味皇魚蛋粉 (Closed)

2008年11月04日， 味皇灣仔味皇比以前多咗選擇，香蔥豉油皇豬扒撈麵拼煎魚餅：豬扒和魚餅都幾好，豉油汁味道和分量都剛好，不錯。不過試過有次食牛腩撈麵就太多汁太鹹，希望注意注意。蠔仔肉碎粥：蠔仔不夠甜。都OK嘅。

早幾師傅見食得唔係好飽, 咁啱路經此地加上好耐冇黎過 , 於是決定黎呢度食番個宵夜, 頂一頂肚先!入到去人唔多, 求其搵個位坐底, 之後就即刻睇下有咩食, 諗左一陣最後決定柯打魚皇五寶淨食加紫菜, 再要多杯凍檸樂!等左一陣魚皇五寶淨食加紫菜就登場, 先睇下有幾多野食先, 有兩塊炸魚皮, 兩片魚片頭, 一粒魚蛋, 一粒魚皮餃同埋一粒沙魚丸, 仲有d 菜; 炸魚皮就好香好脆, 味道一流; 魚片頭非常彈牙爽口, 冇得頂; 魚蛋都係爽口非常, 又冇骨又唔腥, 好好味; 魚皮餃又係煙煙韌韌, 口感一流, 正呀; 沙魚丸係醬爆, 但唔會一咬就唧晒d汁出黎, 而且幾大粒幾爽口; 紫菜就唔知點解一d都唔腍兼且幾硬, 算係師傅食紫菜以來最差嘅, 所以唔算好味! 總括黎講食第質素幾好, 係紫菜差少少要扣分, 而服務都可以 , 環境裝修左就光猛左, 加上價錢都算經濟, 埋單都係三十有九, 可以啦; 食到飽飽後, 師傅就帶住一夥滿意的心離去, 味皇果然係名不虛傳; 如果有機會師傅下次都仲想再黎, 笑臉值得一比!

平時會經過灣仔做野, 都會特登黎食, 因為又平又好食~雲吞河同魚旦河都最鐘意食, 2點後仲可以半價叫菜或者野飲, 係呢個通脹時期, 17蚊就可以食碗粉同飲野既地方真係買少見少啦~所以呢度真係超抵~~不過, 我一個女仔食唔晒咁大碗, 成日叫少d河粉, 但黎到都係冇少到, 我就係個d唔想浪費,就死都要食晒佢, 呀姐, 下次記得真係比少d粉我啦~我真係食唔晒嫁~~食淨會折隋嫁~

一向好鍾意佢地嘅炸魚皮, 去親灣仔必食! 有一排冇去, 5月16日夜晚帶同事去食。我地都叫四寶丸河, 我記得可以加魚皮, 就問個女店員:「喺咪可以加魚皮嫁。」佢好惡咁話:「冇得加個噃, 要俾錢個噃!」我忍佢! 問:「咁有咩嘢菜呀。」開始唔耐煩:「通菜就冇嫁嘞, 揀第二啲啦!」連身邊文靜嘅同事都忍唔住:「咁有邊啲第二啲吖?」我哋驚佢加料唯有繼續忍住食! 雖然炸魚皮仲喺好食, 但喺啲四寶丸肉質好霉, 加埋咁絕嘅服務態度, 我呢個食咗都有6-7年嘅die-hard fans, 都要同佢講聲 - 拜拜!

今天下大雨，微涼，想吃熱辣辣的東西，就想起味皇。每次都吃牛丸米粉，湯是白色的，看起來只是煮過麵的滾水，但喝起來味道濃郁，充滿鹹香，加點醋和辣油更冶味；米粉是普通貨色，但大大粒的牛丸卻極出色，肉味粗獷濃烈，彈牙又爽口，因是粗根，口感更加實在。加杯冰涼甜滑的豆漿，真是完美的雨天。

一路都覺得呢間野係抵食來好食既.. 尤其係平日既兩點半後又或者假日既全日.. 因為佢好多款既麵食都只不過係十四蚊.. 今次我就同左terry兄去再食.. 一碗十四蚊既雲吞麵有四粒雲吞.. 一碗片頭河.. 同埋一份釀魚寶.. 同埋一杯五花茶.. 但我覺得個魚寶好似無咁好味左囉.. 但唔緊要啦.. 我會再唻食ka..

有日和老婆一齊來食味皇, 食物無問題幾好食!但係真係唔好彩, 有位服務員可能新入行, 不小心倒瀉碗湯Noodle, 濺到我同老婆褲腳(都幾嚴重)....我即刻睇下個老板有什麼反應, 原來即閃假裝望不到, 好像驚我會唔俾錢....到我俾錢時要求少給二十元洗褲, 有位女仕大方應承, 但係個老板從頭到尾置身事外, 對不起都無一聲......

在灣仔上學既我和女朋友,點會放過呢度Ｄ炸魚皮~店內每到lunch時段便迫爆，點了魚皇五寶，湯底濃郁，魚蛋同魚片都好好味最令人期待梗係長過隻碗既炸魚皮，好香蒜香味，夠晒跪，加多五蚊要多碟炸魚皮，非常抵吃~

成日想搵一D又平又好味既野食, 但又要飽肚喎! 真係難搵....就係Lei間灣仔*味皇*特價麵(多款選擇) .............. $14.00 x 2一碟菜- 半價(有幾款可以揀) ... $ 4.50 x 1仲有野飲- 平價............... $ 3.00 x 2 夾埋$40蚊都唔洗~ 係咪好平呀?! 唔好以為平野冇好野喎,湯抵都足料(又唔會因為平而細碗左架喎) 都飽架肚.

坦白說, 在灣仔區, 魚旦粉店實在太多. 但這間店是比較突出.味道很適中, 湯底不會太咸太濃味但亦不會沒有味道. 五寳河一次過可滿足你幾個願望, 有魚旦, 魚角, 魚皮... 一碗旦河都只不過$21, 抵食到極! 而且它們的辣椒油亦十分精彩, 一小匙已為整碗旦河生色不少. 服務ok啦! 本人對魚旦粉店不會過份要求, 21元一碗河有一般服務已很滿意.

向呢邊番學,食過幾次味王米線果d幾好食,speically 辣果d飯果d抵食其他都唔錯會再幫襯service is very good, 成日有人serve你同埋attitude好好

2007年10月02日，味皇。這裏的牛三寶、四寶和五寶是同事們一向的至愛。今天叫了五寶米線,有魚皮、鯊魚丸、魚蛋、魚片頭和魚皮餃。除了魚皮餃我覺得餃皮不好吃外，其他都好吃。如果叫以上幾寶，會有兩條芥籣跟，其他單拼粉麵無。

叫左牛三寶撈麵，牛三寶分別係牛腩、牛筋丸同爆醬牛丸。麵只可以話係ｏｋ，唔算特別好或者特別差。但牛腩竟然幾正：牛腩應該係用柱候炆，個汁幾香幾好味，唔太咸而帶少少甜，睇得出有俾心機整，牛腩肉質同牛孖筋都可以，夠火候夠淋；牛筋丸不過不失，味道雖然唔錯，但牛筋份量少所以唔夠咬口，好似普通牛丸咁；爆醬牛丸就非常一般，冇乜特別好提。價錢唔算貴水準不錯，值得一試．

星期五晚上堂前只飲了一杯果汁, 三小時下堂後, 實在需要補充一些能量才可再上路回家. 其實已經行到巴士站旁, 飢寒交迫下, 獨自踏上食途.巴士站旁, I had 3 choices: 新釗記? 檀島? 味皇?新釗記同檀島晚上10 點半仍然人氣沸騰, 我一個女子想靜靜地速戰速決, 於是選了人小小而陌生的味皇.一向不懂欣賞魚旦粉, 看看menu 有什麼其他選擇. Wow, 發現這間用平價招客的小店, menu 上竟然還有供應一些其他平價粉麵店沒有的食物.Eg. 淨冬菇, 醬爆丸類, 多款肉碎粥--- 薑葱蠔仔/薑葱土魷/薑葱方魷/瑤柱蝦米/冬菇蝦仁, 炸魚皮, 紅棗茶, 柚子蜜, 多款細支玻璃樽裝汽水......Back to my choice:1/ 味皇牛三寶($18):柱侯牛腩- 腍, 入味, 有陳皮香.醬爆牛丸- 彈牙, 有牛肉鮮味, 醬爆餡不俗.粗根牛丸- 這個嘛, 不難吃, 只是... 我還是建議讓牛根用原貌示人比較好.2/ 腐乳生菜($8):腐乳汁咸中帶甜, 辣度適中, 有麻油香. 生菜新鮮爽口, 無生秀邊.上碟時, 生菜像個迷你青綠版的太空館, 是用飯碗mould 出來的.

簡單一句, 河粉好碎, 希望只係偶然, 不過佢已經永久失去一個顧客