Mee...lemongrass (將軍澳中心) (Closed)

再去將軍澳中心食飯食馬來西亞菜, 呢間餐廳係幾個地方都有分店, 係上水食過都ok芭提雅蝦醬炒飯 $78最鐘意食呢個炒飯 我覺得係特色少少 其他炒少好少咁樣炒完個飯 再配肉係上面可以食到炒飯底之外 仲有肉食佢個似肥瘦岩岩好 唔會過肥 食一啖炒飯再整件肉佢仲有蝦醬既味 味道更加豐富馬拉盞炒通菜 $68呢碟就相對普通 唔會難食 但都ok係份量少左dd 如果多幾條菜會再好d 

今日係喺將軍澳收工，諗住近近地食返個晏，於是就黎左 位於將軍澳中心既mee…lemo:Ìgrass ⋯⋯黎到就叫左我自己最鍾意食嘅海南雞飯，專登要雞胸諗住試吓佢水準，點知真係唔掂。😵😵😵

抵食大大件馬來西亞午餐🌿🌿🌿🌿🌿🌿🌿🌿🌿🌿其實小編對檸檬草情有獨鍾🌱，很喜歡它那清新又獨特的味道🌿。所以看見這餐廳的Lemongrass，已對它產生好感😋(都有少少似為食嘅借口😂)就來食過午餐試試先😙。餐廳主要是食馬來西亞食品，店面不算小，坐落也可以，不過店員就較為被動🙂。🏵馬來蜜汁炭燒厚切豬扒配菜飯午餐 HKD$78上枱豬扒🐷超級大件，顏色深啡色🟤令立立非常吸引！蜜汁甜甜地🍯，好惹味！菜飯都OK。🏵無骨海南雞喇沙午餐 HKD$80海南雞🐓份量都不算少😌，不過就相對較嚡🥾，厚切豬扒好好多！喇沙🍜顏色對板，不過就不太夠味🙂及不夠熱🙂，較為可惜！📪：Mee....Lemongrass(將軍澳中心）📜：將軍澳中心L1樓135號舖#SofoodSogood #meelemongrass #馬來西亞 #將軍澳美食 #喇沙 #海南雞 #豬扒 #食野最重要 #香港美食 #享受美食的過程 #食物正能量 #好食 #美食 #美食攝影 #Hongkongfood #hkfoodie #hongkong #foodblogger #hkfoodblogger #hk

Mee…喇沙🍜湯底幾濃郁，好香椰奶味😍材料都幾豐富，有蝦、蜆、魚蛋等🤩但蝦就唔夠新鮮😔蜆肉尚算甜，入面仲有兩種麵，粗麵同米線，但食落麻麻，比較腍冇咩咬口😓軟殼蟹紙米卷🦀十分足料😋有沙律菜，牛油果同芒果夾住酥脆軟殼蟹，感覺好清新🥰🥰軟殼蟹仲要大大件🤤配埋酸酸辣辣既汁簡直一流👍🏻泰．珍珠奶茶🧋同普通珍珠奶茶一樣冇分別😑仲諗住可以飲下泰式奶茶，失望😞珍珠仲要冇咬口，煮得太腍😳西柚芝芝冰茶奶蓋好重芝士味😙😙甜度都啱啱好，係我中意既味道😋飲品需要自行去隔離購買，可堂食或外賣🥡

【 味道偏重的炒金邊粉 】今日去咗將軍澳行街，夜晚join埋朋友一齊食飯，我哋揀左食泰國菜，一行3大3小，餐廳安排左兩張好接近的枱俾我哋坐，方便傾計。餐廳係收銀處放左個禮物箱，可以俾小朋友免費揀一件玩具，好貼心。是日菜式 :馬來蜜汁炭燒厚豬扒配菜飯，炭燒豬扒好香好入味，而且肉質嫩滑。特別喜歡佢個菜飯，好香口。招牌無骨海南雞飯，雞肉厚實，份量都算多，油飯好開胃，評價不錯。炒金邊粉，雖然已經走咗辣粉，但味道都偏重，而且仲有小小微辣，小朋友食唔到。最後當然要叫番個香芒椰汁糯米飯，呢個甜品真係無得頂！勁香椰汁味，糯米飯軟硬適中，芒果香甜多汁，勁好味！

Mee… lemongrass 將軍澳食大塊蜜汁豬扒配喇沙🍽-除咗食海南雞喇沙，都可以試試馬來蜜汁炭燒厚切豬扒喇沙 。豬扒手掌咁大塊，厚3-5cm，原塊切開5件上，進食方便。喇沙大大碗，麵底叫咗米粉溝油麵，口感更多層次～（單叫米粉/油麵都得）-下午茶時段（14:00-17:30）去食就更抵，連凍飲$64/pp｜另收加一-

呢度招牌唔知係咪龍蝦喇沙，但係門口見再大大隻龍蝦，就好想試。▧ 波士頓龍蝦喇沙(原隻)原隻波士頓龍蝦真係幾大，打卡一流。上枱前有輕輕處理過d殼，之後自己落手食都唔算太複雜太難。員工係你叫左龍蝦喇沙之後，會比個鉗你自己剝殼黎食。仲比左張消毒紙巾。咁大隻龍蝦來講呢個價錢算係抵食。▧ 咖央多士多士略嫌唔夠脆，唔係新鮮整起個感覺。▧ 芒果糯米飯糯米飯預先已經分好一舊舊，壽司咁款。不過糯米飯好硬，落去嘅感覺麻麻地。

餐廳好大好多位，環境好靚，提供小朋友餐椅，但沒有小朋友餐具，額外提供嘅碗都不是膠的，餐廳提供小玩具比小朋友，電話用app自己落單，每樣食品都可以有好多微調嘅特別選擇。叫咗馬來蜜汁炭燒厚切豬扒菜飯，豬扒份量適中，一大塊切開大概五、六件，厚度大概有1cm，馬來蜜汁好入味，咬落去唔會乾唔算硬，好Juice好鬆軟，甜甜地小朋友好鍾意食。本身仲配多咗個辣汁，好開胃。菜飯份量好多，但菜嘅比例唔多，飯粒充滿咗菜油味。

今日去左將軍澳中心食飯，好似冇咩特別餐廳選擇，就入左間馬來西亞菜嘅餐廳，之前都係坑口東港城食過嘅，而家係將軍澳中心開左鋪。芭提雅蝦醬炒飯 $78好惹味，而且份量都好多，仲有啲肉配埋，肥膏同肉比例唔錯，配埋炒飯，一啖飯一啖肉，um......每一淡都有蝦醬嘅味，真心唔錯。馬來蜜汁炭燒厚切豬扒配菜飯 $78菜飯好好食，菜同白飯嘅比例都係幾好，而且厚切豬扒真係好出色，之前已經食過一次，點埋個醬汁真係不得了。馬拉盞炒通菜 $68呢道菜基本上係冇得難食，份量都係一般，不過價錢就貴左小小，CP值唔係好高。秘製肉骨茶 $86肉骨茶就唔洗特別多講，好食到爆，不過冇得配飯，需要另外再單點飯，呢個位差咁小小。香脆蝦餅(4件) $72將4件剪開一半，感覺上好多件咁，um...炸蝦餅，冇咩特別。椰汁千層糕 $28椰汁味好重，好有咬口，唔錯。伯爵奶茶西柚芝芝冰野飲個part係需要自己行去另外隔離間鋪到自己買，好唔方便。Overall黎講，係好食嘅，不過店員態度真係差咁小小。特別一提將軍澳中心泊車要行好遠，好唔方便，好唔方便，好唔方便！！！！

係將軍澳中心見到餐廳嘅餐牌上原隻龍蝦喇沙嘅相，就俾佢吸引到入去一試(^o^)/▧ 波士頓龍蝦喇沙(原隻)一上枱都俾佢嚇親，原隻波士頓龍蝦成塊面咁大。龍蝦真係啖啖肉無花無假，仲有好多膏。喇吵湯底味道就尚可，份量頗多，可以兩個人分享再叫小食。▧ 咖央多士多士略嫌唔夠脆，邪惡牛油搭救，咖央醬唔會太甜剛剛好。▧ 芒果糯米飯原本以為佢係最後一個到嘅菜式，點知佢反而係最先到嘅。預先已經分好一舊舊，有點似壽司，方便食客進食。可惜因為要預先整好，上枱時糯米飯已經變硬，感覺不太新鮮。▧ 隔離“里的茶”嘅“芒果芝芝冰沙”同埋“茉莉奶蓋綠茶"感覺無用真芒果果肉，但奶蓋不錯，可以點餐前或點餐後去隔離叫飲品，係餐廳內飲。

員工語氣不禮貌接待入座，剛巧正坐於廚房外側的位置，正正看見員用手拿起我丈夫叫的那碗粉的肉片捽，另一名員工再一同拉扯那塊肉片，又拿起湯匙撩了碗內數下，再把肉片放回湯碗，及後拿來送到給我，原來是我丈夫落單的那碗！我丈夫拒絕接受要求退單，該侍應想強行給我們，我丈夫說出並重覆三次說見到她兩的攪作，所以拒絕接受，該員工才拿去退單，亦沒有一句道歉和解釋！

母親節🌹訓到晏一晏本身諗住系去食鴨子🦆點知要等成60幾張檯😨等得黎都已經晚市咁就睇下周圍有咩食系鴨子附近有間要等2張檯等緊之際去望一望水牌見到曾經系OpenRice睇過食評話唔錯既「Mee...Lemongrass🥢」咁就上左去，要等10張，不過都唔洗好耐都已經系下午茶時段喇☕️MEE...喇沙落左單超快...真系超快就到喇見到啲料都好多,個喇沙湯唔會好稀夠杰身,望落好似好濃但系原來唔夠味,可以濃多啲就喇最可惜成碗野系唔熱咖😞扣左好多分馬來蜜汁炭燒厚切豬扒喇沙麵既份量十足豬扒味道唔錯,份量都唔少唯獨又系個湯唔濃同食物唔熱😩招牌無骨海南雞飯個油飯超大碗,個味都好好呀唔會好咸,又唔會好濕無骨雞啖啖肉超好送飯呀飲品嗌左凍奶茶🥤2杯少甜1杯走甜好飲呀走甜好突出到奶同茶既香手機落單夠方便喇沙麵底可以揀鴦,貼心海南雞都可以揀半髀半胸如果全髀就要加錢整體黎講其實都唔錯又抵食扣分位真系因為野食唔熱系完全唔熱呀,不過撞啱會再去

放假緊係要周圍去搵好嘢食啦 原本係揀一間叫’大X飯‘ , 但呢間員工‘太有禮貌’啦，所以轉軚揀左呢間Mee 馬拉野, 又揀得幾好喔我哋揀左海南雞喇沙面&印尼炒飯，另加兩個小食，呢兩個係我哋望到張menu就想叫既，食過後超正，雞嫩湯濃，正；炒飯鑊氣夠好香，但個失敗點係塊蝦片，吾脆，失望 ；個青木瓜沙律好正宗，好好味😋仲好足料；蝦片都好味，彈單香口。食物份量係好多呢間係自助點餐幾好，吾使麻煩員工點餐，但下午茶餐黎講價錢係偏貴，整體係非常好👍🏻 下次要再幫襯

呢間餐廳經常幫襯，但其實佢係馬拉食物比較多，唔知點解叫泰國餐廳，但普遍嗰啲嘢食都好食😋所以成日會帶媽媽去食。佢嘅午餐都幾抵食，海鮮喇沙麵或者海南雞喇沙麵都係經常叫嘅，因為佢真係三種唔同嘅面好正宗，包括米粉粗麵幼麵，喇沙味好濃另一款肉骨茶，味道偏清淡，唔係好夠味，但都OK，個餐另外可以以優惠價錢點飲品，通常一般會叫佢嘅珍珠奶茶🧋食物加飲品就會大滿足！有一次試過夜晚幫襯，點了軟殼蟹卷，皮太厚，遮蓋了軟殼蟹的味道，另外炒貴叼好正！你媽媽都讚餐廳方便人手都足夠，乾淨企理，位置亦多。而家因為疫情關係，外賣有折扣，可以外賣返屋企食，唔使排隊仲平啲！

-將軍澳啲商場更新左咁多，但到底有咩好食呢？-今次我地黎到將軍澳中心食馬來西亞🇲🇾 Mix 泰國🇹🇭菜既餐廳食飯。-餐廳裝修雅致，富有現代風格，但不失馬來西亞特色同泰國風情。店員都十分友善，如果許可都可以俾你簡位坐，我地臨走想整商場泊車優惠，佢地都樂意協助。-食物方面，我地叫左馬來蜜汁炭燒厚切豬扒配喇沙，而麵底就簡左「滲滲」，即係油麵加米粉。呢款喇沙都尚算香濃，湯底顏色偏黃，帶有一層紅油，但唔算太辣。食得出有椰汁味、咖哩香同炸蒜味🧄，但就少左應有既蝦味，不過不失。-至於檬粉方面，配既主食同樣都係簡左馬來蜜汁炭燒厚切豬扒。檬粉上枱夠哂凍冰冰，夏天食一流！呢款豬扒應該係店內皇牌，見到好多人都有叫。叫得厚切豬扒，佢既厚度尚算合格。味道方面，豬扒香脆得黎有少少炭燒，配上玻璃蜜汁，真係勁吸引，連小朋友都岩食。但美中不足既係，炭燒味真係唔太突出。-P.S 黎到呢間餐廳既小朋友，臨走可以拎一件懷舊玩具返屋企嫁！Free of charge❤️!