岩盤牛扒 ミディアムレア ステーキ (新領域廣場)

Open Now

Now Closed

The ramen was not great here but the mount fuji meal I tried at their Tin Shui Wai Branch was not bad. I decided to try their lunch set and chose the one with the most amount of protein. For this price, it is even a better value. The salad and soup is included as well, unlike the Mount Fuji set. The steak and pork were quite tender and the portion is more generous compared to the Mount Fuji set. It wasn't seasoned much which was great for me as I don't want it to be too salty. There are plenty o

睇到個富士山 就俾佢吸引咗 但係可能我真係唔係好鍾意食飯啦 只係食咗幾啖 以為啲藍色係有啲咩特別味道 但係其實都同白飯係一樣味牛柳夠厚 好食 有肉汁 但係始終個鐵板都係唔夠熱鵝肝 等完好耐出嚟 um….點解入邊仲係凍嘅？叫佢再煎過 個吉列豬扒 超級好食，可以試一試港式果個鐵扒 隻扒真係唔好食 薄得黎 但係因為個板唔夠熱 都係熟唔到 下次都係叫牛柳就算

作為一個廚師，我只可以喺三四點出外覓食，今次見ig介紹呢間餐廳做埋港式鐵板一於黎試下啦！每日限量50份嘅牛扒，望相好吸引喎，要去櫃枱落單先嗌到，店員無問幾成熟同乜嘢汁呢樣就做得差咁啲喇…牛扒72蚊加12蚊可以配薯條同嘢飲，唔太餓嘅我，最後我都無加到～等嗌號碼出去攞，一望原來默認係黑椒汁另上，鐵板上有幾粒粟米墊底，塊牛扒好薄…食落去幾乎七成至全熟又薄到好似早餐牛扒咁…呢間舖其他牛扒係賣美國prime同日本和牛，點都估唔到呢個會係巴西牛扒仲要用黑椒腌過，食粉又落得唔夠，根本硬到咬唔到啲筋位完全無修過，真係仲衰過早餐啲牛扒…咁樣樣收72蚊，怪唔知得佢要賣港式情懷…啲毛利高到咁喎，真係當香港人係乜行多五分鐘去前面金鳳大餐廳食冇咁嬲

\\ 午市定食套餐 //🐮 牛丼(M) $45▶️套餐包沙律、和風餐湯🥤不包飲品 需另加+$5 忌廉🫶🏻店鋪內環境乾淨企理，座位幾闊落12點半左右去到，唔需要等太耐就有位👏🏻🥩牛肉都幾嫩滑，份量又唔會太少😚再加埋飯、湯、沙律，大滿足😋🍴餐廳資訊🍴岩盤牛扒 ミディアムレア ステーキ地址 : 荃灣西樓角路1-17號新領域廣場1樓102號舖時間 : 11:30 - 21:30

🥩🥚🥗🍚餐廳名: 岩盤牛扒 ミディアムレア ステーキ地區: 荃灣評語:後腰三角肉 HK$158 - 基本係三成熟鐵板上 擺埋位要盡快拎走擺底既粟米或者洋蔥 肉質好好食 有肉感但唔韌 有肉汁有牛香味 女朋友鐘意可以點蒜蓉豉油食 係另類好食法 食到最後鐵板只剩少少熱力 而且肉超過7成熟 開始冇咩肉汁 所以要盡快食 加$30可以揀三樣小食 我地揀左白飯+沙律+溫泉蛋 白飯同沙律都新鮮正常味道 溫泉蛋今次失敗左 太熟 之前食過兩三次都成功冬甩雪糕 HK$28 - 呢個唔係menu上面既食物 通常係枱上面既牌子或者直接問店員有冇賣 次次雪糕既口味都唔同 食過幾次都幾好食 值得一食結論: 呢間係荃灣既餐廳係少數唔洗等位又靜既餐廳 食過幾次食物質素都好好 肉係逐克計 食邊款幾重就切邊塊肉 店員服務都幾好亦熟識自己餐廳賣既野 所以唔知想食咩都可以問店員推介 餐廳冇咩肉既油煙同埋環境都乾淨 地面冇油油地咁滑環境衛生: 🌕🌕🌕🌕🌗食物味道: 🌕🌕🌕🌕🌗服務態度: 🌕🌕🌕🌕🌗#岩盤牛扒ミディアムレア ステーキ #岩盤牛扒#荃灣美食 #荃灣#後腰三角肉#香港美食 #香港餐廳 #情侶餐廳 #情侶飲食 #幫你食

想食呢間燒牛肉飯好耐, 今日經過見冇乜人, 唔洗等, 就入去試下先😆裡面環境乾淨企理, 好闊落, 見到餐牌有鋸扒, 按重量連錢的, 都心大心細, 不過最後都係揀左溫泉蛋燒牛丼😛牛柳肉質好夠嫩滑有彈性, 肉味濃, 加埋溫泉蛋撈飯好正🤤🤤🤤飯嘅份量岩岩好, 有機會下次會試埋石燒牛扒😬

🚩荃灣新領域🚩位於荃灣一間以自助快餐形式的既据扒餐廳，門口有部自助售賣機，亦可以到收銀處落單先，然後等叫號碼，食完仲要自己清潔枱面。其實成日已經想入去食，成日經過都聞到好香😋😋😋 所以今日慶起入去食😀😀平時以為呢間野一定要食牛肉，原來佢近期新推出左黑豚肉🐷，唔食牛既人，可以一試😀😀😀Step1: 揀選邊款肉類🥩Step2: 選擇扒上要蒜蓉🧄/蔥/洋蔥🧅Step3: 選擇3款配菜🍚（+$30）🐷北海道黑豚肩口（黑豚梅花肉）$114/200g揀左蒜蓉🧄配沙律🥗同麵豉湯，另外加左個木魚魚子溫泉蛋🥚丼+$15以為豬會好硬，點知肉雖然厚實，但食落好嫩口同多汁👍🏻👍🏻👍🏻👍🏻封門柳 $114/200g蒜蓉🧄配溫泉蛋、白飯🍚同麵豉湯鐘意肉質比較嫩口，加上封門柳位置肉味較濃👍🏻👍🏻👍🏻👍🏻店員會話你地用3成熟上超過200度高溫既鐵板🔥🔥🔥每一塊切出黎既牛都要配埋柚子燒汁😋絕配！📍 岩盤牛扒 ミディアムレア ステーキ (新領域廣場) (荃灣)🗺️ 荃灣西樓角路1-17號新領域廣場1樓102號舖

【荃灣區】【岩盤牛扒 ミディアムレア ステーキ】呢間嘢我已經食過，不過係好耐之前喺大埔嘅分店。我都係查返資料先知原來係同一間嚟，因為呢啲石燒牛真係間間都大同小異，都唔知邊間打邊間。之前喺紅磡都想去嘉里酒店食，聽講仲要排隊添，但荃灣呢邊又唔使喎。有時係有啲唔明點解同一間嘢，嘢食一樣但唔同分店會有差別待遇。的確，我喺大埔食嗰陣，佢都係冇乜人嘅。唔理喇，入得去就會一會佢。呢度最大嘅特點係即場切肉，段斤秤咁計錢，夠晒均真，最少要切 200g 都合理嘅。我就叫個牛扒套餐食吓啦，揀咗 $0.73 一克嘅「西冷」，想切 200g 最後切到 204g 嚟講個誤差係比想像中少。任選一款配料我揀咗「蒜蓉」，生蒜同牛肉真係幾夾，打字嘅時候都呑咗吓口水。味道上佢都唔錯，幾香牛肉味。呢隻食法佢會上得比較生，啱晒我，嗱嗱聲快快手咁食晒佢，爽到一個點，做套餐夾埋就 $184。咁個套餐就仲可以揀三樣嘢，我就揀咗「溫泉蛋」、「飲品」同「雪糕」。隻蛋正常，嘢飲我揀 Sangaria 蘋果汁，略嫌有啲細罐。雪糕佢就係用 da dolce 嘅呍呢嗱味，冇得揀，不過食嘢時先畀一張雪糕咭，食完熱食先換雪糕，有用個腦諗過點出餐嘅表

母親大人忽然好鍾意食牛肉，所以今日就帶左佢去荃灣新領域廣場食日式牛扒。舖頭就正位於天橋口，鋪頭嘅裝修同運作同，日本一樣。牛扒分唔同級數，由五六毫子到個幾一克，每克去計錢，最少叫200克。所有嘅肉都係即點即比錢，即磅即切即整，一定新鮮。我地就叫左一個300克加拿大肉眼扒同300克嘅着美國西冷扒肉眼扒。肉眼扒叫左5成熟，食得出肉質好嫩，切嘅時候唔需用大大力，然之後用高達300度嘅鐵板再煎一煎，再加少少海鹽 ，入口充斥住滿滿嘅牛肉味，食肉獸大滿足。美國西冷扒就叫咗三成熟。牛肉同脂肪嘅比例十分平均。三成熟對我黎講就完美，食落仲有好多肉汁。肉質方面就結實啲，相對有咬勁。加多30蚊就可以追加三樣野，可以揀白飯，嘢飲或者沙律等等。一份扒300 克都已經好夠食，所以只追加一份就夠。幾中意佢地每克計，咁樣做有好彈性好多。出門口嘅時候見到有好多午餐套餐都好似幾吸引，希望下次有機會再試。

之前曾經見過有一間..一直好想試吃，終於有時間去試試吃…入去環境..好彩人都不多，是下午4點..我們遲吃飯，估晚上很多人…周圍看看在眼前窗邊內有肉品可選邊肉包括牛柳、牛板鍵、肉眼…等等不同既部位..要揀好肉，職員會人手切幾多比幾多錢同埋磅重就埋單..e.g: 1g=HK:$0.71 要切左幾g..，價錢不同..1. 牛柳 300g $171 (套餐+$30)我點餐…wow..呢個肉真是好厚切，切落肉放在石鐵板上面加落蒜蓉..(有三種配料三選一: 青蔥、生洋蔥、蒜蓉)，滋滋聲…熱下至熟左再加沾醬汁 我試試食落感覺有肉加蒜蓉好吃..有肉汁夠味，另外套餐包括-麵鼓湯+飲品2. 封門柳200g $158 (套餐+30)他點餐..本來他諗住揀櫻花丼，還改揀封門柳，我試試吃這個封門柳..加落沾醬汁咬一淡這個肉真好軟..這個好岩我吃..非常好軟..

仔仔特別鐘情呢到嘅燒牛肉飯，呢到嘅飯可以揀M / L size一大一細可以揀大，一齊分享個設計都適合親子嚟食啲肉好林，小朋友食都無問題啲汁都好入味，每次嚟到都會叫牛肉食，今日食仲有午巿優惠，可以配搭埋飲品同沙律，佢仲好彈性，唔要沙律可以揀兩罐飲品，我哋兩個人，一人一罐唔駛爭，哈哈門口仲可以拎氣球🎈，小朋友食完仲有得拎，好開心😁

今日去了一家荃灣餐廳，點了一份嚴選牛扒 300g二人套餐，價錢是 $198.0。除了牛扒外，這份套餐還包括兩份飯：牛丼(M) 和鰻魚井（M），以及兩份和風湯🤤🤤除了牛扒外，我們還品嚐了牛丼(M) 和鰻魚井（M），它們的味道也非常不錯，非常適合作為主餐的配菜。它們的飯質特別鬆軟，搭配起來鮮味尤其美味。最後，我們還品嚐了和風湯，它的味道非常清新，可以平衡出菜餚的味道，也讓我們在享受美食的同時，還可以保持健康。總而言之，這份嚴選牛扒 300g二人套餐絕對是一份美味的餐點，而且味道和賣相都非常出色，我們非常推薦這份套餐！

小朋友補完習我好肚餓，於是就同佢嚟呢度鋸扒食餐好嘅 。小朋友第一次見到鋸扒唔係喺碟上面而喺舊石頭上面 。 佢覺得好神奇好得意。跟住我就解釋畀佢聽，燒熱舊石然後再煎啲牛扒係一個比較原始風味嘅烹調方法。 咁樣可以鎖住牛扒嘅肉汁我哋兩個人每人都嗌咗一份熱石燒牛扒 ，而家仲有優惠，用最抵嘅價錢食到300 克嘅牛扒 ，小朋友好興奮呀見到咁大嚿石燒咁大嚿牛扒。而且燒完出嚟嘅肉質都好嫩一啲都唔鞋， 而且小朋友仲可以自己煎一煎牛扒過下做廚師嘅癮

推介指數：🍽️🍽️🍽️｜Comment｜肉肉午餐 呢間係連鎖嘅扒房 都有幾間分店不過我第一次食因為可能平日嘅關係所以完全冇人係包場鋸扒咁啱有特價扒 $88 300g所以一於試吓 除咗扒之外其實佢都有飯不過今日唔想食所以淨係嗌咗肉上面仲配有蒜頭 另外可以自己加黑椒同鹽|食咗咩|300g 西冷 - 五成熟📍Location🚇相近地鐵站：荃灣站...#cmhere #hkig #hkfood #hkfoodie #好多位坐 #鋸扒

好早期呢間餐廳開張時食過一次丼飯但覺得佢啲燒牛肉質素一般 見好耐無食，諗住再去試多次睇下有無改善啦~lunch time依家會有部分丼飯有套餐優惠可以配 麵豉湯/沙律/飲品 (3選2)今次試下佢個石鍋牛肉烏冬🍜烏冬既出餐時間比起飯類會耐少少相信係因為要整熱石鍋所以食到最尾都keep到個烏冬熱辣辣👍🏻烏冬無煮過淋，湯底ok唔會過鹹 (起碼食完唔駛係咁飲水)牛肉份量都幾多，正常肥牛質素可能本身對佢無期望，所以食完覺得有驚喜不過價錢黎講算係唔平，大約都70蚊一個餐而且餐廳係自助服務(取餐&食完還TRAY)但間唔中天氣凍時再黎食個熱烏冬都係唔錯既選擇😆