Meatüp Diner & Carvery (Closed)

隨意搵到呢間位於D2 Place嘅西餐廳，環境十分舒適和乾淨，員工非常細心和有禮貌。最後叫左一客蒜香鮮蝦藍青口辣番茄汁意大利粉同埋蒜香牛柳粒意大利粉，附送餐湯或沙律，我們則選擇了餐湯配麵包，是日餐湯為番茄湯，湯帶有濃濃的茄香，略嫌有點酸，但配上脆麵包則十分夾。最欣賞的是兩客意粉，蒜片均有炒香過，味道帶有濃郁嘅蒜味，好入味，海鮮和牛柳粒亦不俗，肉質鮮美，份量充足。飲品選擇了他們枝裝的Signature奶茶，也好好飲！

食物有水準，羊西冷煎得剛剛好又唔膻，紐西蘭西冷牛扒煎得香口，配粟米炒飯，蟹肉蝦意粉，蝦好大隻，味道合適。烏龍熱茶，茶杯也是熱的，十分細心周到。餐廳環境闊落舒適，侍應服務細心。

嬲到爆，等成9個字都未有外賣。明明只有我一人在等！作為打工仔要lunch時間有限，已點佢指定外賣單點意粉。等到火到黎，等左半個鐘仲叫我入去坐，好似怕畀人見到佢門口有人企左係到咁耐！本來有新野好期侍，會叫d同事唔洗食呢間！

位於荔枝角的Meatüp​，是一間主打西班牙伊比利亞火腿的餐廳。三隻大肥腿放在餐廳的正中央，店員均穿上豬仔圖案的服裝，品牌主打的菜式顯然易見。同區沒有同類型的餐廳，所以吸引不少客人進店光顧哦! 餐廳已開業一段時間，但在今年年中轉新形象，改變裝潢，環境更舒適，氣氛更有格調。加上請來新主廚設計菜式，為大家帶來全新的味覺和視覺享受唷。 餐廳除了售賣風乾火腿，也有其他菜式供應，餐湯、沙律、主菜、意粉等均備。火腿價格相宜，款式多元化呀。 穀飼西班牙黑毛豬火腿 $38/20g 橡果西班牙黑毛豬火腿 $78/20g 100%純種橡果西班牙黑毛豬火腿 $98/20g 三種火腿分別為風乾24、36、48個月(右至左)，按次序進食，油脂豐裕，甘香油潤，配一杯紅酒就最適合不過了。 香煎美國IBP安格斯肉眼扒 $308/10oz 完美煎煮的美國IBP安格斯肉眼扒，傳來香濃又惹味的肉香。肉眼扒足足十安士重，厚重又大片，肉香鮮嫩，肉汁豐富，很不錯哦! 墨西哥雞肉芝士薄脆 $78 用兩片墨西哥薄餅夾著雞肉、芝士和蔬菜等餡料，口感豐富，加上自家製的三色椒醬汁後，辣度提升，增添不少色彩。 卡邦尼意大利粉 $168 賣相

位於𝔻𝟚 𝕡𝕝𝕒𝕔𝕖 𝕋𝕨𝕠入面既高質西餐💕🍝佢地既𝕀𝕓𝕖𝕣𝕚𝕔𝕠 𝕙𝕒𝕞係即場手切😆staff都非常友善會同你介紹每道菜式☺️水準一流🙋🏻‍♀️過黎慶祝一下都係個唔錯嘅選擇😗⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔸西班牙黑毛豬火腿風乾24/36/48個月🔸西班牙腸/莎樂美腸我地就試左24/36/48個月既ham🐖staff教左我地由左面開始食，月份愈高油味就配上白酒真係好夾啊🤩🔸海鮮沙津配酸甜芝麻醬 ($158)🔸法式龍蝦湯($88)頭盤嗌左一個沙津🥗同湯🫕海鮮有蝦、帶子等新鮮又鮮甜☺️配埋秘製既酸甜芝麻醬好fresh🥳法式龍蝦湯入面有龍蝦肉🦞香滑又濃稠飲得出真材實料🤤🔸香烤黃油法國香雞($188)🔸烤澳洲羊鞍配薄荷燒汁($248)黃油香雞份量好大，完全夠2個人食🥰雞肉非常juicy唔會鞋口，而羊鞍肉質嫩滑🤩完全食唔出羊酥味🙈⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔸評分: 8.2/10💰人均消費: $200-$400

*呢間餐廳係之前食嘅,疫情嚴重就盡量留係屋企或者買外賣啦🙆🏻‍♀️*前排係OpenRice見到D2 place 2開咗新餐廳 仲好似有parma ham 食🤩就去咗試啦Lunch set 價錢合理 選擇都好多 OpenRice 訂座仲未85折Tim!! 🙆🏻‍♀️🌟香煎春雞配粟米蛋炒飯 $118 諗起大學canteen ge 燒春雞😂當然呢個好食啲 肉質保持到嫩滑唔乾 不過雞嘅鮮味一般 要靠醬汁帶起個味～ 粟米蛋炒飯都幾好食 米飯粒粒分明☺️🌟昆布蘭腸意大利粉配蕃茄汁 $88相對於個雞 我中意呢個意粉多啲! 個腸同蕃茄汁好match 而意粉都好彈牙🤩！面頭仲有啲芝士碎😆😆芝士微溶再撈埋意粉真係食唔停口🥰而Lunch set 會包埋沙律或者是日餐湯但係絕對唔hea 南瓜湯係有南瓜溶! 沙律份量都好多! 值得一讚! 🌟穀飼西班牙黑毛豬火腿(24 months) + $38 /30g 平時好少食Parma ham 但呢間最岀名係Parma ham 😂就趁平平地加錢試吓先! 雖然只係24個月 但都幾好食 唔識食好野嘅我就覺得ok 😂配埋多士都係唔錯嘅appetizer 🥰總括嚟講 係唔錯嘅西餐廳🙆

荔枝角好少有平靚正沙律，之前無意行過見到Meat Up lunch 有沙律套餐，一份沙律包熱湯，岩晒我！自此只要想食沙律就會去呢到買，前排見餐廳封晒木板仲以為執咗，覺得好可惜。最近見重開返，決定再去！可惜裝修後第一次惠顧食物令我失望。。。以往多數係豬頸肉沙律，雞胸沙律之類，最愛除左滿滿的不同沙律菜，仲有蜜糖合桃係入面。今次係烤雞華都夫沙律，平時比較少食呢款，其實係種美國沙律，材料通常用蘋果粒、西芹粒、提子同合桃仁，配蛋黃醬。等外賣期間見到廚師放左幾塊菜，一堆醬甘已心知不妙。拎到上手，見到外賣盒入面好空，由以前既9成滿得返6成😑 而且食嘅時候唔覺有提子同合桃仁，菜就得幾條甘。雞胸都燒得唔錯嘅。湯應該係洋蔥湯之類，比較水，不過不失。可能華都夫沙律同平時其他沙律真係爭太遠，繼續發掘下荔枝角有咩好食嘅沙律店。

午餐吃什麼🤔之前見過有人分享D2 Place 有間食Parma ham 嘅餐廳，今日 去試試。午餐都多選擇，我哋揀左巴馬火腿野菌意大利粉配溫泉蛋、安格斯牛肉漢堡，加錢要一客橡果西班牙黑毛豬火腿 （20g)餐湯是薯仔湯，湯內有好多薯仔，飲湯都少少飽 之後上了黑毛豬火腿 （36個月），很油香，配片多士一齊食無咁油膩。主菜到，意粉好足料，睇落好似唔大碟，但幾足料，醬汁都好濃安格斯牛肉漢堡個包睇落唔大份，但塊牛肉都算大，仲好juicy , 薯格都好香。每個餐加$15 有飲品，叫了Americano 同 cappuccino, 咖啡微酸，易入口。整體食物質素幾好，店員都好有禮貌，有機會再嚟試其他野食

友人約食西班牙火腿，正中我下懷，當然會應承，快趣夾時間。原來是去荔枝角D2 Place 二期的 Meatup，我不久之前曾來過食午餐，但只是吃意粉和飲咖啡，並沒嚐過其風乾火腿。定好日子與時間，朋友馬上訂枱，還預留了一份風乾火腿拼盤，真係唔話得。拼盤有分吃24、36及48個月的伊比利亞豬，西班牙腸和莎樂美腸。火腿除了風乾時間不同之外，據聞36個月的還是以橡果餵飼，48個月那款更是吃純橡果 (即吃單一品種的橡果)，非常講究。三款火腿皆不錯，即使只是24月的，已是油份充足，咸香好吃。個人則最欣賞36月的一款，味道較複雜有層次。火腿配美酒本應一流，這兒的歡樂時光也是非常實惠，但飯腳正在戒酒，我也不再誘惑他了，來枝Cold Brew 同樣滿足。由於這冷箤咖啡是限時限量供應，並沒有印在餐牌之上，不過店員是會主動推介的。頭盤點了一份凱撒沙律大家分吃。羅馬生菜、鯷魚醬、煙肉粒、脆麵包粒及巴馬臣芝士，統統在陣，是正宗的出品，最愛叉著爽脆的羅馬生菜連麵包粒同吃。朋友想飲湯，我哋食力都有限，一客龍蝦湯分甘同味就好。打開盅蓋，香氣四溢，味道不俗，只沒想像中的濃郁，但粒粒龍蝦肉在內，挽回了分數。邪惡既我，就建議

熟悉車媽媽的朋友也知道我愛吃Ham！就算我的羅家飯早午餐亦老是常出現，好友知我喜惡得知D2 Place有間主打西班牙火腿的店子Meatüp Diner & Carvery，便相約到來聚一聚兼吃我的至愛美腿！Meatüp除了有直接代理西班牙伊比利亞火腿供應外更主力提供西餐美饌，餐廳於8月中重新裝修過以新形像示人，對於首次來的我感覺是形格得來很舒適。原來只要在Meatüp堂食用餐可以EVERY HOUR IS A HAPPY HOUR，即是可以優惠價＄48起品嚐特選西班牙紅酒、氣酒或法國紅酒真是酒迷的大喜訊，飲恨的是要Keep Fit的我品酒Quota有限！既然不喝酒便品嚐餐廳自家Cold Brew Coffee，咖啡香氣挺濃帶少許酸味配鹹香的火腿也非常匹配。先選了頭盤之後便可以邊吃著邊傾計！兩人點上一份西班牙伊比利亞火腿拼盤、一客法式龍蝦湯和凱撒沙律！先上檯的是好友一早預訂的西班牙伊比利亞火腿拼盤，當中包括有24個月穀飼西班牙黑毛豬前腿火腿、36個月橡果西班牙黑毛豬前腿火腿、48個月100％純種橡果飼餵西班牙黑毛豬前腿火腿、西班牙黑毛豬風乾香腸及西班牙黑毛豬風乾血腸。火腿拼盤會配香脆多士

另一半話見我平時返工咁辛苦，話要獎勵吓我，帶我去食好西，今次動動腦筋搵左間除咗食西餐之外仲要主打食Parma Ham好彩因為平日，我地即日打去book都有位19:00前去到，已經有幾枱了店員安排左張卡位比我地，枱與枱之間有適當嘅空間，感覺唔會太侷促。11月做緊有2款Parma Ham做緊discount分別是36、48個月的黑毛豬火腿一場嚟到梗係要試晒咁多款啦，咁樣先對比到味道架麻我24、36、48個月都同樣點了店員介紹所有Parma Ham由人手親自切割，而且每隻大約一星期就會切完，所以能夠保證了Parma Ham的新鮮度。🇪🇸 24個月是「穀飼西班牙黑毛豬」火腿肉質較嫩滑，肉質柔軟，沒有豬羶味。🇪🇸 36個月是「橡果西班牙黑毛豬」Parma Ham油份更豐富，吃下去特別甘香。🇪🇸 48個月是「100%純種橡果西班牙黑毛豬」比起24及36個月的Parma Ham味道更為甘香細緻，味道最為濃郁。雖然月份比較長，但係食落不是死鹹味，反而帶出咗陣陣甜味。值得一題佢哋配左香草麵包，非常襯配。龍蝦湯🦞龍蝦湯份量可以2個人Share一起飲，香滑濃稠龍蝦湯，更沒有外邊飲落那麼鹹。更同樣飲到少許干邑

🐻有時係係荔枝角個頭上班，附近都多地方食午餐🤤 今次同老世一齊搵左間西餐試下！裝修幾型格，而且坐得舒服 😌 下午時間當然有較抵食既lunch set 🤪 🐻同老世決定叫兩個set share食 😛 套餐包沙律或餐湯，今次order左「脆炸魚柳漢堡配自家製他他醬」「香煎8oz 紐西蘭西冷牛扒配紅酒汁配薯菜」另外好抵咁再加左一份「穀飼西班牙黑毛豬火腿」🥰 最特別係飲品加左「MeatUp招牌奶茶」「Mocha」😌推介/意見‼️✨ 「脆炸魚柳漢堡配自家製他他醬」大推❗️魚柳真心炸得靚超脆身，漢堡包既皮都有牛油香好好味😋 重點係自家製他他醬好match到成個包，唔會太酸剛剛好，令漢堡唔會好膩💯✨ 「香煎8oz 紐西蘭西冷牛扒配紅酒汁配薯菜」同漢堡相比就會顯得無咁特別，不過7成熟既要求都做到，而且好有份量既8oz，煎得剛剛好，配菜都有一堆蒜蓉炒菜幾特別 😋✨鋪頭放左幾隻黑毛豬火腿係度，無理由唔試下佢風乾24個月既「穀飼西班牙黑毛豬火腿」，份量唔少啊！咸咸香香配埋香草包一齊食，真係成件事完美曬 🤩 重點係加配價錢超抵食🤤✨ 🐻又估唔到一間西餐廳有得飲奶茶，所以試左佢地既「MeatU

荔枝角出名LUNCH TIME 間間餐廳都好多人而因為星期五既關係想同同事可以輕輕鬆鬆咁坐低食飯吹下水嘆下氣星期四就上OpenRice 睇下有咩餐廳可以揀無意中發現呢間新餐廳仲要有得book位！簡直無得輸！坐低先叫左杯汽酒飲🥂之後就一人叫一個LUNCH SET 🍽同事叫左三文魚寛條麵配沙律🥗而我就要燒春雞薯菜配餐湯色香咪俱全😋完全係無得輸！一路食一路傾計開心時間特別過得快！本身想嘆埋杯咖啡先走！點知唔夠時間！但店員好窩心講冷萃咖啡有枝裝可以外賣！最後埋單三百幾蚊！但係happy Friday lunch 黎講係抵既！

Ad hoc約bff食飯傾計，想搵一間可以坐耐啲食物又OK嘅餐廳，但星期五好難即興book位，我search之下決定去D2 Place，地點方便大家，見到呢間餐廳冇限時又可以book位決定一試。Book咗七點但其實好似無客，坐位都舒適，Menu唔算多選擇但我哋都話有好幾樣想試，職員服務超好，耐心介紹單點食物，轉餐優惠同飲品選擇。可能另有一位職員見我哋三心兩意唔知揀咩飲品，佢佢逐一為我哋介紹有咩選擇，亦特別推介兩款特飲，講出飲品成份味道令我哋可以想像啱唔啱飲，聽佢講到幾吸引，本身我同B F F夜晚都唔會飲咖啡類嘅嘢，最後都決定叫佢嗰杯我西柚咖啡（唔記得真正嘅名），仲有兩款主食，蕃茄海鮮闊條麵同埋rib eye。職員問我哋食唔食豬肉，佢仲送咗一小疊類似風乾肉腸配麵包俾我哋，而家真係好少見到餐廳職員咁有耐性介紹餐飲，呢個絕對係加分💛飲品係分開兩個器皿奉上，首先係一杯類似西柚梳打嘅飲料另外附上一小杯expresso 俾我哋自己添加自己控制咖啡份量，味道我好鍾意！酸酸甜甜，我落晒成杯expresso，雖然有啲濃，但係好match食物上枱都好吸引擺盤好靚，闊條麵食落似自家製而d海鮮亦都有驚喜，竟然

這餐廳在D2 Place商場内3樓，除了它和隔離的日本餐廳較高檔外，附近的食肆都比較平民。所謂一分錢一分貨，以它的食物水準和舒服環境，服務員的良好態度，這裏絕對是很好的選擇。我們二人每人叫了個lunch set，見到bar枱上有3隻parma ham，於是再加多一份24個的parma ham，好舒服的享受個lunch，真好！