粥粉麵飯 (Closed)

同屋企人喺附近飲完下午茶喺沙灘做行咗一陣就諗住順便食埋夜晚先返屋企。因為屋企人唔鍾意食西餐就揀咗呢間中菜館。淺水灣好少中餐廳，所以本身對呢間餐廳唔係太大期望但竟然好有驚喜！最有驚喜係呢個砂煲龍躉！！！你睇得出佢嘅龍躉係真係靚野，而且佢收費唔貴$300樓下一大煲！裏面有好多塊魚而且係靚魚好抵食而且好好食！！！！本身係最有期望嘅係呢個砂煲雲吞雞，點知唔係太特別，雲吞幾好食雞都滑嘅中規中矩。黑毛豬叉燒超出我想像！睇落去好似諧霎霎點知食落超級Juicy!!!!! 超級厚身 肥瘦適中乾燒伊麵正正常常都OK四個人食買單$1000左右，都幾抵食。