麥當勞

Open Now

Now Closed

馬騮鍾意食雪糕，梗係去麥當勞啦😁又係朱古力新地嘅時間喇🤣😂俾我見到有叮噹係列嘅🍍菠蘿蝦堡套餐76蚊，有兩個🍍菠蘿蝦堡包，仲有兩個薯條同兩杯嘢飲，加8蚊仲會可以shake shake薯條同菠蘿特飲呀🍍 仲有呀加20蚊，就可以有埋兩個朱古力麥旋風添呀😋😋幾抵咁👍但係oreo味麥旋風呢就係有香芋味嘅，咁我哋小朋友唔食香芋味啦。。。咁佢話可以走香芋㗎👍咁但係麥旋風嗰啲oreo粉就少啲，咁我哋當然係走咗香芋啦😁😁嘩！ 個餐攞到入去啲小朋友已經哇哇聲啦😍點解🤣因為全部都係叮噹嚟㗎🤩仲有個特飲嗰個杯都係叮噹嚟㗎❤好吸引呀😍😍講返個蝦堡啦❤個菠蘿蝦堡真係好好味呀😋咬落去啖啖肉👍仲有好多沙律醬最😋勁嘅就係真係有好多好多蝦🦐呀喺裏面嘅🤩原隻蝦🦐㗎喎👍👍仲有個菠蘿特飲好正呀🤩成塊菠蘿喺裏面，飲完之後有成塊菠蘿食👍👍特飲又好大杯❤ 最重要嘅係個杯係叮噹公仔嘅💯飲完之後仲可以拎返屋企放嘢飲 😋shake shake薯條就發達啦👍個袋係叮噹樣嚟㗎幾靚呀😍我哋擺咗啲紫菜粉落去shake啲小朋友食到唔停得口呀快啲去試下啦❤❤❤💯💯💯

最近在推广他们的巨无霸，中间加了一块烟肉，在媒体上看了N次广告，印象很深刻。逛街时发现了一间麦当奴，突然觉得很想试试他们的新口味。晚上生意不错，但堂食的客人不多，大部分都是买外卖带走。用自助下单机点了一份巨无霸套餐配奶茶和薯角，不到两分钟就拿到东西了。但包的內外都不热，牛肉有点凉，没有保温好。加了烟肉后是有点新意，但主打的牛肉味道没有改变，普普通通，说不上好吃。反而他们的奶茶有点惊喜，有茶餐厅的水准。下次再去老麦，会选择安格斯牛肉汉堡或炸鸡。

一向覺得紅磡灣尼間質素麻麻不過為咗換搓手液！怕佢換曬！叫咗外賣熱香餅精選套餐（$32）熱香餅～失望！唔熱嘅試新野～奶醬！都Ok豬柳！又係唔熱！薯餅OK檸茶好夠濃餐牌唔夠清晰有啲咩飲品！有啲套餐又無Show比黎

天口鬼咁熱，行一陣個人都濕晒，附近甜品舖人又多又迫，加上價錢下下都三四十，純粹想搵個地方涼一涼冷氣太唔抵了，咁求求其其去下老麥食個雪糕算啦，今日呢間舖唔多人喎，一入就有枱仲要係卡位，正呀，冷氣仲好涼添呀，食飽左又唔使再點餐，都係點決定左嘅雪糕算。橫掂黎到就試下新口味，阿華田新地同阿華田窩夫筒，加埋朱古力脆皮都係十蚊同十三蚊，抵到爛，有埋位坐又有冷氣仲想點。講下杯雪糕，朋友食嘅窩夫筒內裏雪糕超多，比老麥筒起碼多一個double，個筒又脆又香口，好味喎。自己杯新地都好大杯，雪糕有著淡淡阿華田味，唔太甜，上面有阿華田粉增加阿華田味，加埋朱古力脆脆超正，鍾意飲阿華田嘅一定覺得正，無失望亦無伏，抵食又好味。好耐無真心覺得老麥嘅野好食，佢平時啲餐貪平食得落唔難食咋，呢個雪糕值得讚一讚佢。

將軍漢堡事隔咁耐又返嚟喇。呢隻可算係期待已久嘅其中一個包，佢不嬲都係期間限定包款，好耐之前有一期佢係日常包款，之後又變返限定包款。今次佢返嚟，出咗隻新款，玉子雙層將軍漢堡。我就緊係試新嘢啦。同以前一樣，一打開個包，醬汁勁澎湃，食嘅時候要好小心，如果唔係，真係會搞到一身都係。如圖所見，玉子雙層將軍漢堡係有兩塊豬柳加蛋，再加上日式照燒汁，而玉子系列，會再配上檸檬蛋黃醬，由於有兩塊豬柳，口感上好似啖啖都係肉，而唔食牛嘅朋友今次都可以食到呢個包，食哂成個包都幾飽下，不過新嘢就緊係試下啦。希望將軍成日返嚟就好啦

麥當勞早排網上派免費麥炸雞，咁啱拎到一份，為食嘅我緊係要試試啦我拎嘅麥炸雞係雞下髀，雞髀都幾大隻，雖然好大隻，但係啲肉食落都幾滑，以炸雞嚟講都算係咁，KFC都做唔到咁滑。但係原來件雞幾辣，辣度好似辣過脆香雞翼，本身我都食得辣嘅，都覺得幾辣，唔知係咪分店問題，要再試下其他先評價到。唔食得辣嘅朋友就要諗下試唔試喇另外，麥當勞喺包裝袋嘅設計都放咗小小心思，個袋中間整咗虛線位，可以喺中間打開，包住下面個part，食嘅時候唔洗整污糟隻手。至於價錢，淨兩件雞要$33，跟餐要$45，價錢唔算好平，不過如果突然夜麻麻想食炸雞，都可以頂下癮，始終都仲未有24小時營養嘅KFC同其他同類型嘅炸雞店

本身麥當勞係無乜特別野好講，但係因為每逢麥當勞有特別野我都會當打日記打低今次又有all day breakfast，係奶醬口味！因為無跟餐，所以呢度$22 啫作為一個晚餐黎講廿幾蚊搞掂真係好抵個早餐全餐唔洗多講，直至跳落去講個醬condensed milk 同埋peanut butter 既份量好多，係可以完全鋪滿兩塊pancake 架尤其係花生醬啦真係好大包個花生醬係無粗粒個款，有花生無花生呢d 就個人口味，而我係鐘意食無花生粒既，所以呢個好啱我胃口呀奶醬口味既pancake 我係第一次食，但係夾埋原來都好搭配，好啱味！個人覺得同之前既朱古力相比，呢個更加啱我口味

只要去到1點黎就唔會有冷氣 想熱死就去食啦 真係受夠 幾餓都變到冇胃口 係入面返工員工都熱到出曬汗 夜間員工都真係熱到唔會想返工 大佬呀 依家幾多度呀 唔理顧客都唔該理下員工感受

同上年一樣，麥當勞喺3月14白色情人節推出左同批有關嘅優惠，比一個happy pie day大家！平時要$8嘅批，今日只係賣$3.1咋！仲有蘋果批、紅豆批、芋頭批三個選擇。雖然，麥當勞成日偷偷地加價，但間唔中呢啲優惠都幾吸引架。趁着下午茶時間，我就買咗紅豆批同芋頭批，原本都有諗過買埋蘋果批，但三個又好似太多，所以最後唯有捨棄比較普通嘅蘋果批，只係買咗兩個。紅豆批雖然味道有少少甜，但配合鬆脆嘅批皮，再加上有紅豆粒增加口感，所以整體感覺不過不失。而芋頭批就相對冇咁甜，芋頭味尚算香濃，同樣有芋頭粒增加口感，以優惠價泥講，絕對係性價比高嘅下午茶。

麥記新出朱古力批 ($7), 同日本之前出既三角朱古力批有D唔同.日本出既連皮都係朱古力味.香港既就是蘋果批既脆皮, 中間有滿滿既朱古力醬咬左一啖,已經見到入面滿滿朱古力醬. 比蘋果批既醬更滿滿貼住脆皮,不過朱古力醬並唔係流心. 都有少少"杰"身朱古力醬並不是太甜, 味道唔錯既但我將整個批吃完, 我覺得有些膩. 兩個人SHARE最好

好耐無食當勞啦,今見到有再度推出既蝦堡,所以再去食過.今次食左個菠蘿滋味蝦堡,菠蘿本身都比到人好fresh既感覺,加埋爽口既蝦餅,呢個配搭非常好.加$4轉飲香橙特飲, 味道普通,入面仲有幾舊小菠蘿肉, 感覺似罐頭雜果.加左$10試左個檸蜜雞翼,味道都係普通,可以唔使特別嘗試.

曾聽說有許多戀愛沒有結果，猶如出街食飯唔記得帶飯錢，慶幸我天生樂觀記得八達通仲有餘額 ......呢個時候我諗咗幾樣嘢，但重點都係諗起陪伴我多年嘅麥當勞，一起經歷過數不清嘅時間，由開心食到佢個開心樂園餐，以至成日食到你個中伏新菜式，我都不離不棄，因為我覺得唯獨你是不可取替。下午入到去嘅時間唔算多人，只有三個人左右係到排隊買嘢食，就到我點餐嘅時候我諗咗呢句歌詞：＂卻剩傷心者感慨　令我都刻意避開　是我不敢相信真愛＂，因為我見到老麥又出新嘢，呢一刻是驚是喜我唔知，但我就決心信多佢一次。美式手撕烤豬堡套餐、厚切薯條、可樂走冰 $40.8老麥果然有做老婆嘅潛質，一個餐跟一張紙巾、一包茄汁絕對節儉，最後都係叫店員俾多包茄汁先夠用。厚切薯條其實比平時老麥嘅薯條真係厚咗丁點，但份量唔算太多，而食落去涼涼地所以味道麻麻，中肯啲講句加四蚊先有實在唔抵，但有錢唔怕試。美式手撕烤豬堡一如以往，化妝女人不可信；老麥廣告實呃人，但年少無知嘅我總是重蹈覆轍，未食前我深信包係死嘅，味道先係真，大廚可能只係太趕，所以整到啲材料唔平均咁放。而食落去，我真係想句＂亞尾乘＂，如果叫我用三隻字去形容呢件事，我只可以講：我真的中

我好努力減肥中,唔可以食澱粉質,但黑椒漢堡一年先得一段時期有賣.死就死啦....為食無計鍾意食黑椒味既野.加上個包既汁好好味.對呢個包情有獨鍾肉好厚,食一層已經好夠.所以我從未試過DOUBLE.不過今次個包唔夠汁.唔夠JUICY.但都唔太影響成個包既.我只係單買左個包,要$16.5 雖然有D貴,但一年食1-2次.可接受啦~~

因上學和住宿的關係,我想我以後會有許多紅磡餐店的食評,而我的第一篇紅磡食評竟然是麥當勞!?其實麥當勞並不是我近期在紅磡第一間吃到的餐廳,但因為我吃的是期間限定的玉子將軍漢堡,所以才要快快手打好這篇食評!一向不會買整個餐吃,因為不吃薯條,只散叫了一個包,盛惠不用$16,比定價$16.3平,可能每間分店也不同價吧.上次推出玉子將軍漢堡時我已經十分想試,伯一直無緣去吃,今次下定決心便吃到了.包的質感較稔身,但甜甜的醬汁滲進包中令包吃起來的味道沒有那麼單調.漢堡扒塗滿甜而不膩的醬汁,甜中帶咸又夠Juicy.包中很多爽口的生菜絲,吃起來較健康,口感也較豐富.玉子上有芥末醬,酸酸甜甜中帶微辣,辣的感覺只有一兩秒,所以沒有搶去原來的味道,我超喜歡這醬!!玉子便等於平時吃豬柳蛋漢堡的蛋,玉子出奇地與整個包很夾,個人來說,我是梃喜歡這配撘,不過相信沒有玉子,將軍漢堡也會很好吃.不過現在又出黑椒漢堡,將軍漢堡暫不可重溫了.

近來M記推出了一款蕃薯批，雖然在我心目中，每次的新款（如芋頭批等…）都一定不及其經典—「蘋果批」美味~!!不過實在很喜歡吃蕃薯，而且從廣告的影像看來也十分吸引，所以也希望試一試…打開包裝盒，還暖暖的…咬開外皮，脆脆的…跟蘋果批沒有兩樣……黃色的蕃薯粒跟蕃薯蓉，味道不會太甜，不過蕃薯蓉有點奶味，比較像奶皇，蕃薯粒軟軟的，吃進口裡便會慢慢融化~!!偶爾轉換口味，這選擇是不錯的，不過，我的最愛還是蘋果批~!!