美心西餅 (美孚站)

Open Now

Now Closed

一向都好鍾意食美心西餅嘅朱古力撻。 朱古力撻朱古力味濃郁， 唔會好甜。 朱古力撻上面係脆皮朱古力， 仲有啲杏仁喺面，下層係蛋糕餅皮。 食嘅時候一口咬落去，可以食到外脆內軟嘅感覺。 但而家加價加到十蚊一件啦。

一入門，就被濃郁香氣攻陷，別以為呢度只賣流心奶黃月餅💖，仲有一籮筐美食等緊揀！首先，個流心奶黃月餅，咬落去「啖啖肉」塞滿成口，流心出奇地滑潤，吃落竟然仲會過癮得捨不得停🤤！而個北海道牛奶包，真係「軟綿綿」，牛奶味濃郁得黎又唔會過甜，掂晒！每朝一個，簡直係「提神醒腦」嘅好選擇。夏日嘅Juicy Yogurt Cake，真係夠曬「清新爽口」。個慕斯蛋糕部分出乎意料咁細滑，味道酸酸甜甜，搭配上那香噴噴嘅芒果汁和新鮮藍莓，齊齊「轉化」成美肌養顏嘅甜品寶藏，每一啖都「啖啖靚皮」！而家嘅食評就寫到呢度，如果你都想嗌大口流心或者一試冰涼盞盞嘅夏日甜品，記住，快啲嚟到呢度挖寶啦！🍰🍮🎈

有個朋友二月生日，成班朋友一齊慶祝！生日當然要有生日蛋糕啦，經過美心見到呢款搞鬼既新年蛋糕就二話不說訂咗呢款。呢個蛋糕有兩磅重，人多每人食少少都夠分。個蛋糕其實係鮮果蛋糕，上面加咗條意頭好好既鯉魚。個蛋糕底係中規中矩，正常平時係美心食到既蛋糕底質素，啲生果都算新鮮。而最驚喜係條鯉魚，大家都估緊佢係咩食唔食得！結果原來係椰汁糕，佢有淡淡地既椰汁味，食落有口感，仲要整得幾靚有誠意！用埋美心啲優惠埋單二百頭的確唔錯。

自從去過新加坡食過好出名班蘭蛋糕之後，返到香港就好想食番，今日見美心有就買黎試下啦，但真係無得相比, 美心那個好淡"班蘭"味, 當佢普通海棉蛋糕還可以, 美心有仲有單件裝賣, 可買件來試吓算囉....

芝士蛋糕早幾年好流行，當時女仔仲會親手整芝士蛋糕，小弟有幸收過女朋友整既蛋糕，我估芝士蛋糕應該唔難整啦，其實就係芝士凍餅。藍莓焗芝士切餅外型同一般既芝士蛋糕無分別，照計大公司出品都不會太差。不過呢件蛋糕要焗，比芝士蛋糕高難度小小蛋糕上面有啲藍莓醬同幾粒藍莓。至於味道就好普通，上面既藍莓醬我例牌唔食，因為太甜。蛋糕口感紮實，忌廉味幾重，但就好可惜地食唔出芝士味。芝士味比較淡，而且食落蛋糕比較濕重，所以有啲失望。

今天行過City'super, 見有美心三式月餅剛剛開箱，check 網上話三式月餅包兩個全城瘋搶的流心奶皇月餅，見有人排隊買，羊群心理下買一盒試食(滙豐卡價$188.10)。香港人真的是羊群心理，怕執輸，所謂流心奶皇月餅味膠膠地，沒有一絲美味的感覺，別的貴價奶皇月餅，是食得出材料的上乘。再買？ 沒有下次了。

每天買早餐麵包，經過美心店鋪都被這個美心新出的水果蛋糕所深深吸引！以前小時候覺得吃整個蛋糕會有點奢侈，只有過生日才能吃到！至到長大的可以有能力想吃就吃的時候反而覺得會膩吃幾下會吃唔落⋯⋯這個水果蛋糕算在美心所有的蛋糕內算較貴的，但面上面的水果豐富，草莓新鮮有點酸，芒果就還好，藍莓和奇異果都新鮮還有東北姑娘😝桑椹，蛋糕奶油唔算多，較低下有層堅果，裡面有層果凍唔好吃，蛋糕唔大正方型最多4人份！但一人吃一份最後都覺得有點唔算太好吃，只是水果豐富新鮮

近年來, 美心的流心月餅成為了月餅的新勢力, 特別是甜魔們, 當然很喜歡吃. 由流心奶黃月餅開始, 上年推出的新品是流心朱古力月餅. 今年的新品, 就是流心蛋黃白蓮蓉月餅.流心蛋黃白蓮蓉月餅 $326首先要讚的是, 流心效果很突出, 流心度滿分. 味道方面, 其實跟正常版一樣, 還是甜美的白蓮蓉加鹹蛋黃, 只是鹹蛋黃是流心的, 白蓮蓉沾上了鹹蛋黃醬, 特別的香甜.盈月三式月餅 $326送禮的話, 盈月三式月餅會是好選擇, 內裡有奶黃月餅, 流心奶黃月餅, 以及流心朱古力月餅, 這些名物, 不用多作介紹, 大家也知道是很有水準的! 一次過能滿足三個願望, 吃得三款月餅, 真好.美心月餅今年的新品, 流心蛋黃白蓮蓉月餅, 以及盈月三式月餅皆有水準, 大家要快快搶購呢.

流心月餅, 實在是愛甜的朋友難以抗拒的月餅. 繼流心奶黃月餅, 以及流心朱古力月餅, 這一年, 美心月餅就全新推出了流心蛋黃白蓮蓉月餅.流心蛋黃白蓮蓉月餅 $326: 9分, 跟之前的兩款流心月餅一樣, 切開的時候, 流心度是相當的澎湃, 這個月餅版的心太軟, 視覺效果一流.蛋黃白蓮蓉月餅是傳統的月餅, 流心版本, 依然保持白蓮蓉加鹹蛋黃這個配搭. 白蓮蓉質感細滑, 流心的鹹蛋黃相當香甜, 味道依舊, 感覺不一樣, 精彩.盈月三式月餅 $326: 9分, 至於盈月三式月餅, 一盒內包括有奶黃月餅, 流心奶黃月餅, 以及流心朱古力月餅各兩個. 當然, 三者皆是大家耳熟能詳的月餅, 我就最喜歡流心奶黃月餅, 您的心水是那一款月餅呢?美心月餅全新推出的流心蛋黃白蓮蓉月餅, 把傳統的蛋黃白蓮蓉月餅來個變奏, 愛甜的朋友, 要試了!

之前食過美心個3.6牛奶卷覺得好好食,見佢最新新出左朱古力/牛奶慕絲球,個外表都好似幾靚,就買左件試下白雪雪嘅表面好光滑好靚中間重有隻牛牛紙牌插係到但個慕絲球食落好實淨,完全唔似慕絲!而且牛奶味都唔香!入面重有細細舊蛋糕仔,而個撻皮又淋淋地...重諗住會有朱古力脆皮係底,點知冇一件慕絲球重要$16蚊...貴左啲囉

美心3.9牛乳蛋糕$168身邊不同朋友都話這個蛋糕味道不錯又抵食，今日終於買左這蛋糕返公司，盒身已經覺得漂亮，一棵棵樹作圖案，黑白為主配合牛乳感覺。切開左以牛乳慕絲，jelly和蛋糕為主，底為朱古力碎做底，食落牛乳味沒有東海堂咁濃，只有輕微牛乳但吾滯，清清地而口感有幾種一起食，口感不錯，都抵食不錯選擇

上星期尾，香港嘅濕度跌到得廿零個巴仙 ，啲皮膚乾到呢……不過講到個「燥」字，就諗起「火辣辣」喇，早幾日經過美心西餅，見到新出嘅情人節蛋糕系列「#Cakefor2」，當中紅噹噹、火辣辣嘅辣味朱古力慕絲蛋糕非常搶眼 ，亦喺最感興趣嘅一個，一於換依個試試。今次嘅情人節蛋糕系列共有3款：#Pure（士多啤梨忌廉蛋糕）、#Naughty（綠茶慕絲蛋糕）及#Wild（辣味朱古力慕絲蛋糕），原來代表住三種唔同嘅戀愛滋味：夢幻單純嘅戀愛、鬥氣冤家嘅戀愛或激情如火嘅戀愛，既有心思，又有寓意 。細細個好啱情侶二人分享，每個定價$98。 辣味朱古力慕絲蛋糕 成個蛋糕一身噴上紅色朱古力粉絨面，火辣嬌紅，周旁貼上紅色朱古力脆片，賣相已成功搶點。由下而上，一層又一層，包括朱古力海綿蛋糕、朱古力軟心夾層及辣味朱古力慕絲。其實，以美心一貫嘅水平，個蛋糕嘅製作唔算複雜，不過，勝在用料不賴，因為幾個部份都用上朱古力，尤其朱古力軟心夾層，故此，啖啖都食到濃郁嘅朱古力香味 。而海綿蛋糕部份好鬆軟，慕絲部份則好幼滑，至於個辣味唔會好強，要食多幾啖先會慢慢滲出嚟，非常有趣 。正好比喻為甜蜜嘅濃情中，間唔時都有啲

Saw some fancy cakes at Maxim’s so took a look.They had meringue tarts and these desserts which looked like Trifles.Even though it was not a trifle I still decided to try it.It was nice that it was similar to a trifle but the yellow part on top was not custard but crème brulee which tasted like sweet white chocolate.Not my cup of tea but you can get a delicious trifle at Marks and Spencers for only $20

對於我呢個栗子控黎講, 我每次有得俾我選擇情況下我都會選栗子味.賣相本身唔係好吸引果種, 栗子忌廉上面再鋪上一層牛奶忌廉, 都係抱住即管一試心態.裡面主要係栗子容同埋海綿蛋糕, 食一啖試下, 海綿蛋糕夠軟身有彈性, 加埋栗子既甜味同香味, 有口感之餘, 係有衝動令我想食第二舊既. 

這個牛乳蛋糕黑白相間，外表真的很像乳牛。蛋糕帶有牛乳味道，甜甜又滑滑，入口仲好creamy tim, 但你怕太溜又唔會喎，甜又唔會過甜。外表好看，內裡又好食。食落都不錯，令我想起日本的風味。價錢尚算實慧，買一個回去一家大小一齊吃就最岩了，都值得推薦。