麥當勞 (Moved) New Location

本人是麥當勞長期熟客，基本上早餐是大X樂，晚上一定係麥當勞，所以基本上第一城開麥當勞巳經有30年歷史，所以職員入職和離職也可熟悉，但係其中也有很多員工因為做錯嘢出現問題所以離開，但係從來信沒有一個員工可以令到我這樣憤怒的，原於有些時候晚上食一杯朱古力新地，問題係我當天堂食，所以一般都會用餐盤將新地連膠羹和紙巾放上去，但係其中有一個男員工直接將新地和紙巾和膠羹放在枱面，剛剛有一個女經理經過即時替換和用餐盤遞給我，但係最令我不滿的是那個男員工看到之後即時雙眼向上翻，此為第一次。跟住第二次，因為現在麥當勞是顧客自己先在點餐機落Order，可以選擇在點餐機俾錢或者到收銀處俾錢，我用點餐機買新地，但係一時手快選了到櫃檯俾錢，但係去到收銀處，沒有員工收錢，因為我巳落單，手上也拿著單，但係仍然是這個男員工玩嘢，竟然夠膽講如果買嘢的話去點餐機，結果兩次都搵到客戶服務經理投訴，最後要打電話去總寫字樓客戶關注組，但係而家連客戶服務經理同樣惡劣。😡😡😡

放學時間這間麥當當最多人, 最多學生來吃下午茶, 叫咗個兒童開心樂園餐, 今次送史努比玩具, 麥芝蛋呀女最愛, 揀咗豆奶, 因為加多個龍蝦湯夠28蚊, 麥樂會送橙汁, 自己過隔籬麥Cafe點了杯多奶少啡榛子咖啡。麥芝蛋個蛋夠厚，茄醬夠多開心樂園餐的好處係，個飲品可以留起下次飲。堅好味龍蝦湯，龍蝦肉都有五、六件，又香又濃， 呢個價錢抵飲。傳聞呢間係好食薯條嘅分店，確實如此，每次一定要食。店員一定會問你要幾多奶多奶，少啡最香。

見好耐無黎M記野見新出左北海道三文魚堡餐喎,咁就叫個餐黎食下啦點知,薯條,好似走左鹽咁,好淡無味個包,三文魚無味囉話明三文魚堡,點知最重要既三文魚係連魚味都無,就算連鹹味都無,真係唔得下次唔會再試朱古力批,見新出,又試下啦不過不失啦,D朱古力醬比較結左D囉,還可以接受

本身今日諗住放假就食個開心樂園餐啦 咁我就係自助售賣器到買野食的 同埋想換今期的miss princess 點知換哂😩😫😣咁算啦 但佢有得揀miss sunshine 咁我都揀左換嘅 點知攞餐個時 亞姐話換哂😡😡😤😤俾左個舊玩具我😡😡😤😤下 而家當我係咩呀!!!!!!我係唔會要架!!!!!😡😡真係完全覺得係有被騙的成分 很憤怒💢又不甘之後我仲特登去睇哩個箱 哩度都係無講miss sunshine已經換哂 如果換哂 都會有個「賣哂喇」嘅牌仔喇 但哩度真係無!!!!!!! 我見到真係好嬲!!!!!!😡😤而家係咪錯誤引導顧客誤信有得換??我就真係相信有得換而買左哩個餐 但最後係無得換個公仔 真係好失望👎🏽👎🏽又好多嬲嬲囉😡😡😡叫人仲點信先??食物方面 味道都係正常 無咩特別野 個魚柳包唔夠熱/䁔囉😒😒薯餅就正常 炸得幾脆同埋都不會太燶 正常哩個餐係$25 而家開心樂園餐係$26仲要係無玩具嘅 真心覺得不舒服😩😫係嬲囉👎🏽👎🏽😡

18件麥樂雞又回來了 冒住脂肪爆標風險 叫咗18件麥樂雞外賣回家慢慢試味今次依舊有四款點JACK醬味噌芝麻醬蜜糖芥末醬(NEW)韓式甜辣醬(NEW)日式甜咖喱醬蜜糖芥末醬 一如以往, 好味. 甜甜地又有芥末辣辣地,口味溫和. 容易令人食唔停口味噌芝麻醬 醬質偏杰，味道偏咸，味噌味欠奉(NEW)韓式甜辣醬　　味道很甜，有少少辣。醬質太稀，點完啲醬掛唔到上件麥樂雞度，好快就滴返落兜醬度。有點失望。(NEW)日式甜咖喱醬　　一開盒醬，啲醬凝固咗，醬質太杰。至於味道，有點甜，咖喱味唔太出食完18件麥樂雞飽晒

🐮TABASCO ®蕃茄煙肉安格斯🐮呢個一岀第一日 就有人問我幾時試😂其實我冇乜興趣 不過身為麥記小先鋒點可以唔試下 雖然已經岀左五日😅--佢今次個包係黑白芝麻包 不過係食唔到分別既冇左上次個炸洋蔥圈 換左蕃茄同生菜🍅個醬係👉🏻TABASCO®煙燻辣椒仔風味蛋黃醬其實食落係似酸啲既千島醬 冇特別"洋蔥圈安格斯""芝士蘑菇安格斯"好食好多😗--Shakeshake粉都換左今次係"煙燻辣椒仔風味"🍟呢款好食過之前個款 多左陣煙燻香似細個小食部買 綠色包裝既薯圈加上TABASCO既酸 好惹味呀😛

心血來潮想食麥當當早餐！平時最愛豬柳蛋漢堡，但今日見到其他人食熱香餅食到好滋味，即吸引到我！熱香餅我鍾意三塊疊埋一齊食！先每層塗啲牛油同pancake syrup，再切小塊食。每啖有三塊沾滿牛油同syrup既熱香餅係非常正！你地試下就會相信我！個餐配塊豬柳感覺有啲奇怪，又咸又甜，不過我鍾意麥當當既豬柳，夠咸！薯餅梗係要加茄汁啦，夠脆又夠熱，油就梗架喇，唔理得咁多！飲埋杯濃濃既熱朱古力，I'm so full！果然令到我有一個good morning！

今晚到這裡吃晚飯，也是點了My Signature系列:狂惹雞堡套餐，原本想用點餐機，但是看到每部機都有人在用，而柜面則沒有人排隊，所以便到柜面落單，但是柜面那個女經理則堅持客人要用點餐機點My Signature套餐，於是我無奈地回到點餐機點餐，但是當我完成整個點餐過程，並且我想選擇該送餐服務，但是點餐機旁邊的牌子原來巳經用完，我只有轉到後面的點餐機取牌子，但當我轉回來時，就發覺原來排在我後面的顧客替我輸入了那個不能動的牌子號碼，並且hang機，於是我走到柜面找剛才的女經理投訴，但是她非常悔氣地走出來，將點餐機轉回正常畫面後，就一聲不說就返回水吧，其後再找分店男經理投訴，點知這個嬲經理態度更加惡劣。仍然堅持My Signature套餐只可以用點餐機才可以點。那麼我就詢問一下Randi Lai兩個問題:首先，好像他們這間分店點餐機之前打風引致時常因缺紙而暫停使用，那麼是否表示客人不能夠透過柜面叫My Signature套餐?其次，如果其他分店沒有安裝自助點餐機，那麼是否所有客人到這些分店的時候就不可以享用這些套餐呢？希望Randi Lai可否解釋一下呢？

🐮TABASCO ®洋蔥圈安格斯🐮前兩日先食完 今日又食😛今日塊牛特別好食 特別juicy 煙肉好香仲好食過上次😍真係幾鍾意個薯條 所以兩個餐都叫左加大就係為左包shakeshake粉😁不過大家外賣記得check清楚先走今日佢本來冇俾粉我 同一包醬都冇😒-🐣惹火辣脆雞包餐🐣-價錢:$83.8

🐮TABASCO®洋蔥圈安格斯🐮琴日又岀新包 麥當勞迷又要即刻試😛個包有130g特厚安格斯牛肉 洋蔥圈 芝士特製TABASCO®煙燻辣椒仔蛋黃醬叫佢多醬三次佢都冇打落單到 結果有啲dry好彩炸洋蔥圈都幾juicy 又夠脆個汁酸酸地 少少辣味 幾好食😘仲有shakeshake薯條真係幾似TABASCO好惹味 食到停唔到口😂價錢:$42

🐮芝士安格斯 🐮琴日新岀左呢個包 麥當勞迷梗係要試下😜有兩塊芝士 酸瓜 茄汁 洋蔥我見好多人係m記個fb page話姐係足三兩但可能因有酸瓜同茄汁我覺得似好食好多既漢堡包囉😂因為有芝士 同牛肉都好味啲😀冇酸瓜個啲位係幾好食既 冇咁俾人呃左既感覺不過下次都係食返芝味蘑菇安格斯😘

今晚途徑這裡原本只是想找位置坐下來休息，看到McCafe出了兩款新產品，一款是磨菇粟米多士，另一款是芝士扭扭粉多士，於是我便用點餐機叫了磨菇粟米多士和一杯細可樂，而且我也用了他們的送餐服務，但是當我拿送餐號碼牌到自己位時，足足等了十多分鐘也沒有，跟著我看到顯示牌顯示出我的號碼，於是我便走到柜面詢問什麼一回事，那時職員才說多士買晒，還推說是經理責任，沒有即時更新，如果是這樣子的話，不如叫Randi Lai取消所有自助點餐機罷。雖然最後他們另外再制作一份出來，味道也不錯，但是他們的服務態度認真不敢㳟維。

🐥芝喳喳芥末雞堡 $31第二次食覺得個芥末醬真係好怪 好似嘔吐物💩脆薯好薯 好可愛😛🐮芝味蘑菇安格斯 $39一打開就覺得細個左勁多 勁mini 但依然好食既不過我最掛住都係泰脆洋蔥安格斯同玉子將軍😩

有陣時真係諗食乜嘢都會諗到好煩惱 今日就係諗無可諗嘅情況底下，咁岩又係電視見到麥當勞賣廣告有個新餐推出，所以就決定食個老麥當晚餐傻蛋孖牛堡我自己覺得就同雙層芝士漢堡差唔多，係個包面有個公仔，睇起上嚟係得意啲，但味道實質上就冇乜大分別，反而我覺得雙層芝士漢堡仲好味啲添呢個新包嘅兩塊漢堡我覺得煎得太乾喇，裏面嘅汁相對唔夠所以食完成個包會覺得有啲口乾。另外我加左＄4要個菠蘿特飲，裏面就係汽水再加啲罐頭雜果，對於我嚟講就太甜，所以我都飲剩半杯而新餐配呢個薯嘜造型幾可愛，大人小朋友都會覺得食得開心嘅。但味道上就冇咩突破，就係變咗公仔形狀嘅薯條，叫做食到另一種口感嘅薯條，都ok嘅。反而個芝味蘑菇安格斯漢堡就令到我覺得有啲驚喜呢個漢堡嘅蘑菇好juicy，而且蘑菇汁亦都好惹味，提升晒成個漢堡嘅味道。漢堡入面嘅菜都算新鮮，食落肚個人都會覺得fresh d，以麥當勞嘅包來講，呢個係合格之上，算好味道喺拉上補下嘅情況底下，呢一餐屬於OK啦👌🏻

🐮泰式洋蔥安格斯🐮$39.8佢有兩個醬 濃香肉汁醬 忌廉芝士醬我叫左多芝士醬 兩個醬加埋好正正子😝配埋炸得好香口既洋蔥同勁厚既牛肉仲有煎蛋/蒸蛋 真係好夾好好食😍好食過我之前大讚既芝味蘑菇安格斯好滿意呢個包呀😚但我覺得個包同"泰式"一啲關係都冇😛