麥當勞

Open Now

Now Closed

呢間麥當勞我幫襯咗好多次，但次次跟餐嘅薯條都凍哂同淋哂有次專登叫薯條走鹽，諗住新鮮炸起會好啲，點知都係唔係好熱，同埋都係唔脆！明明間間麥當勞都係嗰啲食材，唔知點解可以整得咁難食希望呢間可以改善下

疫情期間好多時都唔敢喺堂食，唯有買外賣返屋企，每次返到屋企就見到包薯條少咗一半份量，唔止一次係咁樣。明明嗌咗一個套餐中薯條，但係就變咗細薯條嘅份量，而且薯條又係凍嘅。我返屋企嘅路程3分鐘，冇可能凍到好似放咗好耐甘。咁係咪要我哋呢啲食客每次外賣完之後都要打開個包裝檢查一下先攞走？？？

送完仔，嘆返個早餐先回家。商場可選的不多，麥當勞🤔⋯⋯就試下McCafe. 叫了正常的煙肉蛋漢堡餐，加了$12，轉飲cappuccino. 等了一會，取餐找個位。左找右找，唉！位是有的，但完全沒有冷氣，周圍都非常焗。有啲位頭頂還有射燈哩！好不容易找了沒有射燈的，但仍然流著汗嘆早餐。的確，飽即叫即整，當然軟熟。但杯所謂cappuccino 🤦🏻‍♀️, 我覺得同不加錢的凍啡無異。一個$41的早餐，連一般茶餐廳的冷氣都冇，莫說食物質素了。

天氣涼,最好就係飲番杯熱辣辣嘅嘢☕️McCafé 最近就推出「Merry Sweet-mas」系列期間限定🎄我就揀咗麥提莎果仁朱古力咖啡☕️ 入口順滑,朱古力味濃,略甜！飲品仲會附上麥提莎朱古力一包,可以食一粒,飲一啖🤤個杯就轉埋做聖誕氣氛嘅經典紅色😍連紙杯套都有造型添呀🤭深綠色嘅紙杯套加上紅色嘅馴鹿,好cute呀另外仲試埋新餐肉碎蛋芝味多士🥪新餐肉都切得大大粒,每啖都會咬到新餐肉🤩超好味

一肚氣， 先唔講個apps廢到無倫， 幾經辛苦前一晚落訂單今朝九點送到屋企， 個apps 一早話收到訂單制作中 ，到最後就顯示九點至九點半送到， 點知九點半都未送到， 先後 9點40分同埋十點 ，打咗兩次去查詢麥麥送訂單， 都冇解釋到點解咁遲 ，最後到十點十五分至送到， 最過份係分店職員話因為車隊遲咗，成個鐘呀！ 淨係一味識講唔好意思😤😤😤 唔使講啲食物凍冰冰 ！都唔係第一次用apps 叫麥麥送， 但係一次失望過一次， 個apps唔好用已經唔使講， 呢間鋪啲服務都勁差

最近突然有啲想食麥當勞，所以心血來潮之下，就去叫咗麥當勞嘅外賣自取，不過又唔係好肚餓，所以淨係叫咗一個魚柳包。魚柳包由細食到大，我都覺得好好味，特別係麥當勞嘅魚柳包，佢嘅味道真係會令人諗返童年嘅美好時光，魚柳大大塊又多汁，仲有特製嘅醬料，加埋鬆軟嘅麵包，成件事真係好夾又好好食， 10幾蚊嘅價錢可以食到咁好味嘅包，我真係覺得好抵呀。麥當勞嘅嘢食真係平靚正， 十分推薦大家去自己屋企樓下附近嘅麥當勞食早午晚餐。

近年愈來愈少食麥當勞，因為仿間太多選擇，但偶爾有期間限定，也會光顧。今日剛好在附近看完醫生，感覺餓了，所以就買了個脆脆黑椒漢堡。脆脆黑椒漢堡單買要＄33.5，價格不便宜喔！漢堡有兩層，共4塊牛肉，牛肉口感雖然帶點粗嚡，不過有淡淡牛味; 黑椒醬汁份量充足，不會太乾，而且味道很濃很辣，非常刺激; 配合熱熔芝士和富玉米香的粟米片，吃起來惹味非常。當然，如果粟米片再香脆點口感會更豐富。以快餐來說，這個水準已經不錯了!溫馨提示: 黑椒汁非常辣，如果完全不能吃辣的，奉勸不要試了，因為真的會愈食愈辣。

尋晚經過麥記，突然想食佢地d 炸雞， 聽講唔錯，於是就買咗$24 4隻 等囉外賣 呢d 好似係炸定 所以好快有得囉 行去櫃枱 有幾袋外賣紙袋係枱面 我企係櫃枱前 見個戴眼鏡女職員完全無理會我 我只好問邊袋係 佢無採我 我指住其中一袋 問個女職員 請問係埋呢袋呀？佢好勞去咁答 係...呀... 勁唔耐煩。 我話你使唔使咁勞氣呀！ 接住囉返屋企 打開一睇 嚇親 咩炸雞 ?請問返炸咗幾多次架？可以管理下d 員工情緒嗎？還有炸雞放太耐係埋唔應該賣比客呀？😭🤢🤮 真倒胃！

麥當勞每隔一段時間又會出新款式，這次推出了double big mac (★‿★)而且再次推出了脆薯皇，放工後跟朋友仔一起去吃更開心٩(ˊᗜˋ*)و晚餐時段，用麥當勞手機app買，不但節省排隊等候時間，可以免費有曲奇麥旋風，優惠又方便！點了安格斯蘑菇包，在手機app點也可以選擇額外醬汁，令整個包更juicy (´∇｀)每個包也是即叫即點，所以很新鮮熱騰騰的～這次蘑菇和醬汁很多，每一口也很滋味！脆薯皇比起薯條更脆更香口，每次一推出一定要衝來吃～

麥當勞總是有一種吸引力，就是時不時就會想去吃簡便的一餐。這次在疲累的放工時間，跟好友到荔枝角宇晴匯分店的麥當勞吃晚餐。每次難得放肆一次吃漢堡快餐，就想起很想吃蘑菇安格斯漢堡餐。現在m記有提供熱檸水這餐飲，實在是非常適合不喝冷飲的我啊！也感覺可以消除一下薯條的熱氣感。現在m記的App內有提供一些優惠券，這晚就用了那張送麥旋風的coupon。真是太優惠了！漢堡也一貫的好吃，很夠料，蘑菇很多。而這次配了薯角，比薯條更好吃更多薯。這分店的環境也很光猛乾淨！

McCafe同Hershey's朱古力合作出咗一系列嘅朱古力飲品同蛋糕🤘🏻講起呢隻朱古力，仲記得細個老師請食朱古力最中意派呢隻牌子🤣一包多粒又易分仲幾好味㗎✌🏻諗起實無死就試試佢啦小鹿榛子朱古力（熱）$28.5滿心期待朱古力面上嘅小鹿圖案好啦，有啲走樣😅聞落去榛子朱古力嘅味道好夠誰不知飲落榛子味完全蓋過朱古力味😩成杯朱古力都好稀唔夠味，飲完唔滿足雪人薄荷朱古力咖啡（細） $27膠神都降臨麥當勞呀😳杯上嘅雪人繼續走樣，薄荷只算係輕微朱古力咖啡比例上咖啡偏重☕個人唔識欣賞🙈朱古力蛋糕層層疊 $28.5呢個最似樣喇🥳食落朱古力味都幾濃略嫌夾心嘅餅皮太厚🤔🤔搞到食落一層層嘅口感勁突出😂但算係好味好味指數（5粒最高）：

小朋友天生好動紮紮跳，尤其是拎著雪糕既小朋友，一個不留神就會俾佢整污糟件衫。最近M記出咗脆皮朱古力新地筒，反應超好條人龍幾日都未停過，地下不時都留下一噠噠朱古力😅我試過，朱古力味超濃郁👍🏻👍🏻正呀！加埋朱古力脆皮雙重享受！不過d雪糕溶得快，會流哂落隻手。所以今日買咗脆皮朱古力新地大窩夫筒，好味依然，論盡不再😁呢個售價$12，比脆皮朱古力新地筒貴一倍，但大柸好多，個筒都好香脆。食起嚟唔會流到成手雪糕。

呢間嘢朝早完全無冷氣，風都無滴，成三十幾度，又熱又焗，食早餐食到濕灑，個個一邊食一邊pu涼抹汗，坐耐D都會焗到病，見到D人無汗嚟大汗走，真係一間全香港最熱的麥當勞，食物來來去去都係果D，自取形式，無乜服務

今日食去麥當當食左對付個減肥人仕既邪惡早餐！豬柳蛋漢堡色餐！點解？點解可以咁好食架？！豬柳同個蛋同個包match到一個點！係共鳴丫！係和諧丫！係愛吖哈利！配埋個薯餅，直頭就係食得招積！早餐出色，廿五蚊超值！

難得早起身，又懶得煮早餐，就去附近食早餐啦! 仲係紅假既今日，條龍依舊都係長。嗌左個豬柳炒蛋小麥圈餐。個包一打開，賣相一般,個bagel好硬... 要好大力先可以將成個漢堡咬開。個醬太多，結果我係將醬揸bagel, 入面既料分開黎食。薯餅，新鮮炸起。唔知係味忙得濟隔唔切油，咬落去淡淡油，都係用紙巾吸吸油再食野飲嗌左熱朱古力，熱係夠熱，偏甜。另外要左熱水溝返淡。假日既快餐店雖然人多，不過姐姐執盤好快，仍然keep到整齊既舖面，辛苦晒