麥當勞 (昌運中心)

Open Now

Now Closed

肚餓到覺得自己可以食三個麥當勞包，真係就黎餓暈……朝早都無食嘢，到下午三點先到麥當勞買嘢食。不過朋友極力阻止我買三個包食，而係建議我先食個巨無霸，唔飽再食多個包。我一買到個包就狼吞虎嚥，完全不顧他人的視線，d生菜同麵包碎跌到周圍都係……朋友嘲笑我係好多日無食過嘢嘅人……我也只是笑笑繼續食……都係填飽個肚最重要！其實食完一個包都夠飽噶啦，不過我唸係巨無霸先夠飽，其他包太細個啦。食完包又叫咗份麥樂雞同朋友share食。

一家年青活力十足的麥當勞🍔薯條🍟香脆 麵包鬆軟雪糕🍦軟滑真係整得唔錯員工態度尚算友善環境黎講分左兩層都算係咁除左有些少唔夠光明有些少殘舊我整體上都好滿意架啦

🥇麥當勞朱古力脆皮大窩夫筒+(海鹽扭紋) 真係好好好食呀！ ..😍海鹽味嘅雲呢拿雪糕，小小嘅鹽味調出雲呢拿嘅香,奶味更突出，配合外層嘅朱古力脆脆，濃郁嘅朱古力入口即溶，唔好以為個窩夫冇乜味，但其實就咁食都好有朱古力味又唔會太甜，重點係脆，唔會淋。.好味指數：😍😍😍😍😍😍😍😍😍9/10（應該唔係個個都覺得好食）人均消費：$13地址：個別麥當勞甜品站有售 . .#放心小編只是淺嚐，🐸食哂

作為m記fans, 菠蘿蝦堡終於回歸，我緊係要捧下場。而成個系列我最鍾意係菠蘿蝦堡。首先，個麵包好鬆軟，炸蝦餅好香，都算幾脆，同埋都好彈牙下。我外賣返到屋企仲係熱ge。不過我個人認為菠蘿蝦堡ge重點唔係蝦堡，而係塊菠蘿片！！！雖然係罐頭菠蘿，但真係畫龍點睛，酸酸甜甜！！中和左油膩感，成件事真係好正好清爽！好啱夏天食。如果菠蘿係新鮮菠蘿都一定好正（ff mode:，如果係新鮮菠蘿肯定會瘋狂加價 。）哈哈，個樣同廣告差好遠，好似俾人坐扁左咁，不過不嬲都唔信張相。隻味好食就ok。值得推薦PPs 個醬都唔錯，上網查左，原來係蛋黃醬。提外話，我都幾唔鐘意呢d包用個紙盒再放住，好浪費好唔環保。

炒雙蛋脆豬堡內的蛋炒得比較熟，較為不好吃，但脆豬夠熱夠新鮮，所以能夠補救蛋的不好吃。另外薯餅有點不太新鮮，應該是放耐了，所以扣了不少分！汽水方面，我轉了凍檸茶，但檸檬味卻不足，浪費了升級的幾蚊！

這間麥當勞勝在夠大間，24小時營業，麥當勞推出的產品都可以在這裡買到，在新界比較少麥當勞有齊Mc Cafe 同 雪糕部，又不用走樓梯上上落落，小朋友同老人家甚或青少年買食物或坐坐溫習或涼冷氣過日辰都挺不錯。內有Mc Cafe轉角位有雪糕部內部很大的，不過沒有拍照，避免影響食客。亦避免食客以為我是奧客。😆⬆️有正門，側門兩個入口，兩個入口都設置自動售賣機。正門入口售賣機背後便是取餐處⬆️這裡最吸引我就是窗前一排獨立位置，自己一個人看著街景，聽音樂（耳機）品嚐著我的熱咖啡。一小時的午飯時間也夠享受。今日用支付寶付款更減$7（使用印花），蘋果批算是賺了。咖啡店一杯黑咖啡要$30+，還是麥當勞划算。響應環保♻️自備飲管。最喜歡這排位置還有原因，可以叉電。忘記帶USB還有airchange，方便。麥當勞🍔遊食記到尾聲了。食物沒甚麼好點評，都是這樣。如果熱咖啡☕️可以更熱就好了。涼了咖啡不夠好飲。

之前試左第一彈「Taste of Japan」ge南蠻炸雞漢堡同味噌吉列豬扒漢堡，今次當然要試埋「金澤風味黑咖哩吉列豬扒漢堡」！（個名好長）我去日本餐廳一定會叫咖哩豬扒飯，但對於呢個包又真係唔係特別好期待，但作為m記fans，點都一定要試下。食左一啖之後ge感覺就係：我食緊日式咖哩豬扒飯。豬扒都算大塊，炸得到好味，就係豬扒飯的上面塊豬扒。見到介紹，個醬係秘製金澤風味黑咖哩醬，我見識淺薄，唔知係咪真係金澤風味，但可以肯定係日式果種咖哩味，即係尋求刺激同辛辣ge朋友就唔洗試。另一邊個醬係白芝士、加上檸檬白汁醬，我覺得就似好淡味ge沙律醬。總之食完就都係果句，我食緊日式咖哩豬扒飯。個包都叫個合乎我想像，唔可以話難食，但我唔會想係m記食呢隻味。比我揀我唔會再試，我比較喜歡食南蠻炸雞。如果大家冇時間坐定定食日式咖哩豬扒飯，又好想食果隻味，呢個包一定可以滿足到你哈哈！！同場加映，我最愛ge香脆雞翼，不過d店員成日都唔記得俾個醬，大家外賣要睇清楚。冇左個醬真係會扣曬分。

呢間是一間比較舊式的麥當勞，那裏衛生情況不太好，員工態度有點差。叫他們都不應，已經不是很忙很多人的情況。不過食物水準都保持到的，唯獨是沒有自動點餐機，多人的時候要排隊

下午茶時間口痕想食啲小食，見麥記冇咩人排隊諗住去買雞翼食。買左4隻雞翼加杯紅豆杯。一啲都唔傷荷包。雖然冇咩人排隊但好多阿叔阿嬸坐喺度睇報紙，所以冇位坐唯有叫外賣。。值得一讚嘅係麥記雞翼永遠都keep到個水準，炸粉唔厚，size大隻，肉質嫩滑多汁。味道方面又唔太死咸咁，一食就食得出喺麥記嘅。美中不足嘅喺已經再無全中翼，好sad。杯紅豆冰就可一不可再，，紅豆少，唔好以為多奶就重奶味，係冇架！只係奶白嘅嘅水。。真係唔知飲緊咩。。

特登由新蒲崗揸車到大埔，經過呢間老麥叫咗個二號餐，原來以為間間老麥都平平無奇、間間一樣，但點知好有驚喜！薯條雖然個樣好似好淋咁，點知食落香脆，外脆內軟！唔係九龍果啲炸咗係度放好耐！雞翼仲好多汁，皮脆肉嫩值得推介！！

呢一個地方附近得返一間麥當勞，仲要開廿四小時，方便左好多人，亦都每晚唔同時間都好多人坐喺度，其實最頂唔順就係啲 sell 保險嘅, 坐成晚唔幫襯仲要阻住晒啲位。坐佢隔離食嘢又要聽埋佢講保險，真係好煩厭。所以點解咁多香港人都要塞住隻耳仔聽歌啊！就係唔想聽到啲梵音令到個人心情煩躁。見到開心樂園套餐好得意，但係我係鍾意Melody所以今次忍到手冇買垃圾返屋企。我鍾意食麥當勞嘅炸雞翼，所以就咁散買咗四隻雞翼同埋一個細薯條。因為冇太多時間研究點樣叫先最抵食可能散叫買貴左都唔出奇。炸雞野好可惜唔夠熱，食落唔夠脆，太多油啦搞到淋左 。幾蚊一包細薯條，唔熱仲要少得幾可憐。

恐龍蛋糕層層疊係McCafé 一款新嘅千層蛋糕，今次就去左McCafé 飲杯cappuccino 同食件千層蛋糕。cappuccino 沖得都幾好飲。不過件千層蛋糕就一般般，因為美祿味唔夠重，普通得制。下次都係食番雞肉碎蛋滋味多士好d。

自從返咗工之後，每日都好需要飲一杯咖啡屋企樓下最順路呢就係去麥當勞買咖啡啦🤤🤤🤤🤤買完之後就行去巴士站搭車，簡直係完美嘅安排呀！！！！😆重點係麥當勞會有買四送一嘅優惠我計過架啦，買一杯廿幾三十蚊嘅latte又係一個印花，買一杯十四蚊嘅cappuccino又係一個印花，所以而家為咗慳錢，比自己飲四杯嘅cappuccino先加兩三蚊換一杯latte😂😂😂😂同埋其實m記咖啡嘅味道真係好😂😂😂

呢間上餐速度係快啲，係直得一讚😒講返啲食物先，早排有個茄湯通粉，啲通粉得個幾粒，仲要唔熱，就係得個湯係正常，因為係罐頭湯😓我想講嘅係杯飲品度，個員工嘅答覆更加離晒普。只要你叫凍飲/汽水，不論正常/少冰/走冰，總會有個後生仔黑T制服嘅員工同你講：「唔可以走冰架。」。。。下？汽水走冰都唔得，我次次叫少冰都係無走過，我先叫走冰。你而家又唔比人走冰，少冰又無少過。咁你想點呀。😓😓😓😓😓😓😓😓😓食餐麥當勞都要寫食評間野真係好有問題。

早前經過麥當勞甜品屋，見到佢哋嘅士多啤梨味新地筒🍦由於我都係一位士多啤梨控，見到佢嘅圖片，即刻激發左我想試佢嘅慾望🧐我見到佢最抵應該就係＄5士多啤梨味新地筒。既然係嚟試佢嘅士多啤梨雪糕，當然係要成個士多啤梨味道嘅雪糕啦！事關佢仲可以選擇扭紋雪糕的！佢外表似平日嘅新地筒，變咗粉紅色😂連下面攞住個包裝紙都變咗士多啤梨公仔😁質地依然好滑，味道甜甜地，雖然士多啤梨味唔係太過自然，不過又唔係完全藥水味。🤔有啲似軟雪糕版雀巢三色雪糕嘅士多啤梨味雖然味道方面有少少失望，不過佢個雪糕脆筒就真係幾脆，都加返唔少分數！😉