美心西餅 (康威大廈)

Open Now

Now Closed

疫情期間少咗好多去銅鑼灣，買芝士撻畀個仔食。 今日仔仔突然之間好想食， 於是乎膽粗粗買咗美心芝士撻應付佢。返屋企，一家開動！真係估佢唔到咁好食！個芝士好香好滑，撻皮又脆。 上面燶燶哋，估唔到會咁好味。 而且仲平過銅鑼灣好多添

見到美心有新出嘅雲朵蛋糕，就買咗一個嚟試啦，宣傳形容到口感係輕飄飄嘅，食落蛋糕係軟綿綿，好多空氣，中間有類似吉士的朱古力慕絲，口感都係比較輕身，食完唔會覺得太油膩，或者太Heavy，的確配合主題雲朵蛋糕，如果鍾意好鬆軟蛋糕嘅人應該會幾like呢個新產品，但係我就鍾意比較濃郁朱古力味嘅蛋糕，覺得好似朱古力味淡咗啲，中間吉士又不是太流心，味道一般，美心經常有新口味，期待佢之後可以出一啲朱古力味更加濃，又有特色嘅新產品😃

同事生日所以要買生日蛋糕，我哋諗咗好耐諗住買啲特別啲嘅嘢，咁啱見到美心出咗呢個珍珠奶茶蛋糕，蛋糕仲係用唔同嘅茶包括伯爵茶，真係好特別，所以就買咗啦😃😃同事表示好鍾意，希望之後都會有呢啲咁特別嘅蛋糕出啦

久唔久就想食嗰啲傳統嘅港式西餅，因為屋企附近係冇西餅小店，好自然就會諗起一啲連鎖店，就係咁就去咗呢一間Maxim 買卷蛋嚟食。呢個卷蛋咁賣相認真甩皮甩骨，但係冇辦法，因為條條卷蛋都係咁嘅樣，我已經揀咗一條外貌比較好嘅。 係你冇聽錯，亦都冇睇錯，我都冇寫錯， 呢條嘅卷蛋嘅外貌，已經係最好嘅。卷蛋嘅質感好乾，冇乜油水，味道其實係寶寶通通，但就係個質感咬落去乾爭爭， 嗰層奶油忌廉，薄ee到差唔多食唔到奶油味咁濟，蛋糕又唔夠雞蛋香。唔好食啦。

荔枝彩虹蛋糕首先個蛋糕造型好靚，成個彩虹咁樣一層層係蛋糕外圍，勁適合少女心嘅我，完全唔捨得切左佢上邊仲有幾粒圓圈波波，係用荔枝製作成寒天，清甜美味夾層仲有士多啤梨荔枝玫瑰果醬，配合Pink Pink嘅彩虹忌廉蛋糕，入口香軟，外型吸引又好食荔枝寒天，估唔到食落去超重荔枝味，我最欣賞嘅係呢個蛋糕唔會過甜，食落去冇負擔之餘又靚到不得了。Btw用美心西餅App買有着數荔枝彩虹蛋糕 95折芒果熱情果慕絲蛋糕 85折

美心天使蛋糕已經推出很多年了，這個款式非常受歡迎，我一直都想試一試，可是沒有決心。今天家人買了一個美心蛋糕回家，我終於有機會試了。蛋糕非常雪白，外面塗滿了一層白雪的忌廉，蛋糕不小，另外附送了一小包焦糖，焦糖是要吃的時候才撒下去的，這樣才不會發潮，要不然吃起來的時候焦糖就不脆了。切下去，天使蛋糕入口很鬆軟，其實就是戚風蛋糕。忌廉配上鬆軟的蛋糕，非常香甜可口，也不會太甜。灑上焦糖後，焦糖很甜，可以按自己喜歡的程度加減焦糖。

美心最近推出咗一系列QQ麻糬產品，見ig好多人介紹，得到一致好評，引到草根都買咗番去試下😆。.一次試晒4款，每一款中間都放入一塊厚切麻糬，麻糬口感軟糯，比想像中更高質😍。當中最中意朱古力麻糬包，中間除左有麻糬，仲加入黑朱古力軟心醬🍫，朱古力味好濃郁！而抹茶紅豆味中間就加入紅豆蓉同原粒紅豆， 抹茶冇回甘，不過就有香味🍵，味道就較為清新啲🌿。兩款撻入面奶黃芝士撻味道較突出，好香芝士味🧀，上面仲灑上金沙鹹蛋粉，鹹鹹甜甜好鬼正👅。牛乳撻餡料夠滑，有奶香都唔錯🥛。草根真心4款都好鍾意❤️❤️❤️，比想像中更好味，日日新鮮出爐，不過呢個系列只可以喺指定美心現場烘焙店買到。試得過呀😋！.🍵抹茶紅豆麻糬麵包（$13）Matcha Red Bean Mochi Bun.🍫朱古力麻糬麵包（$13）Chocolate Mochi Bun.🧀奶皇麻糬芝士撻（$13）Custard Mochi Cheese Tart.🥛牛乳麻糬撻（$9）Mochi Milk Tart.

今日就係父親節啦所以尋日都特登去咗美心睇吓有冇蛋糕買俾阿爸慶祝，見到有個大富翁父親節蛋糕好得意價錢唔貴，會員價先$183，見佢咁得意即刻買咗返屋企。呢個父親節蛋糕四四方方有大富翁做餅底嗰張紙，感覺好得意嗰張卡只食完之後洗乾淨仲可以留返低。蛋糕有好多種水果有士多啤梨蜜桃等等不過呢就唔太新鮮比較酸。蛋糕方面都唔係咩芝士蛋糕係水果蛋糕，但勝在佢唔甜所以都唔錯。食落唔會咁大罪惡咁比較健康加上同左大富翁合作真係好有gimmick 唔係幾想食蛋糕都忍唔住買。

我都幾鍾意節日，當然除左因爲有假放， 最主要既原因係一大班親人會聚首一堂，伯娘會一個人煮十幾道佳餚！ 真心比鼎爺仲厲害😁！ 今年端午節住家飯，順道慶祝埋父親節。 齊人聚首係福氣！ 而湊巧早前見到網上平台朋友share 美心新推出既大富翁系列蛋糕，真心覺得設計好有特色！ 用apps 訂購，飯後食蛋糕當甜品。 大富翁蛋糕有兩款，有朱古力慕絲/ 忌廉鮮果；我揀左後者。 個底板係傳統大富翁既樣板，質料唔錯，我仲洗番乾淨留黎做旅行裝😆 雜感鮮果夠多，亦鮮甜； 軟彈海綿蛋糕混上香滑白忌廉，正！最重要係一家人用黎影相，相片增添色彩，大家又食得開心

I'm not really a fan of Hello Kitty but tried it anyway as it was affordable and some of the bakery products in the series looked delicious.Strawberry burger:Savoury burger:Apple cheese tart:Sugar and Cinnamon Toastn this visit, got the toast and bread.I'm not a fan of Maxims bread but this cute little this loaf was filled with red beans and cream cheese.Out of all the products, I liked the toast most because it was just simply Hello Kitty's head with sugar and cinnamon.I love the taste of sugar

期間限定變身KITTY美心合作店KITTY 45周年美心合作推出特色麵包包括了漢堡,肉桂多士,綠茶紅豆麵包,芝士蘋果撻,每款都很可愛印有KITTY圖案價錢也沒有特別貴KITTY特製漢堡,印上了KITTY樣子,有芝士番茄生菜,份量滿足,出奇地好吃脆身肉桂多士,焗得香脆,KITTY的樣子,甜蜜脆香綠茶麵包麵包有淡淡抹茶香氣,夾心餡有紅豆芝士忌廉,口感豐富芝士撻上放滿果醬,酸甜開胃,芝士味濃厚美心西餅特意裝扮北角及天水圍T-Town分店，充滿Hello Kitty味道

看報紙見到美心出了限時kitty產品，仲要指定分店先有得買，所以特登來北角這間美心。選了兩塊多士，兩個kitty頭綠茶紅豆麵包。兩種包都普普通通，畢竟買的不是味道，是樣子而已。綠茶包中間有忌廉紅豆，但味道酸酸的，不好吃。

唔係好多美心西餅有烘焙工場北角呢間竟然有😄😄朝早7點就有新鮮出爐既麵包👍雖然呢間分店離公司遠左d但今日見早左出門口 就兜過去B1出口買早餐8點半黎到買左個火腿芝士包@$10.5價錢中等啦香港地依家食個包閒閒地都要成十幾廿蚊美心西餅價錢已經算係好親民講番個包夾既時候都已經feel到熱氣騰騰同埋勁香芝士味😄個包勁軟熟焗得岩岩好唔會燶亦夠乾身(一d都唔油)芝士味果然真係超級濃😍 係cheddar cheese黎絕對唔係普通既芝士火腿包幾層既cheese夾住幾層既火腿片 口感一流十分推介大家去試

今年肥髀生日正日在學校畢業營，所以早少少同佢預祝，佢一向喜歡鮮果蛋榚，因為無預訂，去到西餅店見呢個細細個，賣相又幾靚，所以入去買，呢間美心西餅都幾大間，入內店員有笑容咁招呼，我講咗要嘅蛋糕款式，佢叫我排隊比錢，佢就叫另一店員在雪櫃攞比我！點知我第一次揀嘅芒果味蛋糕已賣晒，就轉咗另一款鮮果蛋糕！排隊比錢收銀店員問咗我有指定信用卡💳就幫我打折扣！可惜呢間店而家無數字臘燭賣（我唔知佢係無貨，定係而家呢間西餅店已經無再賣）所以我要去另一間西餅店，先買到數字臘燭。店員收錢就將個已入盒嘅蛋糕比我！清新鮮果杏仁脆蛋糕🍰（$214.2）指定信用卡打咗九折，賣相色彩繽紛好靚，蛋糕鬆軟，忌廉軟滑，不過唔覺有脆脆層（唔知係放得耐唔脆）果凍 啫喱唔會太硬，水果爽脆清甜！整體唔太甜好味接觸幾個店員都有笑容，有禮貌服務幾好！肥髀生日快樂🎂🎈🎊🎉

下午茶當然要食返個包飲返杯茶嘆下la，今次試左個芝士包(づ￣ ³￣)づ賣相唔錯，不過味道一般(*'へ'*)係普通既芝士包味道，不過幾粒芝士都幾有咬口，芝士包既空氣感有點多，如果實少少會好d，芝士包上面有d芝士粉令成個包香好多(❀ฺ´∀`❀ฺ)ﾉ，不過$8.5就唔太值，雖然都有手掌咁大既size，但如果芝士粒可以多d或者實身d咁就很好la ٩(✘д✘๑;)۶ 下次試下其他包先，希望有更多既層次la(ง •_•)ง,加油。