岩盤牛扒 ミディアムレア ステーキ (新領域廣場)

Open Now

Now Closed

今日放假出左荃灣行下 見到呢間食牛排嘅好似幾正就入左去試下呢度係自助形式嘅 可以搵個位坐低攞張餐牌睇完再去收銀度order 職員都會介紹唔同肉有咩分別 咁我就揀左肉眼會油啲香啲 職員就即刻拎舊肉出黎喺我面前切 絕對冇呃秤✨肉眼牛排套餐 310g (5成熟）$174 + 套餐 (湯 + 沙律 + 飲品 ) $28等左5~10分鐘就聽到我個number 可以去攞餐啦😆 一拎已經見到牛排好大塊 仲大過過鐵板 聽到鐵板嗰啲滋滋聲 急不及待就要開動 😋一食牛排都幾juicy 又有嚼口 有啲油脂味夾雜都幾香👍 我揀左加配蒜蓉真係比左好多蒜蓉 配埋牛排一齊食都好夾 鍾意食蒜蓉嘅我大愛❤️ 除此之外仲可以配柚子味嘅醬或者每張枱面都有鹽同黑胡椒落 一份牛排都可以試到唔同口味😋今日套餐嘅湯係蘿蔔牛肉湯 見到碗湯都好足料 👍 食完牛排再食配上芝麻醬嘅沙律好fresh 好解膩 蘋果汁都好飲總括黎講味道唔錯都幾抵食 而且呢度有好多唔同選擇 可以因應自己嘅食量揀唔同份量嘅牛排 又可以搭配唔同口味 加購套餐都有好多唔同選擇 總有一款啱你 環境方面枱與枱都會有啲距離 每張枱都唔窄 坐得好舒適👍 不過呢度所有野都自助 所

自助日式熱石板牛扒有日式風格嘅餐廳原來係一間自助式食牛扒嘅餐廳即叫即切即煮 師傅喺你面前切你需要嘅份量再加上你自己需要嘅醬汁只可選擇到呢個蒜蓉味非常濃烈圖中嘅西冷牛扒雖然係三成熟但係用鐵板出嚟再有一種成熟嘅感覺還有不同嘅配菜任君選擇 溫泉蛋味增汁白飯沙律飲品等等全部牛扒新鮮切出來再馬上烹調你合適嘅味道現場更加有圍裙令到你食鐵板餐嘅時候都唔會整污糟自己件衫咁細心嘅服務當然係日本餐廳先至會做得到肥瘦均勻係睇得到嘅新鮮牛肉十分滿足濃郁一啲都唔hea

即切即磅的熱石板牛扒🥩食肉獸必吃！⭐️大塊扒以自助形式，日本風格的牛扒專門店。先選牛扒類別，再揀牛扒的重量，再選其他配料和套餐食物飲品。這次點了兩款牛扒。《牛扒套餐-肉眼300g》$168《牛扒套餐-西冷300g》$174300g是中間size，它還可選200g和400g。👍🏻另外加$28變成套餐，可選三款配料，如：白飯、飲品、甜品、溫泉蛋、麵豉湯、牛肉蘿蔔湯等等。牛扒上的配料也可選擇，我們選了青蔥和蒜蓉，令牛扒更香！👍🏻至於牛扒也很高質！因用熱石板來上碟，所以先可點三成熟，讓牛扒慢慢變熟，形成半生熟的肉質，很軟腍！肉汁豐富！👏🏻👏🏻此外，牛扒配搭「柚子燒汁」去吃，令肉味更出色！💯值得一讚！居然有圍裙提供，不怕被油彈到！很好呀！總結：高質熱石板的牛扒專門店！

石板燒係最愛，除咗大大塊肉，更可體驗肉的鮮味。肉眼油花豐富，味道甘香，口感軟腍😘是牛胸背脊與肋骨之間的肌肉，肉質較幼滑，而且較多汁🤓肉眼牛扒屬於肋脊部位，脂肪比例較高，肉眼取自肋脊部貼近胸部的位置😉此部位較少運動，所以大理石紋脂肪，「油花」分布較多。🤤其中間往往有一塊大油花，好似眼睛一樣，所以有「肉眼」之稱。🔥烹調時，肉裏的油花給化掉，並與周圍的瘦肉融合起來，食落，除了有牛肉的嫩度，亦有油脂化開的甜味❤

lunch time好旺人！今次自己試西冷~🔥西冷它是牛的腰脊部分，食落肉質有彈性，肉味最濃😍佢屬於牛嘅後腰脊部位，口感較有嚼勁。肉味比肉眼濃郁，油花不算多，🤓但分佈平均，而且有彈性。肉質纖維較牛柳厚，因此頗具咬感，🥢而且肉味也會更濃郁。基本上不需醃製太多，已能呈現肉味🥳另外，佢嘅油花比重會對比牛柳高，所以吃來口感也較豐富🥩由於其肉質較厚，因此燒烤時間較長，適合喜歡咬感的friend🥰

Encore 岩盤牛扒😋荃灣店上次食完將軍澳店番尋味呀！今次再嚟荃灣店encore鐵板牛扒!! 同上次一樣，都係出去自助點餐，店員就會按gram數切比你，之後放上鐵板上面燒 🔥🔥叫左300g 牛柳🥩 跟蒜蓉碎，牛扒好淋好juicy 落少少鹽已經好好味。大家亦可以點少少燒汁，更加惹味😋今次跟餐揀左雪糕🍦佢會比張雪糕券你，食完之後再憑券換雪糕😋呢到嘅環境都非常之好，好好坐，位夠闊又夠乾淨👏🏼👏🏼

荃灣新領域廣場一直冷清，知道近年開始有食肆及店舖入駐，今天午餐時突然想起，便懷著好奇心來到這家新開的日式牛扒餐廳一探究竟。這裡環境舒適寬敞，雖然是自助形式，但也十分自在呀！座位可以任選，我當然是找了一個卡位啦！至於食物方面，可以到餐吧自選，牛扒全部擺得整整齊齊，你只需要手指一下，職員就會在你面前即席現切、稱重、烹調⋯⋯過程非常快捷及明瞭，即將到口的肉是看得真真切切！我除了西冷還叫了肉眼，兩款都是沒有經過任何醃製的，配以柚子胡椒醬，剛好令牛扒香得來又不油膩，實在是意想不到的開胃！三成熟的牛扒在鐵板上香氣四溢且熱氣騰騰，越吃越開胃，不知不覺就吃掉了一碗日本白米飯。不過美中不足，米飯似乎下的水不夠，偏硬也不夠米香，浪費了日本米的口感，而且加錢的汽水竟然是迷你罐，餐廳又不提供清水，真的是不夠喝呀！在荃灣愉景新城附近的朋友可以來試試看，確實有之前在日本吃牛扒連鎖店的感覺，體驗值很高，總體而言還是滿足的，比較牛扒確實很香！

呢間日式Steak House採取自助形式, 進店後自行掃qrcode量體溫, 收銀姐姐大叫呢度落單😂 店員話上鐵板時喺3成~記得走個陣將個tray放去回收架~ 🥩肉眼 300g $168, 🥩Premium 西冷 300g $174 揀咗蒜蓉/生洋蔥🧅🧄 拎上枱時鐵板熱辣辣! 塊扒喺上面煎得激烈!🔥🔥一定要好快咁將貼鐵板嘅肉拎起, 咁先可以煎到塊靚扒!! 好考手速🤪 🍖肉眼煎熟咗少少都軟腍, 牛肉味好濃郁😋 🍖西冷就因為影相影耐咗就煎熟得濟😮‍💨 🍱Set +$28 溫泉蛋, 味噌湯, 沙律, 白飯, 飲品溫泉蛋吸引到我目光所以一定會揀set lol 🥚溫泉蛋滑嫩超治癒🥰🥤飲品有烏龍茶揀~

食肉獸嘅阿女聽到帶佢出去食扒就🤩我哋去食大塊扒嘅岩鹽牛扒ミディアムレア ステーキ岩鹽牛扒賣點係價格取勝，用每克去計💰即場喺你面前切份量㗎👍🏻———————————————我哋點咗牛柳同西冷加$28變套餐，可追加3款食品/飲品最鍾意嘅係完全無調味去煎我哋可以按自己嘅口味加黑胡椒/鹽/自家製柚子燒汁燒汁帶有甜味，可以消除肉嘅油膩感💰牛柳口感嫩滑西冷有嚼勁，肉味濃套餐配埋白飯真係好飽丫‼️好滿足😋😋

♨️岩盤牛扒荃灣西樓角街1-17號新領域廣場一樓102號舖@medium_rare_steak_hk ❤️細細個已經好鍾意去鋸扒，今次俾我發現咗喺荃灣新領域廣場開咗間新嘅鋸扒好地方，入到去地方乾淨企理，最特別係想食幾多就磅幾多收幾多錢，咁樣我覺得好大彈性，食多食少由自己決定🥰牛扒方面有好多選擇，有牛柳、牛板腱、肉眼、西冷、後腰三角肉、封門柳及日本和牛西冷/肉眼，唔想做食肉獸仲有好多燒肉丼揀，而且性價比又高，絕對可以當飯堂🥰📍300g西冷牛扒 +$28仲可以變為set, 我加咗可樂、白飯同沙律（三成熟鐵板上，煎住黎切完嘅時候剛剛好唔會過熟，牛扒油脂分布平均，口感煙韌，配上勁多蒜蓉，再點埋舖頭自製嘅梅汁好清新好好食）📍櫻花燒肉眼丼配溫泉蛋 100%日本米，日本卵及US牛（溫泉蛋再配燒肉眼薄片好香好滑，粒粒飯香）食物：8.5/10抵食：8.5/10環境：8.5/10。。。#食在荃灣 #荃灣美食 #香港美食 #hkrestaurant #西冷牛扒 #usprime #sirloinsteak #sirloin #鋸扒 #牛扒 #食幾多畀幾多 #香港美食日記 #美食推薦 #hkig #hkfoodi

原來荃灣都有呢間食幾多切幾多嘅日式鐵板牛扒，今日再去食多次。都先去櫃檯揀你鍾意嘅牛扒部位，之後就可以叫店員切幾多俾你，叫咗西冷，Topping加蔥加$28跟餐加溫泉蛋、飲品、雪糕。平時會叫溫泉蛋同白飯再撈佢跟餐嘅牛扒汁，一流。今次試一試佢嘅雪糕，係伯爵茶味，食完牛扒食啲甜品舒服啲呢度啱晒鍾意食唔同牛肉部位嘅朋友，除咗西冷仲有肉眼、牛柳、封門柳、Top blade、Tri Tip,貴D仲有和牛肉眼或者西冷你揀。下次會試埋佢D燒牛丼。

💕性價比高又平民化既高質食牛肉🥩地方最近疫情嚴重，好少外岀食飯但個口唔係好聽話，經過食日本🇯🇵餐廳就停步，入去食大餐先😉我叫左一個Set300G既肉眼牛扒餐🥩包括牛肉味憎湯🍲，日本飲品🧃，白飯🍚✨牛肉湯好足料，有白蘿蔔，牛肉粒，連碗湯整體上都好重牛肉味🐮✨白飯用了日本珍珠米🍚粒粒飯香味👏🏻✨足秤300g 五成肉眼扒，切開個陣，仲有少少🤏血水滲岀，但又冇牛肉既羶味，口感煙韌，油脂分布平均，放係鐵板上，脂肪會慢慢流岀牛油，令整塊扒唔會太乾。配上餐廳自掣既梅汁，令牛肉肉質更清新🥩去除油膩感👏🏻另外枱面會有海鹽同埋黑胡椒又係另一種食法，可以清楚地享受牛肉🐮

今日特登去到位於荃灣嘅新領域廣場來食個岩盤牛扒午餐。 餐廳內佈滿牛的日文部位分佈圖，尤如置身於日本嘅感覺。 環境非常安靜、乾淨衛生，唔會煙霧彌漫及有搶喉的油煙味。店員服務亦非常之有善，主動介紹不同牛扒嘅分別。當你選擇完想要的牛扒款式後，亦會比建議你用幾多成熟去幫你煎塊牛扒係最好味。店內有多款牛扒選擇，例如美國安格斯或日本和牛肉眼扒、西冷，另外，還可叫美國安格斯牛柳、牛板鍵、後腰三角肉、封門柳等。 選好牛扒類別後，可選青蔥/生洋蔥/蒜蓉配在牛扒上。 最後我選了300克嘅美國安格斯肉眼扒， 再加$28 選擇了其中3款食物。 白飯、可樂及沙律。鐵板上嘅肉眼扒係熱熨熨嘅鐵板上不停抖震，黑椒汁在旁邊陪伴著。 店員推薦下，叫了三成熟的肉眼扒。出奇地三成熟嘅肉眼扒唔會血淋淋，煮到剛剛好。 牛筋及脂肪在肉眼扒上分布均勻，令到肉質嘅口感唔會太韌、非常鮮嫩彈牙及超濃牛肉味。 再伴隨蒜蓉嘅香氣令肉眼味道發揮到最鮮。 白飯採用日本米、唔會煮得太冧、亦唔會太硬。食得出米飯係剛剛新鮮煮出嚟! 還有新鮮嘅日式沙律。 日後會再帶其他朋友來試試、以解日本旅遊的思鄉情懷。

今日同咗老公嚟食晏，一直都知荃灣有好多好嘢食，但平時都懶得搵又懶得諗，通常都係食米線。但自從老公搬咗嚟荃灣返工，我哋就開始搵吓新嘢試，今日誤打誤撞就嚟咗哩度放肆吓食吓牛。一睇menu先知原來佢哋有幾間分店，但我哋之前都從未見過或聽過，真係井底之蛙⋯我哩個芝士控梗係叫雙色芝士燒牛丼啦，而老公就叫咗泡菜燒牛丼。嘩！嗰層芝士，一望未食就知道有份量，好香濃，最初嗌嘅時候有啲擔心芝士會喧賓奪主，但最後食落就覺得芝士同牛肉係相輔相成！牛肉好有肉汁，好新鮮好香，燒得亦啱啱好，好嫩唔會老或靭。啲飯都好好食，軟硬適中，好有飯香，本身我唔太鍾意食飯，但最後竟然全部食晒，大滿足呀。我老公都食到舔舔脷，啲泡菜好惹味，同埋啲飯一齊食真係一流！下次一定會試吓佢哋嘅牛扒

1）點了五個歺, 但收銀員只比了四個歺既取單單. 回去問她是否少了一個歺, 佢就話「有五個歺,只係冇比單你,有冇都冇所謂啦!」吓...跟号碼取歺喎!你吾比我,我点知咩号碼取歺?!另外又冇比正式收據.又只可收現金!依家好少人帶甘多現金係身喎!2）有3個歺的牛扒点了300g重,全部也340g多,我明白好難切到100% 300g,但三件也是多甘多,會不會有問題啦?!3）冇紙巾提供.冇清水提供.d牛一拎來,會熱到彈汁,比張歺巾好d喎! 4）加$28跟歺,d鑵裝氣水係迷你版,但menu又冇寫明! 有被騙的感覺.5）d牛非常生,約2-3成熟, 如果有5成熟比較好. 因個鐵板好快不熱,根本不能將d牛熱熟.需然可以換板.但我估一個人起碼要換2次.6)地方算大