Mee...lemongrass (將軍澳中心) (Closed)

夜晚食飯，見到裝修幾精緻,馬來西亞餐廳。小食難食 紙包春卷裏面全部都係生的菜加一舊好細嘅肉，本來應該有牛油果但係得一半有。招牌無骨海南雞飯，未食過咁差嘅雞。牛肉粒鹹到嚇親人。炒飯及甜品尚算可口。入面有個婆婆嘅服務員態度及面口非常非常之差，(未見過)應該咁有經驗嘅服務員，可以咁喵嘴喵舌。 比錢食餐飯仲要受佢氣甘。

T1 喇沙（大蝦、蜆肉、蟹柳、魚蛋、豆卜、雞蛋）$64配凍啡+$2家母話唔好吃，成碗吃完後，兩三嗰鐘都消化唔到，有啲辛苦。我目測材料都幾豐富同齊全，但家母話嗰碗喇沙嘅麵有兩種，一種喺粗麵，一種喺米粉，不過米粉佔少數。T4馬來蜜汁炭燒厚切豬扒撈檬粉$54配凍檸茶$2豬扒幾大塊，但比較「鞋」，有啲失望，嗰汁就喜出望外，甜甜哋，同豬扒幾夾。撈檬粉比較硬，唔知係味未熟晒配料比較少。總體嚟說喺失望，因為家母有喺坑口東港城嗰間吃過兩次都讚，所以將軍澳呢間水準需要再改善下。食物質素底，價格我覺得咁貴唔抵，CP值低！服務唔太好都唔太差。

香港是一個飲食多元化的城市，匯聚世界不同的特色美食，而泰菜是其中一種香港人熱愛的菜色，愛它辣得來又有清新的感覺，確實令人回味無窮。在香港只要想吃泰國菜，首先定會想到九龍城，因為該區是香港泰國僑民和泰式餐廳的集中地。位於將軍澳的泰國餐廳【Mee...lemongrass】，主打是馬來喇沙海南雞飯專門店但入面其他食物都好棒喔。別看這小店相貌平平，實質它來頭不少。餐廳裝修雅致，以泰式時尚設計，地方寬闊，座位之間沒有壓迫感，舒適悠閒，全程唔會催住交枱趕客，可以放心邊食邊傾計。餐牌裡款式選擇多，除了有最新優惠精選外，還有二人套餐、四人套餐及單點的頭盤小食、海鮮、肉類、咖喱、炒粉麵飯、蔬菜、沙律、紙卷、湯品、甜點、特色飲品等，款款吸引，別具特色。👋🏻軟殼蟹米紙卷 6件 $72卷物在美食界佔有重要的一席位，幾乎不同文化都有它們的特色卷物，如日本的紫菜壽司卷、墨西哥的粟米卷等，而越南則有米紙卷作為卷物代表。透光輕薄的米紙包著咸香酥脆的軟殼蟹，配上牛油果，絕對是一個可口又滋味的配搭小食。不用蘸醬汁已超美味，只要加點檸檬汁伴食，清新又醒胃。👋🏻秘製肉骨茶 $86一般的肉骨茶裡面都會加很多的中藥和香料，但是

見有咁多好食評就同屋企人去試下啦，午餐叫咗三樣嘢，一個海南雞喇沙，一個牛肉粒飯同埋一個印尼炒飯。三個人點咗三杯嘢，兩杯咖啡，一個熱檸茶。嘢食方面呢個海南雞喇沙緊緊達到合格，啲雞一啲都唔滑又冇雞味，個喇沙底，就普普通通，合格嘅。 但係個食物托盤 油凜凜，好明顯見到十幾隻手指印。係十幾隻，唔係幾隻，真係好恐怖。牛柳粒飯，啲牛肉ok唔錯嘅，我都畀到七十幾分，但係個飯真係唔得。一咬落去已經食得出係平米黎。大家樂d米都高幾班。等咗廿五分鐘終於出嚟嘅印尼炒飯，竟然係唔熱嘅，真係估佢唔到。至於飲品方面啦咖啡同埋熱檸茶都係差，味道好弱好弱， 都係嗰句大家樂贏曬。到最後最經典嘅嘢場面出現。埋單俾錢三個人二百零蚊正常啦。竟然只收現金， 咁即係泊車單都畀唔到啦，收錢嗰個重水我話嗰張單得， 好彩咁啱前面個大叔，就係拎住張飛去咗給車俾人彈返嚟話唔得佢先硬著頭皮走去隔離餐廳嗰度攞張飛姐。 呢間舖頭話曬都有幾間分店，點會做到啲咁嘅服務出嚟㗎，你吸唔到車都唔緊要呀，你唔好水個客吖嘛！

🇹🇭🇹🇭🇹🇭又來Mee Lemongrass，自從知道將軍澳開了新店之後，週末或者放工之後，都會過來一飽口福，還是那句話，人生每天都像是旅行✈️就算身體去不了，心也已經在路上了。每天不同心情，也會搭配不同食物，變著花樣的讓自己開心🥳.香葉蝦仁🍤米紙卷6件$68每次吃泰菜必點菜色，香糯的米紙裡面抱著蝦仁蔬菜還有蒙粉，不知道為什麼，今次的卷特別大特別豐富，也許是商家的用心經營，可以嚐得出，食材是經過精心挑選的，特別新鮮，味道也是很用心地調製。感謝餐廳🍴用心地做菜，我們也要用心地生活。.香脆鱸魚🐟配青芒果🥭$138新推出的菜式，果斷要嚐嚐鮮！很特別的搭配，青芒果🥭沙律🥗搭配酥炸鱸魚🐟既滿足了我想要吃新鮮水果的需要，又滿足了想吃油炸鱸魚的嘴饞😋。魚肉外皮酥脆，內心肉質鮮美，配上特製的酸辣調味料，口感十分清新。鮮芒果酸酸甜甜，脆脆新鮮，無論是飯前沙律🥗或者飯後水果，都是完美的選擇。.泰式素菜春卷3條$62清炒雜菜$64黑糖鮮草鮮奶$25...Mee...lemongrass (將軍澳)將軍澳唐德街9號將軍澳中心L1樓135號舖

好耐冇去過九龍城，食我最鍾意嘅泰國菜同馬拉菜， 不過將軍澳都有得食亞洲菜， 朋友同我就選擇咗呢間。我哋叫左炭燒蜜汁豬扒，見到唔少人都有嗌，一上枱就聞到非常香嘅炭燒味，配埋醬汁，豬扒肉質鬆軟多汁。主食就嗌左馬來炒貴刁，滿滿都係海鮮，有我最鍾意食嘅青口同魷魚大蝦，加埋醬油炒嘅貴刁，好有鑊氣。另外有個米紙卷，好清新好refreshing，加埋沙律菜，好啱我胃口。香芒椰汁糯米飯整到好似壽司咁，非常可愛，加埋椰汁好香甜， 芒果係新鮮嘅，食得好飽好滿足。

疫症期間，各大餐廳嘅衛生意識都做得非常之好，食客進入嘅時候都需要量體溫、用酒精搓手液消毒雙手。位於將軍澳中心既mee....lemongrass都唔例外，而且餐廳內枱與枱之間都有一定嘅相隔距離，大家食得更安心。無骨鳳爪沙律$76港式既泰國沙律，鳳爪好多隻，入口啖啖肉！配芹菜絲，蘿蔔絲同泰式酸味，非常開胃！雞/牛串燒$68串燒一共四串，可揀雞或牛，我要左每樣一半。肉燒得岩岩好，夠哂juicy，最鍾意係佢配既醬汁，花生味超重，食落更香口。香葉辣椒豬肉碎配白飯$66肉碎炒得夠香，仲加左d細細粒既豆角去炒，食落更有口感！最加分係佢隻蛋！一吉開蛋汁流哂出黎，加埋肉碎撈飯非常開胃👍🏻檳城炒貴叼$64炒河份量非常多，如果鑊氣再勁d就好！材料都係海鮮野，有蝦，有魷魚，有蠔仔，超豐富。不過我就覺得要再加辣醬食，會更惹味😋香葉蝦仁米紙卷$68木紙卷既煙韌口感我最鍾意，包住滿滿既檬粉，再加上酸汁，超正！值得一提！外賣自取仲有免加一再八折👍🏻

今日陪朋友去pop corn買野，之後諗住搵下野食，見到呢間泰菜都幾多人食，打開餐牌見到啲小食都好吸引，但眼闊肚窄又驚食唔晒😂好彩佢有個小食拼盤呢個選擇，滿足晒我地嘅要求🤤蝦餅同串燒都好好味，雞翼都入味大蝦炒金邊粉，份量幾足，炒得好香，同埋唔會好油膩👍🏻芒果糯米飯，本身個人都好中意食芒果，上碟嘅時候好有驚喜haha，咁隻碟係拖鞋嘅形狀好可愛同埋好似壽司咁😍芒果都幾甜～仲有椰汁西米糕做飯後甜品，味道清新呢度啲飲品選擇都好多，我今次就叫左杯黑糖鮮奶🤤珍珠好有咬口，甜度都適中

約左朋友去將軍澳中心行街shopping,行到攰又咁啱下午茶時間到,見到間泰越餐廳mee...lemongrass, 環境闊落,menu款式種類多,加上下午茶時間唔洗點排隊,諗都唔洗諗就入去試下! 招牌無骨海南雞飯' 😍份量十足, 海南雞完全去骨,👍👍肉質嫩滑,雞皮爽脆,😋一酸一甜既醬汁,再配合埋油飯,鮮味清甜雞湯,爽口菜心,份量十足,啱哂大食既我! 🤣🤣 馬來蜜汁炭燒厚切豬扒配喇沙' 喇沙湯底味道濃厚有淡淡既椰香,加上油麵同米粉既2款配搭,口感非常夾, 令外蜜汁炭燒厚切豬扒, 豬扒好大塊之餘肉質鬆軟,外皮帶有少少甜既蜜汁既焦香,非常有水準! 👍👍👍香葉蝦仁米紙卷' 米紙晶瑩帶點煙韌口感,包住爽口蝦仁,芋絲,少少紅蘿蔔同生菜, 開胃酸辣汁一齊食, 口感豐富! 雞&牛串燒' 焦香味十足, 口感juicy, 加埋自家制既沙爹醬,非常滿足😋😋 馬拉盞炒通菜' 通菜口感爽脆, 加上味道惹味既馬拉盞去炒, 時間炒得啱啱好,味道又唔會太鹹, 台式飲品 ‘草莓芝芝冰茶' '茉莉綠茶' 茶味清香又唔太甜

今日叫外賣， 叫咗三樣主食（海南雞飯，炭燒豬扒菜飯和金邊粉）加一個蝦仁米紙卷。海南雞飯和炭燒豬扒菜飯- 呢兩樣我無食，不加評語（目測正常）金邊粉和米紙卷- 首先金邊粉有咩材料，未去殼嘅蝦兩隻+一片類似豆腐乾的物体，其他材料見唔到！但最離奇係啲粉係完全唔熟！咁都可以比客人食？有冇攪錯呀？米紙卷入面啲米粉就唔夠淋，但已經好過金邊粉好多！做飲食，最底要求啲嘢整出嚟係啲嘢食得人，原本盒金邊粉係比小朋友食，好在事前發現！如果唔係就食壞人！各位小心！我估計今次好可能係個別事件，但呢個廚師的出品咁求奇，大家幫襯要留意吓！

最近搬左屋，搬咗落嚟將軍澳住，上網搵泰國嘢食，就搵咗呢間！我老公鍾意食肉骨茶，話呢間既肉骨茶藥材味唔會超級重啱啱好，我就叫左個海南雞嘅喇沙，味道好濃郁，好大碗，食到好飽！而海南雞係勁滑，好抵食！之後，我哋仲叫咗個小食拼盤，每樣嘢食都唔錯，炸物都好香口，蝦餅係我最愛，唔會太粉，又夠大塊！飲品我哋叫咗兩杯特飲，套餐加錢，唔會太水同加太多冰，味道都唔錯！呢間餐廳仲坐得好舒服，一入去前又會檢查食客有無戴手帶，又探熱，我地都食得好放心，地方又方便，價錢又抵，真係唔錯既選擇呀！

約朋友到將軍澳「Mee...lemongrass」敍舊時，先要搞楚地址，究竟是將軍澳中心分店？抑或是東港城分店？今晚，我們差點一東一西約錯地方了！「Mee...lemongrass」主打新派泰菜，除了必吃的喇沙和撈檬外，遇有泰滋味的特色小食！蔗蝦撈檬粉（$72）天時暑熱，不想吃熱食的話可以揀涼浸浸的撈檬！淋上半碗有多的碌冧後，酸酸甜甜，更易入口！馬來蜜汁炭燒厚切豬扒撈檬（$72）豬扒成寸厚，以為會很難咬，點知口感卻像豬梅肉一樣的稔，無骨啖啖肉！蜜汁的甜配炭燒的苦，加上碌冧的酸，一碗撈檬三種味道，yummy！香脆蝦餅（$72）一碟四件，炸得金黃，很香的鮮蝦味！廚師亦很有心，每件分半，方便點汁來吃！泰式蠔仔蛋（$92）一上枱，已見肥美的蠔仔在蛋邊走出來！蛋和蠔比例差不多，絕對是抵食之選！飲品方面，買一送一非常抵！朋友點了蘋果芝芝冰茶（$35），我則揀芒果芝芝冰茶（$33）！看著店員將厚厚的芝士倒在茶面，喝時真的很有罪惡感！最後埋單，每人$186.9，性價比極高！

呢排少咗出街食飯，有時食飯都會選擇一啲近啲嘅餐廳，方便食完就返屋企。去到將軍澳中心，見到依間食東南亞菜嘅餐廳，都幾吸引。嗌咗個小食拼盤，入面有雞翼、串燒、酸辣無骨鳳爪、蝦餅、春捲等，好豐富。蝦餅非常脆，蝦肉彈牙爽口，一定要試。串燒味道唔錯，附上嘅沙嗲醬好惹味。鐵板牛柳粒嘅黑椒味好香，鐵板上枱夠熱辣辣，味道濃郁，可以拎嚟撈飯。鐵板蠔仔炒蛋嘅蠔肉大大粒，食起嚟好鮮甜，而且夠有鑊氣，雞蛋好香。底下雖然少少油，但好味就冇計啦。軟殼蟹米紙卷好清新，好多蔬菜，加上蟹肉脆卜卜，好好食。價錢唔算貴，人均都係百零二百蚊，將軍澳嚟講都可以， 質素都唔錯 ，可以列為平日食飯之選。

朋友住將軍澳，好耐冇見，特登搵去食晚餐，佢介紹食呢一間東南亞菜。一直都對開泰國菜冇乜抵抗力既我都好想試吓.呢一間Mee...lemonglass Menu 有好多款式，仲有特飲，好似奶蓋綠茶、芝士芒芒、水果茶等等，我同朋友都叫咗各一杯。👾茉莉奶蓋綠茶奶蓋嘅芝士比較淡，配上綠茶都係比較淡，甜度唔高，屬解渴之選，唔太鍾意甜嘅人可以點呢一杯飲。👾雞絲喇沙成日都覺得喇沙係泰國菜入邊既唔辣，又唔酸菜色，接受程度比較高，呢一碗喇沙滿滿一碗，入邊有蝦、豆卜、雞肉、蛋，份量十足。👾小食拼盤成日食泰國菜必選嘅小食拼盤，都係經常會出現嘅泰式小食，五款食物都唔錯，尤其是雞翼得好入味，泰式鳳爪嘅話，因為朋友唔鍾意食，我就食晒全部，超級爽👾馬拉盞炒通菜味道非常夠味，獲氣好到家，好香油獲香氣，辣味加馬拉盞果種鹹鹹香香，正.👾芒果糯米飯好吃到一下就下肚，拍照完全省略了。芒果搭配拌了香葉的糯米真的是迸出好滋味，想像不到的美味，先是糯米飯一股淡淡香味撲鼻而來，再搭上甜到不行的芒果。

而家咁嘅形勢梗係要小啲出街食飯啦，所以今日就來到將軍澳中心的Mee...lemongrass叫左外賣自取。之前來通常都係堂食多，但而家外賣自取免加一還再有八折優惠✌️✨非常抵食。馬來蜜汁炭燒厚切豬扒配特色菜飯套餐$76⭐️豬扒好厚好juice冇揸，又大嚿喎😋😋牛柳粒飯套餐$84⭐️份數都好足，牛柳都好有牛味同唔癡牙，有小小辣，好開胃好味👍。但係個餐湯就冇味，好似鹽加水咁😂，跟餐的熱咖啡都幾滑和香。