麥當勞

Open Now

Now Closed

因為港鐵故障，我唯有搭巴士返屋企。去到巴士站時走咗架車，所以就去咗巴士站附近嘅麥當勞買嘢食。我食咗個開心樂園餐，其實都係為咗份禮物。我食漢堡包，乳酪同飲橙汁。我覺得漢堡包的配搭係好出色的，洋蔥粒、酸瓜片同茄汁，好簡單，但係好夾。10幾蚊我覺得要滿意架啦，要趕巴士，仲有咩可以揀

小時候很愛吃麥當勞，但因為家裏窮，不是經常可以去到！每當媽咪說帶我們去麥當勞時，我們三姊弟定必歡喜若狂！長大後，我們也會常常懷念小時候搶薯條，搶麥樂雞的快樂回憶！最近麥當勞有新包上場，$38便吃到安格斯漢堡套餐，真的非常心動！所以我便約了我的好哥哥，一同去尋找我們的快樂回憶！哥哥選了澳式芝蛋安格斯漢堡！內裏有有洋蔥碎、蒸蛋、奶油芝士醬，及主角安格斯牛肉漢堡！嗯...不知怎的、可能因為是蒸蛋而不是煎蛋，感覺有點怪！我認為好吃的蛋是外層香脆，內裏嫩滑的感覺！但它一整塊也是軟腍腍，而且蛋本身完全沒有味道！說真的，有點失望！而我則點了瑞士芝味安格斯漢堡套餐，同樣採用100%安格斯牛肉，再配以軟滑融化的白芝士片和車打芝士、香烤蘑菇片、炒洋蔥和生菜，這個組合非常邪惡，但各種配料配合得宜！要讚的是當中的菇菇，提昇了整個飽的味道和口感！比起澳式芝蛋，我更愛這一款！不知道是不是期間限定，買的時候，還附送了焦糖新地！焦糖是熱的，而且不太甜，配上冷冰冰的軟雪糕，不錯！唯一的缺點是雪糕不能後上，要一邊食漢堡，一邊食雪糕，咸甜交雜，有點應接不暇😅

自認為不是什麼苛刻的人，既然去麥當勞也不奢求有什麼親切地服務。只求外賣時，紙袋裡面的食物數目起碼要正確，一次兩次還可以當做無心之失。半年內超過五次頻率其實都高的不可思議！執錯單，漏單，漏匙羹，漏甜酸醬..... 每次檢查完好聲好氣提醒店員漏單，也不會有句唔好意思。點餐的時候櫃台店員顧著高聲跟後面廚房嘻笑怒罵也不只一次而是常態，這間店職員品管非常差，前面櫃台店員都很做自己。今天因為買了兩個套餐以及其他食物，分了很多個紙袋，所以五毫子加購一個膠袋方便拎，但店員就把塑膠袋放在我的餐點旁邊就離開櫃台了，起碼也幫忙把食物放進塑膠袋吧。 忍了一年半載依然見不到會改善的可能，只好上來openrice把我人生第一篇食評獻給這間奇耙老麥。

穩中求勝莫過於食由細都大都咁like的麥樂雞餐，有6件雞，好抵食出去韓店食麥樂雞6件都收你$2x啦~~不知何時m記加左價，變做$23熱朱古力味道正常，我還是喜歡冬天飲呢~~麥樂雞味道無變都係咁香的，是堂食，所以外皮keep著左個脆度，幾彈牙~薯條好一般，今次整到好林，脆一點會更適合我口味

8號風球襲港，偷走左我早上既返正時間令我睡得好好😆，不過下午落波喇！要乖乖返工😢唔中意同人迫地鐵既我未轉3號風球已經提早出門中午1:00已經黎到返工既地方，黎左呢邊既麥當當應該冇咁多人吧！可惜我太低估左自己既第六感🙄🙄🙄真係多人到嘔...都係既，個個都食完早餐先返工😅買左個餐後足足等左60個number先到我好耐都冇食麥當當喇！今日試下佢地既新口味「波蘿🍍滋味蝦堡套餐」😋新包用紙盒裝(自覺有點唔環保🤔🤔🤔)波蘿同炸蝦size都比包皮細所以zip左去後面🤔炸蝦漢既粉唔多，只係薄薄地一層，外皮脆身食落係幾香口，不過波蘿始終有水份所以中間就冇咁脆身，蝦堡唔算好香好有蝦味，不過波蘿帶有甜香食起上黎又幾夾😋👍🏻👍🏻👍🏻$3x食物個lunch都可以接受😁個味道幾好，可以一試！❤️

m記最吸引我係早餐又唔會特別唔健康 因為有豆漿飲 但飲落似加左水 因為個豆味有d淡薯餅最好食 鬆脆好味!豬柳蛋包 就一定要有豬柳+蛋 ,如果少左其中一樣味道都差好遠 至少2樣夾埋口感比較脆

今日買左個外賣番公司做午餐就係最後麥記新野...梳乎分享盒不過我一個人獨享晒4件麥樂雞 兩件脆香雞 兩件香烤雞翼我有點失望的是....我呢盒無分開3格擺放同佢個圖有唔同..香烤雞翼痴立立同另外兩款擺埋一齊...不是太好!加左杯荔枝特飲, 荔枝糖漿+果肉+雪碧汽水唔算好甜, 都幾好飲!隻杯好可愛,,,梗係洗乾淨KEEP番啦

真係好耐好耐無食過整得咁好0既熱香餅！！由細到大熱香餅响我個記憶入面都應該係啡啡地色，唔知點解近幾年食到經常都係淡黃色。話明熱香餅就梗係要煎香，放左蛋漿落個煎PAN到要等一陣唔好攪佢，由佢煎一陣咁至好食。但煎0既時間亦須要掌握得好，煎得太耐會變乾，咁又唔好食。我估平時0的亞姐煎餅時貪快，係咁易煎到個餅有個形就算。個形係出左呀，唔香不得止有時仲要係凍凍地。但今日唔知邊位亞姐咁有心機煎得咁靚，扺讚！簡直色香味俱全呀！又夠熱喎！一放粒牛油落去就已經溶溶地。我每星期都會去一兩次呢間麥記食早餐，希望次次都預到今日呢位亞姐，因我去親都係食熱香餅架！

飲宴未開席前，借故外出溜溜是常識吧!在一眾長輩面前，以前只有呆坐等吃，現在都長這麼大了，沒人管束的感覺，不知是好，是壞? 跟嘴饞的阿姨走一圈，麥當勞是唯一選擇了。 本想買雪糕新地作罷，麥記姐姐卻說嘩鬼新地南瓜脆買一送一呢!即是$12/2杯，不吃也就對不起自已吧! 南瓜+企鵝仔，很應節的感覺!南瓜批+一小撮雪糕+一小撮糖漿，感覺有點吝嗇。不過這價格本應只有一個南瓜批，感覺就是賺了。個人是挺欣賞南瓜批的，可是口味總是見仁見智。牛奶雪糕偏甜，巧克力醬不多但暖暖的口感特別。阿姨的評價只屬一般，而對我來說這個配搭確是偏甜了點，不做優惠的話還是新地較可取。一向飲宴上是個乖乖女的我，把其他親友也一併喚來，大家吃個不亦樂乎，最後要主人家急召回來開席......

我很喜歡吃麥當當的蘋果批，外皮夠脆，內裏蘋果粒和汁夠甜。我也很喜歡蘋果批加雪糕新地的配搭，冷靜(雪糕)與熱情(熱辣辣的蘋果批)之間，是麥當當獨有的雪糕蘋果批口感，甚至比一般餐廳賣的雪糕蘋果批更得我歡心。早陣子試了新地菠蘿脆，還是鍾情經典的蘋果批，可能是菠蘿粒沒有蘋果粒那種溶溶軟軟的口感。沒多久，麥當當又推出了黑白配，這次是甜甜的椰子粒，幾特別噃，但我還是最愛不朽的的蘋果批。麥當勞食物的水準每況愈下，尤其是薯條，和兒時吃的相差很遠很遠，現在吃到的，奀奀瘦瘦又不夠香脆，唯獨是新地蘋果批，我情有獨鍾。每當孖寶要吃開心樂園餐時, 我的下午茶便會是一杯又軟又滑的軟雪糕加又熱又甜的蘋果批。

繼上次可以堂食之後，今次太多書友仔啦，我唯有拎返公司食啦~~一拎出嚟，我同事已經話”你D薯條好香呀”。就係咁，我share咗半包比佢。同黑包一樣，表面佈滿芝麻，包身都係偏乾身，芝麻都沒有香氣，開始覺得伏伏哋。基本上除咗包既顏色同塊肉之外，其餘配料都係一樣。雞肉沒有預期般嚡口，反而更帶一點點既黑椒香味，吃罷後口腔還有黑椒既餘韻。小妹偏愛香口嘢，like白包more than黑包。

老麥今次捲土重來，再次推出黑白包。先論包裝，沒有13年推出時既玩味性質(當時係黑盒白包/白盒黑包，個人覺得呢種錯覺幾得意。)不過包裝呢家嘢，都係睇既啫，味道先係重點。 一開盒，我以為佢係由外太空以光速咁滾返嚟地球，小妹好唔容易先將佢哋夾返入個包裡面(加上小妹單手拎起，單手揸機，有少少鬆郁矇。)味道方面，小妹覺得個包既質感偏乾，又無乜特別既味道，不過包面既芝麻又確實係有少少香氣。另外身為主角既牛肉同煙肉，咬落尚算juicy(有時老麥既肉真係會乾過我荷包架。)薯蓉就係最下層，黏住第二塊牛肉。生菜就係最上層，係一片片既，唔係一絲絲，可以中和一下牛肉同煙肉既油膩感。而醬汁則偏少，正合我意。可能個包比較細啦，但當小妹用力一夾時，所有食材同醬汁都一齊飛走，個人偏愛用包裝紙，食得比較乾淨衛生。總括嚟講，以under HK$30既 lunch，算係不過不失啦，但又以男生嚟講，可能未必夠飽。

今天和太太，跟地產經紀行了成兩個小時，在家附近的屋苑睇樓，行到身水身汗，唔想煮飯，行過麥當勞見到新出的黑白漢堡，便買來一試看來好似好好味。便叫了黑白漢堡餐各一，加一杯黑森林蛋糕麥旋風。落單後，上了汽水和麥旋風，等了很久，黑白漢堡仍未出來，只見員工一路在玩耍。漢堡包上了，返到座位，一打開，黑漢堡盒內是白漢堡，員工根本心不在焉。首先講黑森林麥旋風。把提子黑森林蛋糕放落雪糕內，但又撈唔暈，蛋糕還蛋糕，雪糕還雪糕，根本就不好味，下次叫番Oreo 麥旋風好過。白漢堡的麵包冇芝麻味，加入一塊炸雞，很乾，又有一塊超咸的煙肉，令到食不到其他薯蓉，生菜的味。黑漢堡一樣，超咸煙肉加兩塊超薄牛肉，薯蓉，當然又因煙肉太咸食不出味來。試一次就夠。

以為連鎖餐廳間間水準都差唔多...不過我覺得呢間就....幫襯數次，都不時會有貨不對版...魚柳包：無醬／少醬,芝士半塊朱古力新地杯新地中間空既...“7成實用”，同地產商有得揮.不過＄6, 忍你巨無霸：最離譜，得肉，包，同醬,無菜無洋蔥...嚴重偷工減料.....另外服務員D態度真係麻麻,....後生仔女...你唔笑唔緊要...但唔好成日都黑面囉....其他麥記有D 年紀大D...又醒又NICE..一D 都唔差過D 後生仔其實食得麥當勞,都係是是旦旦,填飽肚就算,不過就算我對你無其望,都唔好令我太失望...

由細到大都覺得可以食到M記嘅早餐會好滿足~~ 今次返香港當然要試試麥當勞的地道口味。今日特別早起身去到M記~更驚喜的是M記剛推出新產品 ~~ 扭扭粉早晨套餐系列。好有創意!!! 而且還是早餐時段推出!!! 誰說去香港早餐只能吃飲茶!!!! 下次就來個扭扭粉!!!豬柳蛋扭扭粉早晨套餐 Sausage N’ Egg Twisty Pasta 個粉夠哂熱，而且個味道啱啱好!!!板燒雞腿扭扭粉早晨套餐 Grilled Chicken Twisty Pasta；加HK$1元飲品可以升級為McCafe 6oz優質即磨咖啡