麥當勞

Open Now

Now Closed

食完個貴夾唔飽嘅鍋物（上一篇），又唔想食第二餐，又唔想再洗錢！對面就係麥當勞雪糕站！見轉左呂宋芒味雪糕🍦！去吧！😊😊叫左個呂宋芒雙重芒果新地都只係$5，非常便宜，雙重新地意思係雪糕都是呂宋芒嘅味去製造，另再加上呂宋芒味糖漿上去會有雙倍口感！外表黎睇黃色雪糕其實都幾靚，本來懷着飯後食甜品嘅心情去試，嘆～～～～～～😞😞雪糕🍦係冇問題仲要幾好味，有呂宋芒獨有嘅香味同甜味，但衰在個雪糕糖漿係有芒果味但同時有陣怪怪嘅味道，另到成個雪糕🍦味好假！建議唔落仲好味！

試咗新出的曲奇忌廉批，本身抱著好大期望，不過食落無想像中的oreo味，亦都無oreo曲奇的硬身口感，亦都無乜餠碎係忌廉入面。個皮幾脆口，入面就類似淡淡雲呢拿味的忌廉(比oreo夾心嗰款味更淡)，無想像中咁甜，其實唔係難食，但就除咗個脆皮顔色像oreo，根本無乜oreo味。應該要改名做忌廉批算🙈

放完假聽日又放假，依啲日子個魂都唔係到。一眾打工仔為咗安慰自己，通常都會升級早餐，身為香港堂食早餐已算最平嘅餐廳，用佢個APP買仲多杯橙汁，所以今朝真係唔少人架！炒雙蛋脆雞堡，以為係脆辣雞腿唔辣版，差少少，肉質無梗滑，只有鹽同胡椒粉調味，同啲醬真係唔格，但依個早餐系統嘅包同蛋都特別好食。所以聽日應該都會買，但買返牛，雞就留返十一點後。

之前出咗一個月嘅特價雞包令我對佢改觀，今個月停咗即時無再幫襯，但原來除咗上半月出返隻加蛋嘅特價雞包外，下半月再有菠蘿脆辣雞腿包。脆辣雞腿包唔係新野，已唔記得幾耐之前，而多一塊肉係最近興趣，但之前經驗話俾我知比例係會失衡，加上多塊肉真係貴幾多，係未清楚質素前當然選一定得嘅菠蘿加雞組合。首先今次佢自家App買餐有優惠，同之前唔同唔洗一定加大，大大啖，其實三選都有張減五蚊，之前都只係減三蚊！雖然脆辣雞腿包無份，但減完當免費加塊菠蘿都好。慣性地一打開生菜碎飛哂出嚟，今次本身就唔多；正價包塊包明顯比較大，但內容明顯跟唔上，初時仲以為漏咗俾菠蘿，而雞望落都可以；處理又硬又凍嘅薯條，放咗一陣先食，包無濕，亦唔油，雞仲有少少囗感，微辣，唔係合成肉，肉質可以，生菜、菠蘿同醬都唔覺存在，但相信係去油感方面已發揮了作用，成個包唔會膩，真係飽，連二蚊新地筒都食唔落。

McCafé 芝士奶蓋系列🥤今日化身成為Calwan送™ 同Melissa.L™合作一齊速遞一套六款嘅芝士奶蓋系列去Office同各位同事開心Share🤤🤤大家都好驚訝🙀 點解會有齊六款芝士奶蓋飲品🙈不過見到佢地都非常開心🥳 即使唔係個個都鍾意飲😆-一杯芝士奶蓋飲品嘅精萃在於芝士奶蓋🧀雖然海報寫住奶蓋用咗兩種唔同嘅芝士但係芝士味唔係太突出 只有淡淡嘅芝士香😢奶味就比較濃 但係我覺得有奶羶味 不過都接受到~ 整體黎講奶蓋嘅口感唔係太細滑但係鹹度適中 唔會話好鹹不過如果芝士味再濃少少就會比較好😻•°°°·.°·..·°¯°·._.· 芝士奶蓋系列·._.·°¯°·.·° .·°°°➀ 芝士奶蓋岩鹽焦糖咖啡 (L $36.5/ D$39.5)➁ 芝士奶蓋抹茶 (L $36.5/ D$39.5)➂ 芝士奶蓋芒芒 (L $36.5/ D$39.5)➃ 芝士奶蓋莓莓 (L $36.5/ D$39.5)➄ 芝士奶蓋四季春 (L $25/ D$28)➅ 芝士奶蓋黑咖啡 (L $25/ D$28)•除咗➂芒芒之外 其他我都試過😋我覺得➀ 岩鹽焦糖咖啡 同埋 ➃ 莓莓 都比較好飲特別係莓莓 莓莓同奶蓋都幾

Mc Cafe芝士奶蓋系列有新野出，又有得免費試飲，但今次優惠期好短得兩日，做到今日你又挑戰咗未？今次有安排專線，有個職員不停製作，一次造幾杯唔洗等幾耐。有三款新口味，試咗芝士奶蓋菠蘿同芝士奶蓋葡萄，果汁果然比好多茶都適合芝士奶蓋，雖然果汁做成半沙冰，但天氣熱好快就融，好係融咗都唔會稀釋果汁，底下仲有果肉，分別原粒提子同菠蘿粒，但都大過飲筒吸唔到嚟食。菠蘿係完全熟成甜度，配芝士奶蓋都唔會搶味；葡萄味道好淡，芝士奶蓋同佢味道亦唔格，但都可能係個別情況，始終比例差太遠。

芝士麥香雞以期間限定加入十一蚊大軍，當你以為只係芝蛋脆雞飽？隻蛋變成菜時，食完有驚喜！芝蛋脆雞飽係用之前推廣嘅脆雞扒，皮厚而硬，肉身薄，被指做推廣時賣唔出，所以先全日都有特價款出貨，宜家配上唔太受歡迎嘅倒模蛋加蛋白醬，本身就唔吸引，仲要貴一蚊；而芝士麥香雞就有返麥香雞包塊雞扒，即係麥樂雞薄身版，更脆口，配芝士已吸引，仲要唔係蛋白醬，用帶忌廉味，似係麥樂雞出過嘅限定醬，酸度只算調味，甜甜感覺，同生菜食好無飽足感，仲想食多個！依款可以話係麥香雞包既改良版！不過味道開胃，只求飽肚一個就有啲難度。

大河道呢間麥當勞🍔前排先大改裝修完，連門面嘅大招牌都轉埋，變左間全新麥當勞！佢全新嘅裝修讓整個空間感大左好多，座位多左好多，好適合一堆朋友坐埋一齊，坐得好舒服，唔會好似以前咁有壓迫感。身為荃灣友嘅我當然係麥當勞嘅常客喇😬每次都要叫一個脆辣雞翼餐，加個魚柳包，近排見到有個新出嘅蒜香雞翼，都嗌左4隻嚟試下，今次就豪食一次麥當勞喇🤩脆辣雞翼幾時食都係咁好食，一定要點甜酸醬！但好可惜宜家甜酸醬無得拎多幾包，每次拎都要加$1🤢反而我覺得個蒜香雞翼麻麻地，都係脆辣雞翼好食啲！魚柳包呢排就失左水準，好少醬令到成個包食落好乾。不過宵夜係呢到食個麥當勞真係好正！最緊要係環境坐得好舒服🤪

夏天又係食雪糕嘅時間，飯後整番杯啱啱好！.麥當勞甜品站推出左全新期間限定呂宋芒果新地筒 ，仲有得加香蕉味脆皮或者朱古力味脆皮😍.價錢問題，係m記當然食唔到真正新鮮芒果整嘅雪糕啦，呢個芒果新地筒嘅味道有啲似雀巢雪糕杯個隻芒果味，我覺得都算收貨😂.我兩隻味嘅脆皮都有試到，比較鍾意食香蕉味，因為加埋芒果味雪糕，味道好似以前成日食嘅鳳仙雪條，食嘅時候勾起左兒時記憶，十分懷念☺️而朱古力味脆皮本身太濃味，夾芒果味雪糕有啲搶focus，所以一般般。.大家行過有甜品站嘅麥記可以試下，特登去食就唔洗啦🤣

每次推出都一定有新醬，照舊買18件麥樂雞就可以一次過試哂。蜜糖芥末醬，之前就有，但今次更接近沙津醬，仲以為食梗另一種；鹹蛋黃醬，鹹蛋黃味明顯，唔會鹹，相信鹹蛋黃迷會喜歡；南乳燒雞味醬，味道好重，少少辣，兩種味都食唔到，更似燒烤醬；香草檸檬醬，同蜜糖芥末醬感覺好相似，味道更清新，又不至於感覺到檸檬嘅存在，但值得推薦。當然仲要加大嚟Shake Shake薯條，新口味鐵板黑椒汁味遲啲先有，雖然美式BBQ蜜糖都唔錯，但和風紫菜先係王道！

凌晨時間喺party room 玩緊肚餓喎點好，梗係揾 24小時密密送啦。以前嘅年代仲可以打電話落order。時而世易，而家得電話app同上網。話說我用電話app落order。除咗因唔太識嗌，唔知落得抵唔抵外，都無其他問題。仲可以用支付寶俾錢。儲下分。App仲好好，顯示俾你睇裝作中。下一步係送餐中。就係過咗十五分鐘左右，顯示下一步係送餐中果下就hand咗機。之後入返app已經無咗呢個即時流程。得返再次訂餐同收藏訂餐呢兩個選項。好驚會唔會收咗錢但張單取消咗。-打去hotline係一直無人聽-打去呢間分店打算問下情況。佢話分店無密密送叫我打去問？！無錯，好奇怪。點知當下又真俾佢耍走咗。(其實荃灣有兩間24，都唔肯定係邊間出餐）-最後喺我忐忑咗80分鐘左右，終於到啦。原來張單係run緊。至於食物:脆辣雞腿飽，包皮有少許位置硬同乾。擺太耐。麥樂雞，一外賣都會淋淋地。脆香雞翼，食得下人，分別最細。所以萬一又要嗌密密送先，翠香雞翼會係你嘅好朋友。應該係除非你唔好彩有凍咗😂

麥當勞又出返馬來西亞d24榴蓮麥旋風啦！出既第一日我就黎左試$25一杯 加左$15要多一球榴蓮蓉 榴蓮蓉我個人覺得真係偏甜 唔知係咪我食唔慣d24定點 我就覺得金枕頭好食d啦不過榴蓮味真係好濃 幾乎都食唔到本身既雪糕味我建議大家都係2個人share咁食 1人1杯的話 就真係太漏了

大河道的麥當勞已經開業了很久，最近 新裝修好， 餐廳內變得更時尚漂亮，分明得多了。 麥當勞內有2 層樓高，年輕的我買完午餐，當然要上一層， 空間更大 也好欣賞荃灣的風景。是日買了25元的 雙層芝士孖堡餐，包內的豬柳鹽份非常高， 好鹹呀幸好有可樂，配上 冰凍的可樂，心情 愉快的又一餐。

🍤 蝦 堡 終 於 返 嚟 啦！！！麥當勞可以令我9衝嘅其中之一就係蝦堡啦，今次仲要出埋Double蝦堡，享受雙重滋味💗。每一啖都食到啖啖蝦肉，蝦肉嫩滑爽口，好好味呀😍😍 依家用麥當勞APP，各款蝦堡套餐仲可以減HKD$3👍👍

睇廣告見到麥當勞出芝士奶蓋，心思思今日食完lunch就去試下。佢有好多隻味揀，有茶味、水果味、咖啡味，我就試左芝士四季春味。奶蓋好厚身，第一眼睇落去都好唔錯。職員話就咁飲唔洗用吸管，點知第一啖飲落去，成口芝士即刻要去拎杯水黎飲。最後頂唔順要拎支飲管搞暈佢飲，慢慢飲到啲茶味。茶味係幾香，但因為第一啖感覺唔太好，破壞左成杯野。下次如果再飲一定要自備吸管或者拎木棒搞搞佢先飲，咁就唔洗飲到成口芝士啦。下次再試下其他味！！