岩盤牛扒 ミディアムレア ステーキ (新領域廣場)

Open Now

Now Closed

 呢間岩盤牛扒係可以自己揀牛既部位，然後按重量計錢既。想食幾多就嗌幾多～上枱既時候係以熱石形式上，好正🤩另外仲有幾款唔同既丼飯可以選擇。  1⃣️西冷（$219/300g）（套餐+$30） 店員會即叫即磅既，磅到幾重就跟翻收費。西冷有啲筋位😔食落口都有啲韌，可能咁啱呢塊部位冇咁好。不過其他位食落都ok既。肉係預設左三成熟上，之後可以自己係塊熱石度再整熟啲佢。有得揀要生洋蔥/蒜蓉/青蔥坐配料，呢款就揀左蒜蓉。蒜蓉份量好多，配肉食好正！另外仲有款柚子醬油，點肉食都唔錯，檯面仲有岩鹽同埋黑胡椒可以落。另外跟餐有得係唔同既選項入面揀三樣，揀左和風湯、沙律同埋溫泉蛋😌專登嗌左溫泉蛋，撈勻蛋汁配肉食又係好食😋  2⃣️牛柳（$171/300g）（套餐+$30） 呢款肉就好好多，肉係正正常常既牛柳肉，好厚切，食落係啖啖肉既感覺～揀左青蔥做配料，感覺蒜蓉都係正啲🫢另外個熱石底本身都仲有啲粟米。呢個一樣加左套餐跟左三款野。個湯係麵豉湯，沙律都係正常，不過都加左幾多沙律醬。  3⃣️牛丼（$45） 中size份量都唔少。牛肉偏瘦同薄，調味唔算好重

This shop may have seen the success of ice-cream ramen of another shop and decided to promote it as well. However, their ramen really didn't work.I chose the spicy ramen.The flavor they chose for the combination was vanilla, which really did not match the ramen at all. The ice cream itself was good though.The soup was also really salty and I am still thirsty now even after an iced coffee at another restaurant and 5 glasses of water at home.There was only a few pieces of beef and it was a bit tou

成間舖頭包裝到令你有一種幻想係日式嘅燒牛肉或者諸如此類，我已經跟佢哋嗰個建議食法叫3成熟，上枱就加鐵板繼續加熱，我只不過手手影張相，再次開牽牛已經熟晒。撇開火候控制，本身呢件牛都非常有問題，老實講等於凍肉舖50至$80 嘅質素冇牛尾冇口感仲有少少雪味。好彩第一次食，叫咗1塊試下先中伏都係一半損傷。講真食鐵板牛扒行多兩步去金鳳好好多！

前幾日休息，唸住同老婆去食餐好嘢，上openrice睇到呢間鋸扒好似唔錯，而且無劣評就唸住去試試。一入餐廳見無咩人，大概3、4檯客，我地揀咗邊位坐低，跟住揀食物，原來佢係揀好肉後再秤嘅，咁我就幫老婆揀咗牛柳300克，自己要咗西冷200克，兩種都係5成熟。等咗一陣就有得食，賣相還好，但食落真心伏！首先牛柳好鞋，其實牛柳咁嫩好難煮得鞋，點知佢真係煮到，服咗佢！跟住件西冷唔洗講，鞋上加鞋，真係鞋過阿嬤🥴。雖然唔係好貴，但係300幾蚊嘅牛扒咁嘅質素😵‍💫我老婆話佢明明可以直接去搶錢，但係都整咗兩塊鞋底俾我地食已經好有“良心”😖真心：大家樂嘅扒好食過佢好多！服務：食完餐具要自己放去餐盤架！

見咁耐冇去旅行喺荃灣打滾咗咁耐，都唔知道新領域廣場有野食，今日朋友帶我過去，好似發現新大陸咁樣😂我去商場裏面第一間見到嘅，就係岩盤牛扒，係一間日式熱石燒牛扒嘅餐廳，冇得去旅行咁耐，我就一直都掛住岩燒牛，二話不說就衝咗入去啦！🥩岩燒西冷扒300g ($174)呢間岩燒肉就好似日本咁樣，首先去凍櫃睇吓想食邊款嘅牛肉，然後再落order，有200,300,400g選擇，正常嘅size就係300g，自問大食嘅我，都覺得好足夠。師傅首先將岩板加熱，然後將牛扒燒到3成熟，再將牛肉放上岩板，上枱嘅時候見到熱辣辣嘅煙霧出嚟，即刻食指大動！厚厚嘅牛扒，切落去有肉汁流出黎，加上岩鹽點綴左味覺嘅刺激。唔知係唔係我顧住影相，搞到塊牛扒有少少over cook，所以個人覺得熟咗少少，如果喜歡食5成熟嘅朋友，我諗可以叫師傅輕輕燒一燒表面就可以上碟啦😂另外+$28就upgrade成套餐，有白飯、麵豉湯、飲品，自製豐富嘅午餐

每次坐車經過見到呢間野個大廣告都話黎..今日的起心肝係屋企街落黎食…叫左一份西冷牛扒（300g）套餐，配洋蔥、白飯、溫泉蛋同飲品，另一份係後腰三角肉（200g）套餐配蒜茸、白飯、沙律同味噌湯。店員話塊扒會3成熟上鐵板，等左陣就黎喇！第一眼望落感觀良好既2個套餐，但無幾耐之後就出事喇…塊西冷偏薄身…好快就被塊鐵板慶到Over Cook…還好就係三角肉厚身就冇事…塊西冷變成Well Done之後…堅柴無比…完全食唔到任何其他口感…三角肉反而有驚喜！肉質軟熟…好香牛味！值得一讚反而係個柚子燒汁，酸酸地幾開胃！

平日都好鍾意食熱石牛或者係其牛扒之類就算係舊式餐廳嘅鐵板牛都唔會放過今次我哋去咗荃灣食呢一間餐廳環境比想像中好好多唔會好似一般餐廳咁好多油煙價錢方面相對比起一般較高少少 不過佢哋嘅午餐或者係丼飯之類就比較平性價比極高分量亦都可以因應自己嘅食量選擇比起一般餐廳透明度亦都較高我哋可以望住員工幫忙切嘅份量同埋量度份量亦都可以喺最raw 嘅時候望到佢哋本身嘅肉質水準- 蒜蓉肉眼 300g + 溫泉蛋 + 伯爵茶牛乳雪糕 +沙律 - 蒜蓉西冷 300g +溫泉蛋+ 伯爵茶牛乳雪糕 + 罐裝可樂兩個套餐食完之後份量啱啱好 值得一讚嘅係佢哋嘅雪糕 有濃郁嘅伯爵茶味道👍好推薦大家如果想食套餐就叫埋雪糕嚟食📍岩盤牛扒 (新領域廣場) Medium Rare Steak (Grand City Plaza)荃灣西樓角路1-17號新領域廣場1樓102號舖

同男朋友經過荃灣想食肉，搵咗間可以斷q計嘅石燒牛，岩哂大食嘅佢同細食嘅我，食多食少可以自己摔制，到時同職員講佢會即場簽俾你我嗌左個肉眼，佢燒好三成俾你，自己可以享受一下燒嘅過程，仲有仲有，佢有提供到一個圍裙，就唔驚食到成身都係。我揀咗飯、溫泉蛋同雪糕個牛同啲燒汁、鹽、胡椒夾埋一齊食，超級野味！四仲要轉兜飯溝左溫泉蛋再配牛食，簡直係世紀級嘅享受個伯爵茶雪糕都幾好食，偏向有奶香味，好少石燒牛有咁好嘅牛再加埋甜品仲要佢嘅味道唔係好大陣，出去行一陣就冇咗陣石燒牛味

岩盤牛扒禁岩同朋友來開荃灣💞見到呢間日式餐廳裝修得唔錯決定試下🤪係自助形式～係到揀好想食咩類型嘅扒，再叫店員即切即整叫左大概300g日式鐵板牛扒餐🐂 簡完扒就可以簡一種配料~有三款選擇青蔥，生洋蔥同埋有我最愛蒜蓉😍😂蒜味好香濃🤣不過食完蒜會口臭😷牛扒底有香甜粟米🌽墊底好正值得一讚 店員好細心因為我叫左西冷比較薄店員建議我簡5成熟所以牛扒上枱時係鐵板到一路食一路煎🤪唔驚韌/鞋口🙌超細心👍🏻另外+$30轉Set簡左白飯，沙律🥗同溫泉蛋❤️沙律好開胃👍🏻溫泉蛋攞來撈飯一流呢間除左有扒食之外都有唔同井食😊下次可以試下先

鐵板牛扒有幾款牛嘅部分揀 我就揀左西冷扒300g 店員會即場拎塊牛出黎磅👍🏻👍🏻店舖仲有個雪櫃放牛 比大家見到牛嘅質素 幾特別牛扒好大塊同厚身，叫左五成熟 真係做到5成熟👍🏻👍🏻肉汁都多，牛口感都淋😍😍個醬汁好好味 溫泉蛋加埋調味都幾正 餐廳好有日本氣氛，同埋有圍裙比客人 著白色衫唔洗驚整污糟🫣 價錢都親民 想食幾多叫幾多 佢係按g數計錢的餐💰HKD$243岩盤牛扒 (新領域廣場) (荃灣)荃灣西樓角路1-17號新領域廣場1樓102號舖

去荃灣食扒！即叫即為你切肉磅重！各樣牛扒部位可供選擇，西冷、牛柳、肉眼⋯⋯實在揀唔到手仲有實物放咗玻璃窗雪櫃睇吓先落單！最後要了300g西冷牛扒，加配30蚊升級套餐，揀咗麵豉湯、沙律及雪糕。因著了淺色衫，店員貼心提醒餐廳有即棄圍裙提供，咁就唔怕整污糟件衫啦！牛扒本身有黑椒粒調味，配料可加生蔥、生洋蔥或蒜蓉。西冷排厚切，咬落有口感！牛扒邊邊部分有少少脂肪，連肉入口超有油香！另外牛扒唔會有根咬唔斷，整塊扒都易咬開！

岩盤牛扒係位於荃灣地鐵站一個較為唔顯眼既一個商場內，雖然商場冇比愉景新城般吸引，但係餐廳既門牌就吸引左我地，門口光猛及淨潔，給人一個好舒服既感覺。入到門口首自係落咗單，揀好要邊一款牛嘅部位同埋gram數，職員會即場切同埋磅，跟住比完錢就可以自己去搵位。亦可以加$28變成套餐，可選三款配料，如：白飯、飲品、甜品、溫泉蛋、麵豉湯、牛肉蘿蔔湯等等。餐廳除左提供牛扒外，仲會售買丼飯同定食給客人多個選擇/今次我地叫左兩個餐1.蒜蓉肉眼 300g + 溫泉蛋 + 伯爵茶牛乳雪糕 +沙律 牛肉味好出而且配左蒜蓉，蒜蓉係非常濃味而且同牛扒係夾到。肉汁豐富仲食唔到雪藏味證明廚師有心去處理塊牛扒。仲有一碟專門點牛扒既柚子燒汁但我地覺得唔使落醬就咁食都好好食2.蒜蓉西冷 300g +溫泉蛋+ 伯爵茶牛乳雪糕 + 罐裝可樂今次牛扒揀左3成熟，因爲有鐵板熱住所以慢慢地牛扒就會變左medium牛扒上檯之後真係好大塊，而因為牛扒無加上醬汁所以係食到牛扒既原汁原味另外值得一提嘅係佢哋嘅雪糕並唔係一般市面有個一類型 而且質地比較棉 唔錯食完係超級飽🤣 如果食量唔太大既你 可能200g就夠了總括而言 整個用餐體驗係唔錯

同朋友出街食飯，最怕就係大胃王同小鳥🐤胃同場出現🤦🏻‍♀️，斷斤秤咁order的話咁可以根據自己需要，叫多定叫少都可以任君選擇！留意返扒餐最少都要叫200 g，如果真係唔太肚餓的話，可以選擇丼飯，價錢更為相宜。🥩美國西冷扒 $0.73/g是日好晏先起身，所以叫咗300 g西冷做個big lunch，決定好牛扒就可以選配料（青蔥/生洋蔥/生蒜）。300g 嘅西冷肉厚無筋，肉味濃郁而且油脂感充足，5️⃣成熟嘅牛扒切開仲識滴汁！不過始終係鐵板上，所以建議食得慢嘅人可以叫三成，前期食嘅時候可以根據自己需要再煎熟啲，後期果部份應該會熟左唔少得黎又唔會太over～配料點左生蒜🧄但味道偏辣同太重，下次會揀洋蔥🧅，一黎就放曬佢落底整熟迫出甜味，應該會同牛扒更合襯🤔。+$3️⃣0️⃣可加配套餐，於以下項目任選三樣：溫泉蛋、白飯🍚、沙律🥗、味噌湯、雪糕🍨、日本汽水、波子汽水（+$10）、生啤🍺（+$20）、紅白酒🍷（+$58）；我揀咗溫泉蛋同白飯，加埋牛扒可以自己整個迷你丼飯出嚟。另外仲揀左雪糕🍨，等食完豐富扒餐後再黎個甜品完美作結，店家貼心地設有雪糕卡，等你可以慢慢食完主菜之後先拎甜品👍🏻。

近期大熱既蒜蓉牛扒追一追熱潮去試一試位於荃灣新領域既岩盤牛扒餐廳採取即磅即切現煎既做法客人點餐先會切牛扒再拎去煎有別於一般既牛扒店成個過程絕對透明 · 真係呃你唔到點左一份牛扒套餐 牛扒可以選配蒜蓉｜生洋蔥｜青蔥另外仲加左$30升級做套餐♡ 肉眼扒300G （$213）套餐選配左麵豉湯｜沙律｜飲品一上枱滋滋滋～～聲☺️超動聽蒜蓉味撲鼻而黎想直接生啪蒜蓉醬😆牛扒係鐵板上 · 由原本3成熟變到7成左右肉質都算軟腍而肉味濃郁另外會配柚子燒汁醬 · 帶點清爽解解膩最正係個蒜蒸醬 · 提鮮提味提到不行真係好鬼正😆好彩係獨食 · 唔係一陣臭親其他人༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：必選蒜蓉醬🫶🏻唔好怕口臭食左先再諗餐飲幾特別 · 除左有日本既果汁汽水仲有梅酒｜啤酒可以加配 · 絕對可以小酌一杯另外最貼心係餐廳會提供即棄圍裙 · 唔怕肉汁或者油彈到上身

這天經過新領域廣場，看到開了幾家新餐廳，決定試吃！這家日式料理餐廳🌐的裝修簡約舒適，走自助形式路線，樓底很高，富有空間感。✨ 舒適的梳化座椅💺🛋️配上明亮充足的光線，再加上節奏輕快的日文歌曲，吃完一頓牛扒餐真的讓人感受到元氣滿滿，能量十足！🔋⚡️☄️💥🔥我們點了兩個岩盤牛扒餐：▫️肉眼 300g🥩▫️西冷 300g🥩-💖西冷 300g （配洋蔥、粟米）西冷🐂脂肪比例均勻，不過沒有想像中的入口即溶，吃起來扎實有嚼勁。🙈🙈🙈 餐廳取名medium rare steak，以medium rare為賣點，所以同樣我們選了3成熟。彈我覺得牛肉處理得比較過熟，入口比較韌。這裡有個小建議喔～💡大家可以考慮叫1成熟，這樣就可以避免烤得過熟，確保medium rare質素！❤️‍🔥💖肉眼 300g （配蒜蓉）肉眼🐂肉質上乘，肉味濃郁，口感柔嫩。🧡 放在岩盤上烤起來肉汁香甜🤤 我們選了3成熟。肉眼用最簡單的蒜蓉去燒炙，濃郁牛香更加突出，油香味濃！可惜餐廳時間方面掌控不算太得宜，我們只能嚐到少許爆發出來的肉汁呢！✨-雖然個人覺得兩塊牛肉煮得比較熟，口感普通，但勝在整個用餐過程的服務質素都💯‼️❤️ 首先店員會耐心地在下單過