘅推出嘅蛋糕，我覺得大家都可以試一試！

呀女終於都1歲生日了✌🏾✌🏾，同佢係屋企攪左個小型生日會。諗左好耐都唔知買咩蛋糕比佢食好。因為都好想比佢試下食，等佢都可以感受一下生日既氣氛。去左幾間餅鋪，都無咩頭水買咩蛋糕🎂好，諗住佢係雞年出世，想買隻雞款既蛋糕，但真係搵唔到。最後竟然比我係美心見到呢款小鴨B.B.，覺得佢同雞仔有幾分似樣。面層鋪滿住椰絲、而個蛋糕係忌廉蛋糕，側邊有幾粒水果。蛋糕都係普普通通，但呀女第一次食就好happy喇

今日老闆比錢請我哋食下午茶，我就買咗1打美心嘅鮮果果撻比同事食，果撻生果有士多啤梨，奇異果，芒果，哈蜜瓜，菠蘿，提子，生果下面有層蛋糕，有一層薄薄嘅白朱古力，撻皮係牛油曲奇皮，但撻皮啲邊位係林嘅，果撻冇以前咁好食，仲要貴咗好多。

作為 一個砂糖/ 澱粉控， 每一個節日都係 有生命危險的， 因為樣樣節慶食品都咁啱口味， 一食就停不了... 而中秋節絕對係危險節日的頭幾位...過往幾年買傳統月餅多數傾向幫襯榮華， 覺得始終係傳統牌子，有傳統味道， 質素好似有保證啲， 但慢慢發覺蛋黃同蓮蓉質素下降， 於是決定試下美心。一試就知你心嘅傳統月餅係用心之作， 憑外表佢唔係特別突出 (月餅都係咁上下樣)， 但好欣賞佢嘅蛋黃👍👍蛋黃色澤亮麗而油潤， 一切開蛋黃香撲鼻而來， 咬落去入口即溶， 很少有硬塊。 至於蓮蓉也打得十分幼滑， 口感極佳 ， 食得出用料上乘，蓮蓉味十分濃郁 。一啖蓮蓉一啖淡黃， 兩者鹹甜交融， 相互產生微妙的化學作用， 相信世上難有另一種味道能取替😭💕💕

中秋節倒數4 日當然不少得賣斷市的美心流心奶黃月餅。往年沒有買開美心， 所以今年真的是衝著流心而來的哈哈聽說在大陸炒到$300+ 一盒好誇張既管試試是不是真的那麼高質～美心流心奶黃月餅（$215）一盒8個幾抵食，包裝比想像中靚。叮10秒流心效果最佳，一切開奶黃已開始向外流，令我有點想念好久沒吃的流心西多哈哈。流心效果比想像中澎湃洶湧好多，軟軟的溶心餡暖笠笠食真的冇得輸！奶黃和蛋黃平衡得不錯，蛋香和甜味沒有互搶，但個人認為還是偏甜，配上流心奶黃有少少漏。另外月餅皮在翻熱後更香軟可口，欣賞它不油膩亦不鬆散。想不到美心出品竟然那麼高質，暫時是本年度最得我心的月餅，總算明白為何那麼搶手了😂有下年回購的衝動呢～

我平日絕對不會買美心，但今次用餅卡補錢。雞尾包，太多空氣吃不飽，一排16元。中心餡比較甜，不多椰絲，還是普通麵包甜那餡富椰絲才好吃。香了成份太多人工添加物，又用反式脂肪的人工牛油，少吃為妙，高膽固醇會塞心藏同中風。小莓乾麥包，所謂麥包是人工香料色素調出來，麵包才呈啡色。小莓乾好零星，想哭。另外換了西餅同tart,tart加了朱古力同icing sugar，就貴了一倍到8元一個，但太太太死甜，皮也太厚。

呢個蛋糕做型太可愛啦~ 佢係雙層蛋糕，但唔會太巨型。1.3磅我地10個人晚飯後每人食一小件啱啱好。連餐廳內其他客人經過都讚個蛋糕得意呢蛋糕面裝飾有栗子蓉同栗子粒，夾心主要係朱古力蛋糕，栗子蓉較少。忌廉打得好幼滑，海綿蛋糕夠濕潤唔會乾爭爭，整體甜度啱啱好。

今天復活節，經過美心西餅看見這個蛋黃哥芝士蛋糕，作為蛋黃哥的粉絲，當然要買一個回家吃！蛋糕外形方面，這個芝士餅十分可愛，蛋糕上有蛋黃哥的朱古力牌，蛋糕周圍有印有蛋黃哥的彩帶，十分可愛^_^可惜，味道方面，這個芝士蛋糕真是十分難吃。芝士餅太（漏），吃一小塊都十分濟！不過，芒果味道不錯，芒果很甜，完全不酸。而蛋糕表面有芒果啫喱，啫喱十分滑，而且有芒果味，味道不錯。價錢方面，這個芝士餅$168，正常一磅蛋糕價錢，價錢中等。總結來說，這個蛋黃哥芝士餅的芒果味道不錯，可惜主角是芝士餅，芝士餅卻十分難吃，有點失望。

身邊好多朋友都對新推出的牛奶卷大有不少好評，終於有機會買一個黎同朋友們一齊分享。看見之前有靚靚牛牛盒包裝，但我買的時候點解唔見左牛牛?外層係蛋白蛋糕，噴上黑色朱古力的噴沙，造成牛牛的圖案，內裡的忌廉香滑、不膩，當中夾有3.9 牛奶奶凍，感覺清爽，整體一起食的口感，個人口味夠喜愛，不會給你很膩的感覺，是喜愛牛奶朋友的首選!