旺泰特食 (Closed)

西貢食嘢， 啲嘢食普普通通，不過都分享一下食評啦。泰式炒粉絲係話好夠鑊氣，反而油氣十足我唔係指玩遊戲果隻遊戲，我係指呀好油膩個個油，嗰啲粉絲都算幾滑，算係咁啦。泰式炒通菜啲通菜都算幾乾淨，新鮮度就普普通通，都幾爽口嘅。炒得都算幾有油香。龍眼冰比較甜囉，如果唔係鍾意飲咁甜嘅朋友應該唔係幾鍾意呢個飲品，龍眼冰嘅數量都算可以啊。呢間野我唔特別推薦，亦唔會特別覺得差，我覺得仲可以來試吓其他嘅。

一家人到西貢逛逛，入錶時有緣行過此店一定會再來，會掛念的泰菜簡單生活一家好開心趕上潮流Pokemon 捉精靈，遊車河好似去左旅行自駕遊，嘻嘻哈哈又過一天，滿足！食物水準高服務親切好食滿$400送明爐烏頭，好抵食呀喜歡大蕉葉碟好得意軟殼蟹春卷，賣相精緻，味道清新沙爹串燒豬，賣相金黃而沒有燒燶，好功夫，好好食黃咖哩雞，椰香樸鼻明爐烏頭會另上冬陰功湯邊食邊淋，好貼心呢！炒通菜

中午在西貢找飯吃，見到是泰國菜想試試。女兒點了海南雞飯，我試了一下，好好味雞油飯夠香，雞肉味道正宗！我與先生點的湯粉，湯味夠鮮甜！小食拼盤也被我們一掃而空！裡面的串燒，兩個小孩一口一口，兩下就分完了。吃完才看到架子上的米芝薘标志。怪不得好吃！埋單才四佰五。一家四口吃飽飽！又好吃又實惠。唯一不足就是空調不夠，先生吃到滿身大汗！

若果有人問我西貢那間泰菜最出名。我一定會答你"旺泰"。細細個屋企人已經常常帶我來吃雞飯今晚到我帶返屋企人泥食。最愛呢到既海南雞，雞不鞋身而且好滑好重雞味生蝦剌身，最緊要蝦夠新鮮，點埋泰式辣汁開下胃。炸蝦餅非常脆口，入面好多蝦好好味。生菜包既肉碎不會太肥，肥瘦度適中泰式炒通菜夠曬鑊氣，香噴噴好惹味！燒魚好新鮮，一上枱香氣撲鼻，點埋泰式泰汁，百吃不厭。4個人最後埋單才500多，如此廉價但食物超高質素非常難能可貴吧。因此每次入西貢都必會食泰旺

最後一日假期啦 決定要出走西貢！行下睇下話咁快又到食飯時間，正路都會諗下食咩海鮮啦，點知無啦啦經過一間泰國野，門口貼晒連續幾年米芝蓮推介，就試下佢啦餐廳細細，環境都唔算差，幾有泰國既味道《炸蒜炒椰菜苗》唔算好大碟，味道中規中矩啦，炒菜差極有限既《泰式濕炒河》河粉係好粗個種，用料夠多，反而我想佢俾多d河粉 《黃咖哩軟殼蟹》一上枱我地全部人都嘩一聲！好大個農夫包同好大隻蟹呀～食落個咖哩一點辣味都無，個包吸晒咖哩既香味，兩大舊軟殼蟹，好滿足呀～《菠蘿炒飯》呢個菠蘿炒飯比起出面餐廳既份量比較多，用左好多新鮮菠蘿炒，都炒得夠乾身，好好味呢間野抵佢拎連續幾年米芝蓮推介，又抵又好味

星期五晚上四周人山海，想過個休閒的週五，可以選擇去西貢，泰國菜會是個不錯的選擇！刺身蝦，很爽口彈牙，厚肉而且新鮮，配上醬汁一流海南雞，比較肥美，味道還可泰式炒河粉，可能廚師忘記了加調味，味道不夠，與平常的Pad Thai不同泰式奶茶，偏甜

這間最近做緊週年紀念，星期一至五食滿$300送麵包焗咖哩雞！雖然送的，但不馬虎，非常惹味，雞肉新鮮，法包香口。最愛蒜蓉包，香脆好味，配合咖哩汁，必食之選！豬頸肉亦烤得很香，非常入味。咸脆肉炒椰菜苗不會太咸，也不多油，又健康又抵食。

星期五晚專登揸車入西貢搵食, 上一次吃左海鮮, 今次就試下男朋友話幾好食的泰國菜啦其實我男朋友已經食過幾次, 但我今次係第一次食既一打開個MENU, 原來係米豬連黎架WO一黎到極速叫個椰青飲下先, 好正呀, 比平時出面飲的大個, 不過38蚊都幾貴HAHA首先叫左生蝦, 食泰國野必叫 隻蝦好大隻好彈牙, 個汁唔係十分之辣, 好好味!!馬拉盞炒通菜, 比起平時出面吃的沒有咁油膩和咸咖啡炒蜆, 都幾大碟, 不過唔係好似我想像中的, 佢呢隻咖哩係比較辣同CHOK喉, 而且冇乜汁, 我都係鍾意食正常的咖哩多D呢個蒜容包本身係叫黎FOR點上面咖哩個汁-0- 點知都冇乜汁, 蒜容包都算幾香, 不過唔夠脆身, 個包有D林本身叫左半打串燒, 3豬3雞, 點知男朋友一食豬就話: 點解好似酸酸地, 咁我又試下啦, 又真係WO最後叫左個姐姐埋黎, 佢換左3串牛比我地, 不過串燒好普通, 麻麻地基本上同出面一般的泰國菜相若, 未必會專登再去食吧

一年之前同朋友食過一次, 都唔錯, 今日撞啱入西貢, 諗住同老婆去撐枱腳~去到唔駛等位, 可能平日冇咩人。坐低叫咗個芒果沙冰, 辣椒膏炒蜆, 原隻南瓜炒飯, "廚師推介"嘅青咖哩羊腩...首先上咗個芒果沙冰, $38, 好味~ 有新鮮芒果味~ 再嚟個炒蜆, 賣相味道都唔錯~ 蜆肉鮮甜~跟住個原隻南瓜炒飯同青咖哩羊腩~ 個原隻南瓜炒飯其實只係個普通炒飯加咗"幾粒"南瓜一齊炒再用個生嘅南瓜盛載(睇佢英文係有寫"baked plumkin ....可能係指啲南瓜粒, 唔係成個製成品攞去焗", 真係極度失望...除非你啖飯食中南瓜,如果唔係,根本同普通炒飯一樣,咁都賣成$82,勁呃錢... 最大問題係個咖哩羊腩, 啲羊腩唔掂, 好鞋~ 鞋都不特止, 仲要好咸... 唔知係羊腩定係個青咖哩出事... 同佢講好咸, 跟住佢就攞咗入去搞搞佢, 出返嚟之後, 真係冇咁咸, 不過就啖到冇晒青咖哩味 ... 咁就$85, 呢啲錢真係易賺! 仲夠胆話"廚師推介"...真係唔會再去第二次...

被店門外的食品照片和米之蓮的名銜吸引，果真無令我失望呢 食品的賣相就如照片上般吸引，沒有誇大和欺騙的成份，份量也剛好。明爐烏頭本人認為是必點食品之一不是是當天幸運還是怎樣，烏頭的體形較普通泰國菜食肆的大，（$152)相對優惠，另外配料亦非常充足，湯底是一般的冬陰公，上面還有很多磨茹喔。另外，因為明爐烏頭的湯底正是冬陰公，如果點了就不用再點話$79的冬陰公了。原來不知道，當了次糊塗蛋不過，說真的冬陰公的味道也不錯，偏辣，受不了就別點了。份量也可以，一大碗的冬陰公湯 可分為下面的四小碗。這是$115的咖哩蟹，賣相不錯，但蟹都去殼了，不像在吃蟹，倒像是在吃炸魚。麵包有點硬這是$115的生菜包，味道一般，個人認為不及九龍城的泰國菜。

西貢的泰國餐廳不少，這間是我倆較喜歡的。蝦餅是他的至愛，不同餐廳蝦餅的水準大致差不多，這個是標準的蝦餅。這個都是他喜歡的香葉炒肉碎，這個我覺得頗辣，較適合送飯。青咖喱雞，咖喱較稀，不算辣，惹味，雞肉頗少。這是令我有驚喜的燒烏頭，沒有用爐暖著但入面都十分之熱，外面的魚皮有鹽香，內裡的魚肉很juicy嫩滑， 不會燒得乾，很不錯。價錢便宜，食物優質，難怪成為我們的至愛之一。

元旦日，和父母到了西貢玩了一個下午，晚飯時間佢地介紹我試呢間泰國菜，見門口貼住咁多米之蓮推介貼紙，心想應該好正啦！我基本上從不寫食評，好大原因係我覺得好食就好食，唔好食就唔好食，我唔係好識用好多形容詞去形容個具體情況。今次我好破例咁打食評，係因為真心想將我地既所見所聞同大家分享。講返食物先，我和父母點了生菜包，原個南瓜焗飯，椰青焗紅咖喱海鮮，同埋蒜蓉包點汁。食物其實我覺得係好好味：生菜包酸辣開胃，juicy ，生菜又靚；南瓜飯啲飯炒得好香口，係裡面唔係好多南瓜粒喺炒飯裡；紅咖喱海鮮料都夠多，汁真的充滿椰味。咁點解要負評？話說個原個南瓜炒飯係用個南瓜上啦，個南瓜殼是生的，肉我諗仲有2cm厚，食完哂啲飯就係如圖的樣子：我們心想，其實一般呢類原個上既食物，好似冬瓜盅咁，應該可以一路刮埋側邊啲肉食架嘛，呢個瓜係生嘅，無得一路刮啲肉同飯一齊食都算喇，食完啲飯，個瓜仲咁厚肉唔要好浪費，所以我媽想打包返去整返熟佢食埋啲肉。點知個侍應見我地想包起個瓜，佢竟然一句話：「呢個唔拎得走架喎！」我地心諗，我地食完你個瓜都唔要架啦，再加上我地俾錢買成個南瓜炒飯，點解唔拎得走？！心中頓時有種不祥感我地係度疑惑猜想

首先我們要道歉，我們不應該以這樣配搭來享用此餐因為⋯實在⋯太heavy！！！完全不覺得在食泰國菜啊啊啊！！！！！兩個人叫了4道菜，前菜沙津＋湯＋菜＋主食，不算過份吧？但過份位是4道中有3道都涉及奶⋯那就是敗北之處⋯平時食泰國菜，飲的都是冬陰公今次試新野！椰奶酸辣雞湯！（名字如不中亦不遠已）好飲！好特別！！！一入口酸味首先跑出，隨之而來是奶味跟泰國香料味奶味沒有想像中重，不過飲多幾口時就發現口腔是有奶味的唯一一道沒有奶的柚子沙津味道是不錯，除了柚子還有很多配料應該是有花生醬？所以也是飽肚來源可惜上菜時的溫度有點尷尬，不冷也不熱，調整不到合適心態來食用椰奶椰菜花好一般，不叫也罷每枱必叫的一道，軟殻蟹咖哩包如果沒有3人以上，千萬不要叫，一定食唔哂！除非只是叫這一道⋯汁是好食，而且十分香濃，但⋯真的好HEAVY⋯⋯⋯可能是最後一道上的菜，胃已經滿了70%軟殻蟹有2隻，食左1/4隻也沒有已經投降，好浪費好浪費啊⋯⋯⋯好想打包咖哩汁回家！！！如果軟殻蟹是新鮮炸而香口食，應該會更好食！此餐泰國菜， 一點辣意也沒有有的，只是無限滯意⋯

一天郊遊後在西貢覓食，最後選了這家泰國菜。點了其他食家推介的咖哩麵包軟殼蟹及半打串燒、飲品點了椰青及龍眼冰。老婆話椰青清甜、易刮肉，正！龍眼冰甜味適中，但冰太多，沒喝了幾口便冇了！先講串燒、豬牛雞各兩串，唦嗲醬好味，但牛肉燒太乾了，雞肉還好，豬肉有怪怪的酸味！咖哩麵包軟殼蟹，賣相不錯，軟殼蟹不過不失， 麵包份量十足， 但咖哩太咸了！請好好控制一下！

平時都會入黎食泰國野，係西貢我諗最出名都係呢間泰國菜，所以同屋企人黎食，慶祝生日^_^呢日我地好醒目，一早book定位，不過去到都唔算好多人，我地一家坐樓上，幾寧靜同幾舒服。而且上菜速度都算快，等左十分鐘就上菜了。每次黎都必定會order冬蔭功明爐魚，佢個湯係另上的，好惹味，食食下可以自行加啲湯上去，成條魚都好香好多肉，個湯亦都好多料另外叫左其他小食都唔錯，例如有個類似豪餅既小食都整得好好味，串燒果啲都燒得ok整體上都唔錯，唯一服務就好差，個𡃁妹啲態度真係需要改善下，呢樣算係全晚既美中不足。