Meatüp Diner & Carvery (Closed)

午市嚟食，唔洗等位Lunch set 有跟沙律🥗或湯鴨胸沙律配紅酒醋汁🍷沙律菜都算新鮮，有幾款唔同既沙律菜，青瓜，蘋果可惜 醬汁真係有啲伏 比起平時啲紅酒醋酸好多。。 醬汁係沙律既精華嘛。。鴨胸都ok的朋友叫左自家製肉醬意粉🍝份量細到爆😂 好似一碟小食咁跟餐餐湯亦麻麻跟餐沙律係用左芝麻醬，正常好多另外職員態度有啲差，會串食客😢😢 呢度午市除左沙律，其他都無話好平，有加一，不值得再黎！！😢😢😢😢

平日午飯時間，很多人排隊，等了半個鐘才有位。裝修時尚簡約舒服，二至四人座位比較多，亦有六人梳化座位。午餐選擇不算好多，餐湯非常特別，是健康有益的紅菜頭湯，很少地方有供應，顏色搶眼，味道不錯creamy很有口感。餐包不是暖的，味道正常沒什麼特別。意大利飯菠菜汁顏色雖然有點奇怪，但味道口感喜出望外，配搭爽口的菇和蘆筍，自己再加了芝士粉，份量剛好，絕不油膩。鮮蝦蟹肉意粉，蟹肉分量多，蝦爽口彈牙，大隻新鮮，而且煎得很香。扁意粉Al dente，配上小蕃茄，吃了一口再一口。午餐以百多元來說，沒有包飲品確實有點貴。

去開d2 place 又肚餓就求其揀咗一間冇咩人㗎餐廳估唔到真係中哂伏唔怪之得唔使排隊就可以入去.叫咗個午餐 set lunch $108鮮蝦蟹肉扁意粉配檸檬牛油汁是日餐湯南瓜忌廉湯個湯正正常常但係唔算濃味麵包好脆 但都係正正常常個意粉本身都好有期待蝦肉係好爽口好食要讚一讚但係個意粉真係比較硬身食得出佢係一早已經淥好咗一大堆意粉然後放落去再加啲汁就算醬汁唔算好多 所以食落都好淡口蟹肉份量都唔多 正正常常整體感覺都係麻麻地特別係店員嘅服務態度真係一般經常成日收碟 收碗但係其實我地係未食完好似成日想趕人走咁但係舖頭明明無咩顧客🙂🙂感覺上真係唔係太有禮貌😅😅

今日中午去第一次食，兩個人用餐，以為會幾好食。因為見佢賣相都正正常常。叫左兩個set，一個牛柳粒意粉，另一個，海鮮蕃茄意粉。一個跟沙律，一個湯。等左冇耐沙律同湯來左，正常。但大約等左25分鐘左右，先來左一個，海鮮意粉食落好多醬，但冇味的。再食啲餸（蝦、青口、墨魚仔）都係冇味的我食完成份意粉，另一份都仲未來。再催佢先到。然後個牛柳粒意粉先精彩。個意粉可以係熱，但牛柳凍嘅，食剩一半已經唔想食。冇下次。真係好難食消費俾左$250

🐻上次到訪飲到最好味奶茶，今次得知佢地奶茶之前由廠做，而家已經轉左佢地自己沖製奶茶，🐻lunch 再試下，奶茶味都算係keep到好飲 🤪 跟餐仲有湯或沙律，🐻就揀左有趣既紫薯湯 🍠 薯味十足 🤓🐻食後感‼️✨「安格斯牛肉漢堡配墨西哥芝士汁」$128漢堡唔算好大，但勝在個包外脆內軟，而且牛肉唔乾唔鞋，幾juicy啊 🤤 另外🐻更欣賞佢伴碟既薯格，有粒粒芝士放係面啊 😍✨「鮮蝦蟹肉扁意粉配檸檬牛油汁」$108估唔到佢既蟹肉份量唔少，而且幾鮮味，檸檬味唔太覺，反而牛油味幾重，整體係好味既意粉唷 😍

端午節搵食見哩間餐廳有闊落的空位於是入座食late lunch今日想食牛於是叫咗牛柳粒意粉牛柳煮得過熟變左太乾意粉都又乾又硬幾失望可幸西冷牛扒嫩滑得多不過無咩牛味本來叫7成變咗5成但覺得都食到就無所謂啦照食.咖啡落mocha變latte味道普普通通椰菜花湯再稠杰d更好味個脆麵包就唔錯整體食物真係好普通乾牛意粉就真係有浪費咗食好嘢嘅quota加埋落錯order雖則唔係咩大件事全部照飲照食不過就唔會再幫襯了

星期六下午, SHOPPING DAY, SHOPPING前緊係要食咗野先啦~無意發現D2有間餐廳, 主打榖飼西班牙黑毛豬火腿, 就試下啦~午餐有多款選擇, 仲有限時追加$38 30g 榖飼西班牙黑毛豬火腿風乾24month, 都幾抵食~食物賣相質數都唔差, 係細份咗, 女仔食就OK, 男仔應該唔夠飽. 午餐唔包餐茶, 要加錢, 每款唔同價錢, 我地就試咗HOT MOCHA & 有機烏龍茶.HOT MOCHA真的好一般, 有機烏龍茶好飲, 加咗2轉水, 都茶味都仲濃.環境OK, 坐得舒服, 冇乜選擇下都可以一試!

睇戲前入去食飯侍應服務好飲熱茶不斷自動加熱水野食都好好味個甜品簡直超出望外無諗過蘋果配朱古力醬再加上麵包布丁做餅底個味道咁夾個豬手超大件，外皮脆好好食環境安靜舒適

可以用合理價食到西班牙火腿👍🏻Lunch time都想食好啲，今次去咗呢間有好多西班牙火腿嘅餐廳😋今次帶咗個30六個月嘅西班牙火腿，佢會跟埋麵包一齊上，配合埋火腿一齊食。啲西班牙火腿好香，有啲油脂嘅香味😋😋啲鹹味啱啱好，有時啲火腿會好鹹，不過呢個唔會。個湯都好好飲，係濃郁嗰種唔係淡茂茂。主菜嗌燒春雞🍗佢個皮燒香左，多餘嘅油應該係焗嗰陣溜走左，所以食起上嚟只會覺得香而唔係油淋淋隻雞另外配左啲椰菜，一齊食就唔會覺得heavy

今晚跟家人慶祝生日, 所以今日家庭日無帶小朋友去郊外玩, 保留體力陪屋企人。所以晏晝就到位置方便既D2 PLACE lunch, 嗰度都有少量兒童🕹設施比小朋友玩下。首先, 我會推介Meatüp Diner & Carvery比6人家庭/朋友去用餐, 因為佢地既六人枱係拍埋一齊的, 中間用隔板分開, 所以其實係坐埋一齊既。我地嗌左兩份午餐加$15一杯西瓜汁, 一份週末兒童餐同穀飼西班牙黑毛豬火腿/風乾24個月。餐湯 - 南瓜湯, 好飲, 順滑香甜, 真材實料。 脆炸魚柳漢堡配自家製他他醬 - 推介必點, 炸魚柳大塊厚肉,  新鮮香脆, 一D都唔油膩亦完全無腥味, 他他醬味道亦調教得好好, 唔知有冇人好似我咁細個既時候覺得麥當勞魚柳包好難食, 唔係因為塊魚柳而係因為個Tartar醬, 味道太酸, 無論望落同聞落都好似一堆嘔吐物咁。但呢個絕對唔會, 入口幼滑帶微酸, 天然食物既味道。蒜香牛柳粒意大利粉 -  意大利粉煮得不錯, 每一啖都充滿蒜香好入味, 不過估唔到都幾🥵辣下, 只係食得少辣既我, 食左幾啖就放棄左比曬老公, 牛柳粒就麻麻, 煎得太熟, 好韌。穀飼西班牙黑毛豬火腿/風乾24個

食過三四次水準都唔錯，服務態度好好！今次個manager見我哋話之前食過個沙律而家Menu冇咗，都offer去問廚房可唔可以整返，抵讚！食物方面我哋叫咗個48個月風乾火腿，即叫即切，送火腿嘅麵包有香草味冇咁plain。龍蝦湯裏面有粒粒蝦肉用牛油炒過，好味! Caprese salad 就麻麻哋，D mozzarella 有啲騷味....主菜叫咗seabass 魚皮煎到脆脆地，魚肉幾滑，個汁好creamy唔錯！驚唔夠飽再叫咗個poutine, 略嫌gravy少咗啲... overall食物質素唔錯，今次用OpenRice 訂位有八五折,食完仲有$50 D2 coupon送

第二次來這裡Lunch，第一次點了火腿但沒有來，忘記咗‼️今次可以試吓啦⋯⋯朋友話36個月是最好的，他認為啦‼️我沒什麼講究，24個月太短，48個月太長，所以中間就好吧～～講真對我來說是太肥啦～～不太啱我，讓他吃吧‼️番茄🍅長通粉合我心意多點，清清爽爽，酸酸甜甜，煙煙韌韌，有咬口，最怕煮過頭的意大利粉～～～軟殼蟹🦀漢堡🍔好新奇，朋友話好味，我不懂，看樣子炸得不錯，吃了一塊，太油膩啦‼️配薯角，飽飽啦～～Mocha幾好喝呀雖然好像與食物配不上‼️

平日午餐嘅體驗呢間舖頭無限食用時間，兩個人都會比四人枱。坐嘅位置相對鬆動，和隔離枱嘅距離適中。唔會聽到隔離枱講嘢，除非講野好大聲。店員禮貌相當好，有問必答，亦都好樂意為食物作出介紹。Set lunch有跟湯/沙律。我揀左湯，今日係紫薯湯。有紫薯嘅甜甜地，又有少少鹹，加埋都ok. 我叫咗seabass。個魚剪得唔錯，望落去份量好似細細份咁，但係食完我都啱啱好。魚下面嘅薯蓉相當幼細同埋好香牛油同奶味，加分👍🏻白汁都係有忌廉嗰隻，唔係用麵粉開嗰啲白汁，做得唔錯。都好香👍🏻招牌港式奶茶，跟餐可以加$15。茶底好香，唔有苦澀味，奶嘅份量亦都好適中，飲完唔會漿住個口。應該都有300ml. 唯一可以再做好啲，就係可以加埋個小甜品就仲好啦！

有事途經荔枝角，隨意在D2 place挑選一間餐廳試試～～驟眼看名字Meatup 應該是肉食為主，想不到午餐時段也有不少不太多紅肉的選擇🥰🥰❣️是日餐單Linguine with Fresh Crab Meat and Shrimps in Lemon Butter Sauce鮮蝦蟹肉扁意粉配檸檬牛油汁上菜時擺盤及餐具都好精緻，未食已給60分👍🏻蝦數量不少，有額外煎香和調味🦐蟹肉是現成蟹肉，較普通。扁意粉彈牙，不會太生，檸檬牛油汁香濃，檸檬🍋有幫助減去油膩。整碟從意粉🍝及醬汁也配合得很好，檸檬牛油汁也很適合配海鮮🦐🦀MeatUp Signature Milk Tea港式奶茶坦白說上飲品時有些失望，沒想過是預先包裝的樽裝奶茶。加上我沒看清楚是港式奶茶，因此跟我預想中有些分別🙃🙃味道就是正常的凍奶茶味道😂😂

係前陣子疫情還未咁嚴重既時侯同朋友三個人試左呢間係D2 place 二期既西餐🙆🏻‍♀️我地叫左兩碟意粉同一碟主菜✨蒜香白酒蜆肉意大利粉蒜味都算幾重意粉煮既時間剛剛好蜆肉份量都唔少，幾抵食👍🏻✨番茄汁海鮮闊條麵闊條麵配上濃濃既番茄醬，又唔算太鹹包括既海鮮都係平時餐廳想有既青口，魷魚同蝦反而係配料有d 略嫌調味不足，亦都唔夠鮮味✨蜜糖燒脆皮豬手配薯蓉及蜜糖芥末汁豬手都烤得幾香脆，唔算乾身調味過既豬手帶點鹹味，加上蜜糖芥末醬令味道層次豐富左👍🏻薯蓉放左係豬手底下，有豬手汁既味道，食落更香口整體食物質素正正常常，餐廳空間都足夠，係約埋朋友食下飯傾下計既好地方👍🏻