岩盤牛扒 ミディアムレア ステーキ (將軍澳中心)

Open Now

Now Closed

位於將軍澳唐德街9號將軍澳中心1樓173號舖的岩盤牛扒 ミディアムレア ステーキ是將軍澳小有的岩盤牛扒今次就試左佢嘅和牛配套餐上餐速度快 解凍完就上熱左嘅岩盤 和牛油脂平衡入口即化是一種享受 鰻魚溫泉蛋丼飯亦都係性價比高 好食又便宜

岩盤牛扒都算好多分店，今日經過見到將軍澳呢間無乜人，就一定要入去試一試！第一步要去到收銀處選擇你想食既部位🥰要幾多Gram，然後店員就會凍櫃選擇新鮮紅肉，係你面前即切即磅，靠店員刀功同經驗，一切就切到好接近重量👍🏻之後就可以比錢搵位等叫號，店員就會即刻烹調你所選擇既牛，到煮到咁上下再放上石燒板度上碟👍 溫馨提示😈我今次叫左3成熟，因為石燒板度會令牛再熟啲架！我叫咗塊肉眼扒，因為得返最後一件🤤咁就一定要試下🥳肉眼扒切到勁大，真係「好Large大」，係見到都會覺得飽個種🤫拎出黎個陣已經覺得勁香💓因為我哋叫左3成熟，但可能因為鐵板好熱嘅關係，所以切開嗰陣大約係5成熟🤭不過食落都仲係好有咬口但又唔會韌！想講個sauce超有驚喜，佢唔係好普通嘅燒汁，入面會有淡淡嘅柚子香味，同啲肉一齊點黎食勁夾！

小弟叫左燒西冷don 以及200克肉眼，先講肉眼，成份牛有三分一都係肥膏/根，因為根據重量計算價錢本身已經幾貴，仲要有三分一唔食得，好唔抵食。之後西冷don既西冷，味道唔知點解整到好似日式拉麵入面既叉燒，雖然我都中意食叉燒，但同期望有落差。最後定價真心進取，雖然明白通脹百物騰貴，但呢間加價加幅幾大。對比早一兩個月同一個餐既價錢200克肉眼$112 ->$143套餐 $27 ->$30燒西冷don $75 ->$80睇落加幾蚊，其實都成10幾%雖然價錢唔岩可以唔幫襯，但價錢進取加埋舊大舊肥膏，其性價比低呢間唔會係首選，唔值得返轉頭幫襯。

今日係第一次黎衣間餐廳食，我知道係新開左一陣🤣之前太多人食唔到，衣加終於有位食啦。餐廳裡面唔太，自己出去落單和自己取餐，食完要自己汁埋佢，自座式，好多日本餐廳一樣咁。今次食左鰻魚燒牛丼(M) 中size。不過，係有(L)大size可以揀，有胃王要揀大size賣相可以Ok吸引，加左18蚊先有湯和沙律，唔係送，湯和沙律都好飲好食。鰻魚都夠大塊，冇骨算係咁，燒牛肉入口就溶的感覺，好食，唔硬的，都幾多塊😂😂夠哂食👍👍原來外賣4人餐仲平，下次要試下啦，再黎追評。

今晚好想食牛扒，去咗公司附近嘅岩盤牛扒食，揀咗西冷牛扒，同佢講話要400g，點知姐姐太重手，切左530g，問我o唔ok ?我心諗既然都切咗就算啦！最多今晚食多啲啦。不過塊牛扒真係超級厚，正面望唔係覺得好大塊，但係由上面望落去係勁厚 ，不過講番塊牛扒先，好似冇乜牛味，我記得我之前食過一定好食啲，今日食呢塊牛扒好似浸過水咁，淡而無味⋯⋯

早排同屋企人去左食燒牛肉，呢間份量超級多，仲要超級抵食！ $200左右已經有一大塊肉係一個set黎💥🔥🫣可以跟飯、雪糕、沙律、嘢飲等等，一定食得飽個牛仲要好重牛味，佢幫你燒至3成，仲有蔥蒜汁俾你簡，仲有圍裙俾你攬住一定可以滿足到想食肉嘅慾望😍佢個溫泉蛋再加埋肉好夾仲要順便一提佢哋每張枱上面都有一支即磨行業，同埋即磨胡椒，喺食嘅時候加上去簡直令到嗰個牛味更加昇華呢間簡直可以encore 一百萬次嘅石燒牛🔥♥️😆

行過商場😋經過商場見到新開左間石燒牛扒專門店，門面好搶眼，忍唔住要試吓🧏🏻‍♀️可以自己揀份量，按gram數計算，非常好可以選擇返適合自己嘅份量❤️而且有多個部位，西冷/肉眼/牛柳仲有和牛食☺️落單後店員會當面即切磅重，我叫左300g大大塊😋仲有得揀蒜蓉/洋蔥或者蔥做調味！揀咗我最愛的蒜蓉🤩加$28套餐，可以自選三款食物！揀咗溫泉蛋+白飯同雪糕，性價比極高！牛扒厚切，好有肉味，熱辣辣熱石上，可以調校生熟程度，再配合燒香的蒜蓉，勁正😍😍想一個人食牛扒，絕對推介呢間🥰————————————————————————岩盤牛扒 ミディアムレア ステーキ(將軍澳中心) (將軍澳)將軍澳唐德街9號將軍澳中心1樓173號舖

終於捱過隔離日子😮‍💨放監之日去左附近食返餐牛扒黎平復下激動嘅心情先！試下呢間日式鐵板牛扒餐廳！喺菜牌揀左想要嘅部位之後同店員講想要嘅重量店員就會按要求即場切返相應嘅重量嘅牛扒可以即時睇到磅數，好均真由於價錢唔貴所以我都可以任性一餐要個厚切西冷！揀完牛肉佢仲可以三選一個配菜呢樣都係平時自燒鐵板少見嘅我揀左生洋蔥燒完一定又香又甜！除左牛扒，仲可以加餐配埋沙律味噌湯同雪糕一定好飽！廚師將牛扒按我要求燒至五成熟咁就可以上菜喇～呢度有樣細心位係佢會將牛扒放喺粟米粒上面咁就唔怕牛扒會太快俾鐵板烤熟但又可以保持到熱度食到一半都仲係粉嫩粉嫩的～西冷質素唔錯價錢雖然平，但都食到油香洋蔥被鐵板炒香添香添味食飽飽後仲有個大阪牛乳雪糕雖然我揀香芋味但都好香牛奶味真係值回票價！出關後第一餐總算滿足到我嘅口腹之慾喇～🤤🤤

嗰日心血來潮想食石燒牛扒又唔想去咁遠同咁貴咁啱見到附近有間岩燒牛扒，就行咗入去食-見到牛扒會喺玻璃櫃度顯示出嚟，職員仲好細心咁講邊啲牛扒有筋，或者多啲牛味仲要係可以分重量去買，大食嘅我梗係嗌咗300 g佢會直接喺你面前幫你磅，加少少錢仲有飯、雪糕、沙律、溫泉蛋等等俾你揀-佢會先幫你燒好過面然後再要自己燒仲有幾款醬汁嘅可以選擇我嗌左蒜汁，有好多蒜頭🧄系上面啲肉都好味😋，埋單$200都唔洗 可以再去食多次😚😚😚

今個星期天氣不太好就沒外出郊遊☔️ 決定留在將軍澳區 和媽媽來個lunch覓食之旅👩‍👧🥰~ 特意來到這間吃日式鐵板牛扒專門店~🇯🇵-一來到餐廳感覺幾新鮮☺️店舖沒有任何店員作招待 只有點餐區和廚房有店員 原來是先去點餐區選擇你需要的餐點 我們當然就選了店舖出名的西冷牛扒🥩 還揀選了300g😚 店員就會即場切大概的份量🔪 計算相應的金額~ 另外我們也選了櫻花牛肉飯🍚 點餐後自行安排座位 餐廳座位都比較闊落 不會有擠逼的感覺~🪑🔻🔻🔻🔻🔻✨ 牛扒套餐 ($164西冷牛扒+$28轉套餐)牛扒的外表已經令人垂涎三尺🤤🤤🤤 以鐵板端上的好處除了可以保持熱度之外🔥 更加加強了嗅覺和聽覺效果! 所以整間餐廳都聞到很香的牛肉味~ 聽覺就是牛扒在鐵板上發出滋滋聲🔊 西冷牛扒的厚度十足 生熟成度略近7成 滿足的是有很多的肉汁 我們選了蒜蓉作配料🧄 (媽媽太喜歡了) 爆蒜的味道令到牛肉味更有層次! 好岩送飯!🍚 所以我們再加配$28就選擇其中3款包括：白飯🍚、沙律🥗和溫泉蛋🍳~ 令到整個牛扒餐很完美~-✨櫻花燒肉眼丼🍚 ($70)燒肉眼剛剛好 不會燒得過老 會看到有粉粉嫩嫩的顏色💕 有6-7塊牛肉佈滿🫶～ 中

見到門口大大個牛型入口🐮，仲要發光發亮💡吸引我眼球望咗過去😀原來係食燒牛嘅餐廳🍴有少少似一間快餐店咁，先買餐再拎，食完自己執野放返喺返却口餐廳面積大，而且都好闊落，好多卡位設計～1️⃣一開始可以係玻璃櫃見到牛肉質素同埋供應情況，當日我去到有肉眼/ 西冷/ 封門柳/ 和牛 / 牛柳 2️⃣然後選擇邊款牛肉以及份量3️⃣再選擇配料及三款配菜（+$28）（配菜有好多選擇，飯/ 湯 / 沙律/ 溫泉蛋/ 雪糕/ 飲品）4️⃣坐定定等號碼拎餐🔹肉眼扒 真係超大塊扒🥩仲有枝旗仔喺上面插住好可愛💕扒上面有好多蒜蓉，正中我心意😀（超愛食蒜）本身塊肉已經微微煎好，仲有邊邊有啲脆脆地，比較適合中意食全熟牛肉嘅人，而且石板亦已經熱，可以一直keep住溫度，食到熱辣辣嘅牛肉眼扒有啲脂肪，食落有啲油花，而且唔韌，本身已有基本調味，所以其實就咁食已經好好味；扒下面仲放左啲粟米粒，係牛脂粟米粒，用嚟撈飯一流我係蛋控，所以揀咗溫泉蛋，外面蛋白半生流質狀，入面蛋黃半凝固，好出色，一隻蛋已經送咗我大半碗飯本身諗緊咁大塊驚食唔曬，但太好食喇，最後竟然一個人Ko左成個餐飲品有好多選擇，例如有日本特色飲品，不過我都係揀咗可樂，覺得燒野係要飲可

呢間日式燒石燒牛肉店係商場入面，非常易搵。係門口已經俾佢個開放式廚房吸引左入去，全部牛肉即切即燒，切完即刻同你磅重，全部欺容。我今次揀左300g既西冷，配上青蔥，口味清新，估唔到蔥同牛肉都咁夾。肉質大概五成熟，再放落一塊熱辣辣嘅鐵板到，西冷扒嘅生熟程度由自己控制，鍾意食生又或者鍾意食熟嘅朋友都照顧到。西冷肉質嫩滑，入口即刻溶化，而且牛肉味十分重。另外有三個配菜可以揀，我嘅首選梗係燒肉嘅最佳拍檔-白飯，一塊香噴噴你好嘅燒肉，再加上一啖香噴噴嘅白飯，諗起口水都係咁流。另外我仲揀咗一個日本製造嘅朱古力味雪糕同蜂蜜檸檬飲品

減肥係女人嘅終身事業，不過唔食飽就冇氣力減肥🤑 今日就嚟maximise protein intake嚟鋸扒😋 呢間日式扒房係首先揀肉類同埋需要嘅重量，廚師即刻會係雪櫃拎肉出嚟係你面前切好一份，按重量收費👍🏻 最平嘅1g $0.42 牛柳 200g都係$84😝真心幾抵食🤪聽講西冷脂肪比例比較低，所以今次就揀咗西冷300g (1g $0.58) 🥩廚師會先將四邊煎香，客人可以按照自己嘅喜好決定烹調嘅時間☺️ 咁就唔會出現overcook🤩 西冷雖然脂肪低，但係食落完全唔乾柴，一切開就有好多肉汁流出嚟🤤肉味亦都好夠濃😍肉控表示好滿意😚佢仲有燒汁、胡椒同岩鹽可以按個人需要調味，不過食落就覺得好似肉味好夠濃唔洗點醬都ok😚就算係唔健人嘅人都應該可以食得開心😙因為就咁食扒好似有啲寡就加咗套餐 ($28)可以揀沙律、溫泉蛋、白飯同嘢飲合共三份，沙律就係正常嘅椰菜絲蘿蔔絲沙律，撈隻溫泉蛋落去真心正🤤如果對降醣有需求就記得走汁😛其實平時都比較鍾意日式餐廳因為佢哋對細節嘅執着同仔細，好似呢間除咗好多調味料提供，仲會提供圍裙比客人，環境亦都好闊落乾淨企理👍🏻 就算價錢好平都好都仍然係唔同方面睇到對客人嘅貼心

將軍澳有間即叫即切嘅石燒牛扒，舖頭全自助式，入咗去落單買咗嘢食再搵位坐低，好似快餐店咁。舖頭都好闊落，好多張卡位，牛扒方面有好多選擇，有牛柳，肉眼，西冷，牛板健，後腰三角肉，封門柳，日本和牛肉眼或西冷。加$28有套餐，白飯/餐湯/沙律/溫泉蛋/雪糕/嘢飲，六揀三，真係任君選擇！🍴西冷300g 套餐 $184+$28 (7.5/10)西冷300g，非常厚切，啱晒食肉獸🤤配料要咗蒜蓉，牛扒煎到一成熟，再用石板自己加熱到想食嘅熟度，套餐要咗溫泉蛋，沙律，雪糕。溫泉蛋有流心，有蛋香，沙律係椰菜沙律加芝麻醬，椰菜比較偏苦，好清新。西冷肉質比較淋身，有肉味，邊邊嘅肥膏好香好有牛味，啖啖肉食起上嚟好過癮呀🤤加埋蒜蓉好香口，而且柚子汁好解膩！雪糕每日款式唔同，今日係朱古力味，朱古力味好濃一啲都唔甜。成個套餐食得好飽，食肉獸一定大滿足🤤推薦指數: 7.5/10雖然價錢唔算特別平，要成$200，但勝在有得揀自己想食嘅牛扒部位，套餐又有六種選擇，食得好飽，坐得舒適，想食牛扒隨時落街食都得😎

🥩一直想食呢間鐵板牛扒好耐😋今次嚟到將軍澳分店滿足下食慾。點左300g嘅西冷同肉眼扒攞餐時牛扒放喺鐵板上面”zaaaaa”場面非常之澎湃同埋好香😋 餐餐廳有圍裙供應，咁就唔怕彈到身喇！😋🥩西冷跟餐點左白飯，麵豉湯同烏龍茶🍚 西冷牛扒超級juicy！即使係熟咗啲牛扒依然好淋！加埋我至愛嘅蒜蓉，同落左少少鹽，再送埋白飯一齊食超正😋🥩肉眼就點左沙律，溫泉蛋同麵豉湯🥗肉眼扒好厚身，加埋洋蔥碎個味道超夾！呢間鋪頭好多卡位，坐得好舒服係自己出去點餐嘅，食完記得做隻乖豬將啲餐盤放返去「返却口」呀🥰👍🏻