麥當勞 (Moved) New Location

喂喂，今日要同大家講嘅，係我嘅全新麥記體驗！無意中發現咗佢哋做緊affogato，嘿，咪試吓嘛！個人覺得佢哋嘅雪糕配Espresso，真係得嚟又平民感十足。ESPRESSO倒落去，雪糕融化，味道簡直👌！勁想喺雪糕多啲啲Espresso，會更加完美喇。舊底部個朱古力碎，微微味道，同mocha有嘅拍檔。同行嘅友人就點咗個iced caramel latte，佢話唔會過甜，好過Starbucks添，唔知你哋點睇，下次試試？另一場時刻，囝囝話想要個Super Mario玩具，我哋就去搏咗個開心樂園餐。俾佢開心下，我自己都搏咗份，仲試咗個potato wedges，厚實嘅口感同Line friends包裝，整個人開心晒！當然，飲返杯凍咖啡，味道正！最後，話說番麥記嘅優惠，搞得我心郁郁，撲咗兩個蘋果批，充滿咗甜蜜蜜嘅回憶。同埋咁碰巧就嚐到咗份熱辣辣嘅巨無霸餐同埋脆卜卜嘅金黃薯條，真係嗌得過！嗰啲蘋果批，更加係脆到噴出香甜嘅汁，屋企以後唔駛再焗啦！總之，今次麥記之行，真係叫個平凡日子變咗精彩，大家有空又點解唔去食返頓？咁滋味，咁開心，唔係日日都有噃～

響又一城行街，行到戲累嘅時候就喺麥當勞坐低。其實我都幾鍾意飲McCafe嘅咖啡，價錢相宜之外，佢啲咖啡豆都唔差，尤其是我最鍾意嘅Flat White，調校得相當合適-濃得嚟又唔會太苦或酸。今日仲見到有Combo set，加埋個雙重芝士牛角包都係37蚊！個牛角包仲可以加熱，份量亦相當大，佢兩塊芝士夾响入面，可以增添個口感亦都唔會太油膩，好味！但今日可能係平日嘅大約下午三點，所以好多學生都放咗學嚟又一城度食下午茶，而家有疫情嘅關係，變相啲位少左，所以都比較難搵位。

距離十點還有大半個鐘, 於是決定在又一城找個舒服些的地方吃一個游閒的早餐！打開麥記個app, 裡面都有幾多價惠, 早、午、 晚、下午茶的都有, 看看有什麼想食的. 這樣叫了一個抄雙蛋火腿堡+ 薯餅+熱奶茶（小）都是$25. 我另加$2.5 轉即磨咖啡（大）.特別選了靠近溜冰場那邊坐, 景觀較開揚, 這時人也不會太多. 我比較欣賞個包, 是第一次食, 有驚喜. 是新鮮做的, 打開時還是熱乎乎的. 個抄蛋不會水水的, 吃起來不會留蛋汁和易碎, 有蛋香而不過熟, 層蛋夠厚, 都有1.5cm.而薯餅是微暖的, 口感較油膩.

叫左個麥炸雞餐可樂少冰 D麥炸雞咬落去似食緊雞翼不過肉質更smooth 但比我ge時林曬同埋個心唔夠熱 感覺上好似放左好耐 杯可樂沒曬氣飲落似糖水 懷疑都係放左好耐 薯條食落感覺還好係即炸但鹽落得唔係好夠同埋顏色有D深 似係overcook 覺得自從轉左做新模式之後餐廳環境係有改善 但空間都係好狹窄 門口多左幾部點餐機比客人落order以為可以快D落完order就快D拎到野食但其實都係要等好耐 部點餐機個系統都唔係幾user friendly 左問又問都算 部機真係慢到一個點 等餐時間比想像中耐整體感覺一般

去又一城睇戲前，好多時都會飲吓咖啡☕️先，又一城 頂層MC Cafe就最好座，望去下面係留冰場，望住舒適環境，休閑坐下飲吓咖啡☕️，確實一個不錯的地方⋯⋯而且呢到咖啡味道不錯，尤其是棒子味道，香濃棒子味道，如果不是下午茶的時候，又可以吸印仔儲印花，儲滿又送一杯咖啡☕️，牛角包🥐——普普通通，又不是不好吃，但又不是太好吃，不過不失，主要都係飲咖啡，需然咖啡☕️味道不能和其他咖啡店相比，但麥當勞，比起從前已經好了很多了😛😛

聽聞近來出咗個新炸雞，我呢一個屎忽鬼最鍾意試新野，事關女友真係唔鍾意食新野，而且佢又唔想我食得太肥，於是我呢一個晏晝就靜靜雞叫埋老細一齊利是呢一個新嘅炸雞，佢話呢一個雞髀起對面K字頭嗰間野仲好食！咁我梗係過去試一試啦，咁呢一個餐我就叫咗個大大啖飲加埋都要差唔多$50 㗎 ！個餐好快就來到啦，我食我呢一舊雞真係算係可以接受嘅，不過我又真係覺得有啲油啦，如果係翠香雞翼嘅話我都算接受嘅，但呢一度計真係有啲肥啊！仲有佢亦都冇配任何醬料，如果俾我揀我可能會揀食脆辣雞腿會好啲！而且我又覺得呢一個雞又真係貴左少少，希望佢之後可以出其他款式啦！

上次食過千層蛋糕覺得ok嘅，今次就試下食曲奇芝士蛋糕！原本想飲新既芝士奶盖 沖繩黑糖珍珠茶(+3), 但突然見到有我鐘意既菠蘿芝士奶蓋(+10) 雖然有啲貴, 但因為菠蘿,所以飲啦！但芝士蛋榚太硬了，又唔滑，唔好食菠蘿芝士奶蓋， 雖然有一片菠蘿係面，仲有細细粒既菠蘿肉係飲品内，但唔知係咪倒埋啲菠蘿糖水落去，甜得太假，一啲都唔解渴，加$10太唔值了

本來無諗過要為m記寫個foodie review, 但係食食下真係忍唔住 食剩2件雞都要影底 好彩張單未扔好想食炸雞但係又一城無咗KFC, 見到m記出咗雞桶諗住試下 就算好耐無食m記 都諗住give it a try.... #never 唔難食嘅 但係嘥quota 比錢先知原來桶雞係$99/6件（香烤/美式/mix）我叫咗mix 諗住試下有咩分別 $99 6件 平均都$13蚊一件 但係食落去2隻味係無分別‼️好呃錢 炸雞佢真係比唔上KFC👎🏾麥樂雞 一向都知係mos burger的最juicy, 又諗住試下個鹹蛋黃醬 所以又加錢升級 個醬係做得唔錯 好strong鹹蛋黃味 但係同個麥樂雞超級唔夾🤷🏿‍♀️ 好伏呀😭 仲有個醬 雖然難食 但係我想講 佢唔聲唔聲 做淺咗個醬兜💩 我唔介意比錢要多個醬 但係你唔聲唔聲咁cut cost又加價 真係好差好耐冇食過shake shake薯條 所以有加大又加錢食2個味 BBQ蜜糖 + BBQ薯片 係我錯 唔應該比m記咁大期望 2個都係BBQ點會食到有分別 其實啲粉可能2成係佢講嘅味8成msg.. 先食到咁上癮 ✋🏻我半年內都唔想再食

我不嬲唔係甘鐘意食麥當勞，不過Mc cafe又唔同，食物質素比麥當勞好好多，有一次朋友同我食過之後，就已經改觀左，而且呢間個環境又靚，一邊睇住人溜冰一邊食，份外寫意😬😬下午茶餐——-價錢幾抵食，三十幾元有埋杯咖啡，同埋D包又軟熟，軟熟之餘又帶有口感，有魚，有蛋，有龍蝦肉的多士，味道不錯，配合得好味道😋Cappuccino——-咖啡又香濃又夠滑奶醬多士配凍咖啡多士烤焗夠熱又夠脆，加埋煉奶花生醬，滋味😬凍咖啡—-滑溜不太甜😊隨緣買反張麥當勞既慈善獎卷，有得食，有贈品，又可以幫到人👍✌️❤️👏🙏

晏就去咗又一城睇戲，雖然我係屋企已經食咗少少野，但睇完戲三點幾左右有啲肚餓，都想搵食物填下肚。戲院附近有麥當勞，諗起最近又出返18件麥樂雞，有幾隻新口味醬料，自己都啲心動想試。但自己一個真係食唔哂咁多件，難得身邊個位都有興趣，一於開心share。由於又一城長期都好多人，麥當勞難搵位是常識吧。好艱辛地搵到位坐，買都好需時。加上麥當勞一貫做法係跟次序出食物，所以我地盒雞都等咗好耐下。-18件麥樂雞雖然等得耐，但好彩啲麥樂雞仲熱辣辣。入口仍然係外脆內軟，有淡淡雞肉香味。（左至右）-蜜糖芥末醬黃色包裝嘅蜜糖芥末醬，雖然唔係新款，但我覺得係4款醬中最出色個款。芥末味突出，但因為加入咗蜜糖，中和返芥末味，所以唔會嗆鼻，反而有少少香甜。-南乳燒雞味醬淺紅色包裝嘅南乳燒雞味醬，一揭開已經覺得伏伏地。質地明顯稠身好多，真係幾似畫畫用嘅顏料。入口有好強烈嘅腐乳味，但同麥樂雞完全唔夾。-香草檸檬醬淺藍色包裝嘅香草檸檬醬，酸度都頗濃郁。醬汁混有香草碎，香味同檸檬都幾夾，係4款醬中第2好味嘅款式。-鹹蛋黃醬呢款係有啲驚喜，真係有鹹蛋黃嘅鹹香，亦做到有沙嘅口感。可惜我都係覺得唔太夾麥樂雞，試一次就算。

專登約朋友去食呢個18件麥樂雞係因為新推出嘅醬。蜜糖芥末：呢款唔係新推出，雖然冇驚喜但依舊好咪，芥末味濃。香草檸檬：有啲似魚柳包嘅醬。南乳燒雞味：真係食南乳雞嘅味，好中式，所以配美式炸雞呢，有啲怪呀！鹹蛋黃醬：係奶黃包入面嘅餡四款都各有特式，一試無妨

又黎到一年一度食十八件麥樂雞嘅時候～江湖傳聞三個新醬都好奇怪，等我試下先！我本身好期待鹹蛋黃醬，點知一啲鹹香味、鹹蛋黃味都無？反而有d似少少鹹嘅奶黃包餡，又咸又甜好奇怪，點咗一次無再點過！-南乳燒雞味係有南乳味，但好鹹，又係點咗一次byebye~-香草檸檬味呢個味都ok，酸酸地幾開胃，算係第二個點得最多的醬，不過都唔會想佢係long listing，寧願要返原味麥樂雞醬好過。-蜜糖芥末醬！每年最期待係食佢！都係買定幾盒儲貨好啲😂-呢間麥樂勞太多人，D雞炸定入哂盒排好耐先出貨，到我食時個皮已淋哂，薯條又唔脆，好sad🙁

麥當勞最近新出左唔同味道嘅芝士奶蓋，總共六種味道，下午茶時段最開心就係買杯飲品，咁新出梗係要試吓啦。同事一人一杯，一杯係咖啡味，另一杯係四季香。落單之後大約5分鐘便即制完成。其實佢的賣相很美，顏色配搭也很吸引。第一啖飲到嘅芝士多甜小鹹，味道唔錯。再分開飲下面嘅咖啡，苦苦的是我的所愛，不過好奇怪，合埋一起混合飲，味道真的有點怪。我同事的那杯茶底也很不錯，可能是我個人喜好，混合起來那個芝士奶茶真的不是我杯茶，而且他放奶蓋面的那些茶葉裝飾，一不留意，飲起來一粒粒，感覺很怪。

其實已經冇食麥當勞好耐，不過有時見到佢有啲新包出就又忍唔住要去食。今次響黑咖喱炸豬扒包同南蛮炸雞包之間揀咗南蛮炸雞包。不過響未揭曉新包之前，點都要食返最愛嘅麥樂雞先。剛炸起嘅麥樂雞真係唔同，外脆內彈， 完全唔會乾爭爭，加埋甜酸醬，芥辣同茄汁，心已滿足。但係今餐個薯條就乾晒，拜拜。依家我哋嚟睇吓炸雞包，炸雞咬落軟林林，成塊魚柳咁，肉質已經冇乜，雞味就更加冇。醬汁亦都稍為普通，有啲偏水。配料又係嗰啲椰菜絲，洋蔥絲。實在冇乜特別。

今天晨早要外出工作，0745已到了九龍塘，這麼早的時間，讓我想起了陪伴我成長的McDonDon. 就慢慢地走到又一城頂層的McDonDon. 靜靜地在屬於自己的角落，望著難得靜悄悄的溜冰場⛸⛸為了為晨早的自己打打氣，除了order 左個熱香餅餐外，更額外加了$10，點了個Crunchy Ovaltine 😍😍 喜歡甜食的朋友一定唔可以錯過，飲品頂端蓋上了一層碎碎，在兒時回憶的Ovaltine上，再加上特別的脆脆，像口中爆爆的爆出甜絲絲🥰🥰