麥當勞

Open Now

Now Closed

我都幾鍾意依一間麥當勞，因為佢哋嘅效率都好快啊，每次我上網落定訂單，15分鐘就有啦，同埋佢嘅嘢食都好新鮮，熱辣辣同埋麥當勞依幾個月新出嘅薯蓉係我最鍾意食，十分之推介

今日下午去完地鐵站交收覺得有少少肚餓，但又就尼食晚飯，吾想食太飽，同埋d超值套餐加曬價變到貴左好多，所以我叫左個麥樂雞開心樂園餐，仲有隻minions玩具送，不過依家得番1款玩具，另1款玩具已經換曬🤔不過吾知係咪交更時間，出左食物無人整飲品放左係到一段時間，d薯條淋左🥲，依家麥樂雞開心樂園餐吾係用盒仔，變左用紙袋裝，好似無以前咁好睇🤔不過最後食曬成個開心樂園餐好飽，到左晚飯時間當然食吾落飯啦🤣

已經大半年無食這麥記， 無咩特別野吸引知最新有個新野麥炸雞， 主打外脆皮內仍然keep住多汁， 肉滑 。咁吸引，見今日又想食炸雞🍗就外賣試下一試外皮酥脆， 但沒有想像中多汁，肉算滑，唔乾， 但有d失望！我個人覺得脆香雞翼比較好食，味道雞翼比較好食 早知食返脆香雞翼香脆不膩，麥炸雞不再有下次

今日試下麥當勞新出芝喳喳芥末雞堡套餐，套餐送6件裝脆薯嘜。先黎講下芝喳喳芥末雞堡，雞堡賣相都可以，材料有芝士、煙肉、生菜、雞肉，雞肉外層炸過，雞肉都幾嫩滑；煙肉香脆，不過咸左d，加埋芝士，加埋芥末醬，味道有d重，好彩有生菜中和番，整體來講味道有d過咸，但可以接受。6件裝脆薯嘜，造型幾得意，口感味道似厚身嘅薯條，都係點茄汁食最好。似倒臥血泊中嘅minion😂$29套餐有雞堡，有脆薯嘜，有汽水，算係咁。

自從麥當勞宣佈三個包要下架之後, Facebook被洗版幾日.  之後立即推出三款新既My Signature Collection系列, 不禁令人有所期待. 星期六中午收工就決定去買黎試試, 話就話有得你自由配搭, 不過我見D人都係指住廣告果三個黎叫. 揀都冇揀過. 係唔係因為宣傳不足呢?不過我自己都係叫左個芝味蘑菇安格斯, 因為覺得佢既配搭幾好, 我又樣樣岩食. 一打開, 個外皮面包真係好令. 有光澤又飽滿.  好過之前果D巢皮包. 不過D生菜反而好老, 又巢又黑. 唔多新鮮. 牛肉同食足三兩感覺差唔多. 不過個蘑菇汁有少少怪, 唔多MATCH個包. 苦苦地. 我仲幻想佢會係肯X基果隻蘑菇汁添. 整體黎講都係足三兩好食D.

有些朋友不知何故是對M記有偏見, 但我不會啦, 只要是新出品我就會想第一時間試食~這個是少有的一試愛上, 可惜跟它很短暫, 只推出一陣子便失蹤了~這紀念文, 是我真很懷念『手撕烤豬堡』~~~M記有時即使說新出品, 卻沒什麼新感覺, 總是舊酒新瓶~而這『手撕烤豬堡』卻讓我感到耳目一新。burger 原本怎變就是一片漢堡扒或是雞...... 它卻是融合了中國人的"手撕",手撕使醬汁非常好地充滿了在肉絲之間, 很融和, 不過咸也不油膩~ 是很開胃的味道~少少焦脆的包, 內裡是滿滿軟軟的肉絲, 比平常以漢堡扒做餡來得好味很多~是surprise之作 ! !

每年都熱切期待將軍返來麥當勞，終於成功等到將軍玉子漢堡返來，我覺得味道無咩改變，不太特別但依然好食。 個炸薯角我就覺得麻麻，可能我唔鍾意食炸野。 個龍蝦湯又真係幾香濃幾滑，不過飲完有少少口渴。

今次m記既新品好有驚喜，熱帶牛油果雞堡，有我最愛既牛油果😍而且估唔到比得幾慷慨，都舖滿晒成個包，炸雞塊都係一如以往比較乾，加埋芝士同沙津醬會好d，而且重點係creamy既牛油果加麵包係好正，滿足！😛

聖誕節又過去了，聽日又要返工，所以今日就喺屋企好好休息。晏晝有D餓，所以就去到黄大仙竹園嘅麥當奴買左份開心樂園餐，當中有漢堡包，啖啖牛肉香，煎得啱啱夠火候，配以青瓜甜醬，確實美味;仲有細薯條，炸得好脆，香口薯味，配埋细可樂有時候唔一定要價格貴是叫好食，簡簡單單一個餐，亦都好有水準，值得推介

嚟咗黃大仙呢邊搵個朋友， 同過朋友食完個飯之後，唔知係咪啲嘢太多味精覺得好口渴，所以入咗麥當勞叫杯嘢飲坐低吹下水。朋友有張買一送一嘅卡，原來張卡都幾抵。1杯嘢飲嘅價錢有2杯野飲。我同佢都叫咗一杯新地樂，原來麥當勞嘅新地樂係可以揀唔同嘅汽水，例如可樂、芬達、雪碧等等。 我就叫左可樂，朋友叫左芬達。呢一杯嘅嘢飲充滿着童年味， 記得以前小朋友嘅時候好鍾意飲，因為一杯野滿足晒兩個願望，可以飲汽水又有得食雪糕。 杯新地樂好夠凍，雖然而家天氣轉涼，但今日我都覺得好熱飲一啖之後立即拎成個人凍晒， 汽水上面嘅雪糕都唔少，雲呢拿味嘅雪糕都係我最喜愛嘅味道之一。 麥當勞嘅雪糕吾係話好甜，雪糕加可樂真係一個好好嘅配搭。

24 hours Mcdonald一個好大雨的早上！好想飲一杯熱朱古力！係一杯有奶泡既熱朱古力先岩！最愛就係配上面層厚厚的牛奶和奶泡﹐面層奶泡連底層朱古力一起飲!!!為了方便走進了Mc Cafe! 在點餐的櫃檯站着一個完全黑面的服務員！除了熱朱古力，我還點了一個芝士煙肉牛角飽十點餐連取餐足足要15分鐘才完成.【熱朱古力】熱朱古力面層上，只有一層薄薄的奶泡！而且奶泡不夠綿並不夠密奶泡！口感真的不太好！感覺只是在朱古力直接加上奶，並沒發輝奶泡的功勞，令到這杯熱朱古力又香又滑。撇開奶泡後，朱古力甜度適中！這點還好！【芝士煙肉牛角飽】有濃郁芝士煙肉，芝士是半溶的！而本人本身比較喜歡半溶的芝士，芝士滲透於整全牛角飽上！但牛角飽可能焗過耐，完全吾脆！！鬆脆的牛角飽才是牛角飽！呢個飽就好似一套戲無左主角咁！一份不能夠滿足自己的早餐！質數上不達標！

近期熱賣之玉子將軍漢堡，在一隻手數晒既次數中，好歹也要捧捧場。雖然依家麥當勞的漢堡飽是即叫即弄熱，但是拿在手上，依然不夠熱，牛肉好多汁，比普通漢堡無疑好味得多，反而件蛋比想像中夠熱，值得加分，加上生菜夾埋一齊，有少許fresh感覺，都算可以。除單點外，還點了磨菇忌廉湯，味道可以而且湯夠濃，磨菇都夠多，比預期中好，不錯。

為左換mac tonight呢個公仔, 我已經跑均 (其實係打電話去問) 了不知幾多間老麥, 但無奈無一間有, 但好在呢間仲有貨~ 9pm, 你話喇, 買乜野可以有$18丫... 咪就係雪榚囉~ 呢到既阿姨好好人, 因為我太急太趕, 個腦唔識計數, 所以不停問佢夠唔夠錢到$18, 佢又好好心又好脾氣咁幫我計喎~ 哈~ 搞到係我後面等既都發出一聲又一聲既不滿聲音, 真係唔好意思, 想係到讚一讚阿姨~叫杯oreo mcflurry ($8.5), 但一到手, 發現做乜好似細杯左咁鬼多~ 以前係咁細杯架咩?! 同埋個入面好似無乜雪榚咁喎, 有d呃人之嫌~ 老麥, 賺錢都要俾返d貨我先得架~ 不過勝在好味, 同埋d粉撈得好 (但都唔關m記事, 係oreo本身好味之嘛)... well, $8.5真係貴左d囉~另叫個strawberry sundae. 由於個杯係透明, 所以唔可以偷雞, 所以成杯都好滿, 尤其係d sauce, 見到都feel有好多~ 為左夠錢, 仲叫個細薯條 ($5.8), 新鮮炸起, 好香好脆好熱氣, 但加凍冰冰既雪榚好正囉, 因為好爽. 有冰火之感~ 哈~

一向都好鍾意食Shake Shake薯條, 因為覺得加左D味粉會好味好多! 今次就試下個新既味粉 - 四川辣椒!! 我覺得厘個粉一定好食過香烤蜜糖, 因為香烤蜜糖冇咩味, 似冇咁咸版既椒鹽味, 而厘隻四川辣椒夠辣, 而且夠咸, 覺得落左粉既薯條係好味左好多! 值得下次再出Shake Shake薯條時再推出厘隻味~

晚上回到家附近, 又不想食飯, 最後決定去食<麥當奴>, 依家裝修0左, 環境就更加好. 今次我叫0左一個巨無霸餐, 跟住再用八達通0既日日賞積分換0左個蘋果批, 抵抵抵!!! 1. 巨無霸餐($24) ~ 點解d薯條少0左咁多??? 因為我買返屋企0既時候, 一路行一路食, 滋味.而回到家後, 我就一定用茄汁+泰式辣醫配合一齊食, 正. 至於巨無霸呢間就整得唔錯, 因為食過其他舖, 有d 會燶, 有d 會唔新鮮, 所以竹園呢間今次真的整得不錯!!! 而我0既食法會分開兩層0黎食, 然後每層都會"茶"上混醬(茄汁+泰式辣醫)係牛肉面, 更加惹味!!! 蘋果都ok. 整體評價：竹園麥記, 味道好!!!